Morgunblaðið - 05.07.2002, Síða 1

155. TBL. 90. ÁRG. FÖSTUDAGUR 5. JÚLÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 5. JÚLÍ 2002
ÞRÍR létust og a.m.k. þrír særðust
þegar vopnaður maður hóf skothríð
við innritunarborð ísraelska ríkisflug-
félagsins El Al á alþjóðaflugvellinum í
Los Angeles í gærkvöldi. Bandaríska
alríkislögreglan (FBI), sem stjórnar
rannsókn málsins, sagði í gær að ekk-
ert benti til að um hryðjuverk hefði
verið að ræða. Gífurlegur viðbúnaður
var hvarvetna í Bandaríkjunum í gær,
á þjóðhátíðardegi landsins, vegna ótta
við að hryðjuverkamenn létu til skar-
ar skríða á þeim degi.
Árásin í Los Angeles varð um
klukkan hálf sjö í gærkvöldi að ís-
lenskum tíma, um hálf tólf fyrir há-
degi að staðartíma. Að sögn lögregl-
unnar í borginni hóf árásarmaðurinn,
sem í gærkvöldi hafði einungis verið
lýst sem 52 ára karlmanni, að skjóta á
annan mann og síðan á fleira fólk við
innritunarborðið. Vopnaður öryggis-
vörður ísraelska flugfélagsins skaut
árásarmanninn til bana.
Þeir sem árásarmaðurinn myrti
voru 46 ára karlmaður og rúmlega
tvítug kona, að því er sjónvarpsstöðin
CNN greindi frá. Haft var eftir að-
standendum karlmannsins að hann
hefði verið á flugvellinum að fylgja
vinum sínum sem voru á förum.
Yfirmaður Los Angeles-deildar
FBI sagði í gærkvöldi að ekki væri
vitað um nein önnur atvik er tengdust
árásinni á flugvellinum, og ítrekaði að
lögregluyfirvöld litu svo á að um ein-
angraðan atburð væri að ræða, og
ekki hryðjuverk. Allt benti til að það
hefði verið hrein tilviljun að atburð-
urinn átti sér stað við innritunarborð
ísraelska flugfélagsins.
Ströng öryggisgæsla hjá El Al
Öryggisgæsla hjá El Al er einhver
sú strangasta sem um getur hjá
nokkru flugfélagi í heiminum, og er
félagið eitt fárra flugfélaga sem hefur
eigin öryggislögreglu. Sautján manns
féllu í skotárás við innritunarborð
flugfélagsins í Róm 1986. Verða far-
þegar með flugvélum félagsins að
gangast undir nákvæma leit áður en
þeim er hleypt um borð. Vélin sem
verið var að innrita í á vellinum í Los
Angeles átti að fara til Tel Aviv með
millilendingu í Toronto.
Ísraelsk yfirvöld sögðu í gær, er
fregnir bárust af árásinni, að gera
yrði ráð fyrir að um hryðjuverk hefði
verið að ræða. Þó tók samgönguráð-
herra Ísraela fram, að enn væru eng-
ar afgerandi vísbendingar komnar
fram sem bentu til slíks.
Flugstöðvarbyggingin í Los Angel-
es þar sem El Al hefur aðsetur var
rýmd í kjölfar atburðarins og nokkrar
tafir urðu á millilandaflugi frá vellin-
um, en innanlandsflug gekk sam-
kvæmt áætlun.
Mikil öryggisgæsla var í öllum
stærstu borgum Bandaríkjanna í
gær, og voru m.a. orrustuþotur á
sveimi yfir Washington og New York
og fleiri borgum. Svo að segja allt flug
var bannað yfir Manhattan-eyju í
New York.
Þrír létust er maður hóf skothríð við innritunarborð El Al á flugvellinum í Los Angeles
Ekki talið
um hryðju-
verk að ræða
AP
Lögregla lokaði aðkomuleiðum að flugstöðinni þar sem flugvél ísraelska flugfélagsins beið brottfarar.
Los Angeles. AFP, AP.
VÍSINDAMENN við háskóla í Virg-
iníu í Bandaríkjunum og tvær írsk-
ar rannsóknarstofnanir segjast
hafa fundið vísbendingar um að
geðklofa megi ef til vill rekja til til-
tekins arfbera, að því er The New
York Times greindi frá í gær. Þessi
arfberi hafi nýlega fundist í
tengslum við aðra rannsókn, og
nefnist dysbindin.
Vísbendingarnar er um ræðir
fundust við greiningu á erfðamengi
270 írskra fjölskyldna, en í þeim öll-
um voru nokkrir einstaklingar með
sjúkdóminn. Í frétt The New York
Times kemur ennfremur fram, að
vísindamenn hjá Íslenskri erfða-
greiningu hafi í annarri rannsókn
fundið arfbera er kallast neuregul-
in-1, en mikil fylgni sé á milli stökk-
breytinga í honum og geðklofa í um
15% íslenskra sjúklinga er þjást af
sjúkdómnum.
Þá kemur fram, að báðar þessar
rannsóknir verði birtar í tímaritinu
The American Journal of Human
Genetics, en ritið hafi þegar birt
bandarísk-írsku rannsóknina á vef-
síðu sinni.
Vísbending
um orsakir
geðklofa
AÐ minnsta kosti einn lést og 15 slös-
uðust, flestir börn, margir alvarlega,
þegar tveggja hreyfla einkaflugvél
hrapaði í skemmtigarði í San Dimas,
um 50 km austur af Los Angeles, í
gær. Slysið varð um klukkan 12.30 að
staðartíma, um einni klukkustund eft-
ir að skotárásin var gerð á alþjóða-
flugvellinum í Los Angeles.
Að sögn bandarískra flugmálayfir-
valda bendir ekkert til annars en að
um slys hafi verið að ræða er vélin
hrapaði í skemmtigarðinn, sem var
fullur af fólki sem var að halda upp á
þjóðhátíðardag Bandaríkjanna. Svo
virðist sem flugvélin hafi farið í loftið
frá nærliggjandi flugvelli nokkrum
mínútum áður en hún hrapaði. Til-
kynnti flugmaðurinn að hann ætti í
vandræðum og sendi út neyðarkall
örskömmu áður en vélin skall til jarð-
ar.
Flugvél hrapaði
í skemmtigarði
Los Angeles, San Dimas. AFP, AP.
FORINGI í Al-Aqsa herdeildunum,
vopnuðum armi Fatah-hreyfingar
Yassers Arafats, féll ásamt frænda
sínum þegar sprengja tætti í sundur
bíl þeirra þar sem þeir voru á ferð í
Gazaborg í gærkvöldi. Félagar í
Fatah segja Ísraela hafa staðið að
baki sprengingunni.
Al-Aqsa herdeildirnar hafa staðið
að fjölda sjálfsmorðssprengjuárása á
Ísraela og skotárásum í Ísrael og á
herteknu svæðunum.
Foringi í Al-
Aqsa felldur
Gazaborg. AFP.
ÞRJÁTÍU og tvær alþjóðlegar
hjálparstofnanir sögðu í gær að Pal-
estínumenn væru komnir „á ystu
nöf“ vegna slæmra lífsskilyrða og
sökuðu Ísraela um að hafa hindrað
hjálparstarf þeirra á Vesturbakkan-
um og Gaza-svæðinu.
Tom Teu, fulltrúi bandarísku
hjálparstofnunarinnar ANERA,
varaði við því að ef Ísraelsher yrði
áfram í palestínskum borgum og
bæjum í nokkra mánuði til viðbótar
gæti skapast hætta á „sprengingu
sem vonandi verður hægt að af-
stýra“.
„Fólkið er komið á ystu nöf,“
sagði Teu og bætti við að eymdar-
ástand ríkti meðal margra Palest-
ínumanna vegna útgöngubanns í
bæjum þeirra og aðgerða Ísr-
aelshers sem kæmu í veg fyrir að
hjálparstofnanir gætu séð þeim fyr-
ir helstu nauðsynjum.
Ísraelskar hersveitir hafa ráðist
inn í sjö af átta helstu borgum og
bæjum Palestínumanna frá því um
miðjan júní og sett 700.000 manns í
útgöngubann. Banninu var þó aflétt
í nokkrar klukkustundir í nokkrum
borgum á mánudag og miðvikudag
til að gera fólki kleift að kaupa
nauðsynjavörur.
Hjálparstofnanirnar, þeirra á
meðal Læknar án landamæra,
CARE og Oxfam, sögðu að þær
væru ekki lengur færar um að veita
Palestínumönnum næga hjálp vegna
afskipta Ísraelshers. Þær sökuðu
herinn um að hindra hjálparstarfið á
hverjum degi, m.a. með því að tefja
bíla með hjálpargögn við eftirlits-
stöðvar, meina þeim stundum að
fara á svæði Palestínumanna og
hindra ferðir hjálparstarfsmanna.
Ísraelsher segir að vöru- og fólks-
flutningar hafi verið takmarkaðir af
öryggisástæðum en hann reyni allt-
af að greiða fyrir flutningi hjálpar-
gagna á svæði Palestínumanna.
Yossi Sarid, leiðtogi helsta stjórn-
arandstöðuflokksins í Ísrael, Me-
retz, sagði í gær að „miklar hörm-
ungar“ vofðu yfir Palestínumönnum
vegna stefnu George W. Bush
Bandaríkjaforseta og Ariels Shar-
ons, forsætisráðherra Ísraels, sem
hafa báðir sagt að þeir hyggist ekki
ræða framar við Yasser Arafat, leið-
toga Palestínumanna. „Bush forseti
hefði átt að vita að ræða hans [í vik-
unni sem leið] yrði til þess að palest-
ínsku svæðin yrðu hernumin aftur
og leiddi til mikilla hörmunga,“
sagði Sarid. „Við ættum að minna
Bush forseta og Ariel Sharon á að
það að svelta óbreytta borgara telst
glæpur gegn mannkyninu.“
Yfir 30 hjálparstofnanir gagnrýna Ísraelsher
Segja Palestínumenn
komna „á ystu nöf“
Jerúsalem. AFP.

Sigur fyrir Arafat/26
♦ ♦ ♦