Morgunblaðið - 31.08.2002, Side 14

HÖFUÐBORGARSVÆÐIÐ
14 LAUGARDAGUR 31. ÁGÚST 2002 MORGUNBLAÐIÐ
ÞEIR hoppuðu nær hæð sína í loft
upp, strákarnir í 4. flokki HK á
fimmtudagskvöld þegar liðið varð
Íslandsmeistari í knattspyrnu í 4.
flokki karla annað árið í röð eftir að
hafa borið sigurorð af Fjölni í úr-
slitaleik á Kópavogsvelli með fjór-
um mörkum gegn einu.
Fjölmenni var á leiknum og
komst Fjölnir yfir snemma í leikn-
um en HK jafnaði um hæl og bætti
síðan við öðru marki fyrir hlé. Tvö
mörk HK í síðari hálfleik gerðu síð-
an út um leikinn.
HK varð einnig Íslandsmeistari í
þessum aldursflokki í fyrra, en það
er fremur óalgengt að lið vinni titil
tvö ár í röð í þessum aldursflokki.
Að sögn Benedikts Höskuldssonar,
formanns knattspyrnudeildar HK,
hefur árangur deildarinnar allrar
verið framar öllum vonum í sumar.
„Ég held að þetta sé besta árið
okkar frá upphafi,“ segir hann.
„Við erum að ná árangri í vel-
flestum flokkanna: meistaraflokk-
urinn er kominn upp í fyrstu deild-
ina, við þurfum eitt stig í öðrum
flokki til að komast upp í A-riðil og
vera með þeim átta bestu, í þriðja
flokki erum við að fara í undan-
úrslit á Blöndósi í dag [í gær] og
fjórði flokkurinn vannst á fimmtu-
dag. Í sjötta flokki gekk okkur
ágætlega en þar vorum við með
besta árangur á Pollamótinu og á
Lottómótinu vorum við með tvö lið í
úrslitum. Þetta er það besta sem
maður man.“
Klárir meistarar
framtíðarinnar
Hvað stelpurnar varðar segir
Benedikt að þar einbeiti menn sér
meira að uppbyggingu liðanna.
„Sérstaklega hjá eldri stelpunum
þar sem við erum í samstarfi við
Víkingana þannig að það er ekki
komið jafn langt. En við teljum okk-
ur vera í mjög góðu undirbúnings-
starfi þannig að við væntum þess að
vera mjög sterk innan tveggja,
þriggja ára. Hins vegar tekur þetta
tíma og það þarf að vinna þessu
veg.“
Hann segir alveg klárt að strák-
arnir sem unnu á fimmtudaginn eigi
eftir að verða meistarar framtíð-
arinnar. „Það er alveg kristalklárt
að þeir munu skipa okkar bestu lið í
framtíðinni. Þegar horft er á meist-
araflokkinn sést að hann hefur á að
skipa ungu fólki og við erum að fá
sterka stráka upp. Það eru að koma
alveg gríðarlegar styrkingar upp á
hverju einasta ári.“
Að sögn Benedikts ber fyrst og
fremst að þakka góðu starfi í deild-
inni þennan góða árangur. Að sjálf-
sögðu verður síðan haldið upp á öll
herlegheitin, fyrst á laugardaginn
eftir viku þegar fimmti og sjöundi
flokkur verða heiðraðir í hálfleik í
síðasta leik meistaraflokksins í sum-
ar á svokölluðum HK-sigurdegi og
síðan á lokahófi félagsins þann 21.
september næstkomandi. „Þá verð-
ur fjör í Kópavoginum – það er lof-
orð,“ segir Benedikt að lokum.
Fjórði flokkur HK Íslandsmeistarar annað árið í röð
Ljósmynd/Friðþjófur Helgason
„Held að þetta sé besta
árið okkar frá upphafi“
Kópavogur
FRAMKVÆMDASTJÓRI Sorpu
hefur óskað eftir viðræðum við
skipulagsyfirvöld í Hafnarfirði um
mögulega staðsetningu nýrrar end-
urvinnslustöðvar í bænum.
Segir í bréfi framkvæmdastjórans
að bæjarráð Hafnarfjarðar hafi
ítrekað óskað eftir slíkri stöð en þeim
óskum hafi ekki fylgt hugmyndir að
lóð eða staðsetningu hennar.
Bréfið var tekið fyrir á fundi skipu-
lags- og byggingarráðs í vikunni. Var
skipulagsstjóra falið að ræða við
framkvæmdastjóra Sorpu um málið
jafnframt því sem því var vísað í
vinnu við aðalskipulag bæjarins.
Óskað eftir lóð
fyrir endur-
vinnslustöð
Hafnarfjörður
NÁTTÚRUVERNDARSAMTÖK
Íslands fara fram á að í deiliskipulagi
Norðlingaholts verði fylgt Umhverf-
isáætlun Reykjavíkur – Staðardag-
skrá 21 – sérstaklega hvað varðar
votlendi og flæðilönd við ána Bugðu.
„Votlendi og flæðilönd við ána
Bugðu eru mikilvæg vegna fjöl-
breytts lífríkis sem er á hröðu und-
anhaldi í borginni. Á það við bæði um
gróður, fugla og annað dýralíf. Þar
sem Bugða er og verður við jaðar
byggðar í Reykjavík er hún einnig
mikilvæg fyrir fugla og annað dýralíf
handan byggðarinnar, m.a. í frið-
landi Rauðhóla, og mikilvægt er að
ganga ekki á áhrifasvæði árinnar
frekar en orðið er. Þannig eru Bugða
og flæðilönd hennar eitthvert mik-
ilvægasta náttúrusvæði borgarinnar
eins og fram kemur í greinargerð
Náttúrufræðistofnunar Íslands um
náttúrufar í austurlandi Reykjavík-
ur.
Í Umhverfisáætlun Reykjavíkur
stendur m.a. á bls. 16: „Stefnt er að
því að höfuðstóll náttúrusvæða hald-
ist óskertur.“ „Stefnt er að því að
endurheimta einstök votlendis-
svæði.“ Það vekur því sérstaka at-
hygli að í tillögum að deiliskipulagi
Norðlingaholts er gert ráð fyrir um-
talsverðum uppfyllingum á flæði-
landi og votlendi við Bugðu og vænt-
um við þess að borgaryfirvöld standi
við yfirlýsta stefnu Staðardagskrár
21 og rýri ekki höfuðstól þessa mik-
ilvæga náttúrusvæðis með uppfyll-
ingum. Náttúrusvæðið við Bugðu
hefur þegar verið rýrt óhæfilega,“
segir í fréttatilkynningu frá Nátt-
úruverndarsamtökum Íslands.
Náttúruverndarsamtök Íslands
Vilja vernda vot-
lendi við Bugðu
Norðlingaholt
BÆJARSTJÓRI Seltjarnarness tók
á móti hópi barna í Skólalúðrasveit
Tónlistarskóla Seltjarnarness í síð-
ustu viku í tilefni þess að fyrr í sum-
ar unnu þau til verðlauna á hátíð
ungra hljóðfæraleikara í Gauta-
borg. Hlaut sveitin fyrstu verðlaun
í keppni ungra lúðrasveita.
Alls eru í sveitinni 32 börn og
unglingar sem öll eru nemendur í
Tónlistarskóla Seltjarnarness en
Kári H. Einarsson stjórnar sveit-
inni. Þátttakendur á hátíðinni voru
hátt á annað þúsund og komu þeir
víðsvegar að. Verðlaun voru veitt í
fjórum flokkum og hreppti Skóla-
lúðrasveit Seltjarnarness fyrstu
verðlaun í keppnisflokki ungra
hljóðfæraleikara. Þá náði sveitin
flestum stigum allra lúðrasveita í
öllum keppnisflokkum.
Hér má sjá sveitina ásamt Ágústi
Ragnarssyni, fararstjóra í ferðinni,
Jónmundi Guðmarssyni bæjar-
stjóra, Kára H. Einarssyni, stjórn-
anda hljómsveitarinnar, og Guð-
rúnu Elísabetu Gunnarsdóttur
fararstjóra.
Unnu fyrstu verðlaun
í alþjóðlegri keppni
Seltjarnarnes
SELTJARNARNESBÆR hefur
ákveðið að óska efti því við félags-
málaráðherra að hann heimili að af-
létt verði kaupskyldu og forkaups-
rétti sveitarfélagins vegna félags-
legra eignaríbúða og kaupleiguíbúða
í sveitarfélaginu. Verði ráðherra við
beiðninni munu eigendur félagslegra
eignaíbúða geta selt þær á frjálsum
markaði kjósi þeir það.
Samþykkt bæjarstjórnar er í sam-
ræmi við heimild í breytingu á lögum
um húsnæðismál frá 1998 sem sam-
þykkt var á Alþingi í maí síðastliðn-
um. Ákvörðunin mun þó ekki hafa
áhrif á rétt eigenda til að óska eftir
því að Seltjarnarnesbær leysi til sín
félagslega eignaríbúð sem kaup-
skylda hvílir á samkvæmt ákvæðum
í þessum sömu lögum. Sama á við
þegar um nauðungarsölu á félags-
legum eignaríbúðum er að ræða.
Forkaupsrétti og kaupskyldu
félagslegra íbúða aflétt
Seltjarnarnes
BORGARRÁÐ hefur samþykkt til-
lögu Kirkjubyggingasjóðs Reykja-
víkurborgar að úthlutun styrkja úr
sjóðnum á yfirstandandi ári. Alls er
tuttugu milljónum króna úthlutað að
þessu sinni.
Kirkjurnar sem hljóta styrk eru
Breiðholtskirkja, Dómkirkjan, Graf-
arvogskirkja, Grensáskirkja, Hall-
grímskirkja, Hvítasunnukirkjan
Fíladelfía og Laugarneskirkja.
Í bréfi sjóðsstjórnar til borgarráðs
er á það bent að samkvæmt sam-
þykktum sjóðsins skuli úthlutun lok-
ið fyrir 1. mars ár hvert. „Úthlutun
hefur því dregist mjög á þessu ári,
þar sem tafir urðu á því að ganga frá
nýjum samþykktum fyrir sjóðinn og
síðan að tilnefna í stjórn hans. Það er
því mjög brýnt að sem fyrst verði
gengið frá úthlutun, þannig að styrk-
irnir megi koma kirkjunum að gagni
við framkvæmdir þessa árs,“ segir í
bréfinu.
Styrkjum úthlutað úr
Kirkjubyggingasjóði
Reykjavík
HAFNARFJARÐARBÆR og
Námsflokkar Hafnarfjarðar – Mið-
stöð símenntunar og Háskólinn á
Akureyri hafa gert með sér sam-
starfssamning sem felur í sér að íbú-
um á höfuðborgarsvæðinu verður
tryggt aðgengi að fjarnámi frá Há-
skólanum á Akureyri.
Í fréttatilkynningu frá Hafnar-
fjarðarbæ segir að háskólinn skipu-
leggi námið og beri á því faglega
ábyrgð en Námsflokkar Hafnar-
fjarðar – Miðstöð símenntunar mun
leggja til og kosta náms- og starfs-
aðstöðu fyrir nemendur í Hafnar-
firði, miðla upplýsingum og gögnum
til þeirra og annast tæknilega um-
sjón og prófahald.
Í haust verður boðið upp á nám í
leikskólafræðum til B.Ed.-gráðu
bæði á 1. og 3. ári og í auðlindadeild
sem er þriggja ára BS-nám.
Morgunblaðið/Þorkell
Theodór Hallsson, skólastjóri Námsflokkanna, Lúðvík Geirsson bæj-
arstjóri og Þorsteinn Gunnarsson, rektor Háskólans á Akureyri.
Samið um fjarnám
Hafnarfjörður
Í DAG verður kveikt á nýjum
hnappastýrðum umferðarljós-
um fyrir fótgangandi (gang-
brautarljósum) á Suðurgötu við
Guðbrandsgötu og í Álfheimum
við Sólheima.
Ný umferðarljós
Reykjavík