Morgunblaðið - 06.07.2003, Blaðsíða 1

STOFNAÐ 1913 180. TBL. 91. ÁRG. SUNNUDAGUR 6. JÚLÍ 2003 PRENTSMIÐJA ÁRVAKURS HF. mbl.is
ALLAR VERSLANI
R
OPNAR Í DAG
FRÁ 13-18
Ævintýri í
Austurvegi
Ferðasaga Kammersveitarinnar
í máli og myndum | Listir 26
Hróarskelduhátíðin einstaklega
farsæl að þessu sinni | Fólk 48
Útvarp
barnanna
Endurhæfing hrakinna barna í
Afríkuríkinu Síerra Leóne | 20
TRYGGINGASTOFNUN ríkisins greiddi
ríflega 1,5 milljarða króna fyrir 10 mest
seldu lyfin árið 2002, en TR gerir ráð fyrir að
greiðslurnar myndu lækka um 300 milljónir
króna eða um 19,5% að meðaltali vegna
þessara lyfja, ef sama smásöluverð gilti hér-
lendis og á Norðurlöndunum.
TR greiddi mest fyrir lyfið Seretide, sem
er lyf gegn teppusjúkdómum í öndunarvegi,
eða rúmlega 228
milljónir króna, en
smásöluverð lyfsins
er 16,1% hærra á
Íslandi en í Dan-
mörku. Á heimasíðu
TR kemur fram að
upplýsingar um
smásöluverð eru
fengnar frá lyfjaverðsnefnd og verð í Dan-
mörku, Noregi og Svíþjóð er umreiknað á
lyfjaverðsnefndargengi fyrir júlí auk þess
sem 24,5% hefur verið bætt ofan á sænska
smásöluverðið þar sem enginn virðisauka-
skattur er á lyf í Svíþjóð.
Losec MUPS, lyf gegn sársjúkdómi og
maga- og vélindabakflæði, kostaði TR um
214 milljónir, en 100 stk. af 20 mg töflum
kosta um 20.000 kr. hérlendis og eru 93,2%
dýrari en í Svíþjóð. Zocor og Zarator, sem
eru blóðfitulækkandi lyf, eru um 20 og 19%
dýrari hér en í Danmörku en TR greiddi
tæplega 193 millj. fyrir fyrrnefnda lyfið og
um 160 millj. fyrir hið síðarnefnda.
Nexium, sem er lyf gegn sársjúkdómi og
maga- og vélindabakflæði, er 48,7% dýrara á
Íslandi en í Noregi en TR greiddi rúmlega
148 millj. fyrir það 2002.
Eitt lyf ódýrara
Geðdeyfðarlyfið Efexor Depot er eina lyf-
ið sem er ódýrara á Íslandi en í samanburð-
arlöndunum og munar 7,7% á verðinu hér-
lendis og í Danmörku, en TR greiddi meira
en 140 millj. fyrir það. Um 115,4 millj. voru
greiddar fyrir geðdeyfðarlyfið Seroxat, sem
er 33,8% dýrara hér en í Danmörku, 90,5
millj. fyrir geðdeyfðarlyfið Remeron, sem er
15,7% dýrara hér en í Danmörku, og um 93,1
millj. fyrir geðlyfið Zyprexa, sem er 20,4%
dýrara á Íslandi en í Danmörku. Þá greiddi
TR 138,9 millj. fyrir gigtarlyfið Vioxx sem er
17,85% dýrara hérlendis en í Danmörku.
Smásöluverð lyfja er mun
hærra hérlendis en á
hinum Norðurlöndunum
TR gæti
sparað 300
milljónir
10 mest seldu lyf á Íslandi
FRANSKA lögreglan hefur handtek-
ið umdeildan korsískan aðskilnaðar-
sinna sem grunaður er um morðið á
landstjóra Korsíku árið 1998. Þjóðar-
atkvæðagreiðsla fer fram á eyjunni í
dag.
Maðurinn, Yvann Colonna, hefur
verið mest eftirlýsti maður Frakk-
lands eftir að hann fór í felur fyrir
fjórum árum, en þá hafði lögregla
greint frá því að hann væri grunaður
um að hafa myrt landstjórann,
Claude Erignac, árið áður. Colonna
var handtekinn á Korsíku seint á
föstudag og í gær leiddur fyrir
dómara í París.
Colonna hefur neitað allri aðild að
morðinu á Erignac en róttækir
aðskilnaðarsinnar á Korsíku líta samt
á hann sem helstu hetju þrjátíu ára
langrar baráttu þeirra fyrir sjálfstæði
eyjunnar. Útilokað er talið að spá fyr-
ir um hver áhrif handtaka Colonnas
mun hafa á þjóðaratkvæðagreiðsluna
í dag en þá svara íbúar Korsíku, sem
eru um 260 þúsund talsins, því hvort
þeir vilji breytingar á stjórnskipulagi
eyjunnar, en þær fælu m.a. í sér skip-
an þings sem takmarkaða heimild
hefði til skattlagningar.
Franska lögreglan handtók eftirlýstan aðskilnaðarsinna
Þjóðaratkvæði á Korsíku
Erbalunga. AFP.
STUNDUM getur verið strembið að borða ís. Sér-
staklega þegar ísinn vill heldur rata á fingur og
andlit en upp í munn. Sif Högnadóttir lét það þó
ekki á sig fá enda er bragðið alltaf jafngott og ekki
spillir að hafa svolitla súkkulaðisósu með.
Hún tók sér smápásu frá veitingunum og sendi
ljósmyndara Morgunblaðsins bjart bros þegar hann
smellti af.
Morgunblaðið/Jim Smart
Ísinn er alltaf jafngóður á bragðið
Tugir
féllu í
árás í
Moskvu
Moskvu. AFP.
AÐ MINNSTA kosti tuttugu biðu
bana og þrjátíu særðust þegar tvær
konur sprengdu sjálfar sig í loft upp
á rokktónleikum í Moskvu, höfuð-
borg Rússlands, um miðjan dag í
gær. Óttast er að tala látinna eigi eft-
ir að hækka til muna.
Rússneskar fréttastofur sögðu að
a.m.k. þrjár sprengjur hefðu sprung-
ið. Sú fyrsta sprakk eftir að lögregl-
an stöðvaði konu við inngang Tush-
ino-herflugvallarins í útjaðri
Moskvu, en þar voru í gær haldnir
fjölmennir útitónleikar. Sprengdi
hún þá sprengjubelti sem hún hafði
bundið um mittið. Önnur sprenging
fylgdi í kjölfarið við svipaðar aðstæð-
ur en sú þriðja mun hafa átt sér stað
á útimarkaði í nágrenninu. Ekki er
vitað hver stóð fyrir þessu ódæðis-
verki en talið er hugsanlegt að téts-
enskir aðskilnaðarsinnar hafi verið
hér á ferðinni.
Mannskæð
árás í Írak
Ramadi. AP.
SJÖ íraskir lögreglumenn biðu bana
og fimmtíu og fjórir særðust þegar
sprengjum var varpað að lögreglu-
stöð í bænum Ramadi, um 100 km
vestur af Bagdad. Læknar sögðu
fimmtán hinna særðu enn í lífshættu.
Árásin átti sér stað um kl. 11 í gær-
morgun en lögreglumennirnir voru að
ljúka fimm daga lögregluþjálfun sem
Bandaríkjaher stóð fyrir. Var ljótt um
að litast á vettvangi ódæðisins.
„Sprengingin var svo öflug að hún
heyrðist alls staðar í borginni,“ sagði
íraski lögreglufulltrúinn Hamed Ali.
Ramadi hefur verið vígi margra
heitustu stuðningsmanna Saddams
Husseins, fyrrverandi forseta Íraks,
og árásir gegn bandarískum her-
mönnum hafa þar verið algengar. Í
fyrradag lék arabíska sjónvarpsstöð-
in Al-Jazeera hljóðupptöku sem sögð
var innihalda ávarp frá Saddam.
Heyrist hann þar hóta fleiri árásum
eins og þeirri, sem átti sér stað í gær.
♦ ♦ ♦
Jákvæðar
bylgjur