Morgunblaðið - 25.04.2002, Blaðsíða 66

FRÉTTIR
66 FIMMTUDAGUR 25. APRÍL 2002 MORGUNBLAÐIÐ
MORGUNBLAÐINU hefur borist
eftirfarandi yfirlýsing frá Ástu
Kristjánsdóttur, framkvæmda-
stjóra Ungfrú Ísland.is, fyrir hönd
aðstandenda keppninnar og 14
keppenda sem tóku þátt í Ungfrú
Ísland.is árið 2000.
„Síðastliðinn mánudag var tekin
fyrir í Héraðsdómi Reykjavíkur
lögbannskrafa aðstandenda
Ungfrú Ísland.is og keppenda
Ungfrú Ísland.is árið 2000 á kvik-
myndina „Í skóm drekans“. Sama
dag barst sóknaraðilum málsins
símskeyti þar sem þeim var boðið
að vera viðstaddir sérstaka sýn-
ingu á myndinni. Var þeim tjáð að
þeir gætu mætt einir síns liðs og
var lögmanni í fyrstu neitað um að
fá að vera viðstaddur en eftir að
hann krafðist skriflegrar höfnunar
létu aðstandendur myndarinnar til
leiðast og veittu honum heimild til
þess að sjá myndina ásamt um-
bjóðendum sínum.
Eftir nokkra ringulreið, þar sem
skipt var um sýningarstað á síð-
ustu stundu, mættu sóknaraðilar í
Bíóborgina. Þegar þangað var
komið var þeim tjáð að til þess að
fá aðgang að sýningunni þyrftu
þeir að undirrita trúnaðaryfirlýs-
ingu sem m.a. fól í sér að ekki
mætti greina frá hvað væri í mynd-
inni við fjölmiðla, dómstóla og
stjórnvöld.
Þau sem tala hæst um tjáning-
arfrelsi unna ekki öðrum tjáning-
arfrelsis! Við slíkum afarkostum
var ekki hægt að verða. Loforð að-
standenda kvikmyndarinnar um að
sóknaraðilar fengju að sjá myndina
var því svikið.
Tekið skal fram að sóknaraðilar
hafa aldrei haft í hyggju að hverfa
frá lögbannsbeiðni sinni þótt þeir
hafi litið á viðleitni aðstandenda
myndarinnar sem jákvætt merki
um að hugsanlega væri hægt að
leysa friðsamlega úr málum. Slíku
verður augljóslega ekki við komið,
enda hefur berlega komið í ljós að
orð Hrannar Sveinsdóttur kvik-
myndagerðarkonu eru einskis
verð. Það hefur ítrekað komið fram
að gerð myndarinnar var byggð á
blekkingum og svikum og sömu
brögðum er enn beitt af hennar
hálfu.
Slík orð eru þung en engin önnur
eiga við í lýsingu á aðferðum
Hrannar Sveinsdóttur og aðstand-
enda myndarinnar.
Í málflutningi Hrannar í fjöl-
miðlum hefur ítrekað komið fram
að hún telji að þar sem hún væri
kvikmyndagerðarkona hefðu kepp-
endur og aðstandendur myndar-
innar mátt vita að tilgangur
myndatöku hennar væri sá að gera
kvikmynd. Með þessum orðum lýs-
ir Hrönn því ágætlega hvaða mark
beri að taka á orðum hennar.
Hennar yfirlýsingar fela það í raun
í sér að allir hefðu „mátt vita“ að
hún væri að segja ósatt þegar hún
lýsti því ítrekað yfir að myndatök-
ur hennar væru ætlaðar til einka-
nota, að hún væri að gera vídeó-
dagbók sem ætluð væri fyrir hana
sjálfa og hina þátttakendurna til
minningar um keppnina og aðdrag-
anda hennar.
Sóknaraðilar skora á fjölmiðla að
skoða málsatvik í grunninn því með
hlutlægri skoðun munu þeir kom-
ast að því að í lögbannskröfunni
felst enginn ósk um skerðingu
tjáningarfrelsis heldur eingöngu
réttmæt krafa um að ekki sé ráðist
inn í friðhelgi einkalífs fólks með
lygum og blekkingum.“
Yfirlýsing vegna mynd-
arinnar Í skóm drekans
SUMARIÐ 2000 komu 147 þúsund
gestir í Skaftafell og 80% gestanna
voru ánægðir með dvölina og sögðu
náttúrlegt umhverfi Skaftfells hafa
staðist væntingar þeirra. Fjórðungi
ferðamanna fannst þó helst til
margt um ferðamenn í Skaftafelli.
Þetta kemur fram í nýrri rann-
sókn sem Ferðamálaráð Íslands
hefur látið gera á svokölluðum þol-
mörkum í ferðamennsku, en rann-
saka á þau á fimm vinsælustu ferða-
mannastöðum landsins, þ.e. í
Skaftafelli, Lónsöræfum, Land-
mannalaugum, Mývatnssveit og
Jökulsárgljúfrum.
Þolmörk ferðamennsku eru skil-
greind sem sá hámarksfjöldi ferða-
manna sem getur ferðast um til-
tekið svæði án þess að það leiði af
sér óviðunandi hnignun á umhverf-
inu, upplifun ferðamanna og íbúa
svæðisins.
Viðhorf heimamanna í og við
Skaftafell til ferðamennskunnar
reyndist vera jákvætt, ekki síst með
tilliti til efnahagslegra áhrifa.
Rannsóknin leiddi og í ljós að hluti
stígakerfisins í þjóðgarðinum er í
afturför og þarf því meira viðhald
en verið hefur. Þá þoli gróð-
urlendur umferð misjafnlega vel og
verði að taka tillit til þess við gerð
stíga í framtíðinni. Einar Kr. Guð-
finnsson, formaður Ferðamálaráðs-
ins, segir að fyrir um þremur árum
hafi Alþingi ákveðið að veita fjár-
magni í það að hefja rannsóknir á
sviði ferðamálanna í landinu og það
hafi verið niðurstaða þeirra sem
fjölluðu um málið að rannsókn sem
þessa þyrfti að gera. Einar segir
nauðsynlegt að horfa til þolmarka
og sú skýrsla sem nú hafi verið lögð
fram sé mikilvægur liður í því, enda
fyrsta skýrsla af þessu tagi sem
gerð hefur verið en hún var unnin í
nánum tengslum við háskólasamfé-
lagið. „Við leggjum mikla áherslu á
að ganga vel um náttúruna og
vinna með sjálfbærum hætti í þess-
ari mikilvægu atvinnugrein.“
Magnús Oddsson, ferða-
málastjóri, segir að hér sé um al-
gera grunnrannsókn að ræða og
ein forsendan hafi verið að á und-
anförnum árum hafi fólk verið að
mennta sig sérstaklega í þessum
fræðum. Magnús segir þolmörk alls
ekki snúast eingöngu um það að
ákvarða tiltekinn hámarksfjölda
sem svæði þoli. Þau nýtist ekki síð-
ur við að koma auga á hvar skórinn
kreppir svo hægt sé að grípa til við-
eigandi ráðstafana og auka þol-
mörkin.
Langflestir ferðamenn eru ánægðir með dvölina í Skaftafelli.
Átta af hverjum tíu eru
ánægðir í Skaftafelli
BISKUPINN Íslands, Karl Sig-
urbjörnsson, vísiterar þessa dag-
ana Borgarfjarðarhérað og var á
Akranesi á miðvikudag og verður
þar einnig í dag, sumardaginn
fyrsta.
Á Akranesi hefur hann auk
hefðbundinna embættisstarfa
heimsótt fyrirtæki og stofnanir. Á
ferð með honum eru eiginkona
hans, frú Kristín Guðjónsdóttir, og
sr. Eðvarð Ingólfsson, sóknar-
prestur á Akranesi. Meðal þess
sem biskup hefur heimsótt eru
skólar í bænum, Sjúkrahús Akra-
ness og heilsugæslustöð, en þar
hélt hann stutta helgistund í kap-
ellu sjúkrahússins og ræddi við
starfsfólk og sjúklinga. Þá heim-
sótti hann dvalarheimilið Höfða og
nokkur fyrirtæki svo nokkuð sé
nefnt.
Í hádeginu í gær var hann á
bæjarskrifstofunum og kynnti sér
starfsemi þar, auk þess sem hann
þáði hádegisverð ásamt starfsfólki
og bæjarfulltrúum. Við það tæki-
færi var honum færð að gjöf eftir-
mynd styttunnar af sjómanninum
sem er á Akratorgi og afhenti
Sveinn Kristinsson, forseti bæjar-
stjórnar, gjöfina með góðum ósk-
um og þakklæti fyrir komuna til
Akraness. Biskup mun enda ferð
sína með skátaguðþjónustu í Akra-
neskirkju í dag, sumardaginn
fyrsta, og taka þátt í skrúðgöngu
skáta áður en messa hefst.
Morgunblaðið/Jón Gunnlaugsson
Sveinn Kristinsson, forseti bæjarstjórnar á Akranesi, afhendir bisk-
upnum, Karli Sigurbjörnssyni, gjöf frá Akranesbæ.
Biskupinn á Akranesi
Akranesi. Morgunblaðið.
SJÁLFSTÆÐISMENN í Garðabæ
opna kosningamiðstöð á Garðatorgi
7 í dag, sumardaginn fyrsta, kl. 16.
Bjarni Baldvinsson sýnir töfra-
brögð, Alma Guðmundsdóttir syng-
ur og Sighvatur Sveinsson spilar á
skemmtarann og trúðar verða á
staðnum. Boðið verður upp á ís og
blöðrur og aðrar veitingar.
Auk þess dreifa frambjóðendur
kosningastefnunni, segir í fréttatil-
kynningu.
Opna kosninga-
miðstöð í Garðabæ
SJÁLFSTÆÐISMENN í Reykja-
vík fagna sumri fyrir utan Astró í
Austurstræti kl. 14–16, í dag, sum-
ardaginn fyrsta.
Frambjóðendur Sjálfstæðis-
flokksins munu grilla pylsur fyrir
borgarbúa. Solla stirða úr Latabæ
skemmtir börnunum og gefur þeim
blöðrur. Nemendur úr Listaháskóla
Íslands aðstoða börnin við að búa til
flugdreka. Allir velkomnir, segir í
fréttatilkynningu.
Sjálfstæðismenn
í Reykjavík
fagna sumri
SJÁLFSTÆÐISFÉLAG Seltirn-
inga opnar formlega kosningaskrif-
stofu í dag, föstudaginn 26. apríl kl.
17, á Eiðistorgi 2. hæð (fyrir ofan
Hagkaup).
Frambjóðendur munu taka á móti
gestum. Við opnunina flytur Jón-
mundur Guðmarsson ávarp. Lúðra-
sveit barna í tónlistarskóla Seltjarn-
arness spilar. Boðið verður upp á
veitingar, segir í fréttatilkynningu.
Sjálfstæðisfélag
Seltirninga
Opna kosninga-
skrifstofu
KOSNINGASKRIFSTOFA Álfta-
neshreyfingarinnar – mannlíf og um-
hverfi verður opnuð í dag, sumar-
daginn fyrsta kl. 14.
Frambjóðendur listans verða í
Eyvindarholti og ræða kosningamál-
in við gesti og gangandi. Allir eru
velkomnir. Kaffi á könnunni. Kosn-
ingaskrifstofan verður opin frá 17
alla daga fram að kosningum, segir í
fréttatilkynningu.
Álftaneshreyf-
ingin opnar kosn-
ingaskrifstofu
PÁLL Pétursson, félgasmálaráð-
herra og Albert Eymundsson,
bæjarstjóri Sveitarfélagsins
Hornafjarðar, hafa undirritað
samning um framhald á þjónustu
sveitarfélagsins við fatlaða.
Í frétt frá félagsmálaráðu-
neytinu kemur fram að frá árinu
1997 hafi verið í gildi samningur
milli ráðuneytisins og Sveitarfé-
lagsins Hornafjarðar um fram-
kvæmd á þjónustu við fatlaða sem
er á vegum ríkisins samkvæmt
lögum um málefni fatlaðra. Með
samningnum tekur sveitarfélagið
að sér verkefni Svæðisskrifstofu
málefna fatlaðra á Austurlandi
gagnvart íbúum sveitarfélagsins.
Árlegar greiðslur félagsmála-
ráðuneytisins til Sveitarfélagsins
Hornafjarðar vegna samningsins
er um 16 milljónir króna.
Samningur um
þjónustu við aldraða
FRAMBOÐSLISTI vinstrigrænna
til bæjarstjórnarkosninga í Ísafjarð-
arbæ í vor hefur verið kynntur.
Listann skipa: Lilja Rafney Magn-
úsdóttir, varaforseti Alþýðusam-
bands Vestfjarða, Suðureyri, 2. Elf-
ar Logi Hannesson leikstjóri,
Ísafirði, 3. Dorothee Katrin Lubecki
ferðamálafulltrúi, Ísafirði, 4. Anton
Torfi Bergsson bóndi, Felli, Dýra-
firði, 5. Ágústa Guðmundsdóttir
verkamaður, Flateyri, 6. Kjartan
Halldór Ágústsson kennari, Ísafirði,
7. Herdís Magnea Huebner kennari,
Ísafirði, 8. Björn Birkisson bóndi,
Botni, Súgandafirði, 9. Guðrún Snæ-
björg Sigþórsdóttir húsmóðir, Þing-
eyri, 10. Björn Björnsson bóndi,
Þórustöðum, Önundarfirði, 11.
Ragnheiður Baldursdóttir stöðvar-
stjóri, Ísafirði, 12. Kristinn Orri
Hjaltason nemi, Ísafirði, 13. Gígja
Sigríður Tómasdóttir verkakona,
Ísafirði, 14. Indriði Sveinn Ingjalds-
son markaðsfræðingur, Ísafirði, 15.
Pálína Kristín Garðarsdóttir gjald-
keri, Suðureyri, 16. Gísli Steinar
Skarphéðinsson skipstjóri, Ísafirði,
17. Jón Fanndal Þórðarson garð-
yrkjufræðingur, Hnífsdal, 18. Hjör-
dís Hjörleifsdóttir fv. skólastjóri,
Mosvöllum, Önundarfirði.
Listi VG í
Ísafjarðarbæ
kynntur