Morgunblaðið - 10.05.2003, Side 55

UMRÆÐAN
MORGUNBLAÐIÐ LAUGARDAGUR 10. MAÍ 2003 55
MIKIL umræða hefur átt sér
stað í fjölmiðlum undanfarið um
heilbrigðiskerfið. Vítaverðir síend-
urteknir niðurskurðir fjárframlaga
hafa komið niður á
allflestum sviðum
og haft alvarlegar
afleiðingar. Þær af-
leiðingar blasa við
okkur nánast á degi
hverjum á síðum
dagblaðanna. Það
hlýtur að vera lítilsvirðandi fyrir
hvern skattgreiðanda að geta ekki
fengið mannsæmandi læknisþjón-
ustu þegar á þarf að halda.
Bráðamóttaka
Ég hef, eins og fjöldi annarra,
þurft að leita á bráðamóttökuna.
Oftar en ekki þarf að bíða þar tím-
unum saman eftir að fá aðstoð, því
þar eru margir „sjúklingar“ og lítið
af starfsfólki, sem þar af leiðandi
er undir gríðarlegu álagi. Er sein-
virk móttaka viðunandi á bráða-
móttöku? Þarf ekki að gera starfs-
fólkinu þar kleift að vinna þannig
að starf þess standi undir nafni
deildarinnar, fjölga þar fólki og
stytta vinnutíma hjá unglæknum
sem hlýtur þá að auka færni og
vinnugleði og minnka líkurnar á
mistökum?
Geðdeild
Kunningjakona mín heitin leitaði
skjóls þangað alvarlega þunglynd,
hún var fíkill á útskrifuð lækn-
ingalyf (læknadóp). Uppgefin í al-
gjöru svartnætti bað hún um hjálp,
hún fékk viðtal þar við geðlækni.
Eftir litla umhugsun og athugun
þótti honum ekki ástæða til að
leggja hana inn en hann var fús til
að skrifa upp á lyf fyrir hana, svo
benti hann henni á að trúlega væri
hún þunglynd. Hún var fíkill til
margra ára og saga hennar rituð á
mörgum skýrslum sjúkrahúsanna,
en henni bauðst að labba í burtu
frá geðdeild með „bland í poka“.
Geðdeildin virðist mér vera einmitt
svolítið „bland í poka“ af sjúkling-
um líka. Þar eru settir saman sjúk-
lingar eins og t.d. geðklofar, áfeng-
is-, átröskunar- og þunglyndis-
sjúklingar. Lítið er plássið,
fjármagnið og þekkingin. Og mikið
þarf fólk að vera langt leitt til að
fá aðstoð, sem þegar til kastanna
kemur er alls ekki fullnægjandi
fyrir svo breiða flóru sjúkdóma.
Í 5. tbl. Mannlífs 2002 las ég
grein um konu sem hét Kristín
Gerður Guðmundsdóttir. Saga
hennar var ófögur, en þar kemur
fyrir svipuð lýsing og á kunn-
ingjakonu minni hér að ofan. Hún
leitaði á geðdeild og óskaði eftir
innlögn, en var send burt, með
tvær töflur og þá vitneskju að nafn
hennar væri á biðlista. En því mið-
ur lifði hún það ekki að röðin kæmi
að henni að fá aðhlynningu þarna
sem hún óskaði eftir.
Það virðist vera, að til þess að
þessir fársjúku einstaklingar geti
fengið innlögn og aðhlynningu
verði þeir fyrst að leyfa sínum
sjúkdómi að þróast svo lengi að
batavonir séu litlar sem engar og/
eða reyna að svipta sig lífi og ef
það tekst „sorglegt“, ef ekki, þá
eru þeir að minnsta kosti komnir
inn í kerfið og fá „oftast“ viðunandi
aðstoð.
Áfallahjálp
Bráðnauðsynleg þjónusta. En
hin rómaða áfallahjálp, sem á að
vera veitt inni á sjúkrahúsunum, er
alls ekki eins skilvirk og nauðsyn-
legt er. Það þarf að vera boðið upp
á áfallahjálp á sjúkrahúsum strax
þegar sjúklingur eða aðstandandi
verður fyrir sálrænu áfalli þar inn-
an veggja, hvort sem er að nóttu
eða degi. Það er ekki svo.
Ung kona, aðeins 26 ára gömul,
gerði fyrir stuttu tilraun til að
stytta sér aldur (ekki í fyrsta
skipti). Saga hennar er löng og
átakanleg. Hún var lyfjafíkill og
þjáðist af átröskunarsjúkdómi. Í
næstsíðasta skipti sem hún var
flutt á sjúkrahús hafði hún að mati
læknis á vaktfengið sitt fyrsta
flogakast, hún var eftir skoðun út-
skrifuð með 100 flogaveikitöflur,
þrátt fyrir langa sögu um lyfjamis-
notkun. Seinna, þegar viðkomandi
læknir var inntur svars um þessa
stóru skammtastærð, var svarið
það að framleiðendur lyfjanna
ákvæðu skammtastærðirnar. Er
þetta réttmæt leið til hagnaðar hjá
lyfjafyrirtæki, að bjóða aðeins upp
á svo stóra skammta? Þessar floga-
veikitöflur urðu svo meðal annarra
lyfja sem hún notaði til að stytta
sér aldur.
Aðstandendur konunnar biðu á
biðstofu meðan reynt var að bjarga
henni. Þau biðu í nokkrar klukku-
stundir án nokkurra upplýsinga.
Það kom enginn að tala við þau
nema lögregluþjónn sem var að
safna upplýsingum í skýrsluna
sína. Konan lést þá um nóttina.
Hvar var áfallahjálpin þá? Áfalla-
hjálpin var sofandi! (Ef þið ætlið
að lenda í eða valda öðrum miklu
áfalli, reynið þá að stíla svolítið inn
á tímann 8–16.) Takk.
Lyfseðlar
Það hefur aðeins borið á um-
ræðu undanfarið um útskriftargleði
lækna á lyfseðlum. Tölvukerfin eru
ekki hjá lyfjaverslununum og því
er hægt að ganga á milli lækna og
safna lyfseðlum því þar eru ekki
heldur samtengd tölvukerfi. Þetta
fyrirkomulag á að kallast persónu-
vernd hef ég heyrt. Hvílík vernd,
höfum við efni á slíkri „persónu-
vernd“? Væri ekki meiri og dýr-
mætari vernd fólgin í að það væru
samráð milli læknanna og svo
lyfjaverslana? Orðið „persónu-
vernd“ væri þá fyrst réttnefni að
mínu mati.
Ég las viðtal við Jón Krist-
jánsson heilbrigðisráðherra í Mbl.
22. júní ’02. Þar segir hann að heil-
brigðisráðuneytið sé með 38–40%
af öllum ríkisútgjöldum, það er
mjög mikið. Hvað er að? Erum við
svona fársjúk þjóð? Getur verið að
skipulagi og forgangsröðun í
rekstri heilbrigðiskerfisins sé eitt-
hvað ábótavant?
Ég neita að trúa því að heil-
brigðiskerfið okkar þurfi að standa
svo höllum fæti í svo ríku þjóð-
félagi.
Krefjumst þess að ráðamenn
noti vitsmuni sína og fjármuni okk-
ar til að rífa heilbrigðiskerfi lands-
ins upp úr þessu þriðjaríkisástandi.
Ef svo er, sem virðist vera, að
núverandi stjórn hafi ekki for-
gangsröðina á hreinu þá verðum
við að virkja hana eða, að öðrum
kosti, kjósa hæfara fólk.
Brotalamir í heil-
brigðiskerfinu
Eftir Katrínu Sif Sigurgeirsdóttur
Höfundur er varaformaður Speg-
ilsins, samtaka aðstandenda át-
röskunarsjúklinga, og fulltrúi í
forvarnarnefnd Hafnarfjarðar.
EVRÓPUFRÆÐI kallast nám það
sem ég hef lagt stund á í Lundi í Sví-
þjóð. Þar hef ég sérstaklega skoðað
fjármálamarkaði.
Ríki Evrópu leggja
ofuráherslu á að búa
til einn öflugan fjár-
málamarkað, markað
þar sem markaðs-
lögmálin munu
tryggja lægsta
mögulega verð á fjármagni sem síðan
mun valda því að sprotafyrirtæki
munu geta orðið til og staðið undir
öflugu atvinnulífi, sem er forsenda
velmegunar og velferðar.
Núverandi ríkisstjórn undir for-
ystu Sjálfstæðisflokksins hefur varð-
að veginn á sömu braut, bankakerfi
okkar hefur verið bylt, útrás þess haf-
in og ef allt fer vel mun það geta
tryggt okkur lægri vexti, rétt gengi
og betri kjör sem er forsenda trausts
efnahagslífs.
Efnahagsstefna Alþýðuflokksins
í Samfylkingunni
Vinstri-grænir ætla að snúa af
þessari braut. Þeir tala um að stjórna
þurfi markaðnum af festu og vöxt-
unum með handafli. Stríð okkar jafn-
aðarmanna við bolsa og allaballa hef-
ur alltaf snúist um þetta: Við viljum
að markaðurinn ráði uppbyggingu
velferðarinnar en ekki miðstýrt val-
kerfi valdhafanna. Ef svo fer að al-
þýðubandalagsmennirnir í Vinstri-
grænum og Samfylkingunni fái ráðið
landstjórninni, færa þeir okkur aftur
til hafta og skömmtunar, gera okkur
ósamkeppnishæfa, rústa efnahagslíf-
inu.
Ég skora á fyrrverandi Alþýðu-
flokksfólk, sem vill tryggja áfram-
haldandi stöðugleika og uppbyggingu
velferðarríkis á Íslandi, að tryggja
framgang Sjálfstæðisflokksins. Fyrir
jafnaðarmenn er ekki annar kostur í
stöðunni.
Sjálfstæðis-
flokkurinn – rök-
réttur kostur
jafnaðarmanna
Eftir Bjarna P. Magnússon
Höfundur er fyrrverandi borg-
arfulltrúi fyrir Alþýðuflokkinn.
FRAMSÓKNARFLOKKURINN
sækir stöðugt í sig veðrið, samkvæmt
nýjustu skoðanakönnunum. Þrátt
fyrir það er ljóst að
betur má ef duga
skal í þessari kosn-
ingabaráttu. For-
gangsmál hlýtur að
vera að tryggja odd-
vitum listanna, þeim
Halldóri Ásgríms-
syni og Jónínu Bjartmarz, örugg
þingsæti. Það hlýtur að vera algert
lykilatriði til þess að okkur takist að
festa Framsóknarflokkinn í sessi sem
öflugt stjórnmálaafl í höfuðborginni..
Framsóknarflokkurinn hefur á
stundum á sér þann stimpil að vera
landsbyggðarflokkur. Sá stimpill er
að mínu mati á misskilningi byggður;
Framsóknarflokkurinn er nútíma-
legur miðjuflokkur, þar sem frjáls-
lyndi og félagshyggja fara saman en
öfgum til hægri og vinstri er hafnað
sem og úreltum kreddukenningum.
En vísasta leiðin til þess að tryggja
að áherslur höfuðborgarsvæðisins
komist betur til skila í stefnumótun
Framsóknarflokksins til framtíðar,
hlýtur að sjálfssögðu að felast í auknu
fylgi flokksins hér í Reykjavík og í
Suðvesturkjördæmi. Við sjáum í
könnunum að staðan er betri úti á
landi og að mestu sóknarfærin liggja í
þéttbýliskjördæmunum þremur.
Ég hef um nokkurt skeið haft góða
tilfinningu fyrir úrslitum kosning-
anna á laugardaginn. Ég hef fylgst
með samhentum hópi framsókn-
arfólks um land allt vinna mikið og
óeigingjarnt starf síðustu daga og
vikur og sé ekki betur en að það starf
sé að skila sér nú á endasprettinum.
Lykilatriði er að toppa á réttum tíma,
en spretta ekki úr spori við upphaf
baráttunnar og þrjóta örendið á miðri
leið.
Slíkt kann aldrei góðri lukku að
stýra.
Fjölmennum á kjörstað í dag og
tryggjum Framsóknarflokknum góða
kosningu. xB.
Halldór og
Jónínu á þing
Eftir Björn Inga Hrafnsson
Höfundur er frambjóðandi
Framsóknarflokksins í
Reykjavíkurkjördæmi suður.
Uppboð
Framhald uppboðs á eftirfarandi eignum verður háð á þeim
sjálfum sem hér segir:
Silfurgata 15, 2. hæð, Stykkishólmi, þingl. eig. Þórdís S. Guðbjarts-
dóttir, gerðarbeiðendur Íbúðalánasjóður, Rafmagnsveitur ríkisins,
Reykjavík og Vátryggingafélag Íslands hf., föstudaginn 16. maí 2003
kl. 10:00.
Þverá, hluti, Eyja- og Miklaholtshreppi, þingl. eig. Halldór Kristján
Jónsson, Jón Þór Þorleifsson, Guðmundur Jónsson, Súsanna Þ.
Jónsdóttir, Sólveig Gyða Jónsdóttir, Ásgeir Gunnar Jónsson og
Sigurður Rúnar Jónsson, gerðarbeiðendur Rafvirkni ehf. og Toll-
stjóraembættið, föstudaginn 16. maí 2003 kl. 11:30.
Sýslumaður Snæfellinga,
9. maí 2003.
Uppboð
Uppboð munu byrja á skrifstofu embættisins á Borgarbraut
2, Stykkishólmi, fimmtudaginn 15. maí 2003 kl. 14.30 á eftir-
farandi eignum:
Austurgata 6, Stykkishólmi, þingl. eig. Bergsveinn Gestsson, gerðar-
beiðendur Iðunn ehf., bókaútgáfa, Innheimtumaður ríkissjóðs, Íbúða-
lánasjóður og Ríkisútvarpið.
Nesvegur 9, Grundarfirði, þingl. eig. Eiður Örn Eiðsson, gerðarbeið-
endur Húsasmiðjan hf. og Íbúðalánasjóður.
Sundabakki 14, neðri hæð, Stykkishólmi, þingl. eig. Guðþór Sverris-
son, gerðarbeiðandi Stykkishólmsbær.
Sýslumaður Snæfellinga,
9. maí 2003.
Nauðungarsala
Uppboð mun byrja á skrifstofu embættisins í Suðurgötu 1,
Sauðárkróki, fimmtudaginn 15. maí 2003, kl. 14.00, á neðan-
greindum eignum:
Breiðstaðir, Sveitarfélaginu Skagafirði, þingl. eign Björgvins Bene-
diktssonar. Gerðarbeiðandi er Lánasjóður landbúnaðarins.
Heiði, Sveitarfélaginu Skagafirði, þingl. eign Agnars Búa Agnarsson-
ar. Gerðarbeiðandi er Landsbanki Íslands hf.
Helluland 6/12 hl., þingl. eign Ólafs Jónssonar. Gerðarbeiðendur
eru Nesútgáfan-Prentþjónustan ehf., STEF og Kaldbakur fjárfestinga-
félag hf.
Skagfirðingabraut 8, Sauðárkróki, þingl. eign Lúðvíks Kemp og Ólafar
Kr. Sigurðardóttur. Gerðarbeiðandi er Vátryggingafélag Íslands hf.
Sæmundargata 9, e.h., Sauðárkróki, þingl. eign Eyjólfs Guðna Björns-
sonar. Gerðarbeiðendur eru Ríkisútvarpið og Sjóvá-Almennar trygg-
ingar hf.
Ægisstígur 5, n.h. og bílskúr, Sauðárkróki, þingl. eign Jóns Geir-
mundssonar og Önnu Bjarkar Arnardóttur. Gerðarbeiðendur eru
Lífeyrissjóður Norðurlands, sýslumaðurinn á Sauðárkróki og Íbúða-
lánasjóður.
Sýslumaðurinn á Sauðárkróki,
8. maí 2003.
NAUÐUNGARSALA Uppboð
Uppboð mun byrja á skrifstofu embættisins í Strandgötu
52, Eskifirði, sem hér segir á eftirfarandi eign:
Heiðarvegur 10, Reyðarfirði , þingl. eig. Björn Þór Jónsson, gerðar-
beiðendur Byggðastofnun, Landsbanki Íslands hf., aðalstöðvar,
Lífeyrissjóðir Bankastræti 7 og Sjóvá-Almennar tryggingar hf.,
miðvikudaginn 14. maí 2003 kl. 10:00.
Sýslumaðurinn á Eskifirði,
7. maí 2003.
SMÁAUGLÝSINGAR
FÉLAGSLÍF
Í dag kl. 16.00:
Kvennamótið byrjar.
Allar konur velkomnar.
www.fi.is
Sunnudagur 11. maí.
Gamla Krýsuvíkurleiðin 2.
hluti Hraun - Breiðabólstaður
- Kvennagönguhólar.
Fararstjórar Davíð O. Davíðsson
og Hrafnkell Karlsson frá Hrauni.
Lagt verður af stað frá BSÍ kl.
10.00 með viðkomu í Mörkinni 6.
Verð kr. 1.600/1.900.
Smiðjuvegi 5, Kópavogi.
Ertu gift(ur)?
Á hvaða leið ert þú?
Hver er vilji Guðs með líf
þitt?
Hver er sjálfsmynd þín?
Hefur þú hug á að gifta þig
og stofna fjölskyldu?
Námskeið með Johnny Fog-
lander, kennara frá Livets Ord
í Svíþjóð, frá kl. 10.00—16.00.
Skráningargjald kr. 1.000.
Matur seldur í hádeginu.
Samkoma kl. 19:00 þar sem
Johnny Foglander predikar.
Allir hjartanlega velkomnir.
Athugið að kennslan með Jóni
G. Sigurjónssyni um trú fellur
niður í fyrramálið og næsta
sunnudag.
11. maí - Strandgangan (S-9)
Níundi og síðasti áfangi Strand-
göngunnar hefst í Sandvík aust-
an Háleyjabungu og henni lýkur
í Stóru-Sandvík. Vegalengd er
14-15 km og tekur u.þ.b. 5 klst.
miðað við að rólega sé farið.
Fararstjóri Gunnar H. Hjálmars-
son. Brottför frá BSÍ kl. 10.30.
Verð 1.700/1.900.
10. maí Jepparæktin
Farið á Langjökul frá Húsafelli.
Brottför frá skrifstofu Útivistar á
Laugavegi 178 kl. 10.00.
Þessi ferð kostar ekki neitt og er
opin öllu jeppafólki.
14. maí Útivistarræktin
Vífilsfell. Brottför frá Sprengi-
sandi (Pizza Hut) kl. 18.30. Allir
velkomnir - ekkert þátttökugjald.
Á döfinni í helgarferðum:
29. maí—1. júní Hvannadals-
hnúkur - Skaftafell.
29. maí—1. júní Skaftafell —
Öræfi.
Sjá nánar www. utivist.is
R A Ð A U G L Ý S I N G A R