Morgunblaðið - 28.09.2002, Blaðsíða 60
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 28. SEPTEMBER 2002 VERÐ Í LAUSASÖLU 190 KR. MEÐ VSK.
ÍSLENSK erfðagreining sagði í gær
upp 200 af 650 starfsmönnum fyrir-
tækisins eða nær þriðjungi starfs-
manna sinna og tóku uppsagnirnar
gildi þegar í stað. Jafnframt kynnti
deCODE, móðurfélag ÍE, í gær
þriggja ára samstarfssamning sem
gerður hefur verið við lyfjafyrirtækið
Merck & Co., Inc. um rannsókn á
erfðafræði offitu með það að mark-
miði að flýta uppgötvun nýrra lyfja
gegn offitu. Kunna greiðslur til fé-
lagsins að nema allt að 90 milljónum
dala, eða um 7,8 milljörðum króna,
skv. fréttatilkynningu sem félagið
sendi frá sér.
Áætla að 2,5 milljarðar
króna sparist á ári
Kári Stefánsson, forstjóri Ís-
lenskrar erfðagreiningar, segist
reikna með, í grófum dráttum, að fyr-
irtækið spari í kringum 2,5 milljarða
króna á ársgrundvelli með uppsögn-
unum. Hann segir að um hryggilega
en bráðnauðsynlega aðgerð sé að
ræða.
Í viðtali sem birt er í Morgun-
blaðinu í dag er Kári m.a. spurður
hvort sjóðir Íslenskrar erfðagrein-
ingar séu að verða uppurnir. ,,Nei, við
eigum vel yfir hundrað milljónir doll-
ara í okkar sjóðum í dag. Það sem við
erum að gera er að myndast við að
hafa stjórn á okkar framtíð, með því
að skera niður og herða sultarólina
núna, á þeim tíma þegar við höfum
ennþá raunverulega stjórn á því sem
við erum að gera,“ segir Kári. Hann
segir það enga tilviljun að fyrirtækið
greini frá samningnum við lyfjafyr-
irtækið Merck á sama tíma og til-
kynnt er ákvörðun um uppsagnirnar.
,,Vegna þess að þegar við erum að
ákveða hvernig við hagræðum innan
fyrirtækisins, þá er mjög mikilvægt
að hafa sýn á það hvers konar tekjur
við verðum með á næstu árum,“ segir
hann. ,,Það að við verðum að gera
þetta núna helgast af því að við búum
í hörðum heimi, þar sem við verðum
að hafa tekjur til þess að standa undir
þeim rekstri sem við erum með,“ seg-
ir Kári ennfremur í viðtalinu.
Að mati Kára er Íslensk erfða-
greining margfalt betra fyrirtæki eft-
ir þessar aðgerðir en áður. ,,Að því
sögðu, þá er alveg hræðilegt að þurfa
að fara í gegnum þetta. Þetta er mun
erfiðara en mig hefði nokkurn tíma
grunað, þótt ég hafi alltaf talið að það
hlyti að vera mjög erfitt að þurfa að
ráðast í svo róttækar aðgerðir sem
þessar uppsagnir eru. Það er afar
hryggilegt að þurfa að sjá á bak öllu
þessu velmenntaða og hæfa unga
fólki, sem þurfti að hverfa héðan í
morgun og þarf nú að leita sér að
vinnu annars staðar,“ segir hann.
Skv. upplýsingum Páls Magnús-
sonar, upplýsingafulltrúa ÍE, eru
starfsmennirnir sem fengu upp-
sagnarbréf í gær úr öllum deildum
fyrirtækisins. Hann sagðist ekki hafa
nákvæmar upplýsingar um hve
mörgum erlendum starfsmönnum
hefði verið sagt upp en kvaðst telja að
þeir væru nálægt 15% hópsins.
Þorleifur Ágústsson, formaður
starfsmannafélags ÍE, sagði að þótt
það væri erfitt að standa frammi fyrir
uppsögnum starfsmanna ÍE væru
þetta engu að síður rökrétt viðbrögð
við breyttum aðstæðum. Þorleifur
sagði uppsagnirnar áfall fyrir þá sem
misst hefðu vinnuna en stærstur hlut-
inn væri ungt fólk sem ætti alla
möguleika á að fá aðra vinnu.
Verzlunarmannafélag Reykjavík-
ur og ASÍ sendu frá sér yfirlýsingu í
gær þar sem fram kemur að af heild-
arfjölda starfsmanna ÍE eigi um 70
aðild að VR en margir eigi ekki aðild
að stéttarfélagi. Munu samtökin veita
starfsmönnum sem sagt var upp ráð-
gjöf og aðstoð.
Að sögn Kára er samningur fyrir-
tækisins og Merck stærsti samningur
milli líftæknifyrirtækis og lyfjafyrir-
tækis sem gerður hefur verið a.m.k. í
tvö ár. Skv. samningnum munu fyr-
irtækin vinna saman að rannsóknum
á erfðafræði offitu og leita lyfjamarka
sem hægt verði að hafa áhrif á með
nýjum lyfjum. Samningurinn er til
þriggja ára. Eru tekjur ÍE af samn-
ingnum fastar rannsóknagreiðslur,
greiðslur fyrir aðgang að tækni og
þjónustu, áfangagreiðslur þegar
ákveðnum áföngum er náð í þróun
lyfja og hlutdeild í sölu nýrra lyfja.
Gengi bréfa deCODE á Nasdaq-
markaðnum hækkaði í gær þegar
fréttir bárust af uppsögnunum og
samningnum við Merck. Hæst fór
gengið í 2,45 dali á hlut en lokagengi
gærdagsins var 2,12 dalir, sem er um
16,5% hækkun frá fyrra degi.
Íslensk erfðagreining segir upp 200 manns og kynnir milljarðasamning
Nær þriðjungi starfs-
manna sagt upp samtímis
Morgunblaðið/Sverrir
Mikil geðshræring var meðal starfsmanna ÍE í gærmorgun þegar 200 starfsmönnum bárust uppsagnarbréf. Á
myndinni kveður Inga Birna Bernburg samstarfskonu sína þegar hún yfirgefur vinnustaðinn í síðasta sinn.
Uppsagnir/4/10/12–13
Stærsti samningur/20
35 ÁRA gamall maður hefur
verið úrskurðaður í gæsluvarð-
hald til 8. nóvember næstkom-
andi grunaður um að hafa orð-
ið manni að bana í Reykjavík í
fyrrakvöld. Hann á einnig að
gangast undir geðrannsókn.
Að sögn Þorsteins A. Jóns-
sonar forstjóra Fangelsismála-
stofnunar er um að ræða geð-
sjúkan mann, sem hefði átt að
vera undir eftirliti en hann hafi
ekki fengið nauðsynlegt aðhald
og þjónustu á stofnunum.
Maðurinn er grunaður um
að hafa stungið 65 ára gamlan
mann með hnífi í húsi við
Klapparstíg, en sá síðarnefndi
lést af áverkum sínum
skömmu síðar. Leit að morð-
vopninu hefur ekki borið ár-
angur.
Var á reynslulausn
Hinn grunaði var á reynslu-
lausn vegna fangelsisdóms frá
1998. Þorsteinn A. Jónsson,
forstjóri Fangelsismálastofn-
unar, segir að maðurinn hafi
ekki brotið gegn skilyrðum
reynslulausnarinnar fyrr en í
fyrrakvöld, sé grunur lögreglu
réttur. Maðurinn sé alvarlega
veikur og starfsmenn Fangels-
ismálastofnunar hafi reynt að
aðstoða hann eftir megni án
árangurs. „Hann er illa hald-
inn geðsjúklingur og alvarlega
veikur en engin stofnun í þjóð-
félaginu var tilbúin að taka
hann upp á sína arma eða bera
ábyrgð á honum. Hver vísaði á
annan,“ segir Þorsteinn.
„Þetta er maður sem á heima á
stofnunum og undir eftirliti
lækna. Hann þurfti aðhald og
þjónustu sem hann var tilbú-
inn að þiggja en slíkt var ekki í
boði.“
Fékk
ekki inni
á stofn-
unum
Í gæsluvarðhald
grunaður
um manndráp
Mun gangast undir/6
SALA á lambakjöti var 44% minni í
ágústmánuði en í ágúst í fyrra. Ari
Teitsson, formaður Bændasamtak-
anna, segir að útsala á svínakjöti í
ágúst og verðlækkun á lambakjöti í
júlí skýri þennan samdrátt.
Alls seldust 469 tonn af svínakjöti í
ágúst, 398 tonn af kjúklingum og að-
eins 385 tonn af lambakjöti, en
lambakjöt er að jafnaði mest selda
kjötið á Íslandi þrátt fyrir að sala á
því hafi dregist saman á síðustu ár-
um. Sala á lambakjöti í sumar, þ.e.
júní, júlí og ágúst, er 15,8% minni en
sömu mánuði í fyrra.
„Svínakjötsframleiðendur voru í
ágústmánuði að selja svínakjöt langt
undir kostnaðarverði. Það gengur
náttúrlega ekki. Þeir fara bara beint
á hausinn. En þetta hefur aukið söl-
una hjá þeim. Það var mjög góð sala á
lambakjöti í júlí, en hún var þá 14,7%
meiri en í sama mánuði í fyrra. Það
mun að einhverju leyti hafa stafað af
því að það voru stórar útsölur í þeim
mánuði á mjög ódýru lambakjöti sem
mönnum var boðið upp á að taka
heim í frystikistur sínar. Það voru
ekki slíkar lambakjötsútsölur í ágúst.
Þetta tvennt ræður mestu um sölu-
tölurnar fyrir ágúst,“ sagði Ari.
Ekki allir komnir á
samning um afurðalán
Í bréfi sem Bændasamtökin sendu
landbúnaðarráðherra í ágúst í
tengslum við ákvörðun um útflutning
á lambakjöti er bent á að miklar
birgðir af lambakjöti kunni að valda
því að erfiðara verði fyrir sláturleyf-
ishafa að fá lánafyrirgreiðslu. Ari
sagði að flestir sláturleyfishafar
stefndu að því að greiða bændum
25% af afurðaverði fyrir 25. október
og greiða að fullu í desember. Hann
sagðist hafa óstaðfestar fréttir af því
að ekki væru allir sláturleyfishafar
búnir að gera samning um afurða-
lánaviðskipti. Þetta þyrfti ekki að
vera óeðlilegt þar sem enn væri mán-
uður í greiðsludag.
„Ef ég væri bankamaður myndi ég
hafa af því meiri áhyggjur að lána út á
lambakjöt ef ég vissi að það væri mik-
ið af umframbirgðum. Það sem við
vorum að benda á í bréfi til ráðherra
var einfaldlega það að því meiri
birgðir sem við erum með því minni
líkur eru á að það sé auðvelt með af-
urðalánafyrirgreiðslu,“ sagði Ari.
Mjög dræm sala á
lambakjöti í ágúst
BETUR fór en á horfðist þegar 9 ára
drengur varð fyrir bifreið í Kópavogi
rétt fyrir klukkan fimm í gær.
Drengurinn var að koma út úr
skólarútu og hljóp fram fyrir hana en
í veg fyrir bíl. Slysið átti sér stað á
Álfhólsvegi við Skálaheiði í Kópavogi.
Strákurinn var fluttur á slysadeild
Landspítala–háskólasjúkrahúss í
Fossvogi, en meiðsli hans voru ekki
talin eins alvarleg og í fyrstu var ótt-
ast.
Drengur fyrir bíl