Morgunblaðið - 18.07.2002, Qupperneq 60

60 FIMMTUDAGUR 18. JÚLÍ 2002 MORGUNBLAÐIÐ






  BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞÖKK sé þeim Þorsteini Má Bald-
vinssyni og Arthúr Bogasyni fyrir
að leiða saman hesta sína í umræðu
um kvótakerfið margumdeilda.
Undirritaður hvetur alla málsmet-
andi landsmenn til að verða sér úti
um þau skrif þessara manna sem
þegar hafa komið fram Mbl. 30. júní
(viðtal við Þorstein Má) Mbl. 2. júlí
(svar Arthúrs Bogasonar) og svar
Þorsteins aftur þann 9. júlí í Mbl.
Undirritaðan langar til að setja
þriðja hjól undir þennan vagn Þor-
steins og Arthúrs.
Skoðum 6. kafla viðtals við Þor-
stein Má 30. júní, „Verðum að taka
þátt í eldinu“, en þar segir Þor-
steinn orðrétt:
„Ég held við verðum ekkert stór
fiskveiðiþjóð eftir 10–20 ár.“
Þegar Þorsteinn Már loks nefnir
þennan augljósa sannleika þá er
hann birtur á prenti.
Línurit Alberts Tómassonar yfir
fiskveiðar Íslendinga sl. 150 ár, unn-
ið upp úr skýrslum Fiskifélags Ís-
lands og Hafró, sannar fullyrðingu
Þorsteins Más. Eftir að kvótakerfið
var sett á þá liggur línan stöðugt
niður á við. Allar togslóðir á Íslands-
miðum líta út eins og Berlínarborg
eftir heimstyrjöldina síðari. Trollin
eru orðin svo gífurlega stór og þung,
dregin af 7000 hestafla vinnuvélum
sem kallast fiskveiðiskip.
Ekki er grunnslóðin betri, því hún
er eins og kartöflugarður að haust-
lagi í Þykkvabænum eftir fjörutroll-
in og nú er Árni Matt vinur minn
farin að hlusta á fiskifræði sjó-
mannsins og fer gjarnan að ráðum
mestu skaðvaldanna á fjörutogurun-
um. Fátt verður um svör þegar
spurt er um lúðuna og rauðsprett-
una.
Þorsteinn segir einnig orðrétt í
þessum 6. kafla „krafan um rekj-
anleika matvæla eykst stöðugt. Það
getur því orðið tiltölulega auðvelt
fyrir okkur að rekja framleiðslu á
eldisfiski allt frá veiðum á uppsjáv-
arfiski.“
Það dylst engum að Þorsteinn
Már er feikna duglegur og útsjón-
arsamur fyrir sig og sína – en
hvernig væri nú að færa togveiðar
út fyrir 50 mílur, afleggja dragnót,
minnka notkun þorskaneta, og
minnka möskvann í 7 ½’’, auka veið-
ar með krókum, minnka loðnuveið-
ar, síldveiðar og kolmunna’ og mak-
rílveiðar fjórfalt og láta náttúruna
um málið? Væri þetta allt gert sem
nefnt er hér mætti auka botnfisk-
veiðar jafnt og þétt og eftir 8 ár
mætti landa hér 600.000 tonnum í
landvinnsluna. En til þess þarf að
sturta niður afdrepi fyrir uppvöxt
fiskistofna. Það væri bót að því að
sökkva skipsflökum og öðru dóti á
berangurslegustu svæðunum, þar
sem áður var bæði kórall og hraun-
breiður og standar, svo sem við
Vestmannaeyjar og víðar.
Undirritaður lagði til árið 1995 að
tekin væru upp 10 tonn þorskafla á
hvert stærðartonn báts, þó að há-
marki 60 tonn á bát, fyrir smábáta-
kerfið í heild, en í stað þess var önn-
ur leið valin sem orsakaði svokallað
,,hraðfiskbátaævintýri“. Einnig hef
ég reynt að fá menn til samstarfs
um betri rannsóknir á hafsvæðinu
kringum Ísland svo sem með
myndatökum á hafsbotni, því hvar-
vetna í veröldinni eru menn að
vakna til vitundar um nauðsyn rann-
sókna sem slíkra.
GARÐAR H. BJÖRGVINSSON,
bátasmiður,
Herjólfsgötu 18, Hafnarfirði.
Umdeildasti
gjörningur
Íslandssögunnar?
Frá Garðari Björgvinssyni:
Smekkbuxur
Gallabuxur, kvartbuxur,
sokkabuxur, nærbuxur
Þumalína, Skólavörðustíg 41
S
U
N
D
F
Ö
T
undirfataverslun
Síðumúla 3-5
Jakkar, buxur,
Nýbýlavegi 12, Kópavogi,
sími 554 4433.
1.000 kr. stk.
pils