Morgunblaðið - 05.07.2002, Blaðsíða 56

56 FÖSTUDAGUR 5. JÚLÍ 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
FYRIR næstum tíu árum skrifaði ég
þessa grein og hugðist senda blaði, af
því varð þó aldrei.
Að enn gefnu tilefni vil ég nú reyna,
því efni greinarinnar er enn greini-
lega tímabært.
Oft sér maður það, að menn sem
ættu að hafa frumkvæði að ýmsum
hlutum sem varða almenning virðast
sofa ótrúlega lengi á málum sem öðr-
um, sem einhverja þekkingu hafa,
virðast þó einföld og auðveld úr að
bæta.
Eitt er til marks um slíkt andvara-
leysi að almenningur hefur ekki enn
verið upplýstur um, hvað gera má og
sem dugar í flestum tilfellum til að
koma í veg fyrir hin mörgu slys, sem
stafa af íkviknun frá sjónvarpstækj-
um.
Ég hef ekki séð eða heyrt um neina
könnun sem gerð hafi verið hér á
landi vegna þessara slysa né leitað or-
saka þeirra. Þó held ég að tíðni þeirra
sé með meira móti hér. Ég held flestir
haldi að þau stafi fyrst og fremst frá
tækjum, sem eru með fjarstýringu en
þau eru með stöðugan straum þótt
ekki sé verið að horfa á dagskrá.
Auk þess hefur grunur oft í seinni
tíð beinst að lykli Stöðvar tvö.
Hvor ástæðan sem þykir nú trú-
legri og þó nefndar væru til margar
fleiri líklegar er óhætt að segja eitt:
Ekki verður úr bætt né hægt að forð-
ast slys svo séð verði nema með einu
og einföldu móti. Það er að gera tækin
öll straumlaus meðan enginn er að
nota þau hvort sem er. Með öðrum
orðum, setja sérstakan slökkvara á
tengilinn sem tækið er tengt við,
slökkvara sem væri settur á heppileg-
an stað, til dæmis við stofudyr eða hjá
öðrum slökkvurum sem slökkva ljósin
í viðkomandi stofu.
Sjálfur á ég tæki, sem ekki er með
fjarstýringu en ég hef alla tíð viljað
hafa það tengt með þessum hætti,
ekki kannski vegna hræðslu við bruna
eða önnur slys heldur blátt áfram
vegna þess að það er svo þægilegt að
geta slökkt og gert allt straumlaust
sem ekki er í notkun.
Það kann í stöku tilfellum að vera
torvelt og kostnaðarsamt, sérstak-
lega í eldri húsum að setja sérstakan
rofa fyrir tengla í stofum, en sjálfsagt
er að ráðfæra sig við rafvirkja og láta
gera einhvers konar athugun og áætl-
un um umfang slíks verks. Í nýrri
húsum er þetta oftast miklu einfald-
ara, það er hægt að fá svo margvís-
lega rofa og tenglabúnað, koma í
sömu dósina mörgum rofum og þótt
þurfi að draga í fleiri víra er það ekk-
ert mál fyrir rafvirkja. Að gera ráð
fyrir slíkum aukarofum í nýbygging-
um ætti svo að vera sjálfsagt.
Það er furðulegt að hönnuðir og
Rafmagnseftirlitið, sem verða að telj-
ast þeir aðilar sem málið er skyldast,
skuli ekki fyrir löngu hafa gert ráð-
stafanir til að upplýsa almenning um
þetta tiltölulega einfalda öryggismál.
HELGI ORMSSON,
rafvirkjameistari,
Eyjabakka 16, 109 Reykjavík.
Skortur á framtaki?
Frá Helga Ormssyni:
ÞAÐ virðist vera dvínandi aðsókn að
vefriti Ungra jafnaðarmanna, Poli-
tik.is, ef marka má þau örþrifaráð
sem menn þar á
bæ hafa gripið til
í því skyni að
koma skoðunum
sínum á fram-
færi. En eins og
greint hefur ver-
ið frá í fjölmiðl-
um tók ritstjóri
vefritsins, Ómar
R. Valdimarsson,
upp á því nú ný-
verið að sækja
um lénið www.heimssyn.is stuttu
áður en stjórn samtakanna Heims-
sýnar sóttu um það.
Sagði ritstjórinn að uppátækið
hefði verið stríðni af hans hálfu en
ennfremur hugsað til að koma á
framfæri hans eigin skoðunum á
málefnum Íslands og Evrópusam-
bandsins. Engum dylst þó sennilega
hvað raunverulega hefur vakað fyrir
honum með uppátækinu. Vel má
vera að einhverjir kunni að líta mál-
ið spaugilegum augum, en það er
engu að síður ljóst að framkoma sem
þessi, sem ætlað er að skemma fyrir
öðrum, á lítið skylt við grín og flokk-
ast frekar undir skemmdarverk.
Í þessu sambandi má einnig nefna
það að í Morgunblaðinu 2. júlí sl. rit-
ar Ómar grein þar sem hann fagnar
umræðu um Evrópumálin, í kjölfar
stofnunar samtakanna Heimssýnar,
og á þá vonandi við málefnalega um-
ræðu. Umrætt útspil Ómars virðist
þó ekki lýsa mikilli ánægju með
stofnun samtakanna og á ennfremur
ekkert skylt við nokkuð sem kallast
getur málefnalegt. Maður spyr sig
því óneitanlega hvort þetta uppá-
tæki sé að mati Ómars dæmi um
æskilega framkomu í málefnalegri
umræðu? Við skulum vona að svo sé
ekki og að hér hafi einungis verið
um að ræða vanhugsað hliðarspor af
hans hálfu.
En eins og komið var inn á í byrj-
un verður það að teljast afar ein-
kennileg átylla hjá Ómari að halda
því fram að tilgangurinn með uppá-
tækinu hafi verið að vekja athygli á
hans eigin skoðunum á Evrópumál-
unum. Ef sú er hins vegar raunin
hlýtur Ómar að eiga í stökustu vand-
ræðum með að koma sjónarmiðum
sínum á framfæri. Ég þekki annars
ekki hversu mikil umferð er um vef-
rit Ungra jafnaðarmanna en vel má
vera að heimsóknir á vefritið hafi
dregist svo saman að forráðamenn
þess hafi séð sig tilneydda að grípa
til örþrifaráða til að vekja athygli á
sér og skoðunum sínum.
HJÖRTUR J. GUÐMUNDSSON,
meðlimur í Flokki framfarasinna
og Heimssýn.
Er dvínandi aðsókn
að Politik.is?
Frá Hirti J. Guðmundssyni:
Hjörtur J.
Guðmundsson