Morgunblaðið - 09.04.2003, Qupperneq 11

FRÉTTIR
MORGUNBLAÐIÐ MIÐVIKUDAGUR 9. APRÍL 2003 11
Glæsilegir
möguleikar
Glæsibær
Bjóðum til sölu nú eftir breytingarnar
tvö verslunarrými, 130 og 275 fm. sem hugsanlega
mætti skipta.
Allar upplýsingar veita:
Verslunarmiðstöðin í Glæsibæ hefur
tekið miklum stakkaskiptum. Hún er
eftir umfangsmiklar endurbætur orðin
að stórglæsilegri og eftirsóttri verslunar-
miðstöð. Þá þykir Glæsibær afar vel
staðsettur með tilliti til umferðar. Eignamiðlunin
Sverrir Kristinsson og
Óskar Rúnar Harðarson
Sími 588 9090
Jón Guðmundsson
Sími 570 4500
H
A
U
K
U
R
LOKAFRESTUR til að skila skatta-
framtali á Netinu rann út á miðnætti
í gær. Til að koma í veg fyrir álag-
stoppa sem hefðu getað orðið til þess
að netkerfi Ríkisskattstjóra réði
ekki við umferðina, var misjafnt hve
langan frest fólk fékk og fór það eftir
handahófskenndri ákvörðun tölvu.
Öllum bar þó að vera búnir að skila í
gærkvöldi.
Bragi Leifur Hauksson, deildar-
stjóri hugbúnaðarsviðs Ríkisskatt-
stjóra, segir að rafræna leiðin til að
skila skattaframtali verði þó áfram
opin ef einhverjir hafa ekki átt þess
kost að skila í gær. Hann átti ekki
von á að umferð um Netið yrði það
mikil að kerfið myndi ekki þola álag-
ið. „Við munum ekki loka rafrænu
leiðinni strax, sú leið er öllum til
hagsbóta,“ sagði Bragi. „Það er bæði
þægilegra fyrir þá sem telja fram og
svo einnig til mikilla þæginda í
vinnslunni.“
Bragi segir að nú geti allir sem
skila rafrænt sótt ókeypis staðfest
rafrænt afrit af framtali sínu tveim-
ur dögum eftir skil á vefnum. „Þetta
sparar fólki sporin, því ekki þarf að
þramma til skattstjóra og ná í afrit
með tilheyrandi tímaeyðslu og
kostnaði. Þá er í fyrsta skipti núna
hægt að senda rafrænt inn leiðrétt-
ingar eftir skil. Öll þessi þjónusta er
aðgengileg með veflykli viðkomandi
og því er betra að gæta hans vel.“
Bragi sagði að um 7.500 manns
hafi fengið frest til dagsins í gær að
skila framtali á Netinu.
Um 74% framteljenda skiluðu raf-
rænt í fyrra og standa vonir til að ríf-
lega 80% skili rafrænt í ár.
Frestur til að skila framtali liðinn
Rafræna leiðin
verður opin áfram
FATAVERSLUN bresku versl-
unarkeðjunnar NEXT verður opn-
uð í Kringlunni á morgun. Versl-
unin er 800 m² að stærð og er til
húsa á 2. hæð, þar sem Nanoq var
áður. Í fréttatilkynningu segir að
undirbúningur hafi staðið í um 15
mánuði. Um 400 manns sóttu um
störf í búðinni þegar auglýst var
eftir starfsfólki fyrir skömmu. Eig-
endur NEXT á Íslandi búast við að
allt að 15.000 manns heimsæki búð-
ina um næstu helgi. Verslunin í
Kringlunni er sú 380. sem opnuð er
undir merkjum NEXT í heiminum,
en sú fyrsta sem opnuð er í Norður-
Evrópu utan Bretlandseyja, eins og
segir í tilkynningunni. NEXT
hyggst selja vandaðan tískufatnað
fyrir konur, karla og börn á hag-
stæðu verði. Undirbúningur að opn-
uninni var í fullum gangi í gær og
lét starfsfólk hendur standa fram
úr ermum við að koma vörum fyrir.
Morgunblaðið/Árni Sæberg
Next opnar fata-
verslun í Kringlunni
STARFSMENN hjá Miðstöð heima-
hjúkrunar áttu fund með heilbrigð-
isráðherra í fyrradag, þar sem rædd
var uppsögn Heilsugæslunnar á
aksturssamningi við starfsmennina.
Starfsmenn hafa túlkað uppsögn-
ina þannig að verið sé að segja þeim
upp störfum enda sé um að ræða um-
talsverða kjaraskerðingu á ráðning-
arsamningi þeirra. Þeir hyggjast
ekki mæta til vinnu eftir næstu mán-
aðamót að öllu óbreyttu. Kristjana
Guðjónsdóttir, einn talsmanna
Heimahjúkrunar, segir að þau hafi
viljað kynna ráðherra sína hlið máls-
ins og ítreka mikilvægi þess að lausn
fyndist.
„Við höfum alveg frá upphafi
þessa máls verið tilbúnar að setjast
við samningaborðið en þar sem yf-
irstjórn Heilsugæslunnar hefur ekki
viljað semja við okkur leituðum við
til ráðherra og leggjum málið nú í
hans hendur. Hann ætlar að líta á
þetta mál og mun hafa samband við
okkur fljótlega og þá sjáum við hvert
framhaldið verður.“
Hún bætir við að bæði starfsmenn
og skjólstæðingar Heimahjúkrunar
séu farnir að ókyrrast enda orðið
stutt til mánaðamóta, óvissan sé
vond fyrir alla, ekki síst þá sem þurfi
á þjónustunni að halda.
Starfsmenn Heimahjúkrunar
áttu fund með ráðherra