Morgunblaðið - 18.09.2003, Blaðsíða 17

AKUREYRI
MORGUNBLAÐIÐ FIMMTUDAGUR 18. SEPTEMBER 2003 17
FÓLKI‹
á hæ›ina ... á breiddina ... á lengdina ... á d‡ptina ...
50 ÁRA
CAVIAR-LÍNAN 25 ára!
Bjóðum 25% afmælisafslátt frá 18. til 20. sept.
Tökum vel á móti þér eftirtalda kynningardaga:
Fimmtud. 18. sept. - Hygea Kringlunni
Föstud. 19. sept. - Hygea Smáralind
Laugard. 20. sept. - Hygea Laugavegi
alla dagana milli kl. 13 og 18
Félagar í Vinstrihreyfingunni -
grænu framboði ætla að grilla sam-
an í Kjarnaskógi á morgun, föstu-
daginn 19. september, frá kl. 17 til
20. Þingmennirnir Steingrímur J.
Sigfússon og Þuríður Backmann
koma ásamt fleiri gestum.
Framundan er vetrarstarfið en
nefna má að 1. október nk. verður
haldinn aðalfundur Akureyrafélags
VG á Græna hattinum og
helgina 11.-12. október verður kjör-
dæmisþing í Norðausturkjördæmi.
Allir eru velkomnir í grillið á föstu-
dag og það má taka með sér gesti
sem og eitthvað girnilegt til að
grilla, segir í frétt fá VG.
Á MORGUN
OTTÓ Biering Ottósson hefur verið
ráðinn forstöðumaður hjá Frum-
kvöðlasetri Norðurlands ásamt því
að sinna kennslu við Háskólann á
Akureyri. Ottó er vélfræðingur,
rekstrarfræðingur frá HA og er að
ljúka M.Sc. námi í hagfræði.
Á næstu misserum verður unnið
að stefnumótun og áætlunum fyrir
starfsemi FN innan HA – samhliða
kynningu á frumkvöðlanámi og þeim
möguleikum sem felast í þessari
breytingu fyrir nemendur HA og
nánasta umhverfi.
Samkvæmt samningi Frum-
kvöðlaseturs og Háskólans mun
skólinn reka setrið til loka árs 2005,
en þá munu forsendur um áfram-
haldandi rekstur verða skoðaðar
með hliðsjón af árangri setursins.
Í undirbúningi er formlegt þriggja
anna diplómanám í frumkvöðlafræð-
um við HA. Námið verður byggt upp
á hefðbundnum rekstrargreinum s.s.
vöruþróun, fjármálum, markaðsmál-
um, stefnumótun auk námskeiða í
frumkvöðlafræðum í samráði við
Nýsköpunarmiðstöð IMPRU. Nem-
endur munu vinna stórt verkefni við
hugmyndir sínar á Frumkvöðlasetri
Norðurlands. Námið mun að öllum
líkindum hefjast á vorönn 2004.
HA mun með námi í frumkvöðla-
fræðum og rekstri Frumkvöðlaset-
urs styrkja forsendur fyrir starf-
rækslu og stofnun Vísindagarðs við
HA og tryggja markvissa starfsemi í
nýju rannsóknarhúsi.
Forstöðumað-
ur hjá Frum-
kvöðlasetri
SIGURPÁLL Geir Sveins-
son, kylfingur í Golfklúbbi
Akureyrar, hefur ákveðið
að stíga stóra skrefið og
gerast atvinnumaður í
íþrótt sinni. Sigurpáll er
fremsti kylfingur Ak-
ureyringa og einn sá besti
á landinu. Hann hefur ver-
ið í fremstu röð undanfarin
ár og þrisvar orðið Íslands-
meistari, síðast á Hellu í
fyrrasumar. Sigurpáll
heldur til Englands á
morgun, þar sem hann
mun taka þátt í úrtökumóti
í næstu viku fyrir evr-
ópsku mótaröðina. Sig-
urpáll sagðist í samtali við
Morgunblaðið hafa verið
að spila vel að undanförnu,
hann er bjartsýnn á góðan
árangur og ætlar sér stóra hluti í
framtíðinni. „Þetta leggst vel í mig
og sjálfstraustið er mikið. Ég hef
spilað mjög jafnt og gott golf und-
anfarin eitt og hálft til tvö ár. Með-
alskorið í sumar á mótum hér heima
og erlendis er 71,8, sem er mjög
gott.“
Sigurpáll er 28 ára gamall og hef-
ur spilað golf frá 13 ára aldri. Hann
hefur oft verið spurður að því hvort
hann ætlaði ekki að reyna fyrir sér í
atvinnumennsku. „Ég hef alltaf sagt
að ég færi ekki af stað fyrr en ég
væri tilbúinn bæði andlega og lík-
amlega og ég tel mig vera það núna.
Ferillinn er orðinn langur og reynsl-
an mikil, ekki síst með þátttöku í
mörgum mótum erlendis með lands-
liðinu.“ Í sumar tók Sigurpáll þátt í
Evrópumóti í golfi í Naern í Skot-
landi. Þar reyndu 150 áhugamenn
með sér og náði Sigurpáll 15. sæti.
Alls eru þrjú úrtökumót fram
undan fyrir evrópsku mótaröðina
og það fyrsta á Englandi í næstu
viku. Þar munu 120 kylfingar taka
þátt í því og komast 30 bestu á næsta
mót, sem verður á Spáni í október.
„Til að komast áfram þarf ég að
spila á nokkrum höggum undir pari
og það ætla ég mér að gera. Ég þarf
svo að ná sama árangri á Spáni og
þriðja mótið fer þar fram í kjölfarið.
Á það stig komast 147 kylfingar og
leika fjóra hringi og komast 70
áfram og leika tvo hringi til við-
bótar. Þeir 35 efstu á þriðja stiginu
komast á evrópsku mótaröðina en
hinir 35 fara á áskorendamótaröð-
ina.“
Með Sigurpáli í för verður kylfu-
sveinn hans til langs tíma, Ólafur
Hilmarsson. Sigurpáll sagði það
skipta sig miklu máli að hafa Ólaf
sér við hlið. „Við þekkjum hvor ann-
an mjög vel og Ólafur hefur reynst
mér vel til þessa, enda sjálfur „gam-
all“ íþróttamaður.“
Það er stór ákvörðun að ætla að
gerast atvinnumaður í golfi og hana
er ekki hægt að taka án öflugs
stuðnings. Sigurpáll sagði að árang-
ur sinn hefði hjálpað sér mikið og
fjölmargir aðilar hafa stutt við bak-
ið á honum, bæði fyrirtæki og ein-
staklingar. Hann er þeim mjög
þakklátur og nefndi sérstaklega
Gunnar Ragnars, Baldur Guðnason í
Sjöfn og tengdum fyrirtækjum,
Bónus, Toyota og Íslensk ameríska.
„Unnusta mín, Auður Ásgríms-
dóttir, hefur líka staðið þétt við bak-
ið á mér og rekið mig áfram og
stuðningur hennar er mér einnig
mikilvægur.“
Ætlar sér stóra
hluti í framtíðinni
Morgunblaðið/Kristján
Sigurpáll Geir Sveinsson í léttri sveiflu á Jað-
arsvelli. Erlendir golfvellir bíða á næstunni.
Sigurpáll í atvinnumennsku í golfi
AUGLÝSINGADEILD
netfang: augl@mbl.is eða sími 569 1111
Moggabúðin
Íþróttataska, aðeins 2.400 kr.