Morgunblaðið - 25.04.2002, Blaðsíða 35

LISTIR
MORGUNBLAÐIÐ FIMMTUDAGUR 25. APRÍL 2002 35
TÍU ástríðuþrungnir óperudropar
er heiti sýningar Nemendaóperu
Söngskólans í Reykjavík. Frumsýn-
ing verður í dag í sal skólans, Smár-
anum. Þetta er 16. verkefni Nem-
endaóperunnar, en hún hefur
starfað á vegum Söngskólans frá
árinu 1982.
Sýningin er gamansöm og fjöl-
breytt, og droparnir tíu koma víða
að. Sopinn hefst á ljúfum tónum
Töfraflautunnar og sögunni um
Brúðkaup Fígarós eftir Mozart, en
þaðan er haldið í annað brúðkaup,
Leynibrúðkaupið eftir Cimarosa. Á
eftir koma Falstaff eftir Verdi, sem
að eigin áliti er kvennagull í meira
lagi, og Leonora eftir Beethoven,
sem leynist í karlmannsgervi undir
nafninu Fídelíó, og síðast en ekki
síst, blandast sígaunastúlkan fagra
Carmen, og vinir hennar í smygl-
aragenginu inn í söguþráðinn.
Atriðin eru bæði leikin, með ís-
lenskum texta og sungin í sinni
upprunalegu mynd á upprunalegu
tungumáli. Þetta gerir sýninguna
aðgengilega fyrir þá sem ekki
skilja óperutextana. Tónlistarund-
irbúning annast þeir Garðar Cortes
og Richard Simm, sem einnig leikur
með á píanó. Leikgerð og leikstjórn
er í höndum Ólafs Guðmundssonar.
Nemendur óperudeildar hafa allan
veg og vanda af sýningunni, sjá um
leikmuni og búninga og syngja öll
einsöngshlutverk.
Veturinn gjöfull á karlmenn
Ólafur Guðmundsson segir að
söngatriðin hafi verið æfð hvert í
sínu lagi, en á sýningunni séu þau
tengd með leiknum atriðum.
„Krakkarnir þýddu sjálfir óp-
erutextana, og þeir eru leiknir á ís-
lensku milli söngatriðanna. Þetta
hefur verið mjög skemmtileg vinna,
og góð þjálfun fyrir krakkana í
leik. Þau nálgast þannig atriðin út
frá atburðum og aðstæðum í óp-
erunni eins og leikarar gera. Mér
finnst alveg frábært að hafa söng-
inn inn í þessu, og mjög gefandi að
vinna með þessum krökkum. Eins
og við setjum þetta upp, þá held ég
að fólk fái líka meira út úr sungnu
atriðunum. Ég setti upp sýningu
Nemendaóperunnar í fyrra líka og
sjálfur er ég að ná betra sambandi
við óperuformið og það er mjög
gefandi að upplifa það. Ég hlustaði
ekki mikið á óperu áður, en hugur
minn hefur opnast fyrir því.“ Sig-
urlaug Jóna Hannesdóttir og Haf-
steinn Þórólfsson eru meðal söngv-
aranna sem þaka þátt í
uppfærslunni. Hafsteinn syngur í
atriðum úr Carmen og Brúðkaupi
Fígarós, en Sigurlaug syngur í at-
riðum úr Töfraflautunni, Fídelíó og
Brúðkaupi Fígarós. Þau segja upp-
færslurnar ár hvert svolítið mið-
aðar við það hve margir karlmenn
eru til taks, en þessi vetur hefur
verið óvenju gjöfull á karlsöngvara
segja þau. „Það eru margir góðir
strákar núna að koma af miðstigum
og upp, þannig að þetta lofar allt
góðu. Þeir voru of fáir í fyrra.“ Þau
eru bjartsýn á framtíðina; bæði
stefna á framhaldsnám í útlöndum
og finnst framtíðarhorfur söngvara
hafa batnað með loforði um Tónlist-
arhús og því að Íslenska óperan
skuli vera farin að fastráða söngv-
ara. „Það er alveg nógu mikið að
gera fyrir söngvara og er alltaf að
aukast, eins og þessir litlu hópar
sem eru að setja upp alls konar
verk. Við látum bara reyna á hvað
gerist.“
Þau sem syngja eru: Aðalsteinn
Bergdal, Dóra Steinunn Ármanns-
dóttir, Erna Hlín Guðjónsdóttir, El-
ísabet Ólafsdóttir, Gunnhildur Júl-
íusdóttir, Hafsteinn Þórólfsson,
Helga Magnúsdóttir, Hugi Jónsson,
Hulda B. Víðisdóttir, Sibylle Köll,
Sigurlaug Jóna Hannesdóttir, Sól-
veig Unnur Ragnarsdóttir, Svan-
laug Árnadóttir, Þorvaldur Þor-
valdsson og Þórunn Marinósdóttir.
Tvö brúðkaup
og fangelsi
Morgunblaðið/Sverrir
Söngvarar og aðstandendur sýningar Nemendaóperunnar á Tíu
ástríðuþrungnum óperudropum. Sýnt verður í sal skólans.
ÍSLENSKT söngvasafn, „Fjár-
lögin“, var gefið út 1915 en fyrr, eða
1911, hafði „Íslensk söngbók“, þ.e.
textabók, verið gefin út, svo að und-
irbúningur þessa verks hefur að öll-
um líkindum náð nokkuð nær alda-
mótunum, eða hafist vel fyrir 1910.
Því er þetta rifjað upp, að fyrsta við-
fangsefnið á vorsöngvagleði kórs
Menntaskólans við Hamrahlíð sl.
sunnudag var lag Inga T. Lárusson-
ar við kvæði Páls Ólafssonar, Ó,
blessuð vertu sumarsól. Sé gert ráð
fyrir því, að upphaf þess verks að
safna saman sönglögum í Íslenskt
söngvasafn megi miða
við árið 1910, er ljóst,
að Ingi T. Lárusson
(1892–1946) hefur þá,
18 ára að aldri, nokkru
fyrr lokið við að semja
þetta fallega lag. Sag-
an segir, að hann hafi
verið níu ára er hann
samdi lagið, en hvað
sem satt kann að reyn-
ast í þeirri sögu er víst,
að hann var tónskáld
af Guðs náð, gefinn sá
„söngur í hjarta“ er
knýr fram andsvar
þeirra er á hlýða, svo
allir vilja syngja með.
Það var einmitt
þessi undarlega og hjartnæma söng-
gleði sem Þorgerður náði að laða
fram og upphófst með lagi Inga
Tómasar og vakti þessi sönggleði
með söngfólki og tónleikagestum út
alla tónleikana. Meðal laga sem und-
irritaður man sérstak-
lega eftir er Vængjatök,
fallegt lag eftir Atla
Heimi Sveinsson, Bráð-
um kemur betri tíð,
bráðsnjallt lag og vel út-
sett eftir Jóhann G. Jó-
hannsson, og Fjallkon-
an eftir Sigfús Einars-
son, eitt af þeim lögum
sem ekki hafa notið vin-
sælda en syngst samt
vel. Af klassískum við-
fangsefnum var Ís-
lenskt vögguljóð á
hörpu eftir Jón Þórar-
insson, Ríður, ríður hof-
mann eftir Atla Heimi,
Brennið þið vitar eftir
Pál Ísólfsson og tvær útsetningar
eftir Róbert A. Ottósson, Vinaspegill
og Björt mey og hrein.
Seinni hluti efnisskrár var byggð-
ur á erlendum söngverkum, Myndir
úr Matrafjöllum eftir Kodály er við-
kvæm tónsmíð og var á köflum vel
sungin og sama má segja um evr-
ópsku þjóðlögin, sem öll voru fallega
flutt og af innileik, eins og t.d. Salley
Gardens og japanska þjóðlagið Sak-
ura. Þó var bestur hljómurinn í 16.
aldar lögunum, Au joli bois eftir
Charles Tessier (1550), franskan
lútuleikara og tónskáld, en eftir
hann liggja tvær söngvabækur (1597
og 1604), Ecce quam sit, madrigala
eftir óþekktan höfund, og O occhi,
manza mia eftir Orlando di Lasso.
Til að fagna vorinu enn frekar lauk
tónleikunum með því að allir sungu
saman Ó, blessuð vertu sumarsól.
Allur söngur kórsins var þrunginn
sönggleði, elsku og listfengi Þor-
gerðar, sem óf sig um hugi allra á
tónleikunum, þar sem æskan, feg-
urðin og vorið eru fyrirheit framtíð-
ar, þar sem ei slær á skugga er dapr-
ar söng manna.
Sönggleði, elska og listfengi
TÓNLIST
Hátíðarsalur MH
Kór Menntaskólans í Hamrahlíð
hélt vortónleika í sal skólans og
flutti íslenska og erlenda söngva
um vorið og ástina, undir stjórn
Þorgerðar Ingólfsdóttur.
Sunnudaginn 21. apríl.
KÓRTÓNLEIKAR
Jón Ásgeirsson
Þorgerður
Ingólfsdóttir
LEIKFÉLAG Mosfellssveitar
frumflytur í kvöld kl. 20 í Bæjarleik-
húsinu leikdagskrá sem Birgir Sig-
urðsson hefur tekið saman úr verk-
um Halldórs Laxness, og sér Birgir
jafnframt um leikstjórn. Þá frum-
flytur Álafosskórinn sjö lög eftir
Helga Einarsson við ljóð skáldsins.
Leikfélag Mosfellssveitar var
stofnað árið 1976 og hefur oft áður
flutt valda kafla úr verkum Halldórs
Laxness, einnig setti það upp leik-
gerð af Innansveitarkronikunni.
Fluttir verða valdir kaflar úr
Brekkukotsannál, Í túninu heima og
Innansveitarkroniku.
Flytjendur eru Lárus Vilhjálms-
son, Herdís Þorgeirsdóttir, María
Guðmundsdóttir, Guðrún Esther
Árnadóttir, Magnús Guðfinnsson,
Böðvar Sveinsson, Davíð Örn Krist-
ínarsson, Reynir Már Valgarðsson,
Pétur Bjarnasson, Pétur Pétursson,
Hreindís Garðarsdóttir, Helga
Gunnarsdóttir, Alexander Einar
Hauksson.
Lýsingu hannar Alfreð Sturla
Böðvarsson og leikhljóð Pétur Ein-
arsson.
Næstu sýningar verða á laugar-
dag og sunnudag, kl. 17 báða dagana.
Aðgangur er ókeypis.
Brot úr verkum
Laxness í
BæjarleikhúsinuBörn velja
bestu barna-
bókina
Á SUMARDAGINN fyrsta verður
opið í öllum söfnum Borgarbóka-
safns Reykjavíkur og er það sum-
argjöf safnsins til reykvískra fjöl-
skyldna. Þá verður verðlauna-
afhending kl. 15.30 fyrir bestu
íslensku barnabókina og best
þýddu bókina, að mati barna, í að-
alsafni Borgarbókasafns, Tryggva-
götu 15.
Undanfarna mánuði hefur Borg-
arbókasafn boðið börnum á aldr-
inum 6–12 ára að taka þátt í vali á
bestu bók ársins 2001 og tóku
11.600 börn þátt í valinu.
Barnabókaverðir safnsins verða
til ráðgjafar um val á lesefni fyrir
börn og unglinga í dag.
BÖRN og bækur – Íslandsdeild
IBBY efnir til samkomu á morgun,
kl. 14, þar sem árlegar viðurkenn-
ingar félagsins, sem kenndar eru við
vorvindana, verða veittar fyrir
menningarstarf í þágu barna og ung-
linga. Einnig verður sungið og leikið
fyrir börnin.
Vorvindar í
Norræna húsinu
DAGSKRÁ tileinkuð rithöfundinum
Astrid Lindgren verður í verslun
Máls og menningar, Laugavegi 18, í
dag, frá kl. 12-17.
Leikhópurinn
Júlíurnar úr
Kramhúsinu leik-
ur valin atriði úr
Emil í Kattholti
og Línu langsokki
á klukkutíma
fresti allan dag-
inn. Eftirtaldir
lesarar lesa uppá-
haldskafla úr
bókum Lindgren: Nanna Kristín
Magnúsdóttir leikkona les úr bók-
inni Börnin í Ólátagarði kl. 12. Gunn-
ar Eyjólfsson leikari les úr bókinni
Bróðir minn Ljónshjarta kl. 13 og
Margrét Pétursdóttir syngur lög úr
uppfærslu Þjóðleikhússins á Emil í
Kattholti. Dagur B. Eggertsson les
úr bókinni Bróðir minn Ljónshjarta
kl. 14. Herdís Egilsdóttir les úr bók-
inni Ronja ræningjadóttir kl. 15.
Gísli Marteinn Baldursson les úr
bókinni um Línu langsokk kl. 16 og
Guðmundur Ólafsson leikari og rit-
höfundur syngur lög úr sýningu
Leikfélags Reykjavíkur á Ronju
Ræningjadóttur.
Astrid Lind-
gren-dagur
í MM
Astrid
Lindgren
SÍÐASTA sýning á Önnu Kareninu
eftir Lev Tolstoj verður á Stóra sviði
Þjóðleikhússins annað kvöld, föstu-
dagskvöld.
Með hlutverk Önnu fer Margrét
Vilhjálmsdóttir og Stefán Jónsson
leikur Levin. Elskhuga Önnu,
Vronskí greifa, leikur Baldur
Trausti Hreinsson. Jóhann Sigurð-
arson leikur eiginmann hennar Kar-
enin.
Aðrir leikarar í sýningunni eru
Brynhildur Guðjónsdóttir, Kjartan
Guðjónsson, Kristbjörg Kjeld,
Ragnheiður Steindórsdóttir, Þórunn
Lárusdóttir og Þröstur Leó Gunn-
arsson.
Leikstjóri sýningarinnar er Kjart-
an Ragnarsson.
Morgunblaðið/Ásdís
Margrét Vilhjálmsdóttir og
Baldur Trausti Hreinsson í hlut-
verkum sínum.
Anna Karen-
ina kveður
sviðið
♦ ♦ ♦
♦ ♦ ♦