Morgunblaðið - 25.04.2002, Blaðsíða 22

LANDIÐ
22 FIMMTUDAGUR 25. APRÍL 2002 MORGUNBLAÐIÐ
VEFLISTAKONAN og kennarinn
Fríða S. Kristinsdóttir opnaði sýn-
ingu á listvefnaði sínum að
Skriðuklaustri 20. þ.m. að við-
stöddum boðsgestum og stendur
sýningin yfir til 28. apríl. Hér er
um að ræða mjög sérstæða sýn-
ingu einkum fyrir efnisval lista-
konunnar. Á sýningunni eru bæði
ný og eldri verk unnin með fjöl-
breyttri tækni.
Listakonan segir svo frá að hún
noti mest koparvír og handgerðan
pappír í verk sín. „Ég set kop-
arvírinn einfaldlega á skyttu og
vinn síðan bara eins og um hefð-
bundinn hörþráð sé að ræða,“ seg-
ir Fríða, sem hefur verið að vinna
með vírinn í u.þ.b. áratug.
Hún rekur gallerí í Reykjavík
ásamt níu öðrum konum, sem
nefnist Kirsuberjatréð. Sýningin á
Skriðuklaustri er jafnframt sölu-
sýning. Þá hefur hún haldið marg-
ar sýningar í Reykjavík, Hafn-
arfirði og á Akureyri og tekið þátt
í samsýningum erlendis.
Fríða lauk handavinnukenn-
araprófi frá Kennaraháskóla Ís-
lands 1971 og hefur síðan þá
stundað nám bæði hér og erlendis
í listum og kennslufræðum, síðast
við Haystack Mountain School of
Crafts í Bandaríkjunum. Einnig
hefur hún kennt textíl og hönnun
undanfarin 25 ár.
Þessi sérstæða sýning á Skriðu-
klaustri vakti auðsjáanlega athygli
boðsgesta.
Veflist
að vori
Geitagerði
Morgunblaðið/Guttormur
Fríða S. Kristinsdóttir við eitt
verka sinna á sýningunni.
JÓHANNES Geir Sigurgeirsson,
stjórnarformaður Landsvirkjunar,
sagði á almennum íbúafundi í Vé-
garði í Fljótsdal um virkjunar- og
stóriðjumál á Austurlandi sl. mánu-
dag að ekki væri skynsamlegt að af-
skrifa þátttöku Norsk Hydro. For-
maðurinn fór ítarlega yfir stöðu
mála frá sjónarmiði Landsvirkjunar
og sagði það hafa valdið sér von-
brigðum að sjá verkefnið styrkjast
og þroskast en verða síðan fyrir
þessu hiki Norðmanna sem hann
sagði að væri vegna annarra fjár-
festinga fyrirtækisins.
Fundurinn var haldinn á vegum
sveitarstjórnar og fulltrúum Lands-
virkjunar og auk frummælandans
ræddu aðrir fulltrúar Landsvirkjun-
ar málið og fulltrúar sveitarstjórna.
Fundurinn var vel sóttur, bæði af
innan- og utansveitarmönnum.
Jóhannes Geir Sigurgeirsson
greindi frá afgreiðslu Alþingis varð-
andi Kárahnjúkavirkjun. Sagði
hann einnig þrjá aðila hafa komið til
viðræðna og hann nefndi að Rússar
hafi einnig sýnt áhuga. Sem svar við
fyrirspurn taldi hann ekki skynsam-
legt að fara í samninga við fleiri að-
ila eins og málin standa.
Forstöðumaður virkjunardeildar,
Björn Stefánsson, ræddi orkuöflun
fyrir Reyðarál og Kárahnjúkavirkj-
un með veitu úr Jökulsá í Fljótsdal.
Greindi frá uppistöðulóninu og að-
rennslisgöngum, einnig stíflugerð-
inni og yfirfalli. Í sambandi við
rekstur Kárahnjúkavirkjunar er
reiknað með fimmtán föstum starfs-
mönnum.
Pétur Ingólfsson verkefnastjóri
kom inn á ýmis samstarfsverkefni
Landsvirkjunar og Fljótsdals-
hrepps, svo sem aðgerðir vegna
vatnsbotnshækkunnar í Fljótsdal og
staðfestingu landamerkja vegna
vatnsréttinda. Einnig fjallaði hann
um vegaframkvæmdir sem verður
haldið áfram, koma þarf á rafmagni
vegna borana jarðganga og haldið
áfram vatns- og gróðurfarsrann-
sóknum út þetta ár og ýmsum
samningum við landeigendur.
Þór Þorbergsson tilraunastjóri
ræddi vatnsborðsbreytingar og
hækkun vatnsborðs í Jökulsá í
Fljótsdal, varnaraðgerðir og ræktun
nýrra túna. Sýndi hann nokkur kort
með hæðartölum sem hann hefur
unnið að um tíma.
Kristinn Bjarnason, lögfræðingur
sveitarstjórnar, fjallaði um vatns-
réttindi, fallbætur, hvað væri vatns-
réttindi og aðferðir til að fá nið-
urstöðu frá lögfræðilegu sjónarmiði.
Ragnheiður Ólafsdóttir, umhverf-
isstjóri Landsvirkjunar, ræddi um
þjóðgarða og ný tækifæri heima-
manna, útivist og ferðamennsku og
óskir nútímaferðamannsins sem vill
komast út úr ys og þys borgarlífs-
ins.
Stjórnarformaður Landsvirkjunar um stóriðjumál
Segir hik Norðmanna
valda vonbrigðum
Geitagerði OPINN fundur um umhverf-
ismál verður haldinn laugar-
daginn 27. apríl kl. 11:00–
12:30 í Félagsmiðstöðinni
Óðali. Tilefni fundarins er
Dagur umhverfis á Íslandi
sem er haldinn hátíðlegur 25.
apríl. Yfirskrift fundarins er
,,Umhverfið, ég og Borgar-
byggð“.
Guðbrandur Brynjúlfsson,
formaður stýrihóps Staðar-
dagskrár 21, setur fundinn,
Hólmfríður Sveinsdóttir verk-
efnisstjóri ræðir um hug-
myndafræðina á bak við verk-
efnið og frambjóðendur
listanna þriggja fjalla um um-
hverfismál.
Gefinn verður tími fyrir
fyrirspurnir og umræður.
Loks verður veggspjald um
Staðardagskrá 21 í Borgar-
byggð afhjúpað.
Fundur um
umhverf-
ismál í
Borgarnesi
Borgarbyggð
KNATTSPYRNA, Sementsverk-
smiðja ríkisins, Hvalfjarðargöng og
Akraborgin voru þau kennileiti sem
landsmenn sögðu vera það fyrsta sem
þeim dytti í hug þegar þeir heyrðu
minnst á Akranes og jafnvel hand-
knattleikur, snjór og veðursæld kom-
ust einnig á blað í könnun Gallup sem
gerð var fyrir Markaðsráð Akraness í
mars.
Gísli Gíslason, bæjarstjóri Akra-
ness, og Magnús Magnússon, mark-
aðsfulltrúi bæjarins, kynntu nýlega
helstu niðurstöður tveggja kannana
sem unnar voru af Gallup og Við-
skiptaháskólanum á Bifröst að frum-
kvæði Markaðsráðs Akraness sem er
grasrótarsamtök aðila sem stunda at-
vinnurekstur á Akranesi.
Í fyrri könnuninni var viðhorf
landsmanna til búsetu á Akranesi
kannað og var úrtakið 16–75 ára fólk
af öllu landinu, um 1.150 manns voru í
úrtakinu en 803 tóku afstöðu.
Í síðari könnuninni sem unnin var
af útskriftarfélagi Viðskiptaháskól-
ans á Bifröst var úrtakið 300 manns
sem búsettir eru á Akranesi og var
spurt aðallega um viðhorf til ýmissa
þátta samfélagsins og svöruðu 222
spurningunum eða um 74%.
Gísli sagði að það sem stæði uppúr í
könnun Gallups væri að 42% svöruðu
játandi er þeir voru inntir eftir því
hvort viðkomandi gæti hugsað sér að
búa á Akranesi en 58% svöruðu
spurningunni neitandi. Af þeim sem
gátu hugsað sér að setjast að á Akra-
nesi sögðu 11% að það kæmi mjög
sterklega til greina. Í svörum þeirra
kom fram að ættartengsl höfðu mikið
að segja hvað varðar búsetu og marg-
ir töldu að góðir möguleikar væru á
atvinnu í bæ sem væri í hæfilegri fjar-
lægð frá höfuðborgarsvæðinu og
hefði uppá margt að bjóða.
Athygli vekur að Akraborgin er
enn ofarlega í huga svarenda þegar
þeir voru spurðir hvað þeim dytti
fyrst í hug er Akranes var nefnt á
nafn, en fjögur ár eru síðan Akra-
borgin hætti siglingum. Um 7,5%
svarenda nefndu Akraborgina, tæp
26% sögðu íþróttirnar vera kennileiti
Skagamanna og þaraf var knatt-
spyrnan með 19%, Sementsverk-
smiðjan með kom þar næst með 18%
og Hvalfjarðargöngin með rétt tæp
10%.
Margir stunda nám eða vinnu
á höfuðborgarsvæðinu
Niðurstöður könnunar Við-
skiptaháskólans á Bifröst gefa til
kynna að átta af hverjum tíu eru afar
ánægðir með þjónustuna sem boðið
Skoðanakannanir um viðhorf til búsetu og þjónustu á Akranesi
Morgunblaðið/Sigurður Elvar
Gísli Gíslason, bæjarstjóri á Akranesi.
er uppá í grunnskólum bæjarins og
sömu sögu er að segja af heilsugæsl-
unni.
Magnús sagði að verslunar- og
þjónustufyrirtæki á Akranesi hefðu
komið betur út í könnuninni en marg-
ir hefðu spáð fyrir og aðeins tæp 5%
Akurnesinga nýta sér þjónustu og
verslun frekar lítið og aðeins 4% af
þeim telja vöruverð vera of hátt.
Magnús bætti því við að langflestir
hefðu ekki talið ástæðu að nefna einn
sérstakan þátt sem skorti í verslun-
arflóru bæjarins en um 12% hefðu
nefnt að skóbúð vantaði á Akranes.
Um sex af hverjum tíu sem tóku
þátt í könnun Viðskiptaháskólans
stunda vinnu á Akranesi, 12% á Vest-
urlandi utan Akraness og 5% á höf-
uðborgarsvæðinu. Gísli sagði að um
17% svarenda sem væru 16 ára og
eldri færu reglulega á milli Akraness
og Reykjavíkur vegna náms eða
vinnu og væri það mikil aukning ef
miðað væri við fyrri kannanir. „Það
eru margir sem nýta sér þann mögu-
leika sem opnaðist með tilkomu Hval-
fjarðarganganna og kannanirnar sem
gerðar voru að þessu sinni ættu að
nýtast til þess að bæta úr því sem
þarf að laga.“ Gísli sagði ennfremur
að bæta þyrfti almenningsamgöngur
til þess að mæta aukinni eftirspurn og
að hans mati ætti ríkisvaldið að
greiða gangagjaldið fyrir almenn-
ingsfarartæki. Samkeppnisstaða
þeirra sem stæðu í slíkum rekstri
væri skert þar sem slíkur kostnaður
væri ekki til staðar hjá sérleyfishöf-
um sem þyrftu ekki að fara í gegnum
Hvalfjarðargöngin.
Gísli og Magnús voru á sammála
um að byggð á Akranesi hefði styrkst
á undanförnum árum og niðurstöð-
urnar úr könnunum tveimur væru já-
kvæðar fyrir samfélagið en að sama
skapi þyrfti að taka til hendinni á
mörgum sviðum.
Yfir 40% jákvæð
gagnvart bú-
setu á Akranesi
Akranes
LANDSSAMTÖK menntasmiðja
verða stofnuð á Akranesi föstudag-
inn 26. apríl. Stofnaðilar samtak-
anna eru 7; Framvegis; miðstöð
um símenntun í Reykjavík,
Fræðslumiðstöð Vestfjarða,
Fræðslumiðstöð Norðurlands-
vestra, Fræðslumiðstöð Þingey-
inga, Menntasmiðjan á Akureyri,
Símenntunarmiðstöðin á Vestur-
landi og Svæðisvinnumiðlun Aust-
urlands.
Menntasmiðjur eru nýr valkost-
ur í námi á Íslandi og eru sniðnar
að fyrirmynd lýðskóla, þar sem
lögð er áhersla á ábyrgð nemenda
á náminu og að þeir hafi áhrif á
innihald þess. Í menntasmiðjum er
fjölbreytileiki í efni og aðferð í fyr-
irrúmi og eru námsgreinarnar ým-
ist hagnýtar eða skapandi og er
sjálfsstyrking auk þess rauði þráð-
urinn í náminu.
Á „Opnu húsi“ Menntasmiðjunn-
ar Elínar, föstudaginn 26. apríl,
verður nám í menntasmiðju kynnt
í bundnu og óbundnu máli, með
sýningarhaldi og uppákomum. Við
sama tækifæri verða stofnuð
Landssamtök menntasmiðja. Dag-
skráin hefst kl. 17 á Skólabraut 9,
Akranesi, segir í fréttatilkynningu.
Stofnun Landssamtaka
menntasmiðja
Akranes
FERÐAMÁLASAMTÖK Vestur-
lands eiga stórafmæli í næsta mán-
uði eða 20 ára. Nefnd sem stofnuð
var til undirbúnings þessu afmæli er
starfandi og ákveðið hefur verið að
halda afmælishátíð í Reykholti
fimmtudagskvöldið 30. maí. Tekið er
tillit til ferðaþjónustuaðila sem
margir hverjir eiga erfitt með að
komast frá um helgi og því verður
hátíðardagskráin höfð á fimmtu-
dagskvöldi. Dagskrá hátíðarinnar
verður nánar tilkynnt síðar.
Í tilefni afmælisins er fyrirhugað
að gefa út afmælisblað tileinkað
ferðamálum á svæðinu, sögu FV og
nýsköpun í ferðaþjónustu, og verður
það fylgiblað Skessuhorns og dreift
daginn fyrir afmælið með Morgun-
blaðinu um alllt land. Tíðindamenn
ehf. sjá um þetta verkefni og vonast
er til að fyrirtæki og aðrir styrkji
ferðamálin á svæðinu á afmælisári
og taki vel í kaup á auglýsingum í
þessu blaði.
Stefnt er á að nota afmælisárið til
víðtækrar kynningar á Vesturlandi,
ekki eingöngu sem ferðaþjónustu-
svæðis heldur einnig að vekja athygli
fólks á því hvað er að finna á Vest-
urlandi og hvaða kosti Vesturland
hefur til búsetu.
Kynna Vesturland
á afmælisári
Borgarnes