Morgunblaðið - 28.09.2002, Síða 6

FRÉTTIR
6 LAUGARDAGUR 28. SEPTEMBER 2002 MORGUNBLAÐIÐ
35 ÁRA gamall karlmaður var í
gærkvöldi úrskurðaður í gæsluvarð-
hald til 8. nóvember næstkomandi
að kröfu lögreglunnar í Reykjavík.
Héraðsdómur Reykjavíkur féllst
einnig á kröfu lögreglunnar um að
maðurinn gengist undir geðrann-
sókn.
Maðurinn er grunaður um að hafa
stungið 65 ára gamlan mann með
hnífi í risíbúð við Klapparstíg 11 en
maðurinn lést af áverkum sínum.
Leit að morðvopninu hefur ekki bor-
ið árangur. Samkvæmt upplýsingum
frá Fangelsismálastofnun var hinn
grunaði á reynslulausn.
Gat nafngreint árásarmanninn
Árásin var tilkynnt til Neyðarlínu
klukkan 21.35 á fimmtudagskvöld.
Manninum sem varð fyrir árásinni
hafði þá tekist að gera vart við sig
hjá nágrönnunum en árásarmaður-
inn var á bak og burt. Þegar lög-
regla og sjúkraflutningamenn komu
á staðinn var hann enn með meðvit-
und og gat nafngreint árásarmann-
inn. Sá sem varð fyrir hnífsstung-
unni var þegar fluttur á slysadeild
en hann var úrskurðaður látinn eftir
að þangað var komið.
Að sögn Harðar Jóhannessonar,
yfirlögregluþjóns í Reykjavík, hóf
lögregla þegar víðtæka leit að árás-
armanninum, leitað var á dvalarstað
hans, á veitingahúsum í nágrenni
Klapparstígs og víðar um borgina.
Um klukkan 23 fékk lögregla ábend-
ingu um að hann héldi til á
ákveðnum stað í austurborginni og
var hann handtekinn skammt frá
þeim stað nokkrum mínútum seinna.
Greindur með geðklofa
með ofsóknarívafi
Vettvangur árásarinnar var lok-
aður af fyrir sérfræðinga tækni-
deildar lögreglunnar. Maðurinn var
yfirheyrður í gær en lögregla verst
að öðru leyti fregna af rannsókn
málsins.
Samkvæmt áreiðanlegum heim-
ildum Morgunblaðsins á hinn grun-
aði allnokkurn brotaferil að baki.
Árið 1993 dæmdi Hæstiréttur hann
fyrir innflutning á 1,2 kg af kókaíni
til landsins og fyrir að hafa ætlað að
selja það hér á landi. Hann var
handtekinn eftir að hafa ekið á lög-
reglubíl sem reyndi að hefta flótta
hans undan lögreglu með kókaínið.
Við áreksturinn sem varð á Vest-
urlandsvegi slösuðust tveir lög-
reglumenn, annar þeirra lífshættu-
lega og varanlega. Maðurinn réðst
síðan að lögreglumönnum sem hugð-
ust handtaka hann með skærum en
var yfirbugaður. Í framburði Högna
Óskarssonar geðlæknis við réttar-
höldin, kom fram að maðurinn væri
haldinn geðklofa með ofsóknarívafi
(schizophrenia paranoid) sem lýsti
sér m.a. í alls kyns ranghugmyndum
og ofskynjunum. Hann var þó talinn
sakhæfur og dæmdur í sjö ára fang-
elsi.
Hinn látni hefur einnig komið við
sögu lögreglunnar. Árið 1988 var
hann dæmdur í átta ára fangelsi fyr-
ir að verða eiginkonu sinni að bana á
heimili þeirra á Klapparstíg 11, í
sama húsi og hann hlaut þá áverka
sem drógu hann til dauða í fyrra-
kvöld. Við yfirheyrslur hjá lögreglu
sagði maðurinn í fyrstu að konan
hefði sjálf veitt sér þá áverka sem
drógu hana til dauða en játaði síðan
að hafa lent í átökum við eiginkonu
sína. Það hafi á hinn bóginn ekki
verið ásetningur sinn að verða henni
að bana.
Hefði átt að vera undir eftirliti
Eins og fyrr segir var hinn grun-
aði á reynslulausn vegna fangelsis-
dóms sem hann hlaut árið 1998. Þor-
steinn A. Jónsson forstjóri Fang-
elsismálastofnunar segir að maður-
inn hafi ekki brotið gegn skilyrðum
reynslulausnarinnar fyrr en í fyrra-
kvöld, sé grunur lögreglu réttur.
Maðurinn sé alvarlega veikur og
Fangelsismálastofnun hafi reynt að
aðstoða hann eftir megni en því mið-
ur virðist ekkert úrræði vera til fyr-
ir slíka menn í þjóðfélaginu. „Það er
það sem er vandamálið númer eitt,
tvö og þrjú. Hann er illa haldinn
geðsjúklingur og alvarlega veikur
en engin stofnun í þjóðfélaginu var
tilbúin til að taka hann upp á sína
arma eða bera ábyrgð á honum.
Hver vísaði á annan. Við vorum bún-
ir að gera allt sem við gátum og
fleiri aðilar reyndu að hjálpa honum,
til dæmis Þórarinn Tyrfingsson hjá
SÁÁ,“ segir Þorsteinn. „Þetta er
maður sem á heima á stofnunum og
undir eftirliti lækna. Hann þurfti að-
hald og þjónustu sem hann var tilbú-
inn að þiggja en slíkt var ekki í
boði.“
35 ára gamall maður hefur verið úrskurðaður í gæsluvarðhald vegna manndráps á Klapparstíg
Mun gangast und-
ir geðrannsókn
Var á reynslulausn og hefði átt að vera undir eftirliti
lækna að mati forstjóra Fangelsismálastofnunar
MEÐALLESTUR á Morgunblaðinu
á landinu öllu var 57% í vikunni 15.
til 22. september samkvæmt fjöl-
miðlakönnun sem Gallup hefur
gert. Þetta er heldur minni með-
allestur en í síðustu fjölmiðlakönn-
un Gallup sem gerð var í apríl sl. en
þá mældist meðallestur á blaðinu
60%. Þessi breyting á meðallestri er
þó innan skekkjumarka. Morg-
unblaðið er mest lesna dagblaðið
alla útgáfudaga þess samkvæmt
niðurstöðum könnunarinnar.
Meðallestur á Fréttablaðinu á
landinu öllu er 49,2% skv. könn-
uninni og hefur aukist úr 44,4% í
aprílkönnun Gallup. Meðallestur á
DV mælist nú 32,3% en var 31,5% í
aprílkönnuninni.
Gallup vann að gerð fjölmiðla-
könnunarinnar fyrir samstarfshóp
um fjölmiðlarannsóknir sem sam-
anstendur af helstu fjölmiðlum
landsins og Sambandi íslenskra
auglýsingastofa (SÍA).
62,5% lesa Morgunblaðið
á sunnudögum
Könnunin náði til fólks á aldr-
inum 12 til 80 ára af öllu landinu og
fór fram í gegnum síma. Síðasta
fjölmiðlakönnun Gallup í apríl sl.
var aftur á móti dagbókarkönnun.
Alls voru 1.500 manns í úrtaki
könnunarinnar og var heildarfjöldi
svarenda 899. Nettósvörun er því
62,5%.
Sé litið á lestur einstakra tölu-
blaða í könnunarvikunni yfir landið
allt kemur í ljós að flestir lesa
Morgunblaðið á sunnudögum
(62,5%) og á föstudögum (61%).
Fréttablaðið er mest lesið á föstu-
dögum (53,5%) og á fimmtudögum
(52,8%). DV er mest lesið á laug-
ardögum (39,7%) og á fimmtudög-
um (32,9%).
Meðallestur Morgunblaðsins í
Reykjavík og á Reykjanesi var
63,4% í könnunarvikunni. Meðal-
lestur á Fréttablaðinu á höfuðborg-
arsvæðinu var 65,5%. Ekki er töl-
fræðilega marktækur munur á
lestri Morgunblaðsins og Frétta-
blaðsins, en meðallestur á DV í
þessum landshluta var 31,5%.
Sé meðallestur dagblaðanna
greindur eftir kyni yfir landið kem-
ur í ljós að meðallestur karla á
Morgunblaðinu var 58,8% í könn-
unarvikunni en 55,1% meðal
kvenna. 48,7% karla lásu Frétta-
blaðið að jafnaði hvern útgáfudag
og 49,7% kvenna. Meðallestur á DV
meðal karla var 34,7% en meðal-
lestur kvenna 29,9%.
Gallup kannaði einnig áhorf á
sjónvarpsfréttatíma og nokkra
sjónvarpsþætti sem voru á dagskrá
sjónvarpsstöðvanna í könnunarvik-
unni. Flestir horfðu á aðalfrétta-
tíma Ríkissjónvarpsins í könn-
unarvikunni eða 50,6% að jafnaði
skv. niðurstöðum fyrir landið allt.
39,5% horfðu á fréttir Stöðvar 2 kl.
18:30.
Beðmál í borginni vinsælasti
sjónvarpsþátturinn
Þátturinn Beðmál í borginni í
Ríkissjónvarpinu mældist með mest
áhorf einstakra þátta sem könnunin
náði til en 30,2% sögðust hafa horft
á þann þátt. Álíka stórt hlutfall eða
30% horfði annaðhvort á frumsýn-
ingu eða á endursýningar þáttarins
Innlit/Útlit á Skjá 1. Þá horfðu
27,9% á frumsýningu eða endursýn-
ingar á þættinum Djúpu lauginni á
Skjá einum, 27,2% horfðu á frum-
sýningu eða endursýningu Kast-
ljóss Ríkissjónvarpsins og 21,6%
horfðu á þáttinn Fear factor á Stöð
2. Skv. niðurstöðum könnunarinnar
horfðu 11,9% landsmanna á leik
Fylkis og KR í knattspyrnu sem
sýndur var á Sýn og 8% horfðu á
þáttinn 70 mínútur á Popp Tíví að
jafnaði í könnunarvikunni.



    





 

 
!
" 
"
#
"!

"
"




    
  
 
!"
#
"#

!

"

"




 
Dagblaðalestur á landsvísu samkvæmt símakönnun Gallup
Morgunblaðið mest
lesið alla útgáfudaga
ÞAR sem haustið hefur verið
óvenju milt og næturfrost
hefur ekki gert vart við sig
er sveppi enn að finna víða í
náttúrunni.
Á myndinni hér að ofan
má sjá mynd af berserkja-
sveppi (Amanita muscaria) í
Ásbyrgi í N-Þingeyjarsýslu,
sem birtist í Morgunblaðinu í
gær. Hljóp Morgunblaðið
nokkuð á sig þar sem sagði í
myndartexta sem fylgdi
myndinni, að sveppurinn
væri girnilegur þótt ósagt
skyldi látið hvort hann væri
matarsveppur. Upplýsist það
því hér með að um ber-
serkjasvepp er að ræða sem
er eitraður og alls ekki ætur,
þótt hann sómi sér prýðilega
á mynd. Berserkjasvepp-
urinn er mjög áberandi í
september þar sem hann ber
ávöxt seint. Guðríður Gyða
Eyjólfsdóttir, sveppafræð-
ingur á Náttúrufræðistofnun
Íslands, segir að þótt svepp-
urinn sé ekki baneitraður hafi hann
mjög slæm áhrif fyrir þá sem neyta
hans, bæði á ósjálfráða taugakerfið
Eitraðir ber-
serkjasveppir
áberandi á haustin
Morgunblaðið/Kári
og miðtaugakerfið. Best sé að tína
sveppi sér til matar í ágústmánuði
og þá vitaskuld eingöngu sveppi
sem maður þekki og viti að séu ætir.
FRESTUR til að gefa kost á sér í
kjörnefnd Varðar – Fulltrúaráðs
Sjálfstæðisfélaganna í Reykjavík
vegna undirbúnings fyrir alþingis-
kosningarnar í vor, rann út kl. 17 í
gær. Alls höfðu þá borist 16 fram-
boð skv. upplýsingum sem fengust
á skrifstofu Sjálfstæðisflokksins.
Átta verða kjörnir
skriflegri kosningu
15 manns eiga sæti í kjörnefnd-
inni og skulu átta kjörnefndar-
menn kosnir skriflegri kosningu af
Fulltrúaráðinu ef fleiri en átta
gefa kost á sér skv. reglum flokks-
ins.
Fulltrúaráðsfundur verður
haldinn miðvikudaginn 9. október
þar sem lögð verður fram tillaga
stjórnar fulltrúaráðsins um að
fram fari sameiginlegt prófkjör í
báðum Reykjavíkurkjördæmun-
um 22. og 23. nóvember. Einnig
verður lagt til að þátttökuréttur í
prófkjörinu verði í samræmi við a-
og b- lið 2. gr. prófkjörsreglna
flokksins, sem þýðir að prófkjörið
verður opið öllum flokksbundnum
sjálfstæðismönnum og þeim er
skrá sig í sjálfstæðisfélag fyrir lok
kjörfundar.
Verði tillaga stjórnar samþykkt
á fundi fulltrúaráðsins mun yfir-
kjörstjórn fljótlega auglýsa eftir
framboðum til prófkjörsins.
Sjálfstæðisfélögin í Reykjavík
16 í framboði
til kjörnefndar