Morgunblaðið - 05.07.2002, Blaðsíða 14

HÖFUÐBORGARSVÆÐIÐ
14 FÖSTUDAGUR 5. JÚLÍ 2002 MORGUNBLAÐIÐ
BT OPNAR Í
SMÁRALIND
LAUGARDAG
KL. 11:00
EKKI MISSA AF
ÞESSU!
TILGANGUR göngumanna þetta
kvöld er að kynna sér byggðir álfa,
dverga, huldufólks og annarra
vætta í Elliðaárdal auk þess sem
kraftur náttúrunnar og orkulindir
dalsins eru kannaðar en gangan er á
vegum Orkuveitu Reykjavíkur.
Vættir af öðrum heimi virðast
höfða sterklega til borgarbúa því
um og yfir hundrað manns eru
mættir til þess að heilsa upp á þessar
verur sem alla jafna láta lítið fyrir
sér fara í hinni mannlegu veröld. Í
upphafi göngu fá allir afhent kort af
dalnum þar sem búið er að merkja
inn helstu orkuuppsprettur og álfa-
byggðir en auk þess eru á kortinu
ýmsar leiðbeiningar um orkuæf-
ingar til hressingar fyrir mannsand-
ann.
Hópurinn kemur saman við Minja-
safn Orkuveitunnar þar sem Erla
Stefánsdóttir sjáandi ávarpar
göngufólkið: „Við ætlum að athuga
hvort við getum séð verurnar sem
búa í trjánum og blómunum og
steinunum. Álfarnir og dvergarnir
búa víðar en merkt er á kortinu
þannig að þið megið reyna að skynja
þetta sjálf,“ segir hún og heldur
áfram.
„Það skemmtilega við þennan
stað er að hann er svo gjöfull. Hér
getum náð okkur í orku, ekki bara
rafmagnið heldur líka þessa orku
sem við getum notað okkur til góðs.“
Við Rafveituheimilið segir Erla
frá marglitum orkulínum sem eru
yfir öllu landinu. Hún segir mann-
fólkið geta gert sér gott af þessari
orku sem hægt sé að nálgast með
ýmsum æfingum og margar þeirra
eru reyndar síðar í göngunni. Erla
nefnir hríslurnar í dalnum sér-
staklega í því sambandi.
„Trén eru með ljósum eins og
jólatré – ekki alla vega litum ljósum
heldur blikandi, gulhvítum ljósum.
Og ef þið hvíslið að trénu og hallið
ykkur upp að því þá getur verið að
þið fáið einhver sérstök skilaboð í
eyrun.“
Lítill drengur horfir opinmynntur
á Erlu þar sem hún útskýrir þessi
undur og á eftir hleypur hann upp-
numinn til mömmu sinnar: „Heyrð-
iru þetta, mamma, ef maður hvíslar
að trénu þá segir það manni kannski
eitthvað!“
Huldufólkið yfirleitt
ekki í úlpum
Aftur er numið staðar við göngu-
brúna yfir Elliðaárnar þar sem Erla
segir gríðarlegan orkupunkt að
finna. Skammt frá, í fallegum trjá-
lundi, bendir hún á að gott sé að
gera trjáæfingar, sem ganga út á að
faðma mismunandi tré að sér. „Þið
skulið reyna að finna muninn á
birki-, reyni, víði- og grenitrjám. Ég
veit að það er erfitt að taka á gren-
inu en það gefur allt annað svar. Svo
eru líka til margar tegundir af
greni.“
Hún segir þó enga trjátegund
betri en aðra, þær hafi einfaldlega
mismunandi eiginleika. „Mér finnst
nú ekkert eins gott og að faðma
hlyn. Ég er mjög ástfangin af hlyni.“
Brosandi spyr hún hvort einhver í
hópnum heiti Hlynur og uppsker
hlátur göngumanna.
Hún lætur það þó ekki slá sig út af
laginu. „Á þessum bletti eru ekki
bara trjáálfar, sem svífa hérna á
milli trjánna, heldur er líka huldu-
fólk hérna á bak við mig,“ segir hún
og bendir á nokkrar manneskjur í
lundinum. „Þegar ég sá mannfólkið
þarna þá var ég eitt augnablik ekki
viss hvort þetta væru manneskjur
eða huldufólk en huldufólkið er yf-
irleitt ekki í úlpum!“
Hún leggur áherslu á að hún trúi
ekki á álfa heldur sjái hún þá. „Ég
trúi heldur ekkert á ykkur þótt ég
sjái ykkur. En aftur á móti þegar
maður sér fallegt fólk í mismunandi
litum með svona bjartar árur eins og
þið hafið og náttúruna eins lifandi
og bjarta eins og hún er þá vekur
það trúna á skaparann.“
Áður en haldið er áfram biður
Erla viðstadda að gera svokallaða
jarðarorkuæfingu sem gengur út á
að standa gleiðfættur og teygja
hendur til himins. Eftir að fólkið
hefur endurnærst með þessum hætti
er haldið áfram inn dalinn án fylgd-
ar Erlu sem heilsu sinnar vegna
treystir sér ekki til frekari göngu. Í
staðinn er ákveðið að hittast aftur
að göngu lokinni.
Æfing með sumartilfinningu
„Vonandi sé ég einhverntímann
álfa, á ég þá að benda þér á þá
mamma?“ segir einn pjakkurinn á
göngunni og klykkir sjálfur út með
því að líklega verði hann bara að
vera þolinmóður eigi þessi draumur
að ganga eftir. Rauðhærður hnokki
felur sig á bak við stein og vonast
kannski til að einhver haldi að hann
sé huldumaður. Reyndar heldur
blaðamaður um tíma að hann hafi
séð álf en við nánari athugun kemur
í ljós að þar er á ferðinni venjulegur
mannastrákur með sóleyjarvönd í
hendi og skrýtna húfu sem eyrun
standa út undan.
„Þarna er álfasteinn,“ hrópar ein-
hver. Hópurinn stansar og fær leið-
sögn um það hvernig gera megi eina
orkuæfingu í viðbót og um stund
stendur allur hópurinn með lokuð
augun og einbeitingu í svip. Stelpa á
að giska sjö ára bætir um betur og
dregur Pókémon-hárbandið sitt nið-
ur yfir augun á meðan á æfingunni
stendur. Fullorðinn karlmaður með
hatt hristir höfuðið yfir tilburðum
hópsins og kona um fertugt segir við
vinkonu sína að þetta hafi nú verið
svolítið skrýtið. „Já, svona sumartil-
finning,“ segir vinkonan hin ánægð-
asta.
Á leiðinni upp að rafveituheim-
ilinu eru göngugestir hvattir til að
faðma að sér tré með góðum stofni
og einhverjir hverfa inn á milli
trjánna. Eldri karlmenn með grátt í
vöngum spjalla saman um álfana
„heima í sveit“ og eru sammála um
að lítið hafi nú verið um þá rætt og
frekar dregið úr slíku tali. „En mað-
ur vissi nú samt af þessu þótt ég hafi
aldrei séð neitt svoleiðis,“ segir ann-
ar. „Nei,“ segir hinn. „Maður þarf að
vera skyggn til þess.“
Mennirnir gestir á jörðinni
Að leiðarlokum hittir hópurinn
Erlu á ný og hún fagnar því að eng-
inn hafi horfið inn í hulduheima á
leiðinni og segir mörg dæmi um að
slíkt hafi gerst. „Ég vona að þið haf-
ið fundið kraftinn og séð veröldina í
öðru ljósi en með þessum tveimur
augum sem eru í andlitinu,“ segir
hún.
„Maður ætti alla daga að huga að
því að við hliðina á okkur er annar
heimur sem er alveg eins merki-
legur eins og sá sem við stöndum í.
Þar eru verur sem við þurfum að
gæta að. Það segir í skemmtilegum
fræðum að álfarnir og huldufólkið
eigi jörðina en mennirnir eru gestir.
Við skulum hafa það í huga.“









 





 



   
  !!
"
  #
 $
%& '  


  '  "
"
"

( 
)   #+ %, - 







 




 


    

 

 ! 


"#$%&'(&
Á göngu í
álfabyggðum
Morgunblaðið/Árni Sæberg
Áhugi fólks á hulduheimum virðist vera mikill því um og yfir 100 manns
gengu um álfaslóðir í Elliðaárdalnum síðastliðið þriðjudagskvöld.
Skammt frá einni göngubrúnni yfir árnar sýndi Erla göngumönnum
stað þar sem mikla orkuuppsprettu er að finna að hennar sögn.
Fólk sem faðmar tré að sér af áfergju er ekki
hversdagsleg sjón en þeir sem áttu leið um
Elliðaárdalinn síðastliðið þriðjudagskvöld hafa
hugsanlega orðið vitni að slíku. Bergþóra
Njála Guðmundsdóttir slóst í hóp fólks í álfa-
göngu um dalinn undir leiðsögn Erlu Stefáns-
dóttur sjáanda.
Elliðaárdalur
GERT er ráð fyrir að samnings-
drög milli Garðabæjar og Jóns
Ólafssonar vegna uppbyggingar
byggðar á Arnarneshálsi verði
samþykkt á fundi bæjarráðs næst-
komandi þriðjudag. Áætlað er að
uppbygging hverfisins geti hafist á
næsta ári gangi samningar eftir.
Drög að samningnum voru lögð
fram á fundi bæjarráðs síðastlið-
inn þriðjudag en að sögn Guðjóns
E. Friðrikssonar bæjarritara hafa
samningaviðræður staðið yfir frá
árinu 1999. Deiliskipulag svæðisins
var samþykkt nokkrum árum áður
eða árið 1997 og að sögn Guðjóns
gerir það ráð fyrir 408 íbúðum.
„Þetta eru allar gerðir íbúða en
byggðin ber sömu merki og önnur
hverfi í Garðabæ þannig að það er
kannski meira um einbýlishús en
aðrar húsagerðir.“
Guðjón segir um að ræða sam-
starfssamning bæjarins við land-
eiganda um það hvernig uppbygg-
ingu verður hagað. „Þar kemur
fram hvaða skilyrði eru fyrir fram-
kvæmdum við ákveðna áfanga-
skiptingu. Við munum annast
gatnagerð og innheimta gatna-
gerðargjöld en landeigandinn mun
selja lóðirnar. Þannig munum við
fara eftir ákveðinni áætlun við
uppbyggingu á götum með fyrir-
vara um að göturnar byggist upp
jafnóðum.“
Tæplega 100
íbúðir á ári
Eftir á að hanna götur í hverf-
inu, lagnir og annað sem þeim til-
heyrir að sögn Guðjóns. Sömuleið-
is á eftir að bjóða verkið út og
hefja gatnaframkvæmdir. En hve-
nær má búast við því að uppbygg-
ing hverfisins hefjist? „Við gerum
ráð fyrir því að ef samningar
ganga eftir verði lóðir tilbúnar á
árinu 2003 og að uppbygging verði
á árabilinu 2003 til 2007. Það þýðir
tæplega 100 íbúðir á ári.“
Guðjón á von á því að lokadrög
samningsins verði samþykkt á
fundi bæjarráðs næstkomandi
þriðjudag og að í framhaldinu
verði útbúin fullgild samnings-
skjöl. Undirritun samningsins
verði því í kringum mánaðamót
júlí-ágúst.
Land Jóns Ólafssonar
á Arnarneshálsi
Samning-
ur um upp-
byggingu
í burðar-
liðnum
Garðabær