Morgunblaðið - 31.08.2002, Side 8

FRÉTTIR
8 LAUGARDAGUR 31. ÁGÚST 2002 MORGUNBLAÐIÐ
fordmondeo
Keyrðu og finndu að í Ford Mondeo færðu meira af öllu.
Þú upplifir að nýr Mondeo gefur þér miklu meira en þú áttir von á.
Komdu og keyrðu. Vertu undir það búinn að vilja ekki láta hann frá þér.
Takmarkað magn.
Pantaðu núna.
Nýr Ford Mondeo kostar frá 1.995.999 kr.
Br imborg Reyk jav ík - Br imborg Akureyr i - br imborg. is
Keyrðu ...
og upplifðu
Hengilsdagurinn á morgun
Náttúru notið
við Hengilinn
HJÁLPARSVEITskáta í Reykjavíkheldur í ár upp á
70 ára afmæli sitt. Meðal
þess sem gert er til hátíð-
arbrigða er að á morgun,
sunnudag, verður Heng-
ilsdagurinn haldinn í
fyrsta sinn frá klukkan 10
til 16. Þetta verður al-
mennur útivistardagur á
Hengilssvæðinu í umsjón
Hjálparsveitar skáta í
Reykjavík. Aðalstöðvar
verða við Víkingsskálann.
Morgunblaðið ræddi við
Kristin Ólafsson sveitar-
foringja um daginn og af-
mælisárið.
– Hvað kemur til að þið
blásið til Hengilsdags?
„Á sextugsafmælinu
buðum við fólki á Esjudag-
inn, og hélst sú hefð í nokkur ár
við miklar vinsældir. Samfara því
var kapphlaup upp Esjuna. Nú
teljum við tímabært að kynna
Reykvíkingum annað gott fjall í
nágrenninu, Hengilinn, og sýna
hvað umhverfið þar hefur upp á að
bjóða.“
– Verður einnig boðið upp á
hlaup að þessu sinni?
„Já, við bjóðum upp á hlaup og
göngu um Hengilinn. Þetta á að
verða almennur útivistardagur
fyrir alla fjölskylduna. Við viljum
höfða til fólks á ýmsan hátt. Boðið
verður upp á gönguferðir um
Hengilinn, með leik fyrir alla fjöl-
skylduna. Fjölskyldan myndar
hóp sem þræðir ákveðna leið og
leysir verkefni á póstum. Dæmi
um verkefni er leit með snjóflóða-
ýli og að búa til börur. Fyrirtækja-
leikur er einnig á dagskrá, þar
sem hópar starfsmanna keppa um
að ná bestum tíma með því að
beita þekkingu, hugviti og hreysti.
Glæsileg verðlaun eru í boði. Að
lokum er orkuhlaupið um Sleggju-
beinsskarð upp á Skeggja, hæsta
tind Hengils, í 805 metra hæð.
Hlaupið hefst klukkan 13, og er
haldið, líkt og annað sem á dag-
skrá er, í samvinnu við Orkuveitu
Reykjavíkur. Orkuveitan hefur
lagt í mikla vinnu til þess að al-
menningur geti notið útivistar á
þessu svæði, sem er mjög ánægju-
legt að nota nú á Hengilsdegin-
um.“
– Hefur hjálparsveitin nýtt sér
þetta útivistarsvæði áður?
„Já, við höfum notað þetta
svæði mikið til æfinga. Það er
mjög mikilvægt fyrir okkur að
þekkja vel helstu útivistarsvæðin
umhverfis Reykjavík, þannig að
við séum vel í stakk búin til þess
að koma til bjargar ef eitthvað
bjátar á.“
– Hafið þið haldið upp á afmæl-
isárið með ýmsum hætti?
„Já, en haustið verður viðburða-
ríkast. Við munum halda upp á af-
mælið með formlegum hætti nú á
haustdögum. Við byrjum á Heng-
ilsdeginum, síðan verðum við með
opið hús í höfuðstöðvunum á Mal-
arhöfða 6 hinn 23. nóvember. Þá
bjóðum við öllum að
koma og heimsækja
okkur og verður margt
skemmtilegt við að
vera, til dæmis inniklif-
ur og kynning á starfi
sveitarinnar. Einnig verður gefið
út veglegt afmælisrit og vandað
verður sérstaklega til flugeldasöl-
unnar um næstu áramót. Sömu-
leiðis verður ýmislegt sérstakt í
gangi innan sveitarinnar.“
– Þið eruð ein af elstu björgun-
arsveitum landsins, ekki satt?
„Jú, það er rétt. Starfsemin hef-
ur aldrei verið eins blómleg og nú.
Við höfum um 120 virka og full-
gilda félaga í dag. Þar að auki höf-
um við um 30 manns í nýliðahópi.
Það fólk er í tveggja ára þjálfun
áður en það telst fullgilt. Þar að
auki höfum við bakvarðasveit, um
60 manna lið. Þetta er fólk sem er
hætt að starfa reglulega, en við
getum kallað í ef nauðsyn krefur.
Þar að auki er gott að halda
tengslum við gamla félaga í sveit-
inni.“
– Fylgir þessu ekki mikill og
góður félagsskapur?
„Jú, fyrst og fremst er fólk
þarna á félagslegum grunni. Það
hefur áhuga á útivist, ferðalögum
og að láta gott af sér leiða. Sveitin
er mönnuð körlum og konum til
jafns, og konur taka jafnan þátt í
öllum störfum á við karla. Sem
dæmi má nefna að í undanfarahóp
okkar, sem fer fyrstur á vettvang,
eru jafnt konur sem karlar.“
– Á hverju byggist vetrarstarfið
hjá ykkur?
„Að sjálfsögðu er um sjálfboða-
liðastarf að ræða þannig að við
þurfum að halda góðu sambandi
og vera í góðri þjálfun þrátt fyrir
að vera í vinnu eða skóla. Sömu
grundvallargildin eru í hávegum
höfð og þegar sveitin var stofnuð,
það er að rétta náunganum hjálp-
arhönd þegar á þarf að halda og
láta gott af sér leiða. Búnaður
okkar hefur batnað til mikilla
muna, og sömuleiðis hefur búnað-
ur ferðamanna um landið batnað
mikið og komið í veg fyrir margan
vanda. Íslendingar hafa lært mik-
ið á nýjustu tækni og
hvernig má hagnýta sér
hana.“
– Þið sinnið útköllum
á Reykjavíkursvæðinu
og annars staðar.
„Já, við erum í landssamtökun-
um, Slysavarnafélaginu Lands-
björg, og á þeim vettvangi tökum
við þátt í verkefnum víða um land.
Þannig störfum við ekki einungis
hér í nágrenninu, heldur á lands-
vísu.“
Allar nánari upplýsingar um
Hengilsdaginn má finna á heima-
síðu Hjálparsveitar skáta í
Reykjavík, www.hssr.is.
Kristinn Ólafsson

Kristinn Ólafsson fæddist í
Reykjavík 24. janúar 1960. Hann
lauk stúdentsprófi frá Mennta-
skólanum við Hamrahlíð 1981 og
viðskiptafræðiprófi frá Við-
skiptaháskólanum í Osló 1991.
Hann starfaði hjá auglýsinga-
stofunni AUK í þrjú ár, var hjá
Landsbjörg í tvö ár og hefur
starfað í Gallup í sex ár. Hann
hefur verið í Hjálparsveit skáta í
Reykjavík í tuttugu ár, þar af
sveitarforingi í fjögur ár. Krist-
inn er kvæntur Laufeyju Gissur-
ardóttur þroskaþjálfa og eiga
þau þrjú börn.
Nýta útivist-
arsvæði ná-
lægt borginni
HÁHYRNINGURINN Keikó er nú
kominn upp að ströndum Noregs
eftir sex vikna ferðalag frá Íslandi
með viðkomu í Færeyjum og Hjalt-
landseyjum. Ekki er vitað fyrir víst
hvort hann veiði sér til matar en
hann hefst vel við og syndir allt upp
í 50 sjómílur á dag. Fylgst er með
ferðum hans í gegnum gervihnetti
og þykir frammistaða hans marka
þáttaskil í aðlögun hans að villtri
náttúru. Hallur Hallsson talsmaður
Free Willy samtakanna, segir að
með þessu hafi það fengist staðfest
að markmiðið um að sleppa Keikó
eftir margra ára dvöl meðal manna
sé raunhæft.
„Keikó var í námunda við há-
hyrningavöðu við Vestmannaeyjar
frá því um miðjan júlí fram að
verslunarmannahelgi og hvarf af
svæðinu þegar háhyrningavaðan
yfirgaf svæðið,“ segir Hallur.
„Hann synti austur með suður-
strönd Íslands og tæpum hálfum
mánuði síðar var hann kominn 100
sjómílur norður fyrir Færeyjar.
Hann synti austur með Færeyjum í
átt til Hjaltlandseyja en í síðustu
viku snéri hann við og synti norður
á bóginn og var kominn norðaustur
fyrir Færeyjar á föstudag. Nú er
hann 30 sjómílum vestan við Vest-
landet í Noregi.“
Markar þáttaskil
Hallur segir ekki vitað hvort
Keikó sé með öðrum háyrningum
eða hvort hann veiði sér til matar.
„Sú orka sem Keikó hefur bendir
til þess að hann hafist vel við, en
það er ekkert hægt að fullyrða um
veiðar hans. En síðastliðnar sex
vikur hefur hann verið úti í villtri
náttúrunni án tengsla við menn.
Það markar þáttaskil í verkefninu
sem hefur þróast á mjög jákvæðan
hátt undanfarnar vikur. Þetta er
staðfesting á því að það er raun-
hæft markmið að ætla sér að sleppa
háhyrningi út í villta náttúru.“
Keikó
staddur
vestur af
Noregi








 
   







 
!"
#  
  


Morgunblaðið/Ásdís
Keikó fóðraður í Klettsvík á árum áður. Ekki er vitað hvort hann hafi
veitt sér til matar á langri sundferð sinni til Noregs.