Morgunblaðið - 10.05.2003, Page 12

FRÉTTIR
12 LAUGARDAGUR 10. MAÍ 2003 MORGUNBLAÐIÐ
KJARTAN Magnússon, borgar-
fulltrúi Sjálfstæðisflokksins, beið í
um sex mánuði eftir svari við
spurningum sínum í tengslum við
ráðningu tilsjónarmanns í Alþjóða-
húsinu ehf., en í gær tók biðin
enda, þegar Helga Jónsdóttir,
borgarritari, upplýsti að tilsjónar-
maðurinn hefði fengið 620 þúsund
krónur án virðisaukaskatts fyrir
vinnuframlag sem svaraði einum
mannmánuði á tímabilinu 12. nóv-
ember 2002 til 15. janúar 2003.
Í bréfi Kjartans Magnússonar til
borgarráðs 28. apríl sl. kemur
fram að 11. nóvember hafi stjórn
Alþjóðahússins ehf. samþykkt að
ráða Hákon Gunnarsson ráðgjafa
sem sérstakan tilsjónarmann með
rekstri hússins vegna aðstæðna í
fjármálum þess en þá hafi Reykja-
víkurborg átt um 65% hlutafjár
hússins. Kjartan segist hafa setið
hjá við afgreiðslu málsins í stjórn-
inni þar sem ekki hefði verið leitað
hagkvæmustu leiða við ráðninguna
enda hefði borist sérstök ósk úr
Ráðhúsinu að Hákon yrði ráðinn.
Fram hefði komið að fulltrúar
borgarstjóra hefðu samið um
ákveðna þóknun til ráðgjafans
vegna verkefnisins, „þótt eðlilegra
hefði mátt telja að stjórn Alþjóða-
hússins annaðist þann þátt máls-
ins“. Í bréfinu segist Kjartan ekki
hafa séð sér fært að samþykkja
nefnda upphæð í samningsdrögum
en þegar ljóst hafi verið að meiri-
hluti stjórnar Alþjóðahússins
myndi fara eftir tilmælum fulltrúa
borgarstjóra hefði hann óskað eftir
því að fá upplýsingar um endan-
lega samningsupphæð. Ekki hefði
verið orðið við þeirri beiðni. Hann
hefði tekið málið upp á borgar-
stjórnarfundi 30. janúar og Ingi-
björg Sólrún Gísladóttir, þáverandi
borgarstjóri, hefði sagt að hún
myndi ekki svara spurningunum á
þeim fundi en sjá til þess að borg-
arfulltrúinn fengi svör við spurn-
ingum sínum með öðrum hætti.
Svar hafi ekki enn borist og því
hafi hann snúið sér til borgarráðs.
Hefði átt að vera borgarstjóra
í hag að eyða tortryggni
„Þess má geta að umræddur
ráðgjafi var kosningastjóri Sam-
fylkingarinnar við síðustu Alþing-
iskosningar og er auk þess kvænt-
ur einum af þingmönnum þess
flokks,“ segir Kjartan Magnússon í
samtali við Morgunblaðið. „Ein-
mitt þess vegna hefði það átt að
vera þáverandi borgarstjóra í hag
að eyða allri tortryggni og óvissu
vegna málsins með því að svara
umræddri fyrirspurn um leið og ég
bar hana fram.“
Í umsögn Helgu Jónsdóttur til
borgarstjóra í gær kemur fram að
með bréfi skrifstofu borgarstjórn-
ar dagsettu 29. apríl 2003 hafi
henni verið fengið til umsagnar er-
indi Kjartans. Fram kemur að
verkefnið hafi annars vegar falist í
rekstri og starfsemi hússins og
hins vegar í stjórnun breytinga á
rekstrarformi Alþjóðahúss en fyrir
hafi legið vilji eigenda félagsins um
að leita samninga við
Reykjavíkurdeild Rauða krossins
um rekstur þess. Ráðgjafarsamn-
ingurinn hafi verið gerður í umboði
stjórnar Alþjóðahússins og að ósk
stjórnarformanna Alþjóðahússins
og Reykjavíkurdeildar Rauða
krossins. Kostnaður vegna samn-
ingsins hafi skipst til helminga
milli Alþjóðahússins og Reykjavík-
urdeildar Rauða krossins en
Reykjavíkurborg sem slík hafi ekki
haft kostnað af samningnum. Í um-
sögninni kemur jafnframt fram að
það hafi verið mat eigenda að
miklu skipti að fá sérfræðing sem
gæti helgað sig verkefninu og ekki
hafi komið til álita að einhverjir
starfsmenn Reykjavíkurborgar
gætu tekið frí frá starfi til að sinna
því. Helga segir ennfremur í bréf-
inu að hún þekki ekki til þeirra at-
vika sem lýst sé í bréfi borgar-
fulltrúans að átt hafi sér stað á
fundum stjórnar. Samkvæmt gild-
andi reglum hjá Reykjavíkurborg
„skal beina fyrirspurnum til
stjórnsýslunnar gegnum borgar-
stjóra eða borgarráð og skulu þær
berast skriflega. Spurningum sem
fram koma í umræðum í borgar-
stjórn er almennt fylgt eftir með
skriflegri fyrirspurn eða í undan-
tekningartilvikum fyrirmælum
fyrrverandi borgarstjóra um að
svara munnlegri fyrirspurn.
Ástæðu þess að ekki bárust slík
fyrirmæli frá borgarstjóra í þessu
tilviki hinn 30. janúar sl. má vænt-
anlega rekja til þess að á þeim eina
degi sem fyrrverandi borgarstjóri
átti eftir í starfi kallaði margt á at-
hygli.“
Fyrirspurn borgarfulltrúa vegna tilsjónarmanns Alþjóðahússins svarað eftir hálft ár
Samningsupp-
hæð 620 þús-
und án vsk. NEMENDUR hins gjaldþrotaSnyrtiskóla Íslands hafa fengiðinni í Snyrtiskólanum ehf. í Kópa-
vogi og hefur ríkisstjórnin sam-
þykkt að greiða hverjum nemanda
625 þúsund krónur sem nægir fyr-
ir skólagjöldum til að ljúka nám-
inu, að sögn Ingibjargar Bene-
diktsdóttur, formanns
nemendafélagsins. Snyrtiskóli Ís-
lands varð gjaldþrota og var lokað
af tollstjóra í janúar og var í
framhaldi sviptur starfsleyfi. Nem-
endur sáu því fram á að tapa
1.250 þúsundum sem flestir höfðu
þegar greitt fyrir 10 mánaða nám
og hafa þeir staðið í ströngu síðan
í janúar til að leita lausnar á sín-
um málum, m.a. með mennta-
málaráðuneytinu og iðnnema-
sambandinu.
Ingibjörg segir að nemendum sé
afar létt og að þeir ætli allir að
taka boðinu um að ljúka náminu í
Snyrtiskólanum í Kópavogi. „Við
erum afar sáttar við þessi málalok
og ánægðar að fundin hafi verið
lausn á okkar málum.“
Ljúka nám-
inu í öðrum
snyrtiskóla
Lausn fundin fyrir nem-
endur hins gjaldþrota
Snyrtiskóla Íslands
VARÐSKIPIÐ Óðinn var á dögunum tekinn í slipp við
Mýrargötu í Reykjavík. Unnið er að því að gera varð-
skipið haffært en það hefur ekki verið í notkun frá því
sl. haust. Hugsanlegt er að Óðinn verði notaður við
gæslustörf við landið í sumar þegar varðskipin Týr og
Ægir verða tekin í slipp.
Samkvæmt áætlun mun það kosta 11 milljónir króna
að gera skipið haffært.
Óðinn gerður haffær fyrir sumarið
FIMM af sex tilboðum sem bár-
ust í snjóflóðavarnargarða á Ísa-
firði reyndust vera undir kostn-
aðaráætlun en tilboð voru opnuð í
gær. Um er að ræða 650 metra
langan garð og níu keilur og er
gert ráð fyrir að verkið taki tvö ár
en hægt verður að hefja vinnu við
það þegar um næstu mánaðamót.
Þeir sem buðu í verkið voru
Suðurverk hf. sem bauð
354.509.112 krónur, Kubbur ehf.,
269.399.900 krónur, Vesturvélar
ehf. sem buðu lægst eða kr.
239.711.296, Afrek ehf. og ET ehf.
sem buðu kr. 329.000.000, Ístak
hf. sem bauð kr. 317.238.498 og
loks Íslenskir aðalverktakar hf.
sem buðu kr. 316.568.042. Kostn-
aðaráætlun nemur kr.
344.314.000.
Helstu verkþættir verða að
gróðurþekja verður fjarlægð úr
garðstæðinu og flóðafarveginum
og geymd til síðari nota. Leiði-
garðurinn verður byggður að öllu
leyti úr efni á staðnum sem fæst
við gröft og mótun flóðafarvegar
hans. Þá ber verktaka að ganga
frá yfirborði leiðigarðs og flóðaf-
arvegs, gera göngustíga og vinnu-
vegslóða sem verktaki telur nauð-
synlega vegna framkvæmdanna
og gera drenskurð og framkvæma
breytingu á farvegi Seljalandsár á
tveimur stöðum. Þá verður inni-
falið í verkinu að byggja nýjan að-
komuveg að skíðasvæðinu á Selja-
landsdal í gegnum leiðigarðinn.
Loks skal verktaki sjá um að
ganga frá lögnum veitustofnana
samkvæmt fyrirmælum þeirra.
Tilboð í snjóflóðavarnargarða á Ísafirði opnuð í gær
Fimm af sex tilboðum
undir kostnaðaráætlun
YFIRLÖGFRÆÐINGUR Sam-
taka atvinnulífsins, Hrafnhildur
Stefánsdóttir, segir í leiðara
fréttabréfsins Af vettvangi að
verkalýðshreyfingin hafi barist
fyrir setningu löggjafar um rétt
starfsfólks til upplýsinga um lík-
lega þróun í rekstri fyrirtækja. Því
veki afstaða ASÍ furðu að vilja
hindra forsvarsmenn fyrirtækja í
að upplýsa starfsfólk um mat sitt á
framkomnum hugmyndum um
breytingar á fiskveiðistjórnunar-
kerfinu.
„Verkalýðshreyfingin í Evrópu
barðist fyrir setningu löggjafar um
rétt starfsfólks eða fulltrúa þess til
upplýsinga um líklega þróun í
starfsemi og fjárhagsstöðu fyrir-
tækisins þar sem þeir starfa og
breytinga sem hafa áhrif á kjör
þeirra og starf. Talsmenn ASÍ
hafa talið reglur tilskipunarinnar
um upplýsingamiðlun til launafólks
og samráð við það, sem taka á upp
í íslensk lög eða kjarasamninga
innan tveggja ára, mikinn ávinning
fyrir launafólk,“ segir Hrafnhildur
m.a. í leiðaranum.
Yfirlögfræðingur
Samtaka atvinnulífsins
Afstaða
ASÍ vekur
furðu ÍSLAND og Belgía eru í 8. sæti af 18ríkjum Evrópska efnahagssvæðisins
varðandi innleiðingu tilskipana í
landsrétt sinn.
Samkvæmt frammistöðumati ESB
er Ísland með 1,8% gerða útistand-
andi og þar af eina tveggja ára eða
eldri en við síðasta frammistöðumat
voru 1,4% gerða útistandandi. Evr-
ópusambandið hefur sett sér það við-
mið að aðildarríki verði með 1,5% eða
færri gerðir útistandandi hverju sinni
en meira en helmingur aðildarríkj-
anna er með meira en 3% gerða úti-
standandi.
Anna Jóhannsdóttir á viðskipta-
skrifstofu utanríkisráðuneytisins seg-
ir að fjöldi óinnleiddra gerða á Íslandi
sé fyrst og fremst tilkominn vegna
stutts vorþings, þar sem ekki hafi gef-
ist tími til að koma nokkrum málum í
gegn sem þörfnuðust lagabreytinga.
Innleiðing sé líka með reglugerðum
og þar sem stækkunarsamningar hafi
verið í gangi hafi þeir aukið álagið. Þó
Ísland standi betur að vígi en flest
ESB-ríkin sé vonast til að gera enn
betur í haust. Reynt hafi verið að vera
innan við 1,5% mörkin og það hafi tek-
ist tvö undanfarin skipti. Eins komi
fram í frammistöðumatinu að Ísland
leysi vel mál á fyrri stigum, „en við
viljum komast niður fyrri 1,5% mörk-
in aftur,“ segir hún.
Innleiðing gerða á EES
Ísland í 8.
sæti af 18
þjóðum
HÆSTIRÉTTUR staðfesti í gær
þriggja ára fangelsisrefsingu yfir Sig-
urði Hilmari Ólasyni fyrir þátt hans í
innflutningi á 30 kílóum af hassi til
landsins. Hassið fannst í vörugámi og
er þetta mesta magn af hassi sem lög-
regla hefur lagt hald á í einu lagi.
Fjórir voru dæmdir fyrir innflutn-
inginn af Héraðsdómi Reykjavíkur en
tveir þeirra áfrýjuðu ekki dómnum.
Dómur Hæstaréttar er varla meira
en ein blaðsíða en vísað er til for-
sendna héraðsdóms. Sigurður neitaði
ávallt að hafa verið nokkuð viðriðinn
málið en var dæmdur á grundvelli
framburður annarra sakborninga,
vitna og upptökum af símtölum.
Fangelsisrefs-
ing staðfest
í hassmáli
SAMGÖNGURÁÐUNEYTIÐ hefur
sent frá sér ritið Samgöngur á nýrri
öld þar sem farið er yfir þróun mála-
flokka ráðuneytisins síðustu tíu ár og
litið til næstu tíu ára. Bókin er alls
124 síður, prýdd fjölda mynda.
Í kynningartexta með bókinni seg-
ir að í fyrsta sinn hafi verið lögfest
ein samgönguáætlun hér á landi.
Einnig hafi lagaumhverfið gjör-
breyst, ekki síst á sviði fjarskipta,
siglingaöryggis, flugöryggis og
póstsins og aukin áhersla sé nú lögð
á ferðamál. Í bókinni er tekin saman
á aðgengilegan hátt framvindan á
öllum sviðum samgöngumála undan-
farin ár og horft til framtíðar.
Ráðuneytið sendir frá
sér kynningarrit
Samgöngur
á nýrri öld
♦ ♦ ♦
♦ ♦ ♦