Morgunblaðið - 06.07.2003, Blaðsíða 23
legri veltu Seglagerðarinnar, fara
um 70% í gegnum Tjaldvagnaland,
sem telst þá vera stærsta einstaka
deild fyrirtækisins. Björgvin segir
fyrirtækið vera leiðandi á hinum ís-
lenska tjaldvagna- og fellihýsamark-
aði með þekkt vörumerki á borð við
Palomino, Holiday camp Ægir og
Trigano. Samhliða Tjaldvagnalandi
er rekið Þjónustuland, sem sér um
allt sem við kemur viðhaldi og þjón-
ustu fyrir fellihýsi og tjaldvagna auk
sölu á varahlutum. Frá því að Tjald-
vagnaland tók til starfa hefur vöru-
úrval þess aukist til muna, en auk
fellihýsa og tjaldvagna er þar m.a.
boðið upp á hjólhýsi, húsbíla, sum-
arbústaði, pallhýsi og úrval af ýmiss
konar aukahlutum. Í Seglagerðinni
hafa menn svo verið duglegir við að
hanna og framleiða ýmsa aukahluti á
fellihýsin til að koma til móts við sér-
íslenskar aðstæður, en nefna má í
því sambandi Ægis-fortjöld, grjót-
varnir og svefntjöld.
Umfangið var of mikið
Allt frá árinu 1975 hefur verið rek-
in verslun í húsnæði Seglagerðarinn-
ar að Eyjarslóð 7. Til að byrja með
seldi Seglagerðin mest eigin fram-
leiðslu, til dæmis tjöld, himna og sól-
tjöld. Verslunin var aðeins opin yfir
sumartímann í fyrstu, en eftir að
hafa fengið umboð fyrir vörumerkið
Demon, sem framleiddi sérhannaða
gönguskó fyrir Seglagerðina fyrir ís-
lenskan markað, var búðin opin allan
ársins hring.
Upp úr 1990 fer Seglagerðin síðan
að sanka að sér vörumerkjum frá
fyrirtækjum, sem framleiddu úti-
vistarvörur. Í því sambandi má
nefna vörur frá Vango, sem er
skoskt fyrirtæki og dótturfélag
Andrew Mitchell, sem hefur selt
Seglagerðinni dúka í 70 ár. Til gam-
ans má geta þess að tjaldborgin á al-
þingishátíðinni á Þingvöllum árið
1930 kom frá Mitchell. Seglagerðin
seldi einnig útivistarvörur í heildsölu
á landsbyggðinni og hægt var að
kaupa vörur frá Seglagerðinni í nán-
ast hverju einasta bæjarfélagi á
landinu. Árið 1993 fékk Seglagerðin
umboð fyrir hinar þekktu Daiwa
veiðivörur frá Japan og hafa þær
skipað sér á stall með vinsælustu
veiðivörum landsins.
Árið 1998 var ákveðið að færa út
kvíarnar í sölu á útivistarvörum og
ráðist var í opnun útivistar- og sport-
verslunarinnar Everest í Skeifunni
6. Með tilkomu Everest jók Segla-
gerðin innflutning sinn til muna þar
sem boðið var upp á mun fjölbreytt-
ara vöruúrval í þeirri verslun en áð-
ur hafði þekkst. Má þar nefna mikið
úrval af skíða- og brettavörum auk
sölu á gasgrillum og barnabílstólum.
Árið 1999 festi Seglagerðin svo kaup
á Skeljungsbúðinni við Suðurlands-
braut sem síðar var sameinuð versl-
unum Seglagerðarinnar í Skeifunni
og að Eyjarslóð.
Í fyrra, árið 2002, var ákveðið að
Seglagerðin myndi einbeita sér að
því sem hentaði starfsemi hennar
best og í kjölfarið var heildverslunin
ásamt verslunarrekstrinum í Skeif-
unni og Eyjarslóð seldur að helmingi
og falinn öðrum aðila til reksturs. Sú
tilhögun gerði það að verkum að
Seglagerðin var betur í stakk búin
að einbeita sér að þeim verkefnum,
sem hentuðu aðalstarfsemi hennar
sem nú skiptist í þrjár deildir: Tjald-
vagnaland, verkstæði og saumastofu
og svo tjaldaleigu. „Umfangið var
orðið alltof mikið að við hreinlega
réðum ekki við það allt saman. Þá
þurfti að fjármagna öll innkaup á
sama tíma þar sem við gerðum mest
út á sumartengdar vörur.“
Samkeppni við asískt vinnuafl
Upphaflega markmið fyrirtækis-
ins, seglasaumur fyrir sjávarútveg-
inn, hefur í raun fylgt fyrirtækinu
alla tíð þótt efnin hafi tekið örlitlum
breytingum í gegnum tíðina. „Enn
þá erum við svo að framleiða góðu
gömlu Ægistjöldin með himnum úr
þykkri og hlýrri bómull. Þau henta
íslenskum aðstæðum langbest og
kosta á bilinu 50 til 60 þúsund kr.
Margir eiga þrjátíu ára gömul tjöld í
geymslum hjá sér sem enn eru í fullu
gildi, en unga fólkið vill ekki nota
vegna þess eins að það þótti bara fínt
í tíð afa og ömmu. Hins vegar erum
við að framleiða bómullartjöld, sem
eiga í harðri samkeppni við innflutt
tjöld, saumuð af asísku vinnuafli,
sem er margfalt ódýrara en það ís-
lenska. Þar er óneitanlega við ramm-
an reip að draga og höfum við þess
vegna leitt hugann að því að flytja
það sem við köllum magnframleiðslu
til vinnslu erlendis. Í því sambandi
erum við rétt byrjuð að þreifa fyrir
okkur og lítum einna helst til Asíu,
Póllands eða Lettlands. Auðvitað
gerum við okkur grein fyrir því að
með slíku skrefi færum við í sam-
keppni við okkur sjálf, en það verður
þá bara að hafa það. Þetta snýst um
samkeppnishæfi í verði.“
Útflutningur og nýbygging
Tjaldvagnalandinu er lokað yfir
háveturinn og nýta menn þá tímann
til að sauma fortjöld, en Seglagerðin
býður fortjöld á allar tegundir felli-
hýsa, bæði sín eigin og samkeppn-
isaðila. Hvergi í heiminum eru til
fortjöld á vagnana, að sögn Björg-
vins, en Ameríkaninn býður skyggni
með hýsunum sem gagnast þó lítið í
íslenskri veðráttu. „Við höfum því
lagt metnað okkar í hönnun fortjalda
og erum nú þegar farin að selja for-
tjöldin okkar til Noregs.“
Palomino-fellihýsin, sem Segla-
gerðin Ægir selur, eru til í nokkrum
útfærslum og nokkrum stærðum og
kosta á bilinu frá 879 þús. kr. og upp
í 1,4 milljónir kr. „Við stefnum að því
að kynna amerísk fellihýsi fyrir
Evrópubúum og komum í því sam-
bandi líklega til með að byrja á
Norðurlöndunum án þess að búið sé
að tímasetja það ofan í kjölinn.“
Seglagerðin Ægir hóf starfsemi
sína að Ægisgötu 1, en árið 1959
leigði hafnarstjórinn í Reykjavík
fyrirtækinu lóð á uppfyllingu vestur
á Granda sem nefndist Grandabót,
en er í dag Grandagarður 13. Þar
byggði Seglagerðin upp starfsemi
sína, en árið 1975 samdi fyrirtækið,
ásamt öðrum, við Reykjavíkurhöfn
um leigu á lóð í Örfirisey sem þá
nefndist Eyjargata 7, en var síðan
breytt í Eyjarslóð 7 og þar er Segla-
gerðin enn til húsa. Að sögn Björg-
vins hefur fyrirtækið nú fengið vil-
yrði fyrir lóð við Fiskislóð undir
nýbyggingu og verður stefnan að öll-
um líkindum sett á byggingarfram-
kvæmdir. Þrátt fyrir það gerir
Björgvin ráð fyrir að vera ávallt með
hluta af tjaldvagna- og fellihýsasöl-
unni í stóru tjaldi á sumrin enda
skapi það skemmtilega karnival-
stemningu.
Gott að hlaða batteríin
Því hefur oft verið fleygt að í fjöl-
skyldufyrirtækjum komi stofnand-
inn því á veg, önnur kynslóð haldi í
horfinu og sú þriðja klúðri málunum.
Þar sem Björgvin situr nú á for-
stjórastóli sem þriðja kynslóð, er
nærtækt að spyrja hvort hann búist
við að þessi staðhæfing eigi við hjá
Ægi. „Ég held að við séum bæði bún-
ir að klúðra málum og bæta fyrir og í
dag held ég að fyrirtækið sé eins
stöðugt og gott og það var fyrir 20
árum þegar afi féll frá. Það hafa
bæði skipst á skin og skúrir hjá okk-
ur og má segja að þegar mest hafi
verið að gera, hafi hagnaðurinn verið
minnstur. Það fer einhvern veginn
allt aðhald úr böndunum við yfir-
snúning.“
Þegar forstjórinn er inntur eftir
því í lokin hvort hann ferðist sjálfur
um landið sitt með fellihýsi í eftir-
dragi, svarar hann því til að hann
hafi vissulega gert nokkrar tilraunir
til þess að eignast sitt eigið fellihýsi.
En um leið og sá draumur hafi orðið
að veruleika, hafi hann ávallt neyðst
til að selja gripinn skömmu síðar
vegna eftirspurnar annarra. „Svo
hefur ekki reynst auðhlaupið fyrir
mig að komast í burtu um helgar yfir
hávertíðina. Ég veit þó ekkert betra
en að dóla mér úr bænum með góðar
græjur og hlaða batteríin af og til
með fjölskyldunni. Það þurfa allir á
því að halda.“
Í húsnæði Seglagerðarinnar við Grandagarð á 7. áratugnum, Óli S. Barðdal, lengst til hægri, ásamt meðeigendum.
Seglagerðin byggði upp starfsemi sína á Grandabót á 7. áratugnum. Hér má sjá Óla S. Barðdal (t.h.).Seglagerðin Ægir saumar tjöld, yfirbreiðslur og margt annað.
join@mbl.is
Morgunblaðið/Arnaldur
Sala fellihýsa er veigamikill þáttur í starfsemi fyrirtækisins.
MORGUNBLAÐIÐ SUNNUDAGUR 6. JÚLÍ 2003 23