Morgunblaðið - 05.07.2002, Blaðsíða 48

MINNINGAR
48 FÖSTUDAGUR 5. JÚLÍ 2002 MORGUNBLAÐIÐ
✝ Kjartan EinarHafsteinsson
fæddist á Akureyri 8.
ágúst 1974. Hann lést
30. júní síðastliðinn á
gjörgæsludeild
Landspítalans í Foss-
vogi af slysförum.
Hann var sonur
hjónanna Hafsteins
Þorbergssonar rak-
ara og Ingibjargar J.
Kristinsdóttur. Syst-
ur Kjartans eru
Hulda, Helga og Þór-
unn.
Kjartan ólst upp á
Akureyri og lauk sínu grunn-
skólanámi þar, í tvo vetur var
Kjartan við nám í Verkmennta-
skólanum á Akur-
eyri. Þaðan fór hann
til Reykjavíkur og
hóf nám við Iðnskól-
ann í Reykjavík þar
sem hann útskrifað-
ist sem hársnyrti-
sveinn 1996 og lauk
síðan meistaranámi í
sinni iðn á vordögum
2000. Kjartan starf-
aði í fjölskyldufyrir-
tækinu Hársnyrti-
stofunni Medullu á
Akureyri ásamt
systrum sínum þeim
Huldu og Helgu.
Útför Kjartans verður gerð frá
Akureyrarkirkju í dag og hefst at-
höfnin klukkan 14.
Elsku besti Kjarri minn, mikið á
ég eftir að sakna þín.
Fyrst þegar ég heyrði fréttirnar
um morguninn að þú hefðir lent í
slysi og værir kominn í góðar hendur
í Reykjavík fannst mér ég hafa svo
mikla von um að þú kæmir aftur.
Todda systir tók meira að segja hrein
föt handa þér sem þú gætir labbað í
út af sjúkrahúsinu.
Ég reyndi að peppa þig upp, hall-
aði mér upp að eyranu þínu og sagði
að þú værir hetja og værir duglegur
og grátbað þig um að koma til okkar
aftur. En svo vissi ég að höfuðáverk-
ar þínir voru svo miklir að þú myndir
aldrei verða sami maður aftur ef þú
myndir lifa þetta af, þá hætti ég að
vera eigingjörn og bað guð að gera
það sem þér væri fyrir bestu og að
það væri guðs vilji en ekki minn. Það
var erfitt elsku Kjarri minn en ég
gerði það samt því oft viljum við taka
fram fyrir hendurnar á guði, en guð
er góður og miskunnsamur og tók
þig í fangið sitt og söngurinn sem ég
söng fyrir þig þegar þú varst að fjara
út kom svo frá hjartanu mínu og ég
strauk krullaða hárið þitt á meðan
því ég elskaði þig og vildi koma við
þig.
Þú varst miklu meira en bróðir
minn, þú varst vinur minn og vinnu-
félagi og áttir meira að segja heima
við hliðina á mér og borðaðir mjög oft
heima hjá mér, þú komst á hverjum
degi til að hitta stelpurnar mínar og
litla Birta Júlía dýrkaði þig og þú
hana.
Þegar þú komst sagðir þú alltaf
fyrst „er Birta sofnuð, missti ég af
henni, ég er ekki búinn að sjá hana í
allan dag “. En Hafdís og Birta Júlía
voru svo lánsamar að vera með þér
síðasta daginn.
Minningarnar streyma og það eru
svo góðar minningar og þær koma
mér í gott skap. Ég hafði svo gaman
af að stríða þér, þú hafðir líka svo
gaman af því. En þú varst stríðinn
líka, ég man að um jólaleytið þá sá ég
þig vera að snuðra í kring um húsið
mitt og varst eitthvað að fikta í jóla-
seríunni á húsinu mínu og ég hugs-
aði, „æi hann Kjarri minn, hann er
svo góður að laga seríurnar hjá syst-
ur sinni“. Svo áttaði ég mig á því að
það vantaði fullt af perum í seríurnar
á húsið mitt. Þú tókst mínar til að
geta sett á þitt hús þar sem þig vant-
aði perur og það sauð í þér hláturinn.
Fyrst ég er að minnast á hláturinn
þinn, þá hlóstu mjög hátt.
Ég er svo ánægð að eiga þennan
tíma með þér, við vorum svo náin og
alltaf oní hvort öðru og það er eins
með hin systkini mín sem mér þykir
óendanlega vænt um líka. Ég sé líka
þig í þeim og eins í vinum þínum,
þetta eru frábærir vinir sem þú átt
Kjarri minn og þau eru búin að
styrkja okkur mikið. Ég lærði mikið
af þér, þú gafst svo mikinn kærleik af
þér. Maður á að taka utan um óvini
sína og gefa þeim kærleik, sagðir þú
við mig fyrir svona viku síðan og það
er alveg rétt.
Elsku Kjarri minn, ég mun geyma
þig í hjarta mínu.
Guð geymi þig, þín systir
Helga.
Elsku litli – stóri bróðir.
Mig langar til að þakka þér fyrir
þann tíma sem ég fékk að eiga með
þér. Allar minningarnar, sárar og
sætar, allt sem við eigum saman.
Þetta eigum við og enginn getur tek-
ið það frá okkur, kojurnar, bangsana,
bíóferðirnar, hafragrautinn hans
pabba, afmælin okkar, útilegurnar
með mömmu og pabba, öll litlu æv-
intýrin okkar og ekki má gleyma
kvöldinu sem þú kenndir mér að ropa
frá hjartanu.
Þú varst alltaf fyrirmyndin mín,
kannski ekki alltaf sú besta, en samt
sem áður fyrirmyndin mín. Ég var
svo ánægð þegar þú fórst í áfeng-
ismeðferð og ég veit að þú hafðir
miklar áhyggjur af litlu systur þinni
þá. En ég fetaði sömu slóð og varð
líka edrú, tveimur árum seinna, og þú
lést mig taka 24 stunda bókina þína
með mér inn á Vog af því að hún hafði
bjargað lífi þínu. Oftar en ekki komu
brestir í sambandið okkar en systk-
inafaðmið fyllti alltaf upp í þá og
sættir tókust.
Þú varst alltaf svo rosalega stríð-
inn og líka ég. Kímnigáfan þín, hlát-
urinn þinn, kærleikurinn í hjartanu
þínu er það sem hjálpar mér að kom-
ast í gegnum hvern dag. Ég er líka
svo þakklát fyrir að hafa fengið þann
dýrmæta tíma að fá að kveðja þig,
það er ómetanlegt. Ég fékk að fylgja
þér alla leið. Ég fékk að halda í hend-
ina þína en það var svo erfitt sleppa
henni. Elsku Kjarri minn, hversu
langt sem er á milli okkar, þá eru
tengsl okkar órjúfanleg. Þú verður
alltaf sérstakur hluti af lífi mínu. Og
eins og Jói sagði þá hefur þú fengið
stöðuhækkun, þú varst engill hér á
jörðinni – nú ertu engill á himnum.
Krullóttur engill. Mér finnst samt
eins og það vanti helminginn af mér
og ég er svolítið hrædd og sakna þín
svo sárt. En Guð heldur í aðra hend-
ina mína og þú í hina.
Þegar þú ert sorgmæddur, skoðaðu þá
aftur huga þinn, og þú munt sjá, að þú
grætur vegna þess, sem var gleði þín.
(Kahlil Gibran.)
Stundum kallar hún og segir
orðin sem búa til tómleikann.
Taktfast óm sem stoppar og þegir
er það vegna vanhæfni minnar
eða var það hvað sem ég gerði.
En veistu ég get ekki slökkt
á tónlistinni
sem kemur og fer.
Er það vegna þess að
ég er ekki tilbúinn
til að taka því
sem ég hef að tapa.
En þegar ég loka augunum
hlusta ég samt,
tónlistin sem kemur og fer.
En sjáðu hvað ég fékk í þinn stað
eitthvað sem ekki fer, trúin
sem sagt ég.
Og mín stjarna fær ekki að hrapa.
(Kjartan Einar Hafsteinsson.)
Ég mun geyma þig í hjartanu
mínu, elsku Kjarri minn.
Þín
Þórunn – Todda, litla systir.
Elsku Kjartan minn, ég á eftir að
sakna þín mikið. Guð gerir ekki mis-
tök og ég veit að nú bíður þín fallegt
hlutverk hjá hinum englunum. Ég
veit að þú munt passa litla ljósið okk-
ar. Þú átt alltaf stóran hluta í hjarta
mínu. Þú sýndir mér lífið og ég er þér
óendanlega þakklát. Ég mun halda
áfram því ég veit að það er þinn vilji,
hetjan mín.
Elsku Inga, Haddi, Hulda, Lúlli,
Helga, Tobbi, Todda og litlu frænd-
systkinin. Megi Guð og góðir englar
styrkja ykkur í þessum mikla missi.
Þetta lag tengdi okkur mikið sam-
an og ég vil kveðja þig, engillinn
minn, með þessum texta. Takk fyrir
allt.
Ég læt mig líða áfram
hugsa hálfa leið
í gegnum hausinn
afturábak
sé sjálfan mig syngja
fagnaðarerindið
sem við sömdum saman
og boðuðum út
við áttum draum, áttum allt
við riðum heimsendi
við riðum leitandi
klifruðum skýjakljúfa sem síðar sprungu
upp
friðurinn úti, ég lek jafnvægi, dett niður
algjör þögn
ekkert svar
en það besta sem
Guð hefur skapað er nýr dagur.
(Sigur Rós.)
Ástarkveðja, þín vinkona
Kolbrún.
Elsku Kjarri. Það er svo erfitt að
hugsa til þess að fá aldrei að sjá þig
aftur í þessu lífi, en það er gott að vita
að þú tekur á móti mér þegar að því
kemur.
Minningarnar úr litla græna hús-
inu að Hríseyjargötu 18 eru margar
og ég tala nú ekki um Hríseyjargötu
20 og litla traðkaða stíginn á milli
húsanna.
Það voru forréttindi að fá að kynn-
ast þér og þínu góða fólki sem tók svo
vel á móti mér og gerir enn.
Ég á aldrei eftir að geta skrifað
eitthvað í þessari grein sem lýsir
sorg minni í dag.
Eða sú tilhugsun að þú sért ekki
enn hér.
Daginn sem ég átti að mæta í
klippingu til þín fyrst þá gat ég ekki
sofnað.
Ég skoðaði myndina í Séð og heyrt
af þér og Halla stríddi mér á því að
ég væri ástfangin af „magazine boy“.
Ég vaknaði um morguninn kl 7.30 en
átti að mæta 9.30, ég var á nálum af
því að ég vissi ekki hvaða fötum ég
átti að fara í, og mér tókst að mæta of
seint.
En hverjum hefði dottið í hug þann
morguninn að leiðir okkar ættu eftir
að liggja saman.
Eftir stend ég ringluð og tóm og
nú tekur tími uppgjörsins við hjá mér
þar sem minningarnar munu hrinda
af stað erfiðri atburðarrás liðinna
tíma og enn á ný horfast í augu við
erfiðar tilfinningar.
Elsku Kjarri minn, góða nótt og
sofðu vel, ég mun alltaf elska þig.
Elsku fjölskylda, takk fyrir allar
góðu stundirnar og styrkinn sem þið
hafið gefið mér þrátt fyrir ykkar erf-
iðu sorg, alltaf ykkar
María.
Elsku Kjarri.
Góður drengur er genginn,
góður maður er dáinn.
Minnir hann oft á máttinn
maðurinn slyngi með ljáinn.
Allra okkar kynna
er ánægjulegt að minnast.
Mér finnst slíkum mönnum,
mannbætandi að kynnast.
(Kristján Árnason frá Skálá.)
Þó í okkar feðrafold
falli allt sem lifir
enginn getur mokað mold
minningarnar yfir.
(B. Jónsson.)
Ég vil votta fjölskyldu og vinum
hans Kjartans samúð mína.
Kveðja
Elín Mjöll (Ella).
Hvíslar mér hlynur
hár í skógi
sögu sviplegri.
„Óx mér við hlið
ei fyrir löngu
burkni blaðmjúkur.“
Drakk hann að morgni
munngát nætur,
geisla um hádag heiðan;
hugði hann sól
og sumarástir
vara ævi alla.
Leið nótt,
lýsti nýr dagur,
huldi héla rjóður.
En vininn minn
veikstilka
sá ég aldrei aftur.
Drúpir dimmviður
dökku höfði,
dagur er dauða nær.
hrynja lauftár
litarvana
köldum af kvistsaugum.“
(Jóhann Sigurjónsson.)
Þú ert farinn, horfinn okkur sjónum,
Kjarri, þú góði drengur. Það var allt-
af svo gaman að koma til þín í stólinn
í horninu á Medúllu. Og hvað við
spjölluðum! Þú varst svo áhugasam-
ur um margt. Stundum skiptirðu um
disk í geislaspilaranum til þess að
lofa mér að heyra tónlist sem þú
varst svo hrifinn af og fá álit mitt.
Síðast þegar við hittumst sagðir þú
mér, fullur áhuga og gleði, frá ljóðum
afa þíns. Þú fórst með ljóð eftir hann
og við ræddum um ljóð og tónlist. Þú
varst svo einlægur og hrifnæmur og
okkur kom vel saman. Við ræddum
um allt milli himins og jarðar meðan
þú puðaðir með höndunum en ég
slakaði á, sötraði kaffi og naut þess
að láta nudda á mér kollinn. Þú varst
listamaður í þínu fagi og skarð þitt
verður vandfyllt.
Ég og fjölskylda mín vottum for-
eldrum, systrum, vinum og öllum
vandamönnum þínum okkar dýpstu
samúð.
Dreifir þú, dagstjarna,
dimmu nætur,
glöð af glóbreiðri
götu þinni;
ljós fékkstu lýðum
langar á gangi
dagstundir dýrar,
ó dagstjarna!
Vekur þú von
og vekur þú bæn,
hvenær sem dapri
dimmu hrindir,
og augu kætir
allrar skepnu;
Þökk er og lofgjörð
á þinni leið.
Hníg þú hóglega
í hafskautið mjúka
röðull rósfagur!
og rís að morgni,
frelsari, frjóvgari
fagur Guðs dagur!
Blessaður, blessandi,
blíður röðull þýður.
(Jónas Hallgrímsson.)
Ég kveð þig, kæri Kjarri. Minning
þín mun lifa. Megi birta sólar gefa
huggun og von.
Sæbjörg (Lalla).
Elsku Kjarri minn.
Hví var þessi beður búinn,
barnið kæra, þér svo skjótt?
Svar af himni heyrir trúin
hljóma gegnum dauðans nótt.
Það er kveðja: ,,Kom til mín!“
Kristur tók þig heim til sín.
Þú ert blessuð hans í höndum,
hólpin sál með ljóssins öndum.
(Björn Halldórsson.)
Ég vil trúa því að sá sem öllu ræð-
ur hafi ætlað þér annað og meira
hlutverk hjá sér á æðra tilverustigi.
Það er erfitt að hugsa til þess að þú
mætir ekki í vinnuna á morgnana
eins og þú varst vanur að gera. Þú
sem varst svo duglegur að vinna og
ég minnist þess að ef síminn hringdi
og það var verið að biðja um klipp-
ingu eða eitthvað þess háttar og það
var því miður allt fullt, þá var oft
sagt: „Má ég þá aðeins tala við hann
Kjarra?“ og viti menn, viðkomandi
fékk klippingu, því þú sást alltaf
smugu til að redda hinum og þessum.
Þú varst ótrúlega góður fagmaður og
kenndir mér margt sem ég hef notið
góðs af og mun alltaf gera. Þú varst
sannkallaður meistari.
Þegar við keyrðum suður á hár-
greiðslusýninguna um daginn spjöll-
uðum við mikið saman. Þú sem varst
svo ánægður og við töluðum um hvað
við værum hamingjusöm með lífið og
tilveruna. Ég vona bara, Kjarri minn,
að þú sért jafn hamingjusamur á nýja
áfangastaðnum. En hér mun aldrei
KJARTAN EINAR
HAFSTEINSSON
: 
;  
,;  -   
  


   
 
   
 
 

&
 
" 6

&,F


3/ !#: 08
4= " 
7,G,
" H
,<
 
  " +
Handrit afmælis- og minningargreina skulu vera vel frá gengin, vélrituð eða tölvusett. Sé
handrit tölvusett er æskilegt, að disklingur fylgi útprentuninni. Senda má greinar til blaðsins
í bréfsíma 569 1115, eða á netfang þess (minning@mbl.is). Nauðsynlegt er, að símanúmer höf-
undar/sendanda fylgi. Nánari upplýsingar má lesa á heimasíðum. Það eru vinsamleg tilmæli
að lengd greina fari ekki yfir eina örk A-4 miðað við meðallínubil og hæfilega línulengd — eða
2.200slög. Höfundar eru beðnir að hafa skírnarnöfn sín en ekki stuttnefni undir greinunum.