Morgunblaðið - 12.07.2002, Síða 9

FRÉTTIR
MORGUNBLAÐIÐ FÖSTUDAGUR 12. JÚLÍ 2002 9
www.oo.is
Opið laugard. frá kl. 11-16
BRIO Kombi kerruvagn
62.950 - 59.800 stgr.
Teutonia Delta kerruvagn
66.300 - 62.990 stgr.
ORA Carletto kerruvagn
59.950 - 56.950 stgr.
BASSON Roma kerruvagn
49.900 - 47.400 stgr.
Ú
rv
al
ið
er
h
já
ok
k
u
r
Engjateigi 5, sími 581 2141.
Opið virka daga frá kl. 10.00–18.00, laugardaga frá kl. 10.00–15.00.
Allt á útsölu
Meiriháttar kaup.
Viltu vera með?
Allt að 80% afsláttur
Grímsbæ,
sími 588 8488
Útsala — Útsala

 

 
    

 



 
Útilegustóll
með örmum, glasahaldara
og skemil
2.590 kr.
ÞAÐ fór vel á með þeim vinum,
Bergsveini Stefánssyni og kett-
lingnum Táslu, þegar þeir brugðu á
leik á dögunum. Bergsveinn, sem er
sex ára gamall, var gestkomandi í
Bræðratungu í Biskupstungum þar
sem hann kynnti sér lífið í sveitinni
og skoðaði dýrin sem þar búa. Hann
fékk m.a. að halda á Táslu litlu sem
virðist una sér vel hjá þessum nýja
vini sínum. Tásla býr ásamt
mömmu sinni og systkinum í fjósinu
í Bræðratungu og skilaði Berg-
sveinn henni aftur til mömmu sinn-
ar að leik loknum.
Bergsveinn Stefánsson sem var
gestkomandi í Bræðratungu í Bisk-
upstungum knúsar kettlinginn
Táslu áður en hann kemur honum
aftur til mömmu sinnar í fjósinu.
Morgunblaðið/Einar Falur
Vinaknús í sveitinni
HÉRAÐSDÓMUR Reykjavíkur
sýknaði á miðvikudag íslenska ríkið
af rúmlega 17 milljóna kröfu sjúk-
lings vegna meintra læknamistaka
við aðgerð sem hann gekkst undir
árið 1997. Byggði stefnandi kröfur
sínar m.a. á því að við aðgerðina
hefði lega á handlegg hans verið
röng. Einnig var byggt á því að
mistök hefðu átt sér stað við svæf-
ingu hans í aðgerðinni.
Stefnandi greindist upphaflega
með samfallið vinstra lunga og var
skorinn upp á Landspítalanum eftir
árangurslausar lækningatilraunir á
Neskaupsstað.
Stefnandi kvaðst hafa átt við þrá-
lát einkenni að stríða frá vinstri öxl
allt frá aðgerðinni og taldi að mis-
tök hefðu átt sér stað og óskaði eft-
ir rannsókn landlæknis á málinu. Í
áliti þáverandi landlæknis var talið
langlíklegast að rekja mætti óþæg-
indi stefnanda til rangrar legu á
handlegg við aðgerð. Þá komst
nefnd um ágreiningsmál samkvæmt
lögum um heilbrigðisþjónstu að því
að mistök í svæfingu hefðu átt sér
stað sem líklegt yrði að telja að
hefðu valdið tjóni hans.
Varanlega örorka stefnanda var
talin vera 50% og varanlegur miski
30%.
Fylgikvillar ekki raktir
til saknæmrar hegðunar
Stefndi mótmælti því að lega
handleggs stefnanda hefði verið
röng eða að mistök hefðu orðið við
svæfingu og krafðist sýknu í mál-
inu. Var m.a. byggt á því að álits-
gerð landlæknis, þar sem líklegast
var talið að óþægindin mætti rekja
til rangrar legu handleggs, væri
ekki rökstudd. Þá lægi fyrir álits-
gerð yfirlæknis á Landspítalanum
þar sem talið var að vandamál
stefnanda mætti rekja til fylgikvilla
sem alltaf gæti komið upp við að-
gerðir án þess að rekja mætti þá til
saknæmrar hegðunar starfsólks.
Dóminum þótti vanta stoðir undir
þá kenningu þáverandi landlæknis
að lega handleggsins hefði verið
röng. Ekki kom fram á hvaða gögn-
um landlæknir byggði álitið eða
hvort hann hefði sjálfur skoðað
stefnda. Núverandi landlæknir
kemst að í því í álitsgerð sinni að
líklegra sé að taugaskaða stefnanda
megi rekja til snöggra hreyfingar
frekar en rangrar legu, en skurð-
lækirinn greindi frá umræddum
hreyfingum í viðbótaraðgerðalýs-
ingu 8 mánuðum eftir aðgerðina
þar sem greint var frá því er stefn-
andi vaknar illa þegar verið er að
sauma hann.
Varðandi meint mistök í svæf-
ingu þótti dóminum ekki unnt að
byggja á álitsgerð nefndar um
ágreiningsmál þar sem nefndin
byggði alfarið á því sem fram kom í
viðbótaraðgerðalýsingu en tók ekki
sjálfstæða afstöðu til þess hvort
einkenni stefnanda samrýmdust
áverkum hans. Taldi dómurinn að
þar sem svo mikið bæri á milli í við-
bótaraðgerðalýsingu og öðrum
gögnum málsins að viðbótarað-
gerðalýsingin yrði ekki trúverðug.
Sigríður Ólafsdóttir héraðsdóm-
ari kvað upp dóminn ásamt með-
dómsmönnunum og læknunum
Birni Geir Leifssyni og Sveini Geir
Einarssyni.
Ríkið sýknað af
kröfum sjúklings
vegna meintra
læknamistaka
AUKIN löggæsla er að mati al-
mennings áhrifaríkasta leiðin til að
fækka umferðarlagabrotum og
-slysum en í viðhorfskönnun Vá-
tryggingafélags Íslands sögðust
34,1% telja að aukin löggæsla væri
svarið. 31,2% sögðust telja að betri
vegir og vegamannvirki væru
áhrifaríkasta aðferðin, talsvert
færri, eða 19,5%, telja að hærri
sektir og strangari viðurlög við
umferðarlagabrotum sé árangurs-
ríkasta leiðin en 15,2% nefndu
annað.
Í tilkynningu frá VÍS segir að í
umræðu um umferðarslys á Ís-
landi hafi raddir um agaleysi og
tregðu Íslendinga við að fara að
umferðarlögum orðið æ háværari.
Undanfarið hafi verið rætt um
þetta agaleysi, meðal annars í leið-
ara Morgunblaðsins og Kastljós-
þætti Sjónvarpsins.
Í Kastljósi hafi þeir Guðmundur
Hallvarðsson, formaður sam-
göngunefndar Alþingis, og Ágúst
Mogensen, framkvæmdastjóri
Rannsóknarnefndar umferðar-
slysa, verið sammála um að aukin
löggæsla myndi auka aga og
minnka líkur á alvarlegum umferð-
arslysum. Könnun VÍS staðfesti að
stór hluti almennings sé á sömu
skoðun.
Könnunin var gerð í tilefni Þjóð-
arátaks VÍS sem nú stendur yfir
og er ætlað að efla umræðu um
umferðaröryggismál og auka enn
frekar áhuga almennings og
stjórnvalda á að fækka slysum og
umferðaróhöppum.
Könnunin fór fram í júní og var
unnin af Gallup. Upphaflegt úrtak
var 1.200 manns á aldrinum 16–75
ára af öllu landinu en svarhlutfall
var 69,8%.
Viðhorfskönnun
um aðgerðir til fækk-
unar umferðarslysa
Aukin lög-
gæsla talin
áhrifa-
ríkust