Morgunblaðið - 31.08.2002, Síða 40

MINNINGAR
40 LAUGARDAGUR 31. ÁGÚST 2002 MORGUNBLAÐIÐ
✝ Fjóla GuðfríðurÞorsteinsdóttir
fæddist á Vatni á
Höfðaströnd 10.
ágúst 1925. Hún lést á
Sjúkrahúsi Siglu-
fjarðar 21. ágúst síð-
astliðinn. Foreldrar
hennar voru Ingi-
björg Jónsdóttir frá
Skúfsstöðum í Hjalta-
dal, f. 25.2. 1889, d.
27. 1. 1978, og Þor-
steinn Helgason frá
Læk í Viðvíkursveit,
f. 26.8. 1884, d. 18.8. 1952. Þau
hjón bjuggu lengst af búskap sín-
um á Vatni og var Fjóla fimmta í
röðinni af átta systkinum: Sigur-
björg Þorleifsdóttir (hálfsystir), f.
23.11. 1913, d. 22.4. 1993, Guðrún,
f. 13.9. 1918, Jón, f. 10.3. 1921, d.
5.10. 1988, Ólafur, f. 23.4. 1923, d.
23.8. 1981, Axel, f. 28.10. 1927,
Kári, f. 15.10. 1929, og Sigurður f.
17.9. 1932.
Á Siglufirði kynntist Fjóla eft-
irlifandi manni sínum, Bjarna Mar-
inó Þorsteinssyni frá Stóra-Holti í
Fljótum, fyrrverandi verkstjóra og
fiskverkanda, f. 12.3.
1924. Foreldrar hans
voru Sigurbjörg
Bjarnadóttir, f. 7.9.
1888, d. 30.12. 1932,
og Þorsteinn Helga-
son, f. 5.7. 1886, d.
21.6. 1970. Fjóla og
Bjarni eiga fjögur
börn: 1) Sigurbjörg,
f. 2.1. 1948, búsett á
Bjarnargili í Fljótum,
gift Trausta Sveins-
syni og eiga þau þrjú
börn. 2) Ingþór, f.
15.6. 1950, býr á Lynghóli í Aðal-
dal, kvæntur Rögnu Finnsdóttur.
Ingþór á tvö börn. 3) Guðný Helga,
f. 6.6. 1953, búsett á Dalvík, gift
Óskari Pálmasyni og eiga þau þrjú
börn. 4) Þorsteinn Baldur, f. 31.12.
1969, býr á Siglufirði, kvæntur
Aafke Rolfe og eiga þau tvö börn.
Fjóla og Bjarni settust að á
Siglufirði árið 1947 og hafa búið
þar síðan. Síðustu starfsár hennar
var hún meðferðarfulltrúi á sam-
býli fyrir þroskahefta.
Útför Fjólu var gerð frá Siglu-
fjarðarkirkju 30. ágúst.
Það skiptir ekki máli hve lengi takmark-
anir okkar hafa yfirráð. Ef við göngum inn
í myrkt herbergi og kveikjum ljósið, skipt-
ir ekki máli hvort það hefur verið myrkt í
einn dag eða tíu þúsund ár – við kveikjum
ljósið og það lýsist upp. Þegar við leggjum
rækt við hæfni okkar til að elska og njóta
hamingju, hefur ljósið verið kveikt.
(Sharon Salzberg.)
Þegar einhver deyr er oft sagt að
Guð taki þá fyrr til sín sem honum
þykir sérstaklega vænt um. Hann
þarfnast hjálpar þeirra einhvers-
staðar annarsstaðar og þess vegna
fáum við ekki lengur að njóta návist-
ar þeirra í þessu lífi. En fyrst að
þetta líf er eitt af mörgum þá er ég
alveg viss um að þú, amma mín, varst
send úr einu af þeim til að rétta okk-
ur hjálparhönd hérna megin. Þú
varst svo yndisleg og góð mann-
eskja, alltaf reiðubúin að hjálpa eins
og þú gast og alltaf til taks fyrir alla.
Alveg eins og engill sendur frá Guði.
Ég og Magni frændi sátum um
daginn og rifjuðum upp tímann frá
því að við vorum yngri, öll sumrin á
Sigló hjá afa og ömmu. Það var
margt sem við brölluðum saman og
komum svo dauðþreytt inn á kvöldin.
Þá varstu alltaf tilbúin með tásunudd
fyrir okkur og enn þann dag í dag
finnst mér þú besti tásunuddari í
heimi. Svo allar sögurnar sem þú
sagðir okkur fyrir svefninn.
Sögur af þér þegar þú varst lítil,
sagan um hve hrædd þú varst við
jólaköttinn og þorðir ekki upp á háa-
loft heima hjá þér, og svo sagan þeg-
ar þú týndir Sigga bróður þínum.
Manstu eftir spariskónum þínum
sem við Magni vorum svo hrifin af,
þessir gulllituðu. Við börðumst
nærri því um þá en ég fékk að eiga þá
af því að ég er stelpa. Magni sætti sig
líka alveg við það.
Á hverjum degi fórum við í göngu-
ferðir, ýmist í Skógræktina þar sem
við villtumst í trjánum eða inn í
Skútudal að kasta skothylkjum í ána.
Árlega fóru Guðný og Óskar í
sumarbústað með okkur krakkana
og þá komuð þið afi oftar en ekki
með. Þegar við vorum á æskuslóðum
þínum, Vatni í Skagafirði, fórstu með
okkur Magna í göngutúr í fjörunni.
Við vorum bundin í baggabönd sem
þú hélst í og sagðir að þú værir í
göngutúr með kálfana þína.
Ennþá sé ég fyrir mér þegar þið
mamma sátuð í eldhúsinu og þú
spáðir í kaffibollann hennar, ég
hugsaði alltaf með mér að ég ætlaði
að læra það þegar ég yrði stór.
Svo voru það sláturtíðirnar þar
sem við sátum þrjár, ég, þú og
mamma og saumuðum keppi og
skárum mör. Fyrsta árið sem þú
varst veik og gast ekki verið með
okkur fannst mér allt vera öðruvísi
og ekki eins skemmtilegt.
Þetta eru minningar sem ég á
aldrei eftir að gleyma, svona man ég
sumrin á Siglufirði og vildi að ég
gæti fengið þau aftur.
Elsku amma, síðustu árin þín voru
mjög erfið og margt breyttist en ég
mun ávallt muna þig sem þessa góðu
og hlýju ömmu sem var alltaf tilbúin
að gera það sem hún gat fyrir aðra
og kenndi mér að það er sælla að
gefa en þiggja.
Amma mín, þín er sárt saknað en
ég veit að þú ert komin á góðan stað
og þér líður vel núna þar sem þú sit-
ur á skýinu þínu og horfir brosandi
niður til okkar allra.
Þín nafna
Fjóla Guðbjörg Traustadóttir.
Lífsljósið hennar Fjólu föðursyst-
ur minnar er endanlega slokknað.
Ljósið hennar hefur smám saman
dofnað síðustu ár og loginn, sem áður
var bjartur og hlýr, orðinn svo dauf-
ur. Minningin um Fjólu er samofin
fyrstu bernskuminningum mínum á
Siglufirði. Það var stutt á milli heim-
ilis hennar og foreldra minna, auk
þess mikill vinskapur. Þótt brekkan
á milli væri brött fyrir stutta fætur
sótti ég fast að heimsækja hana enda
von á góðum mótökum. Síðar, þegar
fjölskylda mín flutti frá Siglufirði og
í sveitina, tilhlökkun og gleði þegar
von var á Fjólu í heimsókn. Sem ung-
lingur og fram undir tvítugt dvaldi
ég nokkra vetrarparta á Siglufirði
hjá frænku minni. Undir leiðsögn
Fjólu vann ég mín fyrstu verk sem
launþegi og lærði að fiskvinnsla er
ekki síðri vinna en önnur. Það var
gott að vera unglingur í skjóli hennar
frænku minnar, hún hlustaði, leið-
beindi, glettist en dæmdi ekki. Fyrir
krakka eins og mig, tvístígandi í líf-
inu á þeim árum, var Fjóla ómetan-
leg. Heimili þeirra Bjarna stóð öllum
opið og gestagangur mikill. Eldhús-
krókurinn á Skálarvegi 4 var einn
notalegasti staður sem ég hef vitað.
Við sátum mörg kvöldin vinkonurnar
og hlustuðum andaktugar á Fjólu
spá í framtíðina í kaffibollum okkar.
Frænka mín var náttúrubarn, alin
upp í sveit í stórum systkinahópi.
Hún unni náttúrunni í sinni fjöl-
breytilegu mynd. Það að kafa með
henni skafla og berjast í stórhríð á
leið í vinnu á dimmum vetrarmorgni
var jafn gaman og að ganga við hlið
hennar á tunglskinsbjörtu vetrar-
kvöldi, skrafandi um allt og ekkert.
Fjóla hafði breiðan faðm og hlýtt
hjarta, alltaf var tími fyrir kaffisopa
og spjall. Henni þótti afar vænt um
fólkið sitt og fylgdist vel með ætt-
ingjum og vinum, svo að ekki sé talað
um hennar nánustu.
Síðustu árin hafa verið erfið, í stað
þess að hafa meiri tíma fyrir sig og
fjölskylduna hefur Fjóla mín orðið
eins konar fangi í eigin líkama, hugur
hennar í fjötrum sem enginn kann
enn að leysa. En nú er hún frjáls og
ómurinn af dillandi hlátri hennar og
hlýjan af ljósi hennar lifir í minning-
unni.
Una Þórey Sigurðardóttir.
FJÓLA GUÐFRÍÐUR
ÞORSTEINSDÓTTIR
ÁSKIRKJA: Guðsþjónusta kl. 11:00. Kór
Áskirkju syngur. Organisti Kári Þormar. Árni
Bergur Sigurbjörnsson.
BÚSTAÐAKIRKJA: Guðsþjónusta kl.
11.00. Organisti Guðmundur Sigurðsson.
Pálmi Matthíasson.
DÓMKIRKJAN: Messa kl. 11:00. Sr. Hjálm-
ar Jónsson prédikar. Sönghópur úr Dóm-
kórnum syngur. Organisti Marteinn H. Frið-
riksson.
GRENSÁSKIRKJA: Messa kl. 11:00. Altar-
isganga. Kirkjukór Grensásirkju syngur.
Organisti Árni Arinbjarnarson. Sr. Ólafur Jó-
hannsson.
GRUND dvalar- og hjúkrunarheimili: Guðs-
þjónusta kl. 10:15. Organisti Kjartan Ólafs-
son. Sr. Ólafur Jens Sigurðsson.
HALLGRÍMSKIRKJA: Messa kl. 11:00. Sr.
Jón Dalbú Hróbjartsson prédikar og þjónar
fyrir altari ásamt sr. Sigurði Pálssyni. Hópur
úr Mótettukór syngur. Organisti Hörður Ás-
kelsson. Sögustund fyrir börnin í umsjá
Magneu Sverrisdóttur. Eftir messu verður
opnuð sýning á olíumálverkum Sigurðar
Þóris Sigurðssonar. Tónleikar Mótettukórs
Hallgrímskirkju kl. 20:00.
HÁTEIGSKIRKJA: Barnaguðsþjónusta kl.
11:00. Guðrún Helga Harðardóttir og Pétur
Björgvin Þorsteinsson. Messa kl. 14:00.
Organisti Douglas A. Brotchie. Sr. Tómas
Sveinsson.
LANGHOLTSKIRKJA: Kirkja Guðbrands
biskups. Messa kl. 11:00. Prestur sr. Jón
Helgi Þórarinsson. Organisti Jón Stefáns-
son. Félagar úr Kór Langholtskirkju leiða
söng. Kaffisopi eftir messu. Skrifstofa
kirkjunnar opnuð á ný mánudaginn 2. sept.
eftir sumarleyfi.
LAUGARNESKIRKJA: Guðsþjónusta og
fyrsti sunnudagaskóli vetrarins kl. 11:00.
Nú byrjum við kirkjustarfið af alvöru og
leggjum sameinuð út í nýtt starfsár. Hildur,
Heimir og Þorri sjá um sunnudagaskólann
og þar verður margt nýtt og spennandi. Kór
Laugarneskirkju syngur. Gunnar Gunnars-
son leikur á orgelið. Þorkell Sigurbjörnsson
er meðhjálpari og sr. Bjarni Karlsson þjónar
að orðinu og borðinu. Messukaffi. (Sjá síðu
650 í Textavarpi.)
NESKIRKJA: Messa kl. 11:00. Kór Nes-
kirkju leiðir safnaðarsöng. Organisti Reynir
Jónasson. Sr. Frank M. Halldórsson.
SELTJARNARNESKIRKJA: Helgistund kl.
11:00 í umsjón Jóhönnu Guðjónsdóttur.
Kvartett Seltjarnarneskirkju syngur. Organ-
isti Viera Manasek. Minnum á sunnudaga-
skólann, sem hefst sunnud. 8. sept.
FRÍKIRKJAN í Reykjavík: Vetrarstarf að
hefjast. Almenn guðsþjónusta kl. 11.00.
Barn borið til skírnar. Tónlist í umsjón Önnu
Sigríðar Helgadóttur og Carls Möller. Sögu-
stund fyrir börnin. Andabrauðið verður í lok
guðsþjónustu. Barnastarf safnaðarins
hefst síðan formlega og af fullum krafti
sunnudaginn 15. september. Haustferð
safnaðarins verður farin laugardaginn 7.
september. Farin verður dagsferð um
Skorradal, í Reykholt og á Hvanneyri. Nánar
auglýst síðar. Allir velkomnir. Hjörtur Magni
Jóhannsson.
ÁRBÆJARKIRKJA: Guðsþjónusta kl. 11.
Sr. Óskar Ingi Ingason, sem þjóna mun í af-
leysingum í Árbæjarsöfnuði í vetur, boðinn
velkominn til starfs. Sr. Óskar Ingi prédikar
og þjónar fyrir altari ásamt sr. Sigrúnu Ósk-
arsdóttur, settum sóknarpresti. Kór Árbæj-
arkirkju leiðir sálmasönginn undir stjórn
Pavels Manásek organista. Boðið upp á
kaffi og kleinur í safnaðarheimilinu að
guðsþjónustu lokinni. Prestarnir.
BREIÐHOLTSKIRKJA: Messa kl. 11. Org-
anisti: Sigrún Þórsteinsdóttir. Gísli Jónas-
son.
DIGRANESKIRKJA: Messa kl. 11. Prestur
sr. Magnús B. Björnsson. Organisti Kjartan
Sigurjónsson. Léttur hádegisverður í safn-
aðarsal að lokinni messu.
FELLA- OG HÓLAKIRKJA: Guðsþjónusta kl.
11.00. Ath. breyttan messutíma. Prestur
sr. Guðmundur Karl Ágústsson. Organisti
Lenka Mátéová. Kór Fella- og Hólakirkju
syngur. Taizé-tónlist verður flutt í guðsþjón-
ustunni.
GRAFARVOGSKIRKJA: Messa kl. 11:00.
Sr. Sr. Bjarni Þór Bjarnason prédikar og
þjónar fyrir altari. Organisti: Hörður Braga-
son. Kór Grafarvogskirkju syngur.
HJALLAKIRKJA: Guðsþjónusta kl. 11. Fé-
lagar úr kór kirkjunnar leiða safnaðarsöng.
Organisti Jón Ólafur Sigurðsson. Sr. Íris
Kristjánsdóttir.
KÓPAVOGSKIRKJA: Fyrsta guðsþjónusta
að loknu sumarleyfi verður sunnudaginn 8.
sept. kl. 11. Sr. Ægir Fr. Sigurgeirsson.
SELJAKIRKJA: Guðsþjónusta sunnudag 1.
september kl. 14. Sr. Bolli Pétur Bollason
prédikar og kór Seljakirkju leiðir söng undir
stjórn Gróu Hreinsdóttur. Athugið að nú er
kvöldguðsþjónustum sumarsins lokið og
guðsþjónustutíminn því færst til kl. 14.00
að nýju. Vakin er athygli á því að vetrarstarf
Seljakirkju fer nú senn að hefjast og er fólk
eindregið hvatt til að kynna sér vel alla þá
starfsþætti, sem verða í kirkjunni í vetur.
Sunnudagaskóli hefst sunnudaginn 8.
sept. kl. 11. Innritun fermingarbarnaverður
í kirkjunni 2. sept. milli kl 16-18.
ÍSLENSKA KRISTSKIRKJAN: Sunnudagur:
Fyrsta morgunguðsþjónusta haustsins kl.
11:00. Dagskrá fyrir alla fjölskylduna.
Kvöldsamkoma kl. 20:00. Hlédís Hálfdán-
ardóttir og Pétur Ásgeirsson úr safnaðar-
ráði kirkjunnar tala. Oddur Thorarensen
syngur einsöng. Lofgjörð og fyrirbænir. Allir
velkomnir. Föstudagur: Opið karlakvöld í
kirkjunni kl. 20 þar sem Dan Siemens frá
Lutheran Renewal í St. Paul, Minnesota tal-
ar. Allir karlmenn velkomnir. Laugardagur:
Almennt biblíunámskeið kl. 13–17 með
Dan Siemens. Efni: Hvernig getum við end-
urspeglað eðli og kærleika Guðs til annarra
manna? Nýr sjónvarpsþáttur, „Um trúna og
tilveruna“, sýndur á Omega þriðjud. 3.
sept. kl. 11 og endursýndur sunnud. kl.
13:30 og mánud. kl. 20. Lítið á nýtt efni á
heimasíðunni www.kristur.is.
BOÐUNARKIRKJAN: Guðsþjónusta í dag,
laugardag, kl. 11. Frú Lilja Guðsteinsdóttir
mun leiða guðsþjónustuna og Andrea Harð-
ardóttir syngja. Magnea Sturludóttir segir
börnunum sögu en predikun mun flytja dr.
Steinþór Þórðarson. Barna- og unglinga-
starf hefst í deildum um leið og predikunin
byrjar. Biblíufræðsla í lok guðsþjónustunn-
ar. Veitingar í boði.
FRÍKIRKJAN VEGURINN: Bænastund kl.
16. Almenn samkoma kl. 16.30. Högni
Valsson prédikar. Lofgjörð, fyrirbænir og
mjög skemmtilegt aldursskipt barnastarf á
sama tíma. Allir hjartanlega velkomnir. Ath.
breyttan samkomutíma.
FÍLADELFÍA: Athugið breyttan samkomu-
tíma. Sunnudagur 1. september. Brauðs-
brotning kl. 11: Ræðum. Vörður L. Trausta-
son. Almenn samkoma kl. 16:30. Ræðum.
Jóhannes Hinriksson. Lofgjörðarhópur Fíla-
delfíu syngur. Allir hjartanlega velkomnir.
Barnakirkjan hefur vetrarstarf sitt.
HJÁLPRÆÐISHERINN: Sunnudagur:
Bænastund kl. 19.30. Hjálpræðissam-
koma kl. 20 í umsjón majóranna Turid og
Knut Gamst.
KEFAS, Vatnsendabletti 601: Samkoma
sunnudag kl. 14. Helga R. Ármannsdóttir
talar. Bænastund fyrir samkomu kl. 13.30.
Lofgjörð og fyrirbænir. Barnagæsla fyrir
1–7 ára börn. Þriðjud.: Brauðsbrotning og
bænastund kl. 20.30. Miðvikud.: Samveru-
stund unga fólksins kl. 20.30. Mikil lof-
gjörð og orð guðs rætt. Allir velkomnir.
KFUM og KFUK v/Holtaveg: Samkoma kl.
17. Ungt fólk, nýkomið frá Afríku, sér um
dagskrá samkomunnar, segir frá upplifun
sinni í máli og myndum. Allir eru hjartan-
lega velkomnir á samkomuna og það verð-
ur heitt á könnunni að henni lokinni.
KAÞÓLSKA KIRKJAN:
Reykjavík – Kristskirkja í Landakoti, dóm-
kirkja og basilíka: Sunnudaga: Hámessa
kl. 10.30. Messa á ensku kl. 18.00. Alla
virka daga: Messa kl. 18.00. Föstudaginn
6. september: Fyrsti föstudagur mánaðar-
ins er tileinkaður dýrkun heilags hjarta
Jesú. Að kvöldmessu lokinni er tilbeiðslu-
stund til kl. 19.15. Beðið er sérstaklega
um köllun til prestdóms og klausturlífs.
Reykjavík – Maríukirkja við Raufarsel:
Sunnudaga: Messa kl. 11.00. Laugar-
daga: Messa á ensku kl. 18.30. Virka
daga: Messa kl. 18.30.
Riftún í Ölfusi: Sunnudaga: Messa kl.
16.00. Miðvikudaga kl. 20.
Hafnarfjörður – Jósefskirkja: Sunnudaga:
Messa kl. 10.30. Frá júlí til september fell-
ur messan á miðvikudögum kl. 18.30 nið-
ur.
Karmelklaustur: Sunnudaga: Messa kl.
8.30. Virka daga: Messa kl. 8.00.
Keflavík – Barbörukapella: Skólavegi 38:
Sunnudaga: Messa kl. 14.00. Fimmtu-
daga: Skriftir kl. 19.30. Bænastund kl.
20.00.
Stykkishólmur, Austurgötu 7: Alla virka
daga: Messa kl. 18.30. Sunnudaga:
Messa kl. 10.00
Ísafjörður: Sunnudaga: Messa kl. 11.
Flateyri: Laugardaga: Messa kl. 18.
Bolungarvík: Sunnudaga kl. 16.00.
Suðureyri: Sunnudaga: Messa kl. 19.
Akureyri, Kaþólska kirkjan: Péturskirkja,
Hrafnagilsstræti 2: Laugardaga: Messa kl.
18.00. Sunnudaga: Messa kl. 11.
LANDAKIRKJA í Vestmannaeyjum: Kl. 20
guðsþjónusta að kvöldi dags. Fermingar-
börn vetrarins og foreldrar þeirra sérstak-
lega boðuð til kirkju vegna undirbúnings fyr-
ir ferminguna næsta vor. Stuttur fundur á
eftir í Safnaðarheimilinu og kaffisopi. sr.
Kristján og Þorvaldur.
VÍDALÍNSKIRKJA: Guðsþjónusta í Vídalíns-
kirkju sunnudaginn 1. september kl.
11:00. (Ath. breyttan messutíma, nú erum
við komin á vetrartímann aftur.) Kór Vídal-
ínskirkju leiðir almennan safnaðarsöng.
Organisti: Jóhann Baldvinsson. Við athöfn-
ina þjónar sr. Hans Markús Hafsteinsson.
Prestarnir.
HAFNARFJARÐARKIRKJA: Messa kl. 11.
Kór kirkjunnar syngur undir stjórn Natalíu
Chow og Antoniu Hevesi. Í messunni er Ant-
oni boðin velkomin sem organisti kirkjunn-
ar og Natalia kvödd, en hún lætur nú af
störfum. Allir prestar kirkjunnar þjóna. Boð-
ið er upp á léttar veitingar í safnaðarheim-
ilinu Strandbergi eftir messuna.
VÍÐISTAÐAKIRKJA í Hafnarfirði: Guðsþjón-
usta kl. 14. Prestur sr. Bragi J. Ingibergs-
son. Kór Víðistaðasóknar syngur undir
stjórn Úlriks Ólasonar.
FRÍKIRKJAN í Hafnarfirði: Kvöldvaka kl.
20. Örn Arnarson og hljómsveit leiða tón-
list og söng ásamt kór kirkjunnar. Kvöldvak-
an er að þessu sinni helguð væntanlegum
fermingarundirbúningi og eru fermingar-
börn beðin að mæta ásamt foreldrum sín-
um. Kaffi í safnaðarheimilnu að lokinni
kvöldvöku. Einar Eyjólfsson og Sigríður
Kristín Helgadóttir.
STRANDARKIRKJA: Þakkargjörðarmessa
kl. 14. Úlfar Guðmundsson prófastur pré-
dikar. Organisti Julian Edward Isacs. Sókn-
arprestur.
SELFOSSKIRKJA: Messa kl. 11. Léttur há-
degisverður að messu lokinni. Morguntíð
sungin þriðjudag til föstudags kl. 10. Kaffi-
sopi að henni lokinni. Foreldrasamvera
miðvikudag kl. 11. Sóknarprestur.
STOKKSEYRARKIRKJA: Messa kl. 11.
Sóknarprestur.
SAFNKIRKJAN í Árbæ: Messa nk. sunnu-
dag kl. 14:00. Organisti Ingimar Pálsson.
Prestur Kristinn Ág. Friðfinnsson. Þetta er
síðasta reglulega messa sumarsins í
gömlu safnkirkjunni. Tilvalið er að leyfa
börnunum að upplifa ró og helgi í þessari
gömlu torfkirkju. Messur í safnkirkjunni eru
yfirleitt stuttar og henta því vel fyrir alla ald-
urshópa. Kristinn Ág. Friðfinnsson.
HRAUNGERÐISKIRKJA í Flóa: Kvöld-
messa nk. sunnudag kl. 21:00. Organisti
Ingi Heiðmar Jónsson. Kristinn Ág. Frið-
finnsson.
AKRANESKIRKJA: Guðsþjónusta kl.
20.30. Heitt á könnunni á eftir. Sóknar-
prestur.
ÍSAFJARÐARKIRKJA: Messa og altaris-
ganga kl. 11. Kór Ísafjarðarkirkju syngur
undir stjórn Huldu Bragadóttur. Sr. Magnús
Erlingsson.
AKUREYRARKIRKJA: Tónleikar í dag, laug-
ardag, kl. 17. Óskar Pétursson tenór og
Björn Steinar Sólbergsson orgel. Aðgangur
ókeypis. Guðsþjónusta sunnudag kl. 11.
Sr. Svavar A. Jónsson. Félagar úr Kór Ak-
ureyrarkirkju syngja. Organisti Björn Stein-
ar Sólbergsson.
HJÁLPRÆÐISHERINN á Akureyri: Sunnu-
dagur: Kl. 19.30 bæn, kl. 20 almenn sam-
koma. Brigader Ingibjörg Jónsdóttir (Imma)
talar. Allir eru velkomnir.
LAUFÁSPRESTAKALL: Biskup Íslands,
herra Karl Sigurbjörnsson, heimsækir
prestakallið og messar þar í kirkjunum
sunnudag. Fólk er hvatt til að fjölmenna í
messurnar og taka með sér börnin því bisk-
up talar sérstaklega til barnanna og færir
þeim gjöf. Guðsþjónusturnar verða sem
hér segir: Laufáskirkja kl. 10.30. Grenivík-
urkirkja kl. 14. Svalbarðskirkja kl. 16.30.
Sóknarprestur.
EGILSSTAÐAKIRKJA: Messsa kl. 11 2.
sept. (mánud.). Kyrrðarstund kl. 18. Sókn-
arprestur.
ÞINGVALLAKIRKJA: Guðsþjónusta kl. 14.
Þorvaldur Hallldórsson syngur. Prestur sr.
Ingólfur Guðmundsson.
Morgunblaðið/Sverrir
Fríkirkjan í Reykjavík.
Guðspjall dagsins:
Tíu líkþráir.
(Lúk. 17.)
MESSUR Á MORGUN