Morgunblaðið - 06.07.2003, Blaðsíða 47

FRÉTTIR
MORGUNBLAÐIÐ SUNNUDAGUR 6. JÚLÍ 2003 47
ST. FRANSISKUSSPÍTALANUM í Stykkishólmi var
gefið á dögunum nýtt hjartastuðtæki. Gefendur eru
Lionsklúbburinn Harpa, Lionsklúbbur Stykkishólms
og Kvenfélagið Hringurinn. Það kom fram í þakk-
arávarpi Róberts Jörgensen, framkvæmdastjóra
sjúkrahússins, að hjartastuðtæki sem sjúkrahúsið átti
hætti að virka í vetur og var dæmt ónýtt. Ekki er
hægt að vera án tækis sem þessa, svo leitað var til
ofangreindra líknarfélaga með þeim árangri að nýtt
tæki er komið, nokkrum vikum síðar. Tækið er flutt
inn af A. Karlssyni hf. og kostaði tæpar 600.000 kr.
Líknarfélögin þrjú stóðu sameiginlega að tjaldsölu á
Unglingalandsmóti UMFÍ um verslunarhelgina í
fyrra. Afraksturinn var settur í þetta verkefni. Í
gegnum árin hafa þessi félög stutt oft og dyggilega
við sjúkrahúsið með tækjagjöfum.
Morgunblaðið/Gunnlaugur Árnason
Fulltrúar Lionsklúbbsins Hörpu, Lionsklúbbs Stykkishólms og Kvenfélagsins Hringsins og starfsfólk St. Frans-
iskusspítalans í Stykkishólmi standa við nýja hjartastuðtækið sem spítalinn fékk að gjöf fyrir skemmstu.
St. Fransiskusspítali fær
hjartastuðtæki að gjöf
Stykkishólmi. Morgunblaðið.
UNGIR jafnaðarmenn í Reykjavík
hafa sent forsetaembættinu fyrir-
spurn þar sem óskað er eftir upplýs-
ingum um hvað veislan kostaði sem
forseti Íslands hélt Þýskalandsfor-
seta í Perlunni á þriðjudagskvöld.
„Ríkisstjórnin hefur boðað niður-
skurð í útgjöldum til að slá á þenslu
sem spáð er á næstu misserum. Á
sama tíma þenst ríkiskerfið út sem
aldrei fyrr. Við leggjum til að ríkið
skeri niður starfslokasamninga og
lúxusjeppa og kaupi í staðinn
hjartaþræðingarvélarnar sem vant-
ar á sjúkrahúsin og hjálpi efnalitlu
fólki að komast í húsnæði á sann-
gjörnum kjörum. Ráðamenn eru
ekki hrifnir af því að þurfa að skera
niður hjá sjálfum sér. Þeir munu þó
geta treyst því að ungt samfylking-
arfólk í Reykjavík mun gefa þeim
góðar gætur á næstunni. Þegar til-
kynnt verður um lokanir á sjúkra-
deildum þá munum við spyrja
hversu mikið ríkið borgar í Saga- og
business class fargjöld árlega,
hverjir fljúgi á þessum farrýmum
og afhverju ríkisstarfsmenn geti
ekki flogið með Iceland Express
eins og aðrir. Þegar stigin verða
skref í átt til einkavæðingar í skóla-
kerfinu og aukinnar álagningar
skólagjalda þá mun berast fyrir-
spurn um hvað það kosti að nota
þyrlu Landhelgisgæslunnar til að
fljúga með erlenda gesti á Þingvöll
og afhverju þeir séu ekki keyrðir
þennan stutta spöl eins og gert hef-
ur verið með mörg mikilmennin á
undan þeim.“
Í ályktuninni segir að ungt sam-
fylkingarfólk mun aldrei sætta sig
við að grunnþjónusta í heilbrigðis-
og menntakerfi verði skorin niður á
meðan sífellt meira óhófs gætir í
efstu þrepum ríkiskerfisins.
Ályktun frá ungum jafnaðarmönnum
Óska svara frá
forsetaembættinu
Í DAG, sunnudag, heldur Flugmód-
elfélagið Þytur upp á stóra flugmód-
eldaginn á Hamranesflugvelli, fé-
lagssvæðinu sínu, sunnan við
Hafnarfjörð. Þetta er einn af fjöl-
mörgum afmælisviðburðum á þessu
ári í tilefni af því að nú eru liðin 100
ár frá því að Wright-bræður fóru í
fyrstu flugferðina.
Dagskráin hefst kl. 10 og lýkur kl.
17 síðdegis og munu félagsmenn
fljúga fjarstýrðum flugmódelum af
ýmsum gerðum. Allan tímann verð-
ur samfelld dagskrá. Meðal sýning-
aratriða verða þyrluflug, listflug,
svifflug, flug á vélum úr fyrri og
seinni heimsstyrjöldinni og margt
fleira.
Flugmódelvöllurinn er sunnan við
Hafnarfjörð. Frá Reykjavík er ekin
Reykjanesbrautin, framhjá nýju
íþróttahúsi Hauka og í u.þ.b. einn
kílómetra eftir Krísuvíkurvegi að
fiskitrönum sem eru á vinstri hönd
og það er afleggjarinn á Hamranes-
flugvöll.
Flugmódeldagur í tilefni
af 100 ára afmæli flugsins