Morgunblaðið - 18.09.2003, Blaðsíða 46

MINNINGAR
46 FIMMTUDAGUR 18. SEPTEMBER 2003 MORGUNBLAÐIÐ
Kyrrðarstund
í hádeginu
KYRRÐARSTUNDIR eru haldnar
í Hallgrímskirkju í hádeginu alla
fimmtudaga. Stundirnar hefjast
kl. 12 með hljóðfæraleik. Síðan er
flutt hugleiðing og beðin bæn. Við
lok er síðan leikið á hljóðfæri að
nýju. Eftir kyrrðarstund er hægt
að kaupa léttan hádegisverð.
Í dag munu sr. Sigurður Árni
Þórðarson og Hörður Áskelsson
leiða hugi kirkjugesta. Kyrrð-
arstundir eru fyrir alla sem vilja
nýta hádegið fyrir rækt hins innri
manns. Allir velkomnir í Hall-
grímskirkju.
Opið hús
í Dómkirkjunni
Á FIMMTUDÖGUM kl. 14-16 er
opið hús í safnaðarheimili Dóm-
kirkjunnar, Lækjargötu 14a. Þar
safnast saman þau sem ekki eru
lengur bundin við vinnu.
Á boðstólum eru kaffiveitingar
og á dagskrá fjölbreytt efni og
stundum er brugðið undir sig
betri fætinum og farið í ferðir
eða heimsóknir. Umsjónarmaður
er Anna Johannessen sem svarar
í síma 520 9700 og veitir nánari
upplýsingar. Allir velkomnir sem
geta nýtt sér þetta tilboð um sam-
veru.
Morgunblaðið/Ómar
Dómkirkjan í Reykjavík.
Áskirkja. Opið hús fyrir unga sem
aldna er á fimmtudögum milli kl. 14–
17 í neðri safnaðarsal kirkjunnar. Org-
anisti Áskirkju leiðir söng. Allir hjart-
anlega velkomnir.
Hallgrímskirkja. Kyrrðarstund kl. 12.
Orgelleikur, íhugun. Léttur málsverður
í safnaðarheimilinu eftir stundina.
Háteigskirkja. Taize-messa kl. 20.
Landspítali Háskólasjúkrahús. Grens-
ásdeild. Guðsþjónusta kl. 20. Sr. Birg-
ir Ásgeirsson.
Laugarneskirkja. Kyrrðarstund kl. 12
á hádegi. Gunnar Gunnarsson leikur á
orgelið frá kl. 12. Þjónustu annast sr.
Bjarni Karlsson. Kl. 12.30 er léttur
málsverður í boði í safnaðarheimilinu.
Kynningarfundur á Alfa starfinu kl. 20.
Umsjón hefur Nína Pétursdóttir og
með henni hópur sjálfboðaliða.
Skemmtilegt tækifæri fyrir allt fólk að
koma á tíu kvölda námskeið þar sem
áhugasamir gestgjafar safnaðarins
greina öllum sem boðið þiggja frá
grundvallaratriðum trúarinnar. Um leið
fá þátttakendur að kynnast innviðum
safnaðarstarfsins og komast að því
hvort þau finni sig heima í húsinu.
Uppl. í síma 588 9422.
Neskirkja. Krakkaklúbburinn kl.
14.30. Starf fyrir 8 og 9 ára börn. Sög-
ur, leikir, föndur o.fl. Stúlknakór Nes-
kirkju kl. 16. Kór fyrir 8 og 9 ára stúlk-
ur. Stjórnandi Steingrímur
Þórhallsson, organisti. Uppl. og skrán-
ing í síma 896 8192. NEDÓ unglinga-
klúbburinn. 8. bekkur kl. 17, 9. bekkur
og eldri kl. 20. Amazing Race!! Um-
sjón Munda og Hans.
Óháði söfnuðurinn. Tólf sporin, and-
legt ferðalag. Þriðji og síðasti kynning-
arfundur á tólf spora starfi vetrarins
verður í kvöld kl. 19. Allir velkomnir.
Umsjón í höndum Ragnars Kristjáns-
sonar, sími 690 6694.
Seltjarnarneskirkja. Helgistund í íbúð-
um aldraðra á Skólabraut kl. 13.30.
Digraneskirkja. Foreldramorgnar kl.
10. Leikfimi ÍAK kl. 11.15. Bæna-
stund kl. 12.10. Unglingakór Digra-
neskirkju kl. 16.30–19. (Sjá nánar:
www.digraneskirkja.is)
Fella- og Hólakirkja. Biblíulestur og
helgistund í Gerðubergi kl. 10.30–12 í
umsjá Lilju djákna.
Grafarvogskirkja. Foreldramorgnar kl.
10. Dagskráin er fjölbreytt. Boðið er
upp á áhugaverða fyrirlestra og
skemmtilegar og fræðandi samveru-
stundir.
Seljakirkja. KFUM 9–12 ára kl. 17.30.
Vídalínskirkja. Bæna- og kyrrðarstund
í kirkjunni kl. 22. Bænarefnum er
hægt að koma til prestsins fyrir stund-
ina.
Hafnarfjarðarkirkja. Opið hús fyrir ung
börn og foreldra þeirra í Vonarhöfn,
safnaðarheimili Strandbergs, kl. 10–
12. Opið hús fyrir 8–9 ára börn í safn-
aðarheimilinu Strandbergi, Vonarhöfn,
frá kl. 17–18.30.
Víðistaðakirkja. Foreldrastund (sbr.
mömmumorgunn) í dag kl. 13. Kjörið
tækifæri fyrir heimavinnandi foreldra
til að koma saman og eiga skemmti-
lega stund í notalegu umhverfi. Kaffi
og léttar veitingar, spjall, föndur, fyr-
irlestrar, kynningar og fleira.
Fríkirkjan í Hafnarfirði. TTT-starf fyrir
10–12 ára krakka kl. 16.30–18.
Þorlákskirkja. Biblíupælingar í kvöld
kl. 20.
Landakirkja í Vestmannaeyjum. Kl.
10 mömmumorgunn/foreldramorgunn
í safnaðarheimilinu. Hvenær ætli við
fáum heimsókn? Kl. 20 Tólf spora
vinna hefst á þessum tíma eftir viku.
Allir sem hafa áhuga á því að vinna af
einlægni með tilfinningar sínar með
það að markmiði að verða betri og
sterkari einstaklingar ættu að kynna
sér málin.
Fíladelfía. Eldur unga fólksins. Allir
hjartanlega velkomnir.
Kletturinn. Kl. 19 alfanámskeið. Allir
velkomnir.
Akureyrarkirkja. Kyrrðar- og fyrirbæna-
stund í kapellu kl. 12. Léttur hádeg-
isverður á vægu verði í Safnaðarheim-
ili eftir stundina.
Hjálpræðisherinn á Akureyri. Kl. 20
unglingafundur fyrir 8. bekk og upp úr.
Safnaðarstarf
KIRKJUSTARF
✝ Reynir HalldórHilmarsson
fæddist í Reykjavík
hinn 21. júlí 1961.
Hann andaðist á
krabbameinsdeild
Landspítalans v.
Hringbraut fimmtu-
daginn 11. septem-
ber. Foreldrar hans
eru Hilmar Karlsson,
f. 19.5. 1929, og Hall-
dóra Jónsdóttir, f.
18.6. 1937, d. 1.7.
2003. Systkini hans
eru Dagbjört Berg-
mann, f. 14.12. 1947,
Jón, f. 28.12. 1956, Guðrún, f. 3.7.
1959, Berglind, f. 11.2. 1967, og
Svanur Pálmar, f. 30.3. 1971.
Dætur Reynis eru Jóney Rún, f.
3.12. 1981, móðir Hólmfríður
Jónsdóttir; Karen, f. 10.6. 1984,
móðir Undína S. Sig-
mundsdóttir; og
Anna Jóna, f. 12.7.
1991, móðir Sigur-
lína Hreinsdóttir.
Reynir var í sambúð
med Sigurlínu
Hreinsdóttur. Reyn-
ir ólst upp í Reykja-
vík og á ungl-
ingsárum spilaði
hann fótbolta með
Fram. Hann lauk
skólagöngu sinni við
Fjölbrautarskólann í
Breiðholti. Reynir
starfaði við sölu-
mennsku, en síðastliðin 15 ár við
sjómennsku þar af sex ár á frysti-
togaranum Örfirisey.
Útför Reynis verður gerð frá
Fríkirkjunni í Reykjavík í dag og
hefst athöfnin klukkan 13.30.
Elsku Reynir bróðir. Nú ertu far-
inn frá okkur og við söknum þín mik-
ið. Þú barðist svo hetjulega við veik-
indi þín allt til síðasta dags. Kjarkur
þinn og dugnaður var ótrúlegur. Það
var sárt að horfa upp á veikindi þín og
geta ekkert hjálpað þér í þinni bar-
áttu. Þú varst alltaf svo glaður og
skemmtilegur bróðir. Þú varst dug-
legur ungur maður á besta aldri með
framtíðina í höndum þér þegar þú
greindist með þennan illvíga sjúk-
dóm. Ekki grunaði okkur að aðeins
ári seinna værum við að kveðja þig.
Er það mjög sárt þar sem ást okkar
til þín er svo mikil.
Elsku bróðir, margar góðar og fal-
legar minningar geymum við í huga
okkar. Á þínum yngri árum átti fót-
boltinn hug þinn allan og þau seinni
tók stangveiðin við sem var þér líka
hjartfólgin. Þú varst mikill veiðimað-
ur og veiddir alltaf mest af okkur
bræðrum og var gaman í veiði með
þér. Bara fyrir nokkrum vikum sát-
um við og ræddum þín framtíðar-
áform og skipulögðum okkar árlegu
réttarferð með fjölskyldum okkar. En
þetta gerðist hratt síðustu vikurnar
og þú varðst undan að láta. Minning
þín verður ljós í huga okkar og hjarta
allt til æviloka. Við biðjum að heilsa
mömmu, sem frá okkur fór hinn 1. júlí
nú í ár, hún hefur tekið vel á móti þér
með ömmu og afa sér til hlið. Elsku,
elsku bróðir, við kveðjum þig með
sárum, sárum trega og söknuði.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta,
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð
þín minning er ljós sem lifir
og lýsir um ókomna tíð.
(Þórunn Sig.)
Þín systkini
Jón, Guðrún, Berglind
og Svanur.
Í dag kveðjum við elskulegan
frænda okkar sem fór fyrir aldur
fram. Það er margs að minnast og
fjölmargs að sakna á kveðjustund.
Ófáar eru minningarnar sem komið
hafa fram síðustu daga. Minningar
um fallegt og bjart bros þar sem stutt
var í kímnina. Reynir var mjög bjart-
ur og góður drengur sem alltaf var
reiðubúinn til þess að rétta fram
hjálparhönd ef þess þurfti. Á okkar
yngri árum var Reynir frændi oft
fenginn til þess að passa okkur systk-
inin. Var þá mikið hlegið og gantast
og hafði hann ekki síður gaman af að
atast í okkur en við að stríða honum.
Hlátur og gleði var alltaf til staðar
þegar Reynir var annars vegar.
Við förum alltaf í okkar árlegu rétt-
arferð og síðan höldum við systkina-
börnin okkar árlega jólaboð þar sem
þín verður sárt saknað.
Elsku Reynir, þessar stundir verða
erfiðar án þín, en minningin um þig er
eins og ljós í hjarta okkar.
Elsku Jóney Rún, Karen, Anna
Jóna , Hilmar og aðrir ástvinir, megi
algóður Guð blessa ykkur í þessari
miklu sorg.
Kveðja,
Ragnheiður, Guðrún Erla,
Magnús og Einar Örn.
Komið er að kveðjustund, elskuleg-
ur frændi og vinur. Stórt skarð hefur
myndast með fráfalli þínu og móður
þinnar sem lést fyrir rúmum tveimur
mánuðum. Var það þér mikið áfall,
föður þínum, systkinum og fjölskyld-
unni allri þar sem þú varst að glíma
við erfiðan sjúkdóm.
En nú vitum við, elsku Reynir, að
mamma þín hefur tekið á móti þér og
leiðir þig.
Er við lítum til baka yfir farinn veg
er margs að minnast, tápmikill, bjart-
ur, fallegur og hlýr strákur.
Þú varst oft á okkar heimili eða
okkar börn hjá ykkur þar sem við vor-
um nágrannar í Breiðholtinu. Með
ykkur frændsystkinunum myndaðist
því góð vinátta sem hefur haldist alla
tíð.
Unglingsárin liðu hratt, þú æfðir
fótbolta af kappi, hafðir góða hæfi-
leika og spilaðir með knattspyrnu-
félaginu Fram í nokkur ár, líkt og afi
þinn Jón Sigurðsson gerði á árum áð-
ur. Kom ekki annað til greina því
hann skráði þig í Fram sem korna-
barn eins og hann gerði við öll sín
barnabörn, en þessu fylgdi meira
glens en alvara. En þú fetaðir í fót-
spor hans. Á þessum árum var mikið
að gera eins og hjá öllum unglingum
en alltaf hafðir þú tíma til að sitja og
passa börnin okkar, ekki höldum við
að þau hafi alltaf verið þæg.
Ef við spurðum hvernig krakkarnir
hefðu verið, svaraðir þú með þínu ró-
lega yfirbragði: „Þau voru fín.“
Reynir hafði annað áhugamál en
fótbolta, það var að veiða og var veiði-
stöngin mikið notuð. Voru margar
fjölskylduferðir farnar í þeim til-
gangi, oft var tjaldað eða gist í sum-
arbústöðum, þá oftast í Húsafelli.
Fastur liður hjá fjölskyldunni okkar
hefur verið að á hverju hausti er farið
í réttarferð í Fljótstungurétt í Hvít-
ársíðu og þá í leiðinni er rennt fyrir
fisk, oftast í Hvítá. Alltaf kom Reynir
með fisk. Meira að segja var einn
staður í Hvítánni nefndur eftir þér,
Reynisbreiða.
Þessar ferðir hafa bundið fjölskyld-
una sterkum böndum. Fyrir okkur að
fylgjast með hvert öðru í leik og
starfi, einnig að sjá hvernig fjölskyld-
an stækkar.
Þú átt þrjár yndislegar stúlkur,
Jóneyju, Karen og Önnu Jónu. Missir
þeirra er mikill, en við vitum að þú
munt vaka yfir þeim.
Elsku fjölskylda, við biðjum góðan
guð að styrkja ykkur í sorginni.
Minningin um góðan dreng lifir alltaf.
Sigurður Jónsson og Ágústa
Kristín Magnúsdóttir.
Elsku Reynir. Nú er komið að
kveðjustund
Þó sorgin sé sár,
og erfitt er við hana að una.
Við verðum að skilja,
og alltaf við verðum að muna
að Guð hann er góður,
og veit hvað er best fyrir sína.
Því treysti ég nú,
að hann geymi vel sálina þína.
Þótt farinn þú sért,
og horfinn ert burt þessum heimi.
Ég minningu þína,
þá ávallt í hjarta mér geymi.
Ástvini þína, ég bið síðan
Guð minn að styðja,
og þerra burt tárin,
ég ætíð skal fyrir þeim biðja.
(Bryndís Jónsdóttir.)
Takk fyrir allt og blessuð sé minn-
ing þín, hún geymist í hjarta mínu.
Erla Baldursdóttir.
Við kveðjum hér góðan vin og
vinnufélaga. Við félagar hans á Örfir-
isey dáðumst að þreki hans og dugn-
aði í baráttu hans við sjúkdóm þann
er hann átti við að stríða. Reynir var
góður strákur bæði til sjós og lands,
hann var mikill veiðimaður í eðli sínu
og var oft gantast með það að hann
þyrfti að veiða úti á sjó til þess að geta
veitt í landi. Alltaf var auðvelt að tala
við hann og var hann duglegur við að
segja okkur sögur, oft heyrðum við
hann tala fallega um dætur sínar sem
honum þótti alveg endalaust vænt
um. Hann var óttalegur hrekkjalóm-
ur og gantaðist oft við okkur vinnu-
félagana. Við vottum dætrum hans,
fjölskyldu og vinum dýpstu samúð
okkar. Megi englarnir fylgja ykkur í
gegnum þessa erfiðu tíma.
Kveðja.
Áhöfnin á Örfirisey.
REYNIR HALLDÓR
HILMARSSON
Elsku amma. Ég sit
hér og hugsa um allar
stundir okkar saman.
Við vorum alltaf að spila
og bardúsa eitthvað austur í hjólhýsi.
Þú varst alltaf til staðar þegar ég
þurfti á þér að halda. Þú varst alltaf
að taka myndir af mér fyrir framan
blómapottana þína og ég sakna þess.
Á kvöldin þegar ég bið bænirnar mín-
ar minnist ég þess að þú kenndir mér
mína fyrstu bæn og hér í lokin ætla ég
VALGERÐUR
SVEINSDÓTTIR
✝ ValgerðurSveinsdóttir
fæddist á Ósabakka
á Skeiðum 12. júlí
1929. Hún andaðist á
öldrunardeild
Landakots 27. ágúst
síðastliðinn og var
útför hennar gerð
frá Kópavogskirkju
3. september.
að tileinka þér þá bæn.
Ég man hvernig við gát-
um setið tímunum sam-
an bara við að dunda
eitthvað, en nú geri ég
mér loksins grein fyrir
því, að þessar stundir
eigum við aldrei eftir að
eiga saman. Einnig á ég
eftir að sakna þess að fá
ekki heimaprjónaða
sokka, hlýjar lopapeys-
ur eða falleg heimabúin
rúmföt sem þú varst svo
iðin við að búa til.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Guð varðveiti þig, elsku amma mín.
Þitt barnabarn
Valgerður Sif.