Morgunblaðið - 28.02.2003, Side 49

BRÉF TIL BLAÐSINS
MORGUNBLAÐIÐ FÖSTUDAGUR 28. FEBRÚAR 2003 49
Í MORGUNBLAÐINU fimmtudag-
inn 20. febrúar birtist svarbréf frá
upplýsingafulltrúa Flugleiða/Ice-
landair, Guðjóni Arngrímssyni, við
grein sem við undirritaðir rituðum í
blaðið 18. þ.m. Fyrirfram hefðum við
gert ráð fyrir því að fá heiðarlegt svar
og jafnvel afsökunarbeiðni af hálfu for-
svarsmanna Flugleiða/Icelandair en
því er ekki að heilsa og greinilegt að
flugþreyta er komin í geislabauginn
enda getur félagið ekki varið sig nema
með útúrsnúningum og rangfærslum.
Í fyrsta lagi segir fulltrúi forsvars-
manna fyrirtækisins að óánægja okk-
ar beinist m.a. að því að ekki sé flogið
daglega, en svo er alls ekki, betur
væri ef þeir stæðu við flug sín, því
drengirnir höfðu bókað sig í flug heim
á sunnudeginum en það flug fellt nið-
ur. Þetta félag ætti líklegast að taka
til endurskoðunar þessar flugáætlan-
ir sínar því greinilegt er að þeir fella
niður flug eftir geðþótta og gerum að
tillögu okkar að flugáætlunin verði
réttilega nefnd: „hugarflugsáætlun“.
Í öðru lagi fer nefndur fulltrúi fyrir
hönd forsvarsmanna í felum með
heila ræðu um útsölur og gerir að því
skóna að þeirra viðskiptamáti sé
„aldagamall og viðurkenndur“ eins og
þeir orða það en því miður er ekki
innistæða fyrir þessari orðræðu.
Staðreyndin er sú að víðast hvar fæst
vara endurgreidd og/ eða inneignar-
nóta fyrir allri þeirri fjárhæð sem
greidd er fyrir vöruna (einnig á útsöl-
um). Þannig er nú sem betur fer gott
viðskiptasiðferði tryggt í velflestum
ef ekki öllum verslunum landsins! Og
greinilegt að aðrir kaupmenn styðjast
ekki við þann aldagamla viðskipta-
máta sem Guðjón segir að Flugleiðir/
Icelandair vinni eftir. Er það kannski
málið að farið er að slá í þessar við-
skiptavenjur félagsins?
Í þriðja lagi lætur Guðjón að því
liggja að félagið sé að gera drengj-
unum og öðrum farþegum einhvern
greiða með þjónustu sinni, og tekur
dæmi um að Norðmenn hafi enga
beina flugtengingu við Bandaríkin á
þessum árstíma, en okkur er bara al-
veg sama um hvernig Norðmenn hafa
þetta. Við búum hér á Íslandi en ekki í
Noregi og gerum þá kröfu að félagið
stundi sín viðskipti á viðskiptasið-
ferðilegum grunni. Með auglýsingum
sínum og markaðssetningu er þetta
flugfélag að auglýsa þjónustu gegn
gjaldi og getum við ekki séð neina
greiða nema þá helst bjarnargreiða
þar sem verð farseðla er meira rokk-
andi en sveiflur í veðurfarinu.
Guðjón tekur dæmi um mikla verð-
lækkun á kjúklingum í verslunum á
dögunum ... og því hljótum við að
spyrja: fyrst kjúklingaverð er for-
svarsmönnum félagsins svona ofar-
lega í huga og greinilega viðskipta-
viðmiðun hjá félaginu í dag, hvort
langt sé í „kjúklingaverðsútsölu á far-
seðlum“?
Enn stendur óhaggað að Flugleið-
ir/Icelandair getur ekki með nokkru
móti varið viðskiptavenjur sínar og
ættu forsvarsmenn félagsins í alvöru
að endurskoða eigið viðskiptasiðferði
í stað þess að geysast fram á ritvöllinn
með rangfærslur og útúrsnúninga.
RÚNAR SIG. BIRGISSON,
Vallarási 5, Rvík.
JÓHANN GUÐMUNDSSON,
Hólabergi 72, Rvík.
Vængbrotið
viðskiptasiðferði
Frá Rúnari Sig. Birgissyni og
Jóhanni Guðmundssyni
LANDSVIRKJUN seilist nú inn á
friðað og ósnortið hálendið norðan
jökla með risa grjótstíflur utan um
kolgrá virkjun-
arlón, stór hluti
af Kringilsár-
rana, burðar-
svæði hreindýr-
anna, fer undir
vatn. Einnig
stór hluti Eyja-
bakka sem er
friðað Ramsar
votlendissvæði.
Alls verða 15
stíflugarðar í
þessum virkjanasamstæðum. Fórn
Austurlands er mikil fyrir eitt ál-
ver á Reyðarfirði. Þessi bylting
öræfanna stendur til 2007 – í fimm
ár. Stóð ekki til að stofna þjóðgarð
á sama svæði kringum Snæfell og
Eyjabakka sem gnæfir stolt í 1.833
m hæð yfir öræfin norðan jökla?
Fjallavötnin fagurblá
verða kolgrá
Jökulsárgljúfrin eru stærstu
gljúfur landsins. Þau ásamt Set-
hjalladal eru einstök náttúrusmíð,
en þar má lesa þróunarsögu jarð-
myndunar frá ísöld. Allt fer undir
kolgrátt Hálsalón sem verður á
stærð við Hvalfjörð. Stærsta stífl-
an við Kárahnjúka er 750 metra
löng, og 190 metra há eða 2 og ½
Hallgrímskirkjuturn, önnur verður
Desjárstífla 900 metra löng og 60
metra há og sú þriðja Sauðárstífla
rúmur kílómeter 1.150 metra löng
grjótstífla og 25 metra há.
Við Snæfell verða einnig nokkr-
ar stórar malarstíflur sú stærsta
við Kelduárlón, þar verður grjót-
garðurinn ca 1½ km eða 1.450
metra langur og 25 metra hár.
Önnur stór grjótstífla er við Ufs-
arlón 675 metra löng og 25 metra
há og nær upp í Eyjabakkafoss þar
sem einstök fossaröð eyðileggst og
yfir 60 fossar hverfa. Öll lónin
verða síðan flutt gegnum 40 km
jarðgöng yfir í Fljótsdal. Þar verð-
ur Jöklu veitt í djúpum opnum
skurði nokkra kílómetra meðfram
Lagarfljóti áður en jökulfljótin
sameinast að fullu. Jökla er aurug-
asta jökulfljót landsins og mun
þrefalda vatnsmagn Lagarfljóts.
Við það hækkar yfirborð Lagar-
fljóts um 30 cm og eykur hættu
landrofs við fljótsbakkana.
Ferðaþjónustan
sett í hættu
Erlendir leiðsögumennhafa hafa
sagst í auknum mæli líta til Græn-
lands, Svalbarða og Kanada haldi
Íslendingar áfram með þessi virkj-
unaráform norðan jökla sem sunn-
an. Tvær raðir háspennumastra
koma svo til að gnæfa yfir öræfin
og liggja út Reyðarfjörð. Við risa-
álver Alcoa fá aðeins 150 manns at-
vinnu. Flest verða þetta dæmigerð
karlastörf. Önnur störf eru ágisk-
anir. Hvað eiga konur svo að fást
við? Dansa súludans og þjónusta
álverið eða tína hundasúrur á sauð-
skinnsskóm? Varla verður þeim
boðin forstjórastaða hjá Fjarð-
aráli. Líkur eru á að erfitt reynist
að manna álverið og fá þurfi út-
lendinga til starfans.
Kárahnjúkavirkjun fékk fall-
einkunn hjá skipulagsstjóra í um-
hverfismati norðan Vatnajökuls
vegna umhverfisspjalla. Einstæð
samfelld gróðurþekja upp í 700
metra hæð fer undir Hálsalón
ásamt Sethjalladal. Fróðir menn
segja að eldgos og hlaup í Brúar-
jökli verði á ca 50 ára fresti og
gæti orðið innan fárra ára. Er
þjóðin reiðubúin að ábyrgjast 100
milljarða lánið vegna Kárahnjúka-
virkjunar?
Grát ástkæra fósturjörð
Virkjunarlónin hálffyllast af aur
á 50 árum. Þegar lágt er í lónunum
fýkur fínkorna jökulaur yfir öræfin
og niður í byggð. Í Jökulsár-
gljúfrum eru misgengissprungur.
Hvergi í heiminum hafa þjóðir
virkjað á flekasprungum sem sí-
fellt eru á hreyfingu. Þjóð sem
metur einskis landið og miðin, sem
henni er trúað fyrir, blæðir út.
Enn er tími til þjóðaratkvæða-
greiðslu í vor jafnhliða alþingis-
kosningunum. Á vogarskálinni
verður Vatnajökulsþjóðgarður með
Hafrahvammagljúfrum, Sethjalla-
dal, Kringilsárrana og Eyjabökk-
um sem gæti skapað fjölmörg störf
vegna ferðaþjónustu og rannsókna,
hins vegar er Kárahnjúkavirkjun
með gruggugu virkjunarlónin yfir
allt hálendi Austurlands. Loforð
ríkisstjórnarinnar fyrir síðustu
kosningar var að sætta þjóðina og
vernda öræfi landsins. Við viljum
sjá efndirnar! Þjóðgarð norðan
jökla sem stendur undir nafni.
ÓLÖF STEFANÍA
EYJÓLFSDÓTTIR,
Viðjugerði 2, Reykjavík.
Snæfellsþjóðgarður og
ferðaþjónustan sett í hættu
Frá Ólöfu Stefaníu Eyjólfsdóttur,
austfirskri, útivinnandi húsmóður
Ólöf Stefanía
Eyjólfsdóttir