Morgunblaðið - 28.09.2002, Blaðsíða 21

VIÐSKIPTI/ATHAFNALÍF
MORGUNBLAÐIÐ LAUGARDAGUR 28. SEPTEMBER 2002 21
STJÓRNUNAR- og rekstrarráðgjöf Deloitte & Touche og ráð-
gjafareining IMG verða sameinaðar 1. október nk. en skrifað
var undir samkomulag þess efnis í gær. Fjármálaráðgjöf Del-
oitte & Touche verður hluti af Deloitte & Touche endurskoðun.
Heiti sameinaðs fyrirtækis verður IMG Deloitte, framkvæmda-
stjóri verður Svafa Grönfeldt og verður fyrirtækið til húsa á
Laugavegi 170.
„Fyrirtækið er óháð ráðgjafarfyrirtæki sem byggir þjónustu
sína á alþjóðlegum viðskiptalausnum Deloitte & Touche og
Corporate Lifecycles [hluti af IMG], víðtækum upplýsingum um
þróun á markaðs- og rekstrarumhverfi íslenskra fyrirtækja,
sem og mjög nánu samstarfi við viðskiptavini. Í samræmi við al-
þjóðaskipulag Deloitte & Touche verður fjármálaráðgjöf hluti
af endurskoðunarfyrirtækinu Deloitte & Touche hf. í framhaldi
af sameiningunni,“ segir í fréttatilkynningu frá IMG Deloitte.
Þar kemur einnig fram að sjö af hverjum tíu ráðgjöfum fyr-
irtækisins eru með meistaraprófs- eða doktorsgráðu og hjá fé-
laginu starfa margir af reyndustu ráðgjöfum landsins. Heild-
arfjöldi starfsmanna nýja fyrirtækisins og móðurfélaga þess,
Deloitte & Touche endurskoðunar og IMG, er 310 og heild-
arvelta félaganna verður rúmlega 2 milljarðar króna. Stjórn
fyrirtækisins skipa Bjarni Snæbjörn Jónsson, Jón Gunnar Að-
ils, Skúli Gunnsteinsson og Þorvarður Gunnarsson. Stjórn-
arformaður er Friðrik Pálsson. Svafa Grönfeldt, fram-
kvæmdastjóri IMG Deloitte, segir að bæði móðurfélögin, IMG
og Deloitte & Touche, „hafi séð tækifæri til að búa til öflugasta
fyrirtæki landsins á sviði stjórnunar- og rekstrarráðgjafar og
taka þannig forystu á íslenskum ráðgjafarmarkaði. Uppbygg-
ing fyrirtækjanna hefur staðið undanfarin ár og er sameining á
ráðgjafarsviði einn hlekkurinn í þeirri þróun. Ráðgjafar fyr-
irtækjanna beggja eru þekktir fyrir trausta en jafnframt mjög
framsækna nálgun á viðfangsefnin og mun það án efa verða að-
alsmerki IMG Deloitte,“ segir Svafa.
Jón Gunnar Aðils, rekstrarráðgjafi og stjórnarmaður í IMG
Deloitte, segir í samtali við Morgunblaðið að ráðgjafarmark-
aðurinn hafi breyst mjög á undanförnum árum og aðdragand-
ann að sameiningunni nú megi rekja til þessara breytinga.
„Auk þess sjáum við í þessari sameiningu töluverð samlegð-
aráhrif, bæði á kostnaðar- og tekjuhlið. En það sem er mik-
ilvægast er að þetta er mjög skynsamlegt skref með tilliti til
samkeppni og þetta mun auðvelda okkur að bjóða víðtækari
þjónustu,“ segir Jón Gunnar. Hann segir að við sameininguna
haldi allir starfsmenn störfum sínum og þeim verði m.a.s. fjölg-
að lítillega. 35 ráðgjafar munu starfa hjá IMG Deloitte en alls
munu um 100 sérfræðingar koma að störfum fyrirtækisins.
IMG Deloitte
verður til
Morgunblaðið/Árni Sæberg
Svafa Grönfeldt, framkvæmdastjóri IMG Deloitte, Skúli
Gunnsteinsson, framkvæmdastjóri IMG, Þorvarður Gunn-
arsson, framkvæmdastjóri Deloitte & Touche, og Guðmund-
ur Kjartansson, stjórnarformaður Deloitte & Touche.
● LYFJAFYRIRTÆKIN Delta hf. og
Pharmaco hf. sameinuðust formlega í
gær undir nafni Pharmaco hf. Starf-
semi hins sameinaða fyrirtækis verð-
ur skipt upp í tvo hluta, rekstur og fjár-
festingu. Róbert Wessman, forstjóri
Delta hf., verður forstjóri rekstrarhluta
fyrirtækisins en Sindri Sindrason, nú-
verandi forstjóri Pharmaco hf., verður
forstjóri fjárfestinga. Undir rekstur
heyrir framleiðsla og þróunarvinna og
þar verður fyrst og fremst einblínt á
innri vöxt fyrirtækisins. Fjárfestinga-
hlutanum er ætlað að vinna að ytri
vexti fyrirtækisins með kaupum og yf-
irtökum á erlendum fyrirtækjum, segir
í tilkynningu frá Pharmaco hf.
Á fundi sem haldinn var til kynn-
ingar á samruna fyrirtækjanna í gær
kom fram að stefnt er að skráningu
Pharmaco hf. í erlendum kauphöllum.
Að mati Björgúlfs Thors Björgúlfs-
sonar, stjórnarformanns Pharmaco
hf., er ekki óeðlilegt að stefna að
skráningu Pharmaco hf. í einhverri af
kauphöllum hinna Norðurlandanna en
hann nefndi einnig kauphöll Lundúna
sem möguleika.
Starfsmenn sameinaðs fyrirtækis
eru um 5.300 og samanlögð ársvelta
fyrir árið 2002 er áætluð um 24,6 millj-
arðar króna. Á Íslandi starfa alls um
450 starfsmenn hjá sameinuðu fyrir-
tæki. Fram kom á fundinum að starfs-
fólki hérlendis yrði ekki fækkað í kjölfar
sameiningarinnar. Heildarframleiðslu-
geta sameinaðs fyrirtækis, eftir að ný
lyfjaverksmiðja Balkanpharma í Dupn-
itza í Búlgaríu kemst í gagnið, verður
13,6 milljarðar taflna á ári, þar af eru
ríflega 8% taflna framleidd hér á landi.
Delta og Pharma-
co formlega
sameinuð
● MIKIL viðskipti með bréf Bún-
aðarbanka Íslands í fyrradag skýr-
ast af því að bankinn keypti bréfin
sjálfur fyrir viðskiptavini bankans, á
grundvelli framvirkra samninga.
Búnaðarbankinn er því tímabund-
ið eigandi bréfanna þar til viðskipta-
vinirnir leysa þau til sín, í samræmi
við samningana. Yngvi Örn Krist-
insson, framkvæmdastjóri Bún-
aðarbankans verðbréfa, segir að
viðskiptavinirnir séu fleiri en einn og
framvirku samningarnir komist á
gjalddaga innan skamms. Seljendur
bréfanna eru jafnframt fleiri en einn.
Að því er fram kemur í flöggun til
Kauphallar Íslands í gær var Bún-
aðarbanki Íslands áður skráður fyrir
eigin hlutafé að nafnverði
162.192.285 kr. eða sem svarar til
2,99% af heildarhlutafé. Þar af voru
að nafnverði 19.675.965 kr. vegna
framvirkra samninga. Eftir viðskiptin
í fyrradag er Búnaðarbanki Íslands
nú skráður eigandi að hlutafé sam-
tals að nafnverði 506.284.414 kr.
eða sem svarar til 9,34%. Þar af eru
að nafnverði 503.300.000 kr. eða
sem svarar til 9,29% vegna fram-
virkra samninga.
Búnaðarbankinn keypti því hluta-
bréf að nafnvirði rúmlega 344 millj-
ónir. Nafnverð þeirra bréfa sem
skiptu um hendur í fyrradag var um
531,5 milljónir króna en markaðs-
virðið um 2,5 milljarðar.
Búnaðarbankinn
keypti fyrir
viðskiptavini