Morgunblaðið - 09.04.2003, Side 25

LISTIR
MORGUNBLAÐIÐ MIÐVIKUDAGUR 9. APRÍL 2003 25
ÞAÐ er heldur hráslagalegur
heimur sem birtist okkur í Chicago.
Þegar Roxie Hart myrðir elskhuga
sinn og mistekst að koma sökinni á
vitgrannan eiginmanninn leitar hún
til Billys Flynns, lögfræðings sem tel-
ur frægðina fremur en lagaklæki vera
leiðina undan snörunni. Þetta er
frumlegur söngleikur að forminu til,
engin eiginleg sviðsmynd en leikhóp-
ur og hljómsveit sameinast um að
segja söguna. Verulega skemmtilegt
verk þar sem möguleikar leikhússins
eru nýttir á skapandi hátt. Tónlistin
grípandi og þýðing Flosa er frábær,
að mínu mati hans besta. Eins gott að
söngtextar komust vel til skila að
þessu sinni.
Sýning LMA er hreint afbragð.
Laufey Brá og hennar fólk hefur
komist ótrúlega langt með að gera öll-
um þáttum þessa krefjandi verks skil.
Tónlist er fantavel flutt bæði af hljóm-
sveit og söngvurum, sviðsetningin er
hugmyndarík og lifandi, leikur kraft-
mikill og sjálfsöruggur og þó öryggið í
snjöllum dansatriðunum sé ekki alveg
jafn mikið breytir það engu því verkið
er skemmtilegt og persónurnar
áhugaverðar þótt fráhrindandi séu.
Þar er athyglin, eins og vera ber.
Aðalhlutverkin, Roxie og Billy, eru
í góðum höndum hjá Unni Birnu
Björnsdóttur og Ævari Þór Bene-
diktssyni. Andri Már Sigurðsson er
kostulegur eiginmaður og margir
eiga fyndnar innkomur í smáhlut-
verkum, þar sem ýkjur eru dagskip-
unin.
En sýningin í heild er sigur hóps-
ins. Einhver sterkasta, og áreiðan-
lega skemmtilegasta, söngleikjasýn-
ing framhaldsskólaleikfélags í vetur.
Grease
GREASE hverfist um samdrátt of-
urtöffarans Danny Zuko og sakleys-
ingjans Sandy Dumbrowsky, en dvel-
ur ótrúlega lítið við þetta aðalefni sitt.
Miklu meiri tíma er varið í að lýsa
töffaraklíku Dannys og stúlknagerinu
í kringum það, dansa og syngja – að
miklu leyti án þátttöku Sandy. Ein-
kennilega upp byggður söngleikur en
skemmtileg rokktónlistin og kostu-
legar týpurnar bæta það upp. Parið
er vel leikið og sungið af Sigursveini
Þór Árnasyni og Rósu Björg Ásgeirs-
dóttur. Sigursveinn fær úr öllu meira
að moða og nýtir sér það svikalaust,
dansar til dæmis sérlega vel. Þá er
Sunna Valgerðardóttir verulega góð
sem Rizzo og nánast sú eina sem skil-
ar söngtextum svo hvert orð skilst.
Sýning Verkmenntaskólans er
kraftmikil og fjörug, tónlist og dans
ágætlega leyst. Svo skemmtilega vill
til að þétt og vel spilandi hljómsveitin
er að mestu skipuð kennurum, en slík
þátttaka kennara í leiklistarstarfi
skólans er að ég held einsdæmi en
vissulega til fyrirmyndar.
Það sem einna helst stendur í vegi
fyrir því að sýningin verði eins áhrifa-
mikil og hún gæti verið er sú leið sem
leikstjórinn hefur valið. Hann lætur
leikarana, aðallega strákana, ýkja
töffarastælana upp úr öllu valdi. Það
skilar nokkrum hlátrarsköllum í byrj-
un en verður síðan afar hvimleitt og
stendur í vegi fyrir persónusköpun og
samkennd okkar með persónunum.
Einnig gegnir furðu sviðsetning hans
á eina tveggja manna atriði Sandy og
Dannys, en hann lætur þau snúa baki
í áhorfendur, við sjáum einungis
skuggamynd af þeim og þau tala í
hljóðnema. Eina tækifærið sem við
höfum til að fylgjast með sambandi
þeirra fer því fyrir lítið.
Þrátt fyrir þessa annmarka er vel
hægt að hafa af gaman af sýningunni,
sérstaklega tónlistinni og skemmti-
legum hópatriðunum. Söngleikja-
hefðin er á réttri leið í Verkmennta-
skólanum og gaman verður að
fylgjast með frekari framgangi henn-
ar.
LEIKLIST
Leikfélag Menntaskólans
á Akureyri
Höfundar: Fred Ebb, John Kander og Bob
Fosse. Þýðandi: Flosi Ólafsson. Leik-
stjóri: Laufey Brá Jónsdóttir. Tónlistar-
stjórn: Björn Þórarinsson og Helgi Vil-
berg Helgason. Lýsing: Róbert Lee
Evensen. Samkomuhúsið á Akureyri 27.
mars 2003.
CHICAGO
Skítapakk og gúmmítöffarar
Verkmenntaskólinn
á Akureyri
Höfundar: Jim Jacobs og Warren Casey.
Leikstjóri: Þorsteinn Bachmann. Tónlist-
arstjóri: Arnór Vilbergsson. Verk-
menntaskólinn 28. mars 2003.
GREASE Þorgeir Tryggvason
NÁMSKEIÐ um íslenskar sam-
tímabókmenntir og menningu fyrir
útlendinga hefst hjá Endurmenntun
Háskóla Íslands 22. apríl næstkom-
andi. Námskeiðið er ætlað útlend-
ingum sem náð hafa allgóðu valdi á
að skilja talaða og ritaða íslensku en
vilja auka orðaforða sinn og skyggn-
ast um í heimi íslenskra bókmennta
og menningar. Lesin verða ljóð,
smásögur og leikrit sem komið hafa
út á síðustu árum. Einnig verður
farið í heimsókn í Listasafn Íslands
og á leiksýningu í Þjóðleikhúsinu.
Kennari er Sigurborg Hilm-
arsdóttir, cand. mag í íslenskum
bókmenntum. Auk hennar verða
gestafyrirlesararnir Dagný Krist-
jánsdóttir, sem fjallar um skáldsög-
ur og smásögur, Helgi Skúli Kjart-
ansson, sem ræðir um íslenska
samtímasögu, Sveinn Einarsson,
sem segir frá íslenskum leikritum
og Þórður Helgason, sem fjallar um
ljóð.
Bókmenntir
fyrir
útlendinga
fyrirtaeki.is