Morgunblaðið - 19.09.2003, Blaðsíða 8
FRÉTTIR
8 FÖSTUDAGUR 19. SEPTEMBER 2003 MORGUNBLAÐIÐ
Eik er sígild
Ármúla 44 • Sími 553 2035 • www.hphusgogn.is
Fáanlegt í 7 viðarlitum
Glæsilegir bókaskápar úr eik
19
9
cm
19
9
cm
19
9
cm
19
9
cm
51.5 cm 96.5 cm 96.5 cm 96.5 cm
Kr. 35.910. Kr. 49.410. Kr. 63.450. Kr. 83.160.
Það er verið að spyrja um hvort það verði ekki örugglega boðið upp á öflugt áfallahjálpar-
teymi, hr. hæstvirtur „the only one“?
Trúarlíf í fjölmenningarsamfélagi
Fjölbreytt trú-
arlíf í deiglunni
MÁLÞING um sam-skipti fólks afýmsum trúar-
brögðum í íslensku fjöl-
menningarsamfélagi, „Á
sama báti 2“, verður haldið
á morgun, laugardaginn
20. september. Það hefst
klukkan 9 og stendur til 13
og fer það fram í félags-
heimili KFUM og KFUK
að Holtavegi 28. Toshiki
Toma er prestur innflytj-
enda á Íslandi og í tilefni af
málþinginu svaraði hann
nokkrum spurningum
Morgunblaðsins.
– Hverjir halda mál-
þingið og hver er tilgangur
þess?
„Þetta málþing er haldið
á vegum kærleiksþjón-
ustusviðs Biskupsstofu í
samstarfi við prest innflytjenda.
Við þiggjum styrk úr Kristnihá-
tíðarsjóði til að fara í þetta verk-
efni. Málþingið er framhald af
öðru sem haldið var í fyrra, „Á
sama báti“, sem tókst að okkar
mati afar vel. Aðrir sem koma að
málþinginu eru Fjölmenningar-
setrið á Vestfjörðum, Fræðslu-
miðstöð Reykjavíkur og Land-
læknisembættið. Við verðum
síðan með annað málþing um
sama efni í Akureyrarkirkju í
næsta mánuði, en þar verða aðrir
fyrirlesarar. Tilgangur málþings-
ins er að skapa tækifæri til að
auka samskipti meðal fólks sem
aðhyllist mismunandi trúarskoð-
anir og að opna umræðu um
hvernig bæta megi opinbera og
einkaþjónustu til handa fólki sem
hefur fjölbreyttar trúarlegar
þarfir. Hér er líka um forvarnar-
starfsemi að ræða gagnvart for-
dómum gegn mismunandi trúar-
brögðum. Af þeim sökum er okkur
sérstaklega mikið í mun að á mál-
þingið komi fólk sem þarf að skilja
trúarlegar þarfir í starfi sínu, t.d.
starfsfólki í skólum, á spítölum, í
ferðaþjónustu og svo framvegis.
Einnig viljum við fá þátttakendur
frá kirkjunni.“
– Hvað má segja um innihald
málsþingsins?
„Málþingið fjallar t.d. um nú-
tímalegan skilning á umburðar-
lyndi, um sjónarmið kirkjunnar
frá samræðuhreyfingu meðal ým-
issa trúarbragða, um trúarlegar
þarfir sjúklinga og afstöðu Land-
læknisembættisins til ýmissa
álitamála. Um samskipti skóla og
heimila varðandi trúarlegar þarfir
barna og vægi trúarbragða-
kennslu í skólum. Sjö fyrirlesarar
fjalla um þessi málefni, meðal
þeirra gestir frá nokkrum trú-
félögum eins og búddistum,
bahái’jum eða mormónum.“
– Hverjir tala og um hvað?
„Fyrsta erindið flytur Hanna
Ragnarsdóttir, lektor við Háskóla
Íslands, og heitir erindi hennar
Trúarlegar þarfir í skólum, sam-
skipti skóla og heimila varðandi
trúarþarfir barna. Þá flytur Guð-
laug Björgvinsdóttir kennari er-
indi sem hefur yfir-
skriftina Trúarlegar
þarfir í skólum, vægi
trúarbragðakennslu.
Næstu erindi flytja
fulltrúar minnihluta-
hópa, Andrea Sompit Siengboon
fjallar um Theravada-búddista,
Gen Kelsang Nyingpo fjallar um
Karuna, Lindita Óttarson talar
um baháí’ja og Sigurjón Þor-
bergsson talar um Kirkju Jesú
Krists, hinna síðari daga heilögu.
Loks tekur Elsa Arnardóttir,
framkvæmdastjóri Fjölmenning-
arsetursins, saman efni málþings-
ins.“
– Það vakti nokkra athygli er
Evrópunefnd skilaði skýrslu um
kristnifræði og fordóma á Íslandi.
Mun það koma við sögu?
„Já, vissulega snertir það mál
málefni málþingsins þótt kristni-
fræði verði ekki beinlínis til um-
ræðu á málþinginu. Þetta sýnir að
eitthvað sem áður var í lagi er það
kannski ekki lengur, er jafnvel
orðið umdeilt, vegna þess að þjóð-
félagið er nú orðið fjölmenningar-
legt. Það er gott að þessar um-
ræður eru komnar af stað. Þetta
er ekki umræða um hvort kristni-
fræði sé góð eða slæm, heldur
hvernig rótgróinn menningar-
heimur mætir nýjum menningar-
straumun.“
– Hefur kirkjan áhuga á
þessum málefnum?
„Þjóðkirkjan er langstærsta
stofnun á Íslandi og þess vegna er
erfitt að segja hvort kirkjan hafi
áhuga á tilteknu málefni eða ekki,
en eins og sést á þeim umræðum
sem fram undan eru á málþinginu
eru mismunandi trúarbrögð og
lífsskoðanir staðreynd í samfélag-
inu. Kirkjan getur ekki litið fram
hjá því. Við höldum málþingið í
húsakynnum KFUM og KFUK,
en ekki í trúarlegri staðsetningu
og með því viljum við m.a. leggja
áherslu á mikilvægi þess að kirkj-
an taki þátt í viðkomandi málefni.
Ég vona að málþingið verði eins
konar skilaboð til samfélagsins
þess efnis að kirkjan hugsi líka um
mismunandi trúarbrögð og það
fólk sem þau stunda.“
– Ertu bjartsýnn á framtíð
menningarlegrar fjölbreytni á Ís-
landi?
„Ég reyni að vera
það, en það er þó eitt
atriði. Fjölmenningar-
legt samfélag er ekki
menningarlaust sam-
félag. Mér sýnist að
fólk misskilji það stundum. Fjöl-
menningarlegt samfélag stenst
ekki nema að hver og einn annist
sinn menningarheim, en menning
er dýrmæt í fjölmenningarlegu
samfélagi.“
– Fyrir hverja er þetta mál-
þing?
„Það er öllum opið og kostar
ekkert. Hins vegar þarf að skrá
sig hjá Biskupsstofu.“
Toshiki Toma
Toshiki Toma fæddist í Tókýó
í Japan árið 1958. Hann lauk
námi í stjórnmálafræði í Tókýó,
en eftir það lagði hann stund á
guðfræði og var vígður til prests
við Evangelísku Lútersku kirkj-
una í Japan árið 1990. Toshiki
fluttist til Íslands árið 1992 og
varð prestur við Þjóðkirkjuna
árið 1997. Hann hefur starfað
þar sem prestur innflytjenda frá
upphafi. Toshiki á tvö börn.
Að auka
samskipti
meðal fólks