Morgunblaðið - 28.09.2002, Qupperneq 16
AKUREYRI
16 LAUGARDAGUR 28. SEPTEMBER 2002 MORGUNBLAÐIÐ
UM 30 skógarbændur á Norður-
landi hófu í gær þátttöku í nám-
skeiðinu „Grænni skógar á Norður-
landi,“ en formleg setning var í
Íslandsbænum í Eyjafjarðarsveit
síðdegis.
Valgerður Jónsdóttir fram-
kvæmdastjóri Norðurlandsskóga
sagði einkar ánægjulegt hversu
margir hefðu skráð sig á námskeið-
ið, en markmiðið hefði verið að fá
um 15 manns til að taka þátt.
Garðyrkjuskóli ríkisins, Skóg-
rækt ríkisins, Landgræðsla ríkisins
og Norðurlandsskógar gerðu með
sér samning um heildstæða skóg-
ræktar- og landgræðslufræðslu í
allt að þrjú ár, eða sex annir fyrir
skógarbændur á Norðurlandi með
þessari yfirskrift.
Markmið fræðslunnar er að gera
þátttakendur betur í stakk búna til
að taka virkan þátt í mótun og
framkvæmd skógræktar og land-
græðslu á bújörðum sínum með
það að markmið að auka land- og
búsetugæði, verðgildi og fjölþætt
notagildi jarðanna. Er náminu ætl-
að að nýtast þeim sem stunda eða
hyggjast stunda skógrækt og land-
græðslu, einkum skógarbændum
og þá sem þjónusta landshluta-
bundin skógræktarverkefni. Námið
er metið til eininga á framhalds-
skólastigi og lýkur með viðurkenn-
ingu frá Garðyrkjuskólanum.
Sambærilegt nám er í boði á
Suðurlandi og stunda þar 25 skóg-
arbændur nám. Námskeiðin á
Norðurlandi verða haldin á svæð-
inu frá Blönduósi að Húsavík og þá
verður eitt þeirra haldið í Svíþjóð
og Noregi þar sem mönnum gefst
kostur á að kynna sér skógrækt
þar.
„Við erum stolt af því að hafa
fengið ykkur til liðs við okkur,“
sagði Sveinn Aðalsteinsson skóla-
stjóri Garðyrkjuskóla ríkisins við
nemendur á námskeiðinu og sagði
markmiðið að gera menn að betri
fagmönnum á þessu sviði.
Guðni Ágústsson landbúnaðar-
ráðherra sagði mikilvægt að styðja
áhugasamt fólk með myndarlegum
hætti, fólk sem tilbúið væri til að
taka að sér störf í þágu lands og
þjóðar. Því væri mikilvægt að huga
að öruggri fjármögnun verkefna af
þessu tagi.
Námskeiðið Grænni skógar á Norðurlandi
30 bændur á skólabekk
Morgunblaðið/Kristján
Guðni Ágústsson landbúnaðarráðherra ræðir við fólk á námskeiðinu.
NÚ þegar skammdegið færist yfir
bæði hægt og hljótt er nauðsyn-
legt að nota alla þá lýsingu sem
tiltæk er, hvort sem er í þéttbýli
eða strjálbýli. Jónas Ragnarsson,
rafvirki hjá Rafeyri á Akureyri,
var einmitt að vinna við að koma
lýsingu á staurastæðu við veit-
ingastað í miðbænum, þegar ljós-
myndari rakst á hann. Einhver
útleiðsla var að gera Jónasi lífið
leitt, þannig að ekki logaði á
staurnum en hann var þó ekki
lengi að kippa því í lag. „Það
verður nú ágætt ef þessi mynd
birtist í blaðinu, því strákarnir í
vinnunni segja að ég geri aldrei
neitt,“ sagði Jónas og var hinn
hressasti.
Morgunblaðið/Kristján
Útleiðsla
í ljósa-
staurunum
BÓNUS og handknattleiksdeild
Þórs og hafa gert með sér sam-
starfssamning til næstu þriggja
ára. Samningurinn felur í sér víð-
tækt samstarf milli handknattleiks-
deildar og Bónuss en með samn-
ingnum er Bónus orðinn einn af
stærstu styrktaraðilum deildar-
innar. Gestur Einarsson undirritaði
samninginn fyrir hönd handknatt-
leiksdeildar Þórs og Jóhannes Jóns-
son fyrir hönd Bónuss. Fyrir aftan
þá á myndinni standa fulltrúar Þórs
og Bónuss, f.v. Aigars Lazdins, Ax-
el Stefánsson, Óðinn Svan Geirsson
og Páll Viðar Gíslason.
Morgunblaðið/Kristján
Þór og
Bónus í
samstarf
BEIN úr sjó nefnist bók eftir
Björn Ingólfsson skólastjóra Greni-
víkurskóla sem nýkomin er út hjá
Bókaútgáfunni Hólum á Akureyri.
Í bókinni er greint frá útgerð-
arsögu Grýtubakkahrepps frá upp-
hafi til vorra daga. Björn kynnir
bók sína í Grenivíkurskóla í dag,
laugardaginn 28. september kl. 16.
Björn hefur unnið að útgáfunni í
meira en áratug og er afraksturinn
einstök sjávarútvegssaga samfélags
við Eyjafjörð; 300 síðna bók í stóru
broti og ríkulega myndskreytt, seg-
ir í frétt frá Hólum.
Boðið verður upp á kaffi og
kleinur meðan Björn kynnir bók
sína.
Björn kynnir
Bein úr sjó
STJÓRN Fasteigna Akureyrar-
bæjar samþykkti á fundi sínum í
vikunni að fela Jakobi Björns-
syni, formanni stjórnar, og Guð-
ríði Friðriksdóttur fram-
kvæmdastjóra að ræða við
Landsafl um leigu á Linduhúsinu
svokallaða við Hvannavelli undir
Tónlistarskóla Akureyrar. Jakob
sagði stefnt að því að fá niður-
stöðu í málið sem allra fyrst.
Hann sagði að í skýrslu sem unn-
in var undir lok síðasta kjörtíma-
bil um húsnæðismál skólans
hefðu verið skoðaðir þrír mögu-
leikar og að einn af þeim hefði
verið að fara inn á 2. hæð í
Linduhúsinu.
„Þann möguleika viljum við
skoða sem bráðabirgðalausn
vegna þess að í umræðunni um
menningarhús hefur verið rætt
um að tónlistarskólinn færi
þangað. Skólinn býr við mjög
erfiðar aðstæður í húsnæðismál-
um og við munum því láta á það
reyna til fullnustu hvort ekki sé
hægt að bæta aðstöðu hans til
bráðabirgða í þessu húsi og þá
þar til varanlegt húsnæði rís.“
Jakob sagði að 2. hæð Lindu-
hússins væri ekki miklu stærri
en núverandi húsnæði skólans en
hins vegar yrði nýtingin mun
betri. Þar væri hægt að sameina
alla starfsemina á einni hæð, auk
þess sem allt aðgengi væri mun
betra.
Tónlistarskólinn
fari í Linduhúsið
VETRARSTARF Akureyrarkirkju
hefst með fjölskyldumessu á morg-
un, sunnudag, kl. 11. Þá verður
fyrsti sunnudagaskóli vetrarins.
Starfið verður kynnt í Safnaðar-
heimili á eftir, en boðið verður upp
á fjölbreytt barna- og unglinga-
starf, samverustundir eldri borg-
ara, sjálfshjálparhópa, fundi sorg-
arsamtaka, hjóna- og kvenna-
námskeið og margt fleira. Þá verða
æðruleysismessur haldnar reglu-
lega. Boðið verður upp á léttar veit-
ingar og tónlist á opna húsinu.
Kirkjustarf
STJÓRN Norðurorku ræddi
möguleika á lagningu hitaveitu í
Svalbarðsstrandarhreppi á fundi
sínum í gær. Fram kom að stjórn-
arformaður Norðurorku og for-
stjóri hafa átt óformlegan fund
með forsvarsmönnum Svalbarðs-
strandarhrepps um málið. Ákveðið
var að vinna ákveðna undirbún-
ingsvinnu af hálfu Norðurorku og
kalla svo málsaðila til formlegs
fundar.
Þá gerði forstjóri grein fyrir
lánsumsókn til NIB upp á 300
milljónir króna, vegna fram-
kvæmda sem tengjast borunum og
lagningu aðveituæðar frá Hjalt-
eyri, borun á Þeistareykjum og
lagningu hitaveitu í Arnarnes-
hreppi og Eyjafjarðarsveit.
Tilboð undir áætlun
Þá samþykkti stjórn Norður-
orku þá ákvörðun að ganga til
samninga við GV-gröfur um lagn-
ingu hitaveitu á Hjalteyri. Fyr-
irtækið átti lægsta tilboðið í verkið
og hljóðaði það upp á 4,5 milljónir
króna. Kostnaðaráætlun verksins
hljóðaði upp á 8,3 milljónir króna.
Hitaveita á Sval-
barðsströnd?
♦ ♦ ♦
Kauptu eina flík,
hún endist á við þrjár
Hagkaup