Morgunblaðið - 19.09.2003, Blaðsíða 4
FRÉTTIR
4 FÖSTUDAGUR 19. SEPTEMBER 2003 MORGUNBLAÐIÐ
VOPNAÐ bankarán var framið í
útibúi Íslandsbanka í Lóuhólum
2–6 í Breiðholti í gærdag. Lög-
reglu barst tilkynning kl. 14:59 um
að maður vopnaður eggvopni hefði
rænt bankann og var allt tiltækt
lið lögreglu sent á vettvang. Ræn-
inginn var þá á bak og burt með
ránsfenginn. Að sögn Karls Stein-
ars Valssonar, aðstoðaryfirlög-
regluþjóns lögreglunnar í Reykja-
vík, liggur ekki fyrir hversu mikla
fjámuni honum tókst að hafa á
brott með sér. Engan sakaði en
svo virðist sem maðurinn hafi
stokkið yfir gjaldkerastúku með
vopn í höndunum sem líktist hnífi.
Á eftir hvarf hann á braut og
stefndi í átt að Blikahólum með
starfsmann á hælunum sem síðan
missti sjónar á honum. Lögregla
leitaði mannsins í gær, m.a. með
aðstoð leitarhunda.
Starfsfólk fékk áfallahjálp
Jón Þórisson, framkvæmdastjóri
hjá Íslandsbanka, vildi ekki gefa
upp hversu mikið fé ræninginn
hafði á brott með sér. Hann sagði
þó:
„Ég held ég geti þó sagt að
flestum kæmi á óvart hversu lítið
fé er að hafa í bankaútibúum á Ís-
landi. Eins og menn þekkja þá fer
greiðslumiðlun fram mestmegnis
með kortum. Tékkum hefur fækk-
að mikið og seðlar eru mun fátíðari
heldur en var fyrir nokkrum árum.
Það er ekki eftir miklu að slægj-
ast.
[...]Það sem við erum að hugsa
um núna fyrst og fremst er velferð
starfsfólksins. Sem betur fer þá
slasaðist enginn. [...]Við höfum
þegar hafið áfallahjálp sem er hluti
af viðbragðsáætlun okkar og önnur
atriði viðbragðsáætlunarinnar eru
sömuleiðis í gangi. Við erum hér
með myndavélakerfi og öryggis-
kerfi sem veitir ákveðna vernd og
að öðru leyti er málið á frumstigi
rannsóknar og lögregla verður að
svara til um hvernig henni miðar.“
Spurður hvort myndir hefðu
náðst af manninum í gegnum
myndavélakerfi bankans sagði
hann að lögregla hefði nú undir
höndum afrit af upptöku úr vél-
unum, meira væri ekki hægt að
segja á þessu stigi. Jón vildi ekki
staðfesta í gær hvort maðurinn
hefði ógnað starfsfólki. „Auðvitað
verður fólki illa við þegar svona
gerist. Þó að það hafi ekki verið
um beinan lífsháska að ræða þá
bregður fólki auðvitað mikið og
þetta ógnar öryggi þess og það er
að því sem við erum að vinna
núna,“ sagði hann.
Davíð Guðmundur Arnarson, 16
ára íbúi í Vesturbergi í Breiðholti,
varð vitni að því þegar ræninginn
kom hlaupandi úr bankanum og
starfsmaður á eftir honum.
„Ég var að koma heiman frá
mér og var að fara að taka út úr
hraðbankanum. Þá sá ég mann
hlaupa fram hjá bankanum og
starfsmann á eftir. Ég hélt nátt-
úrulega að hann væri á hraðferð.
Ég sá líka að hann hélt utan um
eitthvað,“ segir hann. Stuttu síðar
fór annar bankastarfsmaður á eftir
manninum, að hans sögn.
Davíð Guðmundur lýsir banka-
ræningjanum þannig: Hann var á
táningsaldri, í blárri dúnúlpu og
svörtum buxum með dökkan trefil
um hálsinn, 170–80 sm á hæð.
Þess ber að geta að hvorki lög-
regla né starfsfólk sparisjóðsins
hefur staðfest þessa lýsingu á
manninum.
Verslanaeigendur og húsvörður í
verslanamiðstöðinni Lóuhólum 2–6
sem Morgunblaðið ræddi í gær við
sögðust ekki hafa orðið varir við að
bankarán hefði verið framið fyrr
en lögreglan var skyndilega mætt
á svæðið og ræninginn á bak og
burt.
Vopnað rán framið um hábjartan dag í Íslandsbanka í Lóuhólum
Hljóp út með ránsfenginn
og starfsmann á hælunum
Morgunblaðið/Júlíus
Lögregla girti af svæðið í kringum útibú Íslandsbanka við Lóuhóla þar sem var framið bankarán í gær.
FYRIRHUGAÐUR blaðamanna-
fundur Ólafs Ragnars Grímssonar,
forseta Íslands, sem halda átti í
bandaríska pressuklúbbnum
(National Press Club) í Washington í
Bandaríkjunum gær var afboðaður
vegna fellibylsins Isabel. Öllum
stjórnarbyggingum í Washington
var lokað í gær og þar á meðal
bandaríska pressuklúbbnum. Rask-
aði fellibylurinn því nokkuð dagskrá
Ólafs Ragnars en hann er í Wash-
ington til að ræða m.a. við þingmenn
og áhrifamenn í bandarískum stjórn-
málum um málefni norðurslóða.
Hillary Clinton öldungadeild-
arþingmaður lét þó veðrið ekki hafa
áhrif á sig og áttu hún og Ólafur
Ragnar fund í húsakynnum öld-
ungadeildarþingsins fyrr um daginn.
„Við áttum mjög ánægjulegan og ár-
angursríkan fund þrátt fyrir fellibyl-
inn,“ segir Ólafur Ragnar í samtali
við Morgunblaðið. „Hún sagði að það
þyrfti fólk vant misjafnri veðráttu í
norðri til að láta ekki fellibylinn aftra
sér frá fundum.“ Forsetinn segir að
afar fáir hafi verið í öldungadeildinni
í gær vegna fellibylsins.
Verði liðsmaður okkar
Ólafur Ragnar segir að það hafi
verið afar ánægjulegt að ræða við
Hillary Clinton um framtíð norð-
urslóða og þau nýju tækifæri sem
væru að skapast á þeim slóðum, t.d.
varðandi verkefni á sviði orkumála,
samgöngumála og tæknimála. „Hún
lýsti því yfir í lok fundarins að hún
myndi verða mjög öflugur banda-
maður okkar í því að efla þátttöku
Bandaríkjanna í þessu starfi. Ég tel
afar mikilvægt að fá jafn kraftmik-
inn öldungadeildarþingmann og
Hillary Clinton til að vera liðsmaður
okkar í þessum leiðangri.“
Ólafur Ragnar átti einnig fund
með nokkrum öld-
ungadeildarþing-
mönnum í fyrradag,
m.a. Ted Stevens frá
Alaska, formanni
fjárlaganefndar öld-
ungadeildarinnar.
„Ég er sannfærður
um að þessar sam-
ræður við ýmsa
áhrifaríka leiðtoga í
öldungadeildinni hafi
skapað öflugan
stuðningshóp – innan
þeirrar valdamiklu
stofnunar – við aukna
þátttöku Bandaríkj-
anna í málefnum
norðurslóða.“
Ólafur Ragnar
hitti aukinheldur
Strobe Talbott, fyrr-
verandi vara-
utanríkisráðherra Bandaríkjanna, í
gær. „Á þeim fundi kom greinilega
fram að hann er sammála okkur um
að þessi samvinna á norðurslóðum
geti orðið mikilvægur burðarás í nýj-
um félagsskap Rússlands og Banda-
ríkjanna á 21. öldinni.“ Ólafur Ragn-
ar segir að það hafi verið mikilvægt
að finna fyrir þessum stuðningi
Talbotts, því hann hafi mikilvæga
reynslu og þekkingu á sviði þessara
málefna.
Fellibylurinn Isabel raskar
áætlun forseta Íslands
Ólafur Ragnar Grímsson hitti Hillary Clinton
öldungadeildarþingmann í Washington í gær.
Morgunblaðið/Örnólfur
ÍSLENSKA sendiráðinu í Wash-
ington var lokað um hádegi í gær
að bandarískum tíma vegna veðurs
eins og sagt var á símsvara sendi-
ráðsins síðdegis í gær. Miklar ráð-
stafanir voru gerðar í höfuðborg
Bandaríkjanna vegna fellibylsins
Isabel sem gekk inná austurströnd
landsins í gær. Flestum opinberum
stofnunum og skólum lokað, auk
þess sem almenningssamgöngur
lögðust af um tíma.
Guðni Bragason, sendiráðs-
fulltrúi í Washington, sagði í gær
að við heimili hans væri dæmigert
„íslenskt veður“ og íslenskir rík-
isborgarar á svæðinu hefðu ekki
enn sem komið er haft samband
við sendiráðið vegna afleiðinga
fellibylsins.
Stormur í vatnsglasi
„Stormur í vatnsglasi er besta
lýsingin á ástandinu í Washington
en veðurhamurinn er ekki mikill
og líkist því sem við erum vön að
upplifa á Íslandi. Það er rok og
rigning núna þegar ég lít út um
gluggann.“ Guðni bætti því við að
margir Íslendingar væru á þeim
svæðum sem Isabel ætti að fara yf-
ir.
„Við vonum auðvitað að fellibyl-
urinn valdi sem minnstum skaða
en samkvæmt veðurfregnum mun
Isabel ekki fara beint yfir Wash-
ington, heldur við Norfolk.“ Að
sögn Guðna var búið að byggja
upp mikla spennu í borginni vegna
Isabel og fjölmiðlar héldu borg-
arbúum vel við efnið.
„Ég hef ekki horft mikið á sjón-
varpið í dag og hef því ekki séð
hvað er að gerast á öðrum stöðum.
Það virðist vera sem meira sé gert
úr hlutunum en þeir eru í raun og
veru. Það sama gildir ef það fer að
snjóa í Washington, þá fer allt á
hvolf hvað umferðina varðar en sú
snjóföl sem er á vegunum á þeim
tímum er ekki mikil á mælikvarða
okkar Íslendinga,“ sagði Guðni.
Sendiráði
Íslands
lokað
Guðni Bragason
sendiráðsfulltrúi í
Washington