Morgunblaðið - 05.07.2002, Síða 18

SUÐURNES
18 FÖSTUDAGUR 5. JÚLÍ 2002 MORGUNBLAÐIÐ
meistar inn. is
GULL ER GJÖFIN
BT OPNAR Í
SMÁRALIND
LAUGARDAG
KL. 11:00
EKKI MISSA AF
ÞESSU!
NOKKRIR stofnfjáreigendur í
Sparisjóðnum í Keflavík hafa verið
að ræða saman og kanna stöðu
sína í ljósi umræðna um hugsanleg
kaup Búnaðarbankans á hlut meiri-
hluta stofnfjáreigenda í Sparisjóði
Reykjavíkur og nágrennis. Unnið
er að breytingu þess sparisjóðs í
hlutafélag með sama hætti og
SPRON. Virðist þó vera vilji til að
bíða úrslita í SPRON-málinu.
Aðalfundur Sparisjóðsins í
Keflavík ákvað í vor að vinna
áfram að breytingu sjóðsins í
hlutafélag og að hægt yrði að taka
lokaákvörðun í málinu fyrir 1.
október. Unnið hefur verið að
þessu, nú síðast með samrunaáætl-
un sparisjóðsins við nýstofnað
hlutafélag, og væri formsins vegna
hægt taka ákvörðun um næstu
mánaðamót. Á kynningarfundum
sem stjórn Sparisjóðsins hefur
haldið um málið komu fram gagn-
rýnisraddir, Geirmundur Kristins-
son sparisjóðsstjóri sagði að eftir
síðasta fundinn hefði góð samstaða
verið um málið en þó hefðu tveir
eða þrír stofnfjáreigendur lýst sig
mótfallna breytingunni.
Um 550 einstaklingar og fyrir-
tæki eiga stofnfé í Sparisjóðnum í
Keflavík og hefur hverjum sem er
verið heimilt að kaupa eins mikið
og hann hefur viljað þegar stofnfé
hefur verið boðið út. Samkvæmt
lögum er atkvæðisréttur hvers
stofnfjáreiganda þó bundinn við
5%. Minnsti hlutur er um 150 þús-
und kr. en sá stofnanafjárfestir
sem á mest á um 60 milljónir að
nafnverði. Margir einstaklingar
eiga á bilinu eina til fimm milljónir
kr.
Á von á að tilboð komi frá
Búnaðarbankanum
Uppreiknað stofnfé er hátt í 900
milljónir af 1.800 milljóna kr. bók-
færðu eigin fé Sparisjóðsins. Hlut-
lausir endurskoðendur mátu eigið
fé hans á tæpa þrjá milljarða og
munu stofnfjáreigendur eignast um
30% af því og sérstök sjálfseign-
arstofnun um 70%. Stefnt er að því
að hlutafé Sparisjóðsins í Keflavík
hf. verði einn milljarður króna eða
um þriðjungur af áætluðu mark-
aðsverði. Það þýðir að stofnfjáreig-
andi sem nú á þriggja milljóna
króna hlut fær hlutabréf að nafn-
virði eina milljón kr. en ef verð-
matið stenst ætti markaðsvirði
bréfanna að verða þrefalt nafn-
verð.
Eftir að málefni SPRON komust
í umræðuna hafa nokkrir stofn-
fjárfestar verið að kanna stöðu
sína og að sögn hefur komið fram
vilji hjá sumum að fara sömu leið
og stofnfjárfestarnir fimm í
SPRON, að leita eftir tilboði banka
í eign þeirra.
„Við ætluðum að breyta Spari-
sjóðnum í hlutafélag, eins og
SPRON. Ef hins vegar í ljós kem-
ur að hægt er að gera þetta öðru-
vísi trúi ég ekki öðru en allir vilji
skoða nýjar leiðir,“ segir Gunnar
Bergmann, stofnfjáreigandi í
Keflavík.
Hann segist viss um að ef sú leið
sem stofnfjáreigendur hjá SPRON
eru að reyna með stuðningi Bún-
aðarbankans reynist lögleg muni
koma tilboð innan frá í hlut stofn-
fjárfesta í Sparisjóðnum í Keflavík,
ekki síst frá Búnaðarbankanum
sem ekki sé með starfsemi á Suð-
urnesjum. „Við stofnfjárfestar vilj-
um að eign okkar sé sem verðmæt-
ust og ef við fáum gott tilboð
verðum við að skoða það vel. Við
höfum lagt peninga í fyrirtækið og
þótt sumir segi að staða þess sé
ekki okkur að þakka hafa pening-
arnir okkar farið í eitthvað.“
Kristján Pálsson, alþingismaður
og stofnfjáreigandi í Njarðvík, seg-
ir ljóst af umræðum í kringum
SPRON og nú einnig Sparisjóðinn
í Keflavík að breyting á sparisjóð-
unum í hlutafélög sé ekki jafn ein-
falt mál og í upphafi var talið.
Hann óttast að hlutur stofnfjáreig-
enda sé fyrir borð borinn í þessum
breytingum. „Sparisjóðurinn í
Keflavík er góð stofnun og mjög
mikilvæg fyrir svæðið. Á bak við
hana stendur starfsfólkið annars
vegar og stofnfjárfestar og
viðskiptavinir hins vegar. Mikil-
vægt er að hagsmuna beggja aðila
sé gætt við þær breytingar sem nú
eiga sér stað svo ekki verði
trúnaðarbrestur þarna á milli. Það
er hlutverk sparisjóðsstjórnarinnar
að finna leiðir til að brúa þetta bil
og ég treysti henni til þess,“ segir
Kristján.
Kristján staðfestir að til hans
hafi verið leitað um að leiða hóp
stofnfjáreigenda. Hann segir þó að
menn hafi orðið ásáttir um að bíða
átekta og gefa sparisjóðsstjórninni
tækifæri til að leiða málið farsæl-
lega til lykta og því hafi hann ekki
verið tilbúinn að taka þetta hlut-
verk að sér að svo stöddu.
Hann leggur áherslu á að fyrir
framtíð Sparisjóðsins verði það að
vera eftirsóknarvert að kaupa
hlutafé í honum og eiga það, til
þess að hann geti aflað sér aukins
eigin fjár. Ef það takist ekki að
gera breytingarnar með þeim
hætti sé verr af stað farið en heima
setið.
Staðan verður metin
Geirmundur Kristinsson spari-
sjóðsstjóri segir að það komi sér
ekki á óvart að stofnfjárfestar í
Sparisjóðnum skuli vera farnir að
huga að sínum málum, í framhaldi
af umræðunum í kringum SPRON.
Þessi umræða hafi þó ekki enn
komið inn á borð stjórnenda Spari-
sjóðsins með formlegum hætti.
Hann segir að staðan í form-
breytingarferlinu sé óbreytt. Um-
ræðan í SPRON hafi engin áhrif
haft enn sem komið er. Hins vegar
verði staðan metin þegar að
ákvörðun komi, hvort sem það
verði um næstu mánaðamót eða
síðar.
Stofnfjáreigendur í Sparisjóðnum farnir að huga að stöðu sinni í kjölfar SPRON-málsins
Hlutur stofnfjár-
festa verði ekki
fyrir borð borinn
Keflavík
VARNARLIÐIÐ á Keflavíkur-
flugvelli hefur skilað varnar-
málaskrifstofu utanríkisráðu-
neytisins landi í Reykjanesbæ,
svokölluðu Neðra-Nikelsvæði sem
herinn er hættur að nota. Landið
er í Njarðvík, milli byggðarinnar
þar og í Keflavík. John J. Waick-
wicz flotaforingi, yfirmaður varn-
arliðsins, og Halldór Ásgrímsson
utanríkisráðherra undirrituðu
samning þessa efnis við athöfn í
Keflavík í fyrradag.
Varnarliðið hóf starfsemi á Ni-
kelsvæðinu fyrir 46 árum. Fyrst
voru þar eingöngu herbúðir en
síðar olíubirgðastöð. Varnarliðið
hætti að nota neðri hluta svæð-
isins fyrir mörgum árum. Bæjar-
yfirvöld í Reykjanesbæ hafa lengi
unnið að því að fá landið sem
byggingarland enda er það á góð-
um stað milli byggðarinnar í
Ytri-Njarðvík og Keflavík. Ljót
girðing umlykur svæðið og þar
hafa til skamms tíma verið tank-
ar og önnur mannvirki og meng-
aður jarðvegur.
Á vegum varnarliðsins og varn-
armálaskrifstofu utanríkisráðu-
neytisins hefur verið unnið að
hreinsun svæðisins. Mannvirki
hafa verið fjarlægð, bæði ofan-
jarðar og neðan, og olíu-
mengaður jarðvegur fjarlægður
til hreinsunar. Verkinu er að
mestu lokið en þó er eftir að
ljúka hreinsun á jarðvegi og fjar-
lægja girðinguna. Það verður
gert á næstu mánuðum, að sögn
Gunnars Gunnarssonar, skrif-
stofustjóra varnarmálaskrifstofu
utanríkisráðuneytisins.
Óvíst um
nýtingu
Landið sem varnarliðið skilaði
til íslenskra stjórnvalda í gær er
um 66 hektarar að stærð. Þar af
er rúmlega 15 hektara öryggis-
svæði við enda flugbrautar Kefla-
víkurflugvallar sem ákvæði eru
um að ekki megi nota sem bygg-
ingarland.
Við athöfnina lagði utanríkis-
ráðherra áherslu á að landið væri
mikilvægt fyrir Reykjanesbæ og
sagði að ráðuneytið vildi að það
nýttist sem byggingarland eða til
annarra nota bæjarfélagsins,
hver svo sem yrði eigandi þess.
Hann gat þess að fyrri landeig-
endur ættu forkaupsrétt og því
væri eðlilegast að ríkið seldi
landið nú þegar varnarliðið væri
búið að skila því. Vonaðist hann
til þess að hægt yrði að ganga til
þess verks sem fyrst og sagði að
haft yrði samráð við Reykja-
nesbæ.
Árni Sigfússon bæjarstjóri
sagði í samtali við Morgunblaðið
að það væru ánægjuleg tímamót
að varnarliðið hefði skilað Neðra-
Nikelsvæði til utanríkisráðuneyt-
isins og vonaðist hann til að
næsta skrefið væri að Reykjanes-
bær fengi það til afnota. Hann
vildi ekki kveða upp úr um hvort
bærinn myndi gera tilboð í landið
þegar það yrði auglýst til sölu,
sagði að eignarhaldið væri ekki
meginatriðið því Reykjanesbær
ætti gott samstarf við landeig-
endur.
Mikilvægast væri að nú væri
hægt að fara að rífa niður girð-
ingarnar og fara að huga að því
hvaða starfsemi gæti átt þarna
heima.
Ekki er ljóst hvort íbúðarbyggð
verður heimiluð á Neðra-
Nikelsvæði vegna nálægðar þess
við flugvöllinn. Fer það eftir túlk-
unum á lögum og reglum um há-
vaðamörk. Á hluta svæðisins
mætti byggja íbúðir ef litið er á
framkvæmdir þar sem þéttingu
byggðar sem fyrir er, en lítið eða
ekkert má byggja af íbúðar-
húsum ef litið verður á það sem
nýtt byggingasvæði.
Heilbrigðisyfirvöld þurfa að
skera úr um þetta, að sögn Böðv-
ars Jónssonar, formanns bæj-
arráðs.
Óvíst um not af Neðra-Nikelsvæði sem varnarliðið hefur nú skilað til ríkisins
Reiknað með
að landið verði
auglýst til sölu
Morgunblaðið/Helgi Bjarnason
Árni Sigfússon, sem nýlega er tekinn við starfi bæjarstjóra Reykjanes-
bæjar, hitti John J. Waickwicz í fyrsta skipti þegar flotaforinginn og
Halldór Ásgrímsson utanríkisráðherra spjölluðu saman fyrir undirritun
samninganna í fyrradag en yfirmaður varnarliðins og bæjarstjóri
Reykjanesbæjar eiga venjulega töluverð samskipti út af ýmsum málum.
Njarðvík
Pabbi/mamma
allt fyrir minnsta barnið
Þumalína, Skólavörðustíg 41