Morgunblaðið - 05.10.2002, Qupperneq 1

233. TBL. 90. ÁRG. LAUGARDAGUR 5. OKTÓBER 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 5. OKTÓBER 2002
ÞRÁTT fyrir að ítalska skútan
Prada færi mikinn á Hauraki-flóa
við Nýja-Sjáland í gær mátti áhöfn
hennar lúta í lægra haldi fyrir
bandarísku skútunni Stars and
Stripes í undankeppni Ameríkubik-
arsins, sem nú stendur yfir. Alls
keppa níu siglingaklúbbar um
Louis Vuitton-bikarinn, en sá sem
sigrar hefur tryggt sér réttinn til að
keppa við nýsjálenska liðið um Am-
eríkubikarinn í febrúar á næsta ári.
AP
Forkeppni
Ameríku-
bikarsins
VÍSINDAMAÐUR sem gerði
ítarlegar rannsóknir á naflaló
og endurskoðendur bandaríska
orkusölufyrirtækisins Enron,
sem lýst hefur verið gjaldþrota,
voru meðal þeirra sem hlutu
hin svonefndu IgNobel-háð-
ungarverðlaun í ár.
Karl Kruszelniki við Sydney-
háskóla fékk þverfaglegan
IgNóbel fyrir umfangsmikla
rannsókn sína á naflaló – hver
fær hana, hvenær, hvernig á lit-
inn og hve mikið. Hagfræði-
háðungarverðlaunin voru veitt
öllum framkvæmdastjórum, yf-
irmönnum og endurskoðendum
tæplega 30 fyrirtækja, þ.á m.
Enron og WorldCom, fyrir að
„laga stærðfræðihugtakið
„ímyndaðar tölur“ að viðskipta-
heiminum“.
Háðungarverðlaun
Rann-
sóknir á
naflaló
Boston. AFP.
BANDARÍKJAMENN héldu í gær
áfram að reyna að tryggja stuðning
annarra ríkja, sem hafa neitunarvald
í öryggisráði Sameinuðu þjóðanna,
við nýja og harðorða ályktun í Íraks-
deilunni. Bæði Rússar og Frakkar
höfnuðu hins vegar uppkasti að slíkri
ályktun og sagði Vladímír Pútín, for-
seti Rússlands, að vopnaeftirlits-
menn SÞ yrðu að halda til Íraks sem
fyrst.
Bandaríkjamenn vilja að í nýrri
ályktun öryggisráðsins verði Írökum
hótað hernaðaraðgerðum hlíti þeir
ekki skilmálum SÞ um vopnaeftirlit
og afvopnun. Frakkar hafa hins veg-
ar lagt til að samþykktar verði tvær
ályktanir. Sú fyrri hefði að geyma
þær kröfur sem Írakar þurfa að upp-
fylla varðandi vopnaeftirlitið en sú
síðari, sem ekki kæmi til samþykkt-
ar fyrr en ljóst væri að Írakar hefðu
svikið gefin loforð, heimild til hern-
aðaraðgerða.
Málamiðlun hugsanleg
Bandaríkjastjórn hefur tekið hug-
myndum Frakka fálega en í frétt
BBC sagði að ráðamenn í utanrík-
isráðuneytinu bandaríska teldu sig
þó geta sætt sig við lausn, sem væri á
þessum nótum. Viðurkenndu emb-
ættismenn í Washington að hugsan-
lega myndu stjórnvöld þar í landi
þurfa að sættast á málamiðlun.
Eftir því var tekið að Tyrkir, sem
eiga landamæri að Írak og eru aðilar
að Atlantshafsbandalaginu (NATO)
eins og Bandaríkin, lýstu í gær and-
stöðu sinni við allar hernaðaraðgerð-
ir gegn Írak, sem ekki njóta stuðn-
ings annarra þjóða.
Talsmenn bandaríska varnar-
málaráðuneytisins fullyrtu hins veg-
ar að Írakar hefðu að undanförnu
byrjað að fela merki um gereyðing-
arvopnaframleiðslu sína, enda gerðu
þeir ráð fyrir að vopnaeftirlitsmenn
SÞ sneru senn aftur til landsins.
Þá greindi Ari Fleischer, talsmað-
ur George W. Bush Bandaríkjafor-
seta, frá því að forsetinn myndi á
mánudag ávarpa þjóð sína í sjón-
varpi og ræða þar Íraksdeiluna.
Tillaga Frakka er sögð
líkleg til að verða ofan á
Washington. AP, AFP.
BANDARÍSKUR alríkisdómstóll
dæmdi í gærkvöldi John Walker
Lindt, hinn svonefnda bandaríska
talibana, í tuttugu ára fangelsi og sex
ára skilorðsbundið fangelsi til við-
bótar fyrir að hafa unnið með harð-
línustjórn talibanahreyfingarinnar í
Afganistan. Hann var handtekinn í
Afganistan í nóvember sl.
Samkvæmt samningi sem Lindt
gerði við saksóknara í júlí sl. var
honum hlíft við lífstíðarfangelsi gegn
því að hann játaði sig sekan, afsalaði
sér réttinum til áfrýjunar og gengist
inn á að vinna með bandarískum
rannsóknarfulltrúum.
Fyrir dómsuppkvaðninguna í gær
tjáði Lindt, sem er 21 árs, dómaran-
um tárvotum augum að hann væri
fullkomlega ábyrgur fyrir því að
hafa þjónað sem hermaður í her tal-
ibanahreyfingarinnar, og að hann
teldi að það væri ekki undir nokkrum
kringumstæðum réttlætanlegt að
menn beittu hryðjuverkum til að
jafna hlut sinn.
Lindt lét í ljósi iðrun vegna gjörða
sinna og kvaðst skilja hvers vegna
margir Bandaríkjamenn hefðu
brugðist reiðir við þegar hann var
handtekinn í Afganistan. „Ég geri
mér grein fyrir að margir eru enn
[reiðir], en ég vona að með tímanum
breytist það.“
Lindt sagði ennfremur að hann
hefði gengið í lið með talibanahreyf-
ingunni til að berjast gegn óhæfu-
verkum sem Norðurbandalagið í
Afganistan hefði unnið, en það hefði
aldrei hvarflað að sér að hann myndi
lenda í átökum við Bandaríkjamenn.
„Ég gerði mistök með því að ganga
til liðs við talibana. Hefði ég þá vitað
það sem ég veit núna hefði ég aldrei
orðið liðsmaður þeirra.“
Skósprengjumaðurinn játar
Richard Reid, hinn svokallaði skó-
sprengjumaður, játaði fyrir dómi í
Boston í gær að hafa reynt að
sprengja í loft upp farþegaþotu á leið
yfir Atlantshafið í desember sl. Reid
er 29 ára breskur ríkisborgari.
Refsidómur verður kveðinn upp yfir
honum í janúar.
Reid hafði neitað því að vera sek-
ur, en í fyrradag breytti hann fram-
burði sínum og kvaðst sekur. Hann
sagðist ekki viðurkenna það réttar-
kerfi sem hann væri dæmdur sam-
kvæmt og gaf út afdráttarlausar yf-
irlýsingar um hollustu sína. „Ég hef
heitið hollustu við Osama bin Laden
og ég er óvinur lands ykkar,“ sagði
hann.
Bandarísk yfirvöld hafa ákært sex
manns fyrir aðild að samsæri við al-
Qaeda, hryðjuverkasamtök bin Lad-
ens, um að heyja stríð gegn Banda-
ríkjunum, að því er John Ashcroft
dómsmálaráðherra greindi frá í gær.
Fjórir hinna ákærðu eru í varðhaldi
en hinir tveir ganga lausir utan
Bandaríkjanna.
Bandaríski talibaninn
dæmdur í 20 ára fangelsi
Alexandríu, Boston. AFP, AP.
STJÓRNVÖLD í Pakistan sökuðu
Indverja um það í gær að hefja víg-
búnaðarkapphlaup eftir að hinir síð-
arnefndu gerðu tilraunir með loft-
varnarskeyti. Fyrr um daginn höfðu
Pakistanar skotið á loft meðaldrægri
eldflaug, einnig í tilraunaskyni að því
er fullyrt var, en hún gæti flutt
kjarnasprengju langt inn fyrir ind-
versk landamæri.
„Við teljum að Indland hafi gert
þetta til að hefja vígbúnaðarkapp-
hlaup, nokkuð sem Pakistan hefur
alls ekki sýnt neinn áhuga,“ sagði
Nisar Memon, upplýsingamálaráð-
herra Pakistans. Harmaði hann við-
brögð Indverja.
Indverjar sögðu hins vegar um
„venjubundnar“ æfingar að ræða og
P.K. Bandopadhyay, talsmaður ind-
verska varnarmálaráðuneytisins,
sagði Pakistana bregðast allt of hart
við tilraunum Indverja. „Þetta er að-
eins gert til að styrkja loftvarnir
okkar,“ sagði hann, „hvernig er hægt
að bera það saman við eldflaugatil-
raunir Pakistana?“
Skeytasend-
ingar milli
Indverja og
Pakistana
Islamabad, Nýju-Delhí. AFP.