Morgunblaðið - 31.08.2002, Blaðsíða 10

FRÉTTIR
10 LAUGARDAGUR 31. ÁGÚST 2002 MORGUNBLAÐIÐ
BJÖRGÓLFUR Thor Björgólfsson,
Magnús Þorsteinsson og Björgólfur
Guðmundsson eru ekki sáttir við
sölu á hlut Landsbankans á eignar-
hlut bankans í Vátryggingafélagi Ís-
lands. Þá telja þeir það vekja spurn-
ingar að þeir tveir fyrirtækjahópar,
sem einnig sækjast eftir hlut ríkisins
í bankanum, fái að koma fram sem
tveir aðilar, þegar eigna- og stjórn-
artengsl séu eins mikil á milli þeirra
og raun beri vitni. Þetta kemur fram
í fréttatilkynningu frá Björgólfi
Thor, en þar segir einnig að vegna
frétta síðustu daga vilji þremenning-
arnir taka fram að áhugi þeirra á
kaupum á kjölfestuhlut í Lands-
bankanum sé enn til staðar.
„Við erum ekki mjög hressir með
söluna á VÍS út úr bankanum. Þetta
er ein stærsta eign bankans og okk-
ur finnst tímapunkturinn á þessari
sölu í rauninni alveg stórfurðuleg-
ur,“ segir Björgólfur Thor. „Á sama
degi og við erum á kynningu hjá
einkavæðingarnefnd er stór hluti af
eignum Landsbankans seldur. Tíma-
setningin er þess vegna mjög ein-
kennileg.“
Björgólfur Thor segir að áhugi
þeirra á bankanum sé eingöngu við-
skiptalegs eðlis og að samkvæmt
þeim forsendum sem þeir hafi sé
bankinn áhugaverður. Þá vanti hins
vegar upplýsingar til að meta hvort
forsendur þeirra séu réttar. „Við
höfum í rauninni ekki komist að
bankanum ennþá til að leggja mat á
hann. Við höfum ekki komist í áreið-
anleikakönnun, sem er algjör for-
senda fyrir því hvort við viljum
kaupa hann eða ekki og hvað við telj-
um okkur geta greitt fyrir hann. Við
vitum ekki verðmætið því við kom-
umst ekki í áreiðanleikakönnunina,
og við komumst ekki í áreiðanleika-
könnunina því það er ekki búið að
velja kjölfestufjárfestinn, og við vit-
um ekki heldur hvaða forsendur eru
gefnar til að velja
hann. En við vinnum í
góðri trú með einka-
væðingarnefnd í þeirri
von að við komumst á
það stig að meta bank-
ann,“ segir Björgólfur
Thor. Aðspurður segir
hann að einkavæðinga-
nefnd hafi gefið út að
líklega verði ákveðið í
næstu viku við hvaða
hóp fjárfesta verði
rætt áfram um kaup á
hlut í bankanum. Hann
segir að þeir séu fegnir
því að þetta komist á
það stig, en að þeir líti
á það sem byrjunar-
stigið en ekki endapunkt eins og
margir virðist telja. Það sé langt því
frá að allt sé búið þegar þangað sé
komið, því þá eigi eftir að semja við
þann aðila sem valinn verði.
Tilheyra engu pólitísku afli
„Öll umræða í fjölmiðlum og
ástæða þess að ég er að ræða við fjöl-
miðla nú, snýst um pólitík. Mér
finnst mjög ósanngjarnt að draga
okkar áhuga niður á pólitískt stig.
Við erum ekki í þessu út af pólitík,
tilheyrum engu pólitísku afli og það
getur enginn gert kröfu um það að
við tölum fyrir eitthvert annað afl en
okkur sjálfa. Við erum fjárfestar og
höfum fjármuni sem við höfum aflað
erlendis og viljum koma í ávöxtun. Á
þessum forsendum komum við að
borðinu, en þá er öllu málinu snúið
upp í pólitík. Ég hef búið að mestu
erlendis í fimmtán ár,
þar af í tíu ár í Rúss-
landi. Það er land sem
hefur haft orð á sér fyr-
ir að markaðsöflin ráði
ekki alltaf ferðinni. Svo
kemur maður þaðan til
Íslands og þá sér mað-
ur að markaðsöflin eru
ekki höfð í hávegum
hér og að hér ræður
pólitíkin miklu.
Mér finnst mjög
ósanngjarnt að draga
okkur í einhverja póli-
tíska dilka og eign rík-
isins verði skipt eftir
pólitískum flokkum.
Við viljum ekki nálgast
málið með þessum hætti og teljum
ósanngjarnt að það sé gert,“ segir
Björgólfur Thor.
Spurður nánar út í söluna á hluta
Landsbankans í VÍS segir hann að
það sé ekki aðeins tímasetningin sem
honum finnst furðuleg. „Mér finnst
líka undarlegt, að samkeppnisaðilar
um kaup á hlut í Landsbankanum
séu að kaupa út og stokka upp eignir
bankans, á sama tíma og þeir eru í
samkeppni við okkur. Og þetta ger-
ist áður en samningaviðræður hefj-
ast. Þetta breytir náttúrlega for-
sendum bankans, en við þurfum að
komast að gögnum í bankanum til að
geta metið hverjar framtíðarhorfur
bankans eru án VÍS. Og það gerum
við ekki nema við komumst í áreið-
anleikakönnun.
Það er ekki pólitík sem mun ráða
áhuga okkar á bankanum heldur
áreiðanleikakönnunin, það er alveg
skýrt.“
Ekki jafnræði um söluna
á hlutnum í VÍS
Spurður að því hvort þeir hafi lagt
mat á það verð sem Landsbankinn
fékk fyrir hlut sinn í VÍS segir
Björgólfur Thor að þeir hafi ekki
myndað sér skoðun á því ennþá. „En
ég vona að bankinn hafi metið verðið
rétt. Ég tel hins vegar víst að ekki
hafi verið leitað eftir öðrum kaup-
anda að þessum hlut, til dæmis er-
lendum sem kynni að hafa haft
áhuga. Þegar ekki er leitað fleiri
kaupenda getur það haft áhrif á
verðmætið. Þetta er nákvæmlega
það sama og talað var um þegar
menn vildu auglýsa hlutinn í bank-
anum þegar við sýndum áhuga. Þá
var sagt að jafnræðisregla yrði að
gilda, en hún virðist ekki þurfa að
gilda um sölu á hlutnum í VÍS. Hann
er bara seldur einum hópi en ekki
auglýstur til sölu, að minnsta kosti
ekki beint. Það eru ekki sömu vinnu-
brögð við þessa sölu eins og þegar
ríkið er að selja hlut sinn í bankan-
um.“
Spurður um þá aðila sem keppa
við hann og félaga hans um kaupin á
hlutnum í Landsbankanum segir
hann að þetta séu mjög tengdir að-
ilar. „Það er í rauninni svekkjandi að
þeir geti komið fram sem tveir hóp-
ar, því mikil hagsmunatengsl á milli
þeirra,“ segir Björgólfur Thor,
Auk þremenninganna á einkavæð-
ingarnefnd í viðræðum við tvo hópa
fjárfesta um hugsanleg kaup á kjöl-
festuhlut í Landsbankanum. Þessir
hópar eru Kaldbakur hf. og Eign-
arhaldsfélagið Andvaka, Eignar-
haldsfélagið Samvinnutryggingar,
Fiskiðjan Skagfirðingur hf., Kaup-
félag Skagfirðinga svf., Ker hf.,
Samskip hf. og Samvinnulífeyris-
sjóðurinn.
Tímasetning á sölu eign-
arhlutar í VÍS gagnrýnd
Björgólfur Thor Björgólfsson hefur
enn áhuga á kjölfestuhlut í Lands-
bankanum en gagnrýnir hvernig að
sölunni hefur verið staðið
Björgólfur
Thor Björgólfsson
MORGUNBLAÐINU barst í
gær eftirfarandi yfirlýsing frá
Eiríki S. Jóhannssyni, fyrir
hönd Kaldbaks fjárfestingar-
félags hf.:
„Að gefnu tilefni vill Kald-
bakur að eftirfarandi komi
fram:
Kaldbakur tekur undir þau
viðbrögð sem fram hafa kom-
ið hjá Björgólfi Thor er varða
þann þátt að Landsbanki Ís-
lands hf. selji jafnmikilvæga
eign frá sér og VÍS er meðan
á söluferli hans stendur. Tók
Kaldbakur fram á fyrsta
fundi sínum með einkavæð-
ingarnefnd að eignarhlutur
Landsbankans í VÍS væri
bankanum afar mikilvægur.
Hins vegar bera orð Björg-
ólfs Thors um „mikil eigna-
og stjórnunartengsl milli
Kaldbaks og þeirra fyrir-
tækja er mynda þriðja áhuga-
hópinn um Landsbankann,
vott um mikla vanþekkingu
hans á þeim aðilum sem
einkavæðingarnefnd á nú í
viðræðum við um sölu á
Landsbanka Íslands hf.
Einu stjórnunartengsl sem
um er að ræða eru að fram-
kvæmdastjóri Kaldbaks situr
í stjórn Eignarhaldsfélaganna
Samvinnutrygginga og And-
vöku. Honum var ekki kunn-
ugt um að félögin myndu lýsa
yfir áhuga á bankakaupum
fyrr en það var almenningi
kunnugt.“
Yfirlýsing
frá Kald-
baki fjár-
festingar-
félagi hf.
KVÓTAÁRINU lýkur á miðnætti og á Húsavík hefur
mikið verið að gera við löndun úr ísrækjubátunum frá
því í gær.
Votabergið SU kom fyrst inn til löndunar en síðan
komu Sigurborg SH, Guðrún Þorkelsdóttir SU og Þórir
SF, en Aron ÞH er væntanlegur í dag. Bátarnir voru
með 20 til 35 tonn af rækju, en Geiri Péturs ÞH frystir
rækjuna um borð og kom með um 100 tonn.
Aflanum af Votabergi, Þóri og Guðrúnu Þorkels-
dóttur er ekið til vinnslu á Eskifirði en afli hinna
bátanna er unninn hjá rækjuverksmiðju Fiskiðju-
samlags Húsavíkur.
Morgunblaðið/Hafþór Hreiðarsson
Þórir SF kemur til hafnar á Húsavík úr sinni síðustu veiðiferð á kvótaárinu sem lýkur á miðnætti í kvöld.
Kvótaárinu lýkur á miðnætti
ÚRSKURÐUR um hvort ákæru
ríkissaksóknara vegna innflutnings
á 30 kílóum af hassi verði vísað frá
dómi verður kveðinn upp á næstu
dögum en málflutningur fór fram í
gær.
Kolbrún Sævarsdóttir saksóknari
mótmælti frávísunarkröfunni og
benti á að fulltrúinn væri ekki
ákærandi í málinu og því ætti sú
lagagrein sem vísað væri til um van-
hæfi hans ekki við í málinu.
Þórir Örn Árnason hdl., verjandi
manns sem lögregla telur höfuðpaur
í málinu, heldur því fram að fulltrúi
lögreglustjórans í Reykjavík hafi
verið vanhæfur til að stjórna rann-
sókn málsins vegna tengsla við Karl
Georg Sigurbjörnsson hrl. sem er
verjandi annars sakbornings í sama
sakamáli. Vísar hann í 30. grein laga
um meðferð opinberra mála um
vanhæfi ákærenda í sakamálum.
Karl Georg hefur gætt hagsmuna
fulltrúans í einkamáli þar sem mála-
rekstur hefur tekið alllangan tíma
og segir Þórir að fulltrúinn eigi eftir
að gera upp lögfræðikostnað að
uppæð ríflega 800.000 krónur. Við
málflutning í gær sagði Þórir að
stjórnendur sakamálarannsókna
yrðu a.m.k. að uppfylla skilyrði sem
gerð eru í stjórnsýslulögum um van-
hæfi. Raunar væri eðlilegt að gera
enn meiri kröfur til þeirra þar sem
hagsmunir í sakamálum væru meiri
en í stjórnsýslu enda væri verið að
fjalla um hugsanlega frelsissvipt-
ingu. Fulltrúinn hefði átt að víkja
enda væri hætta á að annarleg sjón-
armið réðu för. Engu skipti þótt
fulltrúinn hefði ráðgast við yfir-
menn sína um aðgerðir, hann væri
jafnvanhæfur.
Hefði getað borið
aðgerðir undir dómara
Þórir gerði ennfremur alvarlegar
athugasemdir við vinnubrögð
fulltrúans og sagði hann hafa ítrek-
að brotið gegn réttindum skjólstæð-
ings síns. Hann hefði t.a.m. svikið
loforð um afhendingu gagna og
hefði ekki séð að sér fyrr en óskað
var eftir opinberri rannsókn á
starfsháttum hans. Þá hefði hann
afhent gögnin, gegn því að ósk um
rannsókn yrði dregin til baka.
Krafðist hann þess að málinu yrði
vísað frá og það rannsakað að nýju
af hæfum mönnum.
Varðandi gagnrýni á vinnubrögð
sagði Kolbrún Sævarsdóttir að verj-
andinn hefði getað borið allar
ákvarðanir undir dómara en valið að
gera það ekki.
Tekist á um frávísunarkröfu vegna
ákæru um innflutning á 30 kg af hassi
Hafnar því
að fulltrúinn
sé vanhæfur