Morgunblaðið - 18.09.2003, Blaðsíða 15

HÖFUÐBORGARSVÆÐIÐ
MORGUNBLAÐIÐ FIMMTUDAGUR 18. SEPTEMBER 2003 15
Laugavegi, sími 511 4533.
Smáralind, sími 554 3960.
Kringlunni, sími 533 4533.
50
25% afmælisafsláttur
af öllum vörum í verslunum Hygeu fimmtud., föstud. og laugard.
Skartgripir
Okkar frábæru
töskur
ára afmæli
UNDANFARNA daga hafa mynd-
listarkonurnar Sigrún Huld Hrafns-
dóttir og Þórey Rut Jóhannesdóttir
staðið í ströngu við að undirbúa sýn-
ingu í norðursal Kjarvalsstaða.
Verkin eru fjölbreytt og sýna kraft-
inn sem þessar tvær ungu konur búa
yfir.
Sýningin verður opnuð formlega
klukkan fimm í dag og mun Lára
Kristín Pedersen, níu ára, lesa ljóðið
Vor eftir Þóreyju frænku sína, en
hún hefur áður gefið út ljóðabókina
Ljóðaperlur.
Sigrún verður með yfirlitssýningu
á sínum verkum en hún hefur málað
reglulega undanfarin ár. Notar hún
vatnsliti, akríl- og pastelliti í verk-
unum. Frá árinu 1997 hefur hún ver-
ið í frjálsri málun hjá Lóu Guðjóns-
dóttur í Listsmiðju Lóu og hefur
mikla ánægju af því enda lært mikið.
Sjálf hefur Sigrún haldið tvær
einkasýningar í Eden 1999 og í Þjón-
ustumiðstöðinni á Vesturgötu 7 árið
2002. Þá hefur hún tekið þátt í fjöl-
mörgum samsýningum.
Sigrún hefur verið mikil afreks-
kona í sundi og segir Kristín Er-
lingsdóttir, móðir hennar, að þegar
hún minnkaði sundið hafi hún tekið
upp pensilinn með þessum ágæta ár-
angri. Hún sé mislengi með hverja
mynd og noti aðallega föstudagana
til þess að mála.
Þetta er fyrsta opinbera sýning
Þóreyjar Rutar og segir móðir henn-
ar, Elín Reynisdóttir, sýninguna
geyma sex verka hennar. Þórey hef-
ur frá unga aldri mundað pensilinn
og margar myndanna eru ofboðs-
lega fallegar að sögn Elínar.
Vel vandað til verks
Öll verkin nú voru unnin í
tengslum við námskeið sem Þórey
fór á á Reykjalundi í sumar og eru
því máluð í sumar. Eftir þann árang-
ur var hún hvött til að sýna verkin
og hefur undirbúningur staðið lengi
yfir. Vel er vandað til verksins, fá
þær stöllur hjálp fagmanna við und-
irbúninginn og innrömmun mynd-
anna.
Elín segir að mikið hafi verið að
gera hjá Þóreyju síðustu daga því
hún hafi sjálf séð um margt sem
snýr að sýningunni. Þetta gefi henni
mikið enda sé hún félagslynd og hafi
gaman af öllu þessu umstangi. Það
hjálpi líka til hvað hún sé jákvæð og
sterkur persónuleiki sem viti hvað
hún vilji. Nú vinnur hún að gerð
annarrar ljóðabókar.
List án landamæra
Sýning Sigrúnar og Þóreyjar er
sú fyrsta í röð myndlistarsýninga
listahátíðarinnar Listar án landa-
mæra. Alls verða sýningarnar sex
og lýkur þeim 7. desember. Benóný
Ægisson stýrir hátíðinni og segir
þetta tilraun til að fara yfir öll landa-
mæri með listsköpun. Þarna leiða
saman hesta sína fatlaðir og ófatl-
aðir einstaklingar og skapa eitthvað
nýtt og spennandi.
List án landamæra er haldin í til-
efni Evrópuárs fatlaðra 2003 og tíu
ára afmælis Átaks, félags fólks með
þroskahömlun. Nú þegar hafa hátt á
þriðja tug viðburða litið dagsins ljós
á List án landamæra í Reykjavík, á
Akureyri og á Sólheimum í Gríms-
nesi.
Morgunblaðið/Kristinn
Sigrún Huld Hrafnsdóttir og Þórey Rut Jóhannesdóttir opna myndlist-
arsýningu sína á Kjarvalsstöðum klukkan 17 í dag.
Myndir og
ljóð á Kjar-
valsstöðum
Austurbær
Ungar myndlistarkonur taka þátt í listahátíð án landamæra
FLOSI Eiríksson, oddviti Samfylk-
ingarinnar í Kópavogi, segir ekki
rétt sem Gunnar Birgisson, forseti
bæjarstjórnar, segir í Morgun-
blaðinu í gær, að bæjarráð hafi gefið
samþykki sitt fyrir undirritun kaup-
samnings á lóð Kópavogshælis.
Með samningnum fékk Kópavogs-
bær afhenta 13 hektara landspildu í
kringum lóð Landspítala - háskóla-
sjúkrahúss sunnan Kópavogsbraut-
ar og austan Urðarbrautar.
„Þetta hefur einu sinni verið rætt í
bæjarráði Kópavogs, 24. júlí sl., og
var málinu þá frestað eins og sjá má í
fundargerð,“ segir
Flosi.
Í fundargerð
kemur fram að
skipulagsstjóri og
formaður bæjar-
ráðs gerðu grein
fyrir samningavið-
ræðum og stefnt
væri að frágangi
málsins 8. ágúst. „Bæjarráð frestar
afgreiðslu á framlögðum samnings-
drögum,“ segir í fundargerð.
Flosi segist vona að hér sé um
rugling hjá formanni bæjarráðs að
ræða og hann sé ekki vísvitandi að
fara með rangt mál.
Oddviti Samfylkingar í Kópavogi
Segir ekkert sam-
þykki liggja fyrir
Flosi Eiríksson
Kópavogur
ÚTIBÚ Borgarbókasafns verður
opnað í Árbæjarhverfi upp úr
næstu áramótum. Það er hálfu ári
fyrr en áætlanir gerðu ráð fyrir
samkvæmt upplýsingum frá Degi
B. Eggertssyni, borgarfulltrúa og
formanns hverfaráðs Árbæjar.
Borgarráð staðfesti á þriðju-
dag leigusamning milli Borgar-
bókasafns og Sparisjóðs vélstjóra
til fimm ára. Fær bókasafnið
leigða alla efri hæð við Hraunbæ
119 undir starfsemi bókasafnsins
sem er í þjónustukjarna hverf-
isins milli Bæjarháls og Hraun-
bæjar. Húsnæðið er 530 fermetr-
ar að flatarmáli og þegar er
byrjað að kaupa inn efni til safns-
ins. Á vef Borgarbókasafns er
auglýst eftir hugmyndum um
nafn á þetta sjöunda útibú Borg-
arbókasafns.
Samkvæmt upplýsingum Dags
var þetta húsnæði fyrsti kostur
þar sem það standi nú autt og á
því þurfi að gera litlar breytingar
til að þar verði fyrsta flokks
safnahús. Mikill áhugi hafi verið
meðal Árbæinga um árabil að fá
bókasafn í hverfið og nú sé ein-
sýnt að starfsemin hefjist fyrr en
áætlanir gerðu ráð fyrir. Dagur
segir það gleðiefni að þessi þjón-
usta færist nær íbúum hverfisins.
Bókasafn opnað í Árbæ
Árbær