Morgunblaðið - 05.07.2002, Blaðsíða 8

FRÉTTIR
8 FÖSTUDAGUR 5. JÚLÍ 2002 MORGUNBLAÐIÐ
77960
BOLZANO
Sími 510 8000 • Bíldshöfða 20 • 110 Reykjavík • www.husgagnahollin.is
Þessi þriggja sæta sófi með legubekk
sannar að fáguð hönnun þarf ekki alltaf
að kosta mikið. Hafðu það gott í sumar!
L238 B92/156 sm
Áklæði: Chenillevelúr
Litir: Dökkgrár eða engifer
Legubekkur hægra eða vinstra megin
f
a
s
t
la
n
d

-

8
1
5
9
Þú verður að skipta um úniform og tól, elsku karlinn minn, hér eru það skrúfjárn og
tengur sem gilda, og gæludýr ekki leyfð.
Tónlistarhátíðin Undir bláhimni í Árnesi
Sungið
í sveitinni
TónlistarhátíðinUndir bláhimni ernú haldin í þriðja
sinn í Árnesi í Gnúpverja-
hreppi. Hátíðin verður
laugardaginn 5. júlí frá
miðjum degi fram á rauða
nótt. Morgunblaðið ræddi
við Ólaf Þórðarson, einn
aðstandenda hátíðarinnar.
– Hver er saga hátíðar-
innar?
„Ég fékk upphringingu
frá sveitungum í Árnesi í
hittiðfyrra varðandi uppá-
komu eða sumarhátíð í Ár-
nesi. Hugmyndin að hátíð-
inni var upphaflega sú, að
skapa aðstæður fyrir óraf-
magnaða tónlist, þar sem
fólk kæmi saman til að
spila. Svona hátíðir þekkj-
ast um alla Skandinavíu, í
Bandaríkjunum og Kanada. Þar
kemur fólk á staðinn með hljóð-
færin sín, kynnist nýjum spilurum
og prófar sig áfram saman.
Stemningin getur verið alveg gríð-
arleg, og allir fá að njóta sín. Sama
hvort fólk kann mikið eða lítið allir
fá að spila með og leggja sitt af
mörkum. Þetta er algjör nýjung
hér á landi, og tekur nokkur ár í
uppbyggingu.“
– Hvernig er dagskráin upp-
byggð?
„Haldnir verða útgáfutónleikar
hljómsveitarinnar South River
Band um kvöldið. Í hljómsveitinni
eru átta manns, og þeir eru boðnir
og búnir að djamma með gestum
hátíðarinnar um daginn. Einnig
verður önnur hljómsveit á staðn-
um til að spila með fólki. Þannig
fáum við grunn að spilamennsk-
unni, sem síðan má leika af fingr-
um fram að vild ofan á.“
– Segðu okkur meira frá hljóm-
sveitinni.
„Já, hún er nokkurs konar
fjöldasöngsgrúppa. Söngtextun-
um er varpað upp á stórt tjald svo
að allir geta sungið með og lifað
sig inn í tónlistina. Bæði verða
spiluð þekkt lög og frumsamin, og
að útgáfutónleikunum loknum
verður slegið upp dansleik fram á
rauða nótt með hljómsveitinni
Nátthröfnum.“
– Hvenær ættu áhugasamir að
mæta á svæðið?
„Við hvetjum fólk til að mæta að
deginum, með hljóðfærin sín, og
koma sér í gírinn fyrir kvöldið.
Líkt og ég sagði áðan verða hljóm-
sveitirnar boðnar og búnar að
spila með fólki fram eftir degi, og
um að gera að nýta tækifærið.“
– Hvernig hefur fjármögnun
verið háttað?
„Svona hátíð er mjög kostnað-
arsöm, og af þeim sökum verður
hún aðeins einn dagur í ár. Áður
höfum við verið heila helgi, og til
dæmis var fyrsta hátíðin, sumarið
2000, afskaplega vel heppnuð en
afskaplega dýr. Af þeim sökum
getum við ekki haft ókeypis inn,
því miður.“
– Hátíðin byggist á miklu hug-
sjónastarfi.
„Já, sannfæring mín
er sú að fólk hafi af-
skaplega gott af því að
spila og syngja saman.
Þá losnar úr læðingi al-
veg einstök tilfinning,
samhljómurinn milli manna. Þetta
er raunveruleg alþýðutónlist, fólk-
ið skapar hana sjálft. Við látum
liggja milli hluta hve mikið fólk
kann fyrir sér, grundvallaratriðið
er að vera með.“
– Hvernig hefur það reynst þér
að fá Íslendinga á band hug-
sjónanna?
„Það gengur hægt og rólega, en
ofsalega vel. Hér heima er ekki til
þessi alþýðutónlistarhefð að neinu
marki. Við þekkjum vettvang þar
sem einn gutlar á gítar og hinir
gaula með, en eigum ekki fordæmi
fyrir samspili af þessu tagi. Þess
vegna þarf að skapa hana frá
grunni í anda þeirra hátíða sem
haldnar hafa verið ytra. Ég hef
verið á ótrúlega eftirminnilegum
tónleikum á svona hátíðum erlend-
is, enda er fólkið þar margt alið
upp við að spila saman, spinna vef
úr tónum og lyfta andanum í hæðir
með tónlistinni. Þegar hljóðfærin
koma saman og hætta að gutla
hver í sínu horni, þá gerist eitt-
hvað stórkostlegt.“
– Alvarlegri tónlist er jafn nauð-
synleg samt sem áður, ekki satt?
„Jú, mikil ósköp. Tónlistin nær-
ist á svo mörgu, og engu má
sleppa. Þess vegna á alvarlegri
tónlist og fagmannlega spiluð tón-
list að sjálfsögðu fullan rétt á sér.
Hins vegar á alþýðutónlistin, tón-
listin sem kemur frá hjartanu og í
hita augnarbliksins, einnig sinn
tilverurétt, sem ég vona að eigi
eftir að styrkjast um ókomin ár.“
– Það er hægt að tjalda hjá Ár-
nesi, ekki satt?
„Já, fólk er hvatt til
að mæta til dæmis
strax á föstudeginum
svo það sé til í tuskið á
laugardaginn. Við ætl-
um að spila úti um dag-
inn, ef veður leyfir, og þá myndast
sannarleg sumarstemning. Það er
yndislegt að njóta tónlistarinnar
saman úti í náttúrunni. Svo er
hægt að færa sig inn í félagsheim-
ilið þegar á líður og þar er mjög
góð aðstaða, stórt svið og flygill, til
reiðu fyrir þá sem vilja, svo ekki
þarf að bera hann með sér.“
Árnes stendur við þjóðveg 32,
Þjórsárdalsveg.
Ólafur Þórðarson
 Ólafur Þórðarson er fæddur
1949 í Glerárþorpi á Akureyri.
Ólafur lauk tónmenntakenn-
araprófi frá Tónlistarskólanum í
Reykjavík 1974 og kenndi m.a. í
Garðaskóla Garðabæ, Digranes-
skóla og Víghólaskóla í Kópvogi
og Hlíðaskóla í Reykjavík. Starf-
aði hjá Ríkisútvarpinu frá 1979–
1990, á útvarpsstöðinni Aðalstöð-
inni frá 1990–1992. Starfaði sem
ljósmyndari o.fl. á Vikublaðinu
og Helgarpóstinum frá 1992–
1997. Stofnaði eigið fyrirtæki,
Þúsund þjalir ehf. – umboðs-
skrifstofu listamanna 1997 og
starfar við hana í dag. Ólafur
hefur komið fram með ýmsum
tónlistarmönnum í gegnum árin,
s.s. í sveitum eins og Ríó tríói,
Kuran Swing, South River Band
og Hitaveitunni. Ólafur er
kvæntur Dagbjörtu Helenu Ósk-
arsdóttur snyrtifræðingi.
Allir mæti og
spili með
í Árnesi