Morgunblaðið - 31.08.2002, Side 6

yrðum sem meðal annars varða
Baug.
Reuters-fréttastofan sagði í gær
að efasemdir hefðu vaknað vegna
frétta um húsrannsókn Ríkislög-
reglustjórans í húsnæði Baugs síð-
astliðinn miðvikudag. Hafði frétta-
stofan eftir talsmanni Arcadia að
ekki væri hægt að taka afstöðu til yf-
irtökutilboðs Taveta fyrr en fyrir
lægi hvort samkomulag fyrirtækis-
ins við Baug gengi eftir.
Þá er haft eftir Philip Green á
Reuters að tilboð hans í Arcadia sé
háð því að Baugur seldi honum 20,1%
hlut sinn í Arcadia og keypti á móti
hluta af eignum verslunarkeðjunnar.
Þá segir breska blaðið The Indep-
endent á vefsíðu sinni í gær að Philip
Green hafi sagt í samtali að húsleit
Ríkislögreglustjórans hjá Baugi geti
STJÓRN Arcadia Group hefur ekki
tekið afstöðu til yfirtökutilboðs Tav-
eta Investments Limited, sem er í
eigu breska kaupsýslumannsins
Philips Green. Í tilkynningu frá
stjórninni, sem Baugur sendi til
Kauphallar Íslands í gær, kom fram
að stjórnin hefði óskað eftir frekari
skýringum frá Taveta, meðal annars
á samkomulagi fyrirtækisins og
Baugs í tengslum við yfirtökutilboð-
ið. Vegna þessa hafi stjórnin ekki
tekið afstöðu til tilboðsins.
Taveta lagði síðastliðinn miðviku-
dag fram lokatillögu fyrir stjórn Arc-
adia um yfirtökutilboð í hlutabréf í
Arvadia. Tillagan hljóðar upp á að
Taveta greiði hluthöfum Arvadia,
öðrum en Baugi sem á 20,1% hluta-
fjár, 408 pens fyrir hvern hlut í félag-
inu. Tillagan er háð nokkrum skil-
Frekari skýringa óskað
varðandi yfirtökutilboð
skaðað yfirtökutilboð hans. Ef eng-
inn fótur sé fyrir þeim ásökunum
sem bornar hafi verið á stjórnendur
Baugs verði haldið áfram með yfir-
tökutilboðið sem ekkert sé. Öðru
máli gegni hins vegar ef svo eitthvað
komi út úr ásökununum.
Haft er eftir talsmanni Arcadia á
fréttavefnum TimesOnline, að stjórn
Arcadia geti ekki lagt mat á tilboð
Taveta fyrr en óvissu varðandi Baug
hafi verið aflétt. Þá segir að talsmað-
urinn spyrji hvaða tryggingar Philip
Green geti lagt fram sem sýni að til-
boði hans fylgi ekki áhætta.
Gengi hlutabréfa í Arcadia stóð í
stað í kauphöllinni í Lundúnum í gær
og endaði í 370 pensum eins og dag-
inn áður. Yfirtökutilboð Taveta In-
vestments Limited í Arcedia hljóðar
upp á 408 pens á hlut.
FRÉTTIR
6 LAUGARDAGUR 31. ÁGÚST 2002 MORGUNBLAÐIÐ
KETILL Axelsson
kaupmaður lést á gjör-
gæsludeild Landspítala
– háskólasjúkrahúss við
Hringbraut fimmtudag-
inn 29. ágúst síðastliðinn,
72 ára að aldri.
Ketill Axelsson fædd-
ist í Reykjavík 20. apríl
1930, sonur hjónanna
Axels Ketilssonar kaup-
manns og Ólafar Björns-
dóttur. Hann stundaði
nám við Iðnskólann í
Reykjavík og tók sveins-
próf í bifvélavirkjun 1957
auk þess sem hann var í
tvö ár í verslunarskóla á Englandi.
Ketill keypti tóbaksverslunina
London við Austurstræti árið 1957 og
rak hana til 1996 en þá tók Axel, son-
ur hans, við þeim rekstri. Auk þess
rak hann London – dömudeild frá
1957 til 1976, en þá tók sonur hans við
og rak hana þar til hún var lögð niður
1996 og húsnæðið tekið undir tóbaks-
verslunina London.
Árið 1992 stofnaði
hann ásamt sonum
sínum Kaffi París við
Austurvöll og starfaði
við reksturinn til
dauðadags.
Um áratugaskeið
var Ketill áberandi í
miðborg Reykjavíkur.
Hann hafði mikinn
áhuga á miðborginni
og gerði sitt til að lífga
upp á hana.
Ketill var félagi í
Rótarýfélagi Kópa-
vogs í áratugi og gaf
sig töluvert að ýmsum góðgerðarmál-
um.
Fyrri kona Ketils var Margrét
Jónsdóttir, fædd 16. mars 1932, dáin
31. ágúst 1988. Þau eignuðust tvo syni
sem lifa föður sinn. Þau skildu. Seinni
kona Ketils er Margrét Gunnlaugs-
dóttir, fædd 11. mars 1938. Þau eign-
uðust þrjú börn sem öll eru á lífi.
Andlát
KETILL
AXELSSON
BANKASTJÓRN Seðlabanka Ís-
lands hefur ákveðið að lækka vexti
bankans í endurhverfum viðskiptum
við lánastofnanir um 0,3% í 7,6% frá
næsta uppboði sem haldið verður
næstkomandi þriðjudag. Seðlabank-
inn lækkaði síðast vexti um 0,6%
fyrsta ágúst sl. Með lækkuninni sem
nú hefur verið ákveðin hefur bankinn
lækkað þessa vexti um 2,5% frá byrj-
un apríl og um 3,8% frá því að þeir
urðu hæstir á fyrri hluta árs 2001.
Birgir Ísleifur Gunnarsson, for-
maður bankastjórnar Seðlabankans,
telur að verðbólgumarkmið bankans
muni nást. „Við höfum verið að lækka
vexti smám saman um nokkurt skeið,
síðast 1. ágúst þegar við birtum grein-
argerð um ástand og horfur í pen-
ingamálum. Þá lækkuðum við vexti
um 0,6% og létum þess jafnframt get-
ið að við myndum lækka vexti frekar
á komandi mánuðum ef framvindan
staðfesti að verðbólgumarkmið bank-
ans næðist og stöðugleikinn yrði í
svipuðu fari og hann hefur verið. Við
sjáum vísbendingar um að innlend
eftirspurn sé byrjuð að taka við sér á
ný eftir mikið samdráttartímabil.
Þetta sjáum við á aukinni greiðslu-
kortaveltu, af auknum innflutningi og
auknum tekjum ríkissjóðs af virðis-
aukaskatti. Við teljum eðlilegt eftir
svona langt tímabil samdráttar að það
gerist. Við teljum að það ógni á engan
hátt því sem við keppum að, sem er að
hafa verðbólguna sem lægsta,“ segir
Birgir Ísleifur.
Bankarnir lækka
vexti í kjölfarið
Að sögn Árna Tómassonar, banka-
stjóra Búnaðarbankans, kemur bank-
inn til með að fylgja að fullu vaxta-
lækkunum Seðlabankans eins og
hann hefur gert hingað til.
Finnur Sveinbjörnsson, banka-
stjóri Sparisjóðabankans gerir ráð
fyrir að Sparisjóðirnir lækki vexti
einnig. „Sparisjóðirnir munu taka mið
af markaðsaðstæðum. Þeir hafa fylgt
vaxtalækkunum Seðlabankans hing-
að til og ég geri fastlega ráð fyrir að
svo verði áfram. Um það hefur hins
vegar ekki verið tekin formleg
ákvörðun,“ segir Finnur.
Íslandsbanki ætlar að lækka út-
lánsvexti til samræmis við lækkun
Seðlabankans en mun lækka innláns-
vexti minna, að sögn Jóns Þórissonar,
framkvæmdastjóra útibúasviðs Ís-
landsbanka. „Við höfum lagt á það
áherslu í markaðssetningu að undan-
förnu að tryggja hagstæðustu vexti á
útlánum og munum gera svo áfram.“
Ekki náðist í Halldór J. Kristjáns-
son, bankastjóra Landsbankans, í
gær.
Bankastjórn Seðlabankans ákveður að lækka vexti um 0,3%
Eðlilegt að halda vaxta-
lækkunarferlinu áfram
HREINN Loftsson, lögmaður Baugs
Group hf., segir að íhugað verði að
höfða skaðabótamál ef rannsókn og
húsleit lögreglunnar á miðvikudags-
kvöld spillir fyrir þátttöku Baugs í yf-
irtökutilboði á Arcadia-keðjunni.
Margra milljarða hagsmunir séu í
húfi. Segir Hreinn þó ekki tímabært
að ræða neitt slíkt fyrr en niðurstaða
úr rannsókn lögreglunnar liggur fyr-
ir og sömuleiðis úrskurður Héraðs-
dóms um lögmæti aðgerðarinnar.
„Staðan yrði skoðuð í heild sinni ef
þetta veldur því að ekki verður af
þessum kaupum á Arcadia. Ljóst er
að það yrði verulegt tjón. Við vitum
ekki enn þá hvort svo fer, en fari svo
er augljóst að ástæðan yrði sú að
þarna hefur verið farið fram með
þessum hætti.“
Hreinn segist telja að lögreglan
hefði átt að fara varlegar í sakirnar í
ljósi þess að samningaviðræður um
yfirtökutilboð í Arcadia, sem Baugur
á 20% hlut í, stóðu yfir. Philip Green
hefur gert yfirtökutilboð í Arcadia-
keðjuna upp á 800 milljónir punda
(um 109 milljarða króna) í samráði við
Baug. Hægt hefði verið að upplýsa
málið með mun mildari aðgerðum.
Hreinn segir að Baugsmenn hafi í
gær reynt að koma sjónarmiðum sín-
um á framfæri við breska viðskipta-
menn. „Það er t.d. eitt að þetta snýr
ekki að fyrirtækinu sem slíku heldur
fyrst og fremst að þessum þremur
einstaklingum og við teljum að þessi
aðgerð sé allt of harkaleg.“
Hreinn segir að fyrirtækið vilji
fyrst og fremst leiða sannleikann í
ljós og upplýsa málið þannig að fyrir-
tækið geti haldið áfram. „Það er veru-
legt áfall að fá þetta allt í einu á þess-
um viðkvæma tíma. Baugsmenn telja
að hið sanna muni koma í ljós og að
það muni fría þá af þessum ásökun-
um, en óttast að það geti orðið um
seinan.“
Hefur hleypt öllu í uppnám
Jón Ásgeir Jóhannesson, stjórnar-
formaður Baugs Group hf., er nú
staddur í London eftir að hafa átt
stutta viðdvöl á Íslandi til að fara í yf-
irheyrslu hjá lögreglu.
Í samtali við fréttastofu Ríkisút-
varpsins í gær sagði Jón Ásgeir að
mikið hefði verið fjallað um húsleitina
í breskum fjölmiðlum. „Það er mikil
athygli eða fókus á þetta því mönnum
finnst þetta náttúrulega mjög harka-
leg aðgerð og telja því að það sé verið
að rannsaka eitthvað stórmál en ekki
30 reikninga þar sem hver reikningur
er 1,3 milljónir að meðaltali,“ sagði
Jón Ásgeir við fréttamann Útvarps.
Hann sagðist hafa rætt við ýmsa
viðskiptamenn í London í gær.
„Menn svona rekur í rogastans þegar
við segjum þeim það að á síðustu 12
mánuðum á Íslandi hafa opinberir að-
ilar ráðist inn í 5 fyrirtæki með þess-
um hætti, menn bara botna hreinlega
ekkert í því.“ Hann sagðist meta tjón-
ið sem Baugur yrði fyrir vegna lög-
reglurannsóknarinnar í milljörðum.
Sagðist Jón Ásgeir rekja málatil-
búnað Sullenbergers til þess að upp
úr viðskiptum fyrirtækis hans við
Baug slitnaði. Þá sagðist hann ekki
hafa látið Baug greiða fyrir skemmti-
snekkjuna The Viking sem Tryggvi
Jónsson, forstjóri Baugs Group hf.,
og Jón Ásgeir eiga í félagi við Sullen-
berger, eins og Sullenberger hefði
haldið fram. „Nei það gerði ég ekki,
enda hefði málið verið kannað þá
kemur í ljós að skemmtisnekkjan er
ekki á mínu nafni heldur alfarið á
nafni fyrirtækis sem Jón Gerald Sull-
enberger á.“
Í fréttum Útvarps kom fram að svo
virðist sem Philip Green hafi ekki vit-
að um húsleitina fyrr en eftir að hann
gerði tilboðið í Arcadia. „Við vorum
náttúrlega að skrifa tilboð á sama
tíma og þetta gerðist en bjuggumst
kannski ekki við að breska pressan
tæki þessu svona svakalega harka-
lega.“
Fréttamaður: „Létuð þið Philip
Green vita um húsleitina áður en til-
boðið var gert?“
„Við ræddum það ekki sérstak-
lega,“ sagði Jón Ásgeir.
Íhugað verður að höfða skaðabótamál spilli rannsókn
lögreglu fyrir kaupum á Arcadia
Margra milljarða
hagsmunir í húfi
NÚ er enn eitt skólaárið hafið og
börn með skólatöskur á bakinu
algeng sjón á morgnana. Öku-
menn þurfa að vera meðvitaðir
um unga fólkið í umferðinni og
hafa augun opin.
Þessar ungu námsmeyjar, sem
ljósmyndari Morgunblaðsins kom
auga á í Engihjallanum í Kópa-
vogi í gærmorgun, hafa greini-
lega fengið nýjar skólatöskur fyr-
ir skólaárið sem er nýhafið.
Töskurnar þeirra eru glansandi
fínar og fallegar en mestu máli
skiptir að þær eru búnar end-
urskinsmerkjum sem hjálpa syfj-
uðum ökumönnum að koma auga
á unga fólkið. Þetta er sérstak-
lega mikilvægt eftir að skamm-
degið hefur innreið sína. Þá er
einnig til fyrirmyndar að stúlk-
urnar fóru að öllu með gát og
gættu þess að fara aðeins yfir
götuna á merktri gangbraut.
Á leið
í skólann
Morgunblaðið/Ómar