Morgunblaðið - 19.09.2003, Blaðsíða 12

VIÐSKIPTI/ATHAFNALÍF
12 FÖSTUDAGUR 19. SEPTEMBER 2003 MORGUNBLAÐIÐ
HÖNNUN á nýrri gerð skósóla með harðkorn-
um hlaut fyrstu verðlaun í samkeppni um gerð
viðskiptaáætlana, Nýsköpun 2003. Verkefnið
er frá fyrirtækinu GDTS ehf., sem Óskar F.
Jónsson er í forsvari fyrir. Fyrirtækið hyggst
þróa og framleiða margvíslegar tegundir af
skóm og skósólum með harðkornum og með
mismunandi markhópa og þarfir í huga.
Í umsögn dómnefndar um hugmyndina seg-
ir: „Viðskiptahugmyndin er ákaflega spenn-
andi og ljóst að ef vel tekst til er framundan
spennandi framtíð fyrir fyrirtækið og aðstand-
endur þess. Lesandi fær strax á tilfinningu að
það sé mikil þörf á vörunni á mjög stórum
markaði.“ Þá segir dómnefndin að áætlunin sé
metnaðarfull og stefnt sé á ákaflega breiðan
markað. Áætlunin styrkist einnig af því að höf-
undur hefur langa reynslu af framleiðslu og
sölu á markaðnum.
Tilkynnt var í gær hverjir hefðu hlotið verð-
laun í Nýsköpun 2003, sem staðið hefur yfir síð-
astliðna mánuði undir slagorðinu Þjóðarátak
um Nýsköpun. Að keppninni standa Nýsköp-
unarsjóður atvinnulífsins, Íslandsbanki, Morg-
unblaðið, KPMG, Byggðastofnun og Háskólinn
í Reykjavík. Þar að auki eru Eimskipafélag Ís-
lands, Síminn, Samherji og Nýherji sérstakir
stuðningsaðilar keppninnar. Markmið keppn-
innar er að stuðla að aukinni nýsköpun og
frumkvæði í íslensku samfélagi.
Veitt voru sjö peningaverðlaun í samkeppn-
inni. Fyrstu verðlaun voru ein milljón króna,
önnur verðlaun 500 þúsund krónur, og 100 þús-
und krónur voru veittar fyrir þriðja til sjöunda
sæti.
Primus Motor í öðru sæti
Önnur verðlaun í Nýsköpun 2003 komu í hlut
fyrirtækisins Primus Motor, sem Ármann Koj-
ic Jónsson stendur fyrir. Fyrirtækið hefur þró-
að umsjónarkerfi til að reka stafræn síma-
fyrirtæki og sjá þeim fyrir vörum og þjónustu.
Viðskiptahugmynd Ármanns er sögð áhuga-
verð í umsögn dómnefndar og æskilegt sé að
haldið verði áfram að þróa hana.
Þriðju til sjöundu verðlaun í Nýsköpun 2003
komu í hlut eftirtalinna aðila, en þeim er ekki
raðað í númeraröð:
Menntastofan ehf., fyrirtæki þeirra Jónasar
Inga Ragnarssonar og Grétu Sigurðardóttur,
sem sérhæfir sig í námsefnisgerð.
Spábolli Sólveigar Eiríksdóttur og Hafsteins
Helgasonar með verkefni sem snýst um nýstár-
legar gjafavörur. Pappakögglar sem að standa
þeir Valur Á. Valsson, Ívar F. Finnbogason og
Ólafur F. Sigurðsson en hugmynd þeirra geng-
ur út á framleiðslu á kögglum úr bylgjupappa
til nota sem undirburður undir hesta.
Álfheimar í Húnaþingi vestra lögðu fram
verkefni á sviði menningartengdrar ferðaþjón-
ustu, og er það Margrét Sigurðardóttir sem
stendur fyrir því. Vélsmiðja Ísafjarðar, sem
Steinþór Bragason og Anna Lára Jónsdóttir
eru í forsvari fyrir, lagði fram hugmynd að
hönnun og framleiðslu á slöngu- og rörafitt-
ings.
Fjórar hugmyndir í Evrópukeppni
Í tengslum við Nýsköpun 2003 taka Íslend-
ingar þátt í evrópskri hugmyndakeppni og hafa
fjórir fulltrúar verið valdir til að keppa fyrir Ís-
lands hönd, hver í sínum flokki. Hugmynd Ósk-
ars F. Jónssonar, sem hlaut fyrstu verðlaun í
Nýsköpun 2003, varð fyrir valinu í einum þess-
ara flokka og það sama á og við um hugmynd
Ármanns Kojic Jónssonar, sem hlaut önnur
verðlaun. Þá varð hugmynd þeirra Steinþórs
Bragasonar og Önnu Láru Jónsdóttur frá Vél-
smiðju Ísafjarðar, sem hlaut ein af þriðju til
sjöundu verðlaunum Nýsköpunar 2003, einnig
fyrir valinu til að taka þátt í Evrópukeppninni.
Í flokknum Hvatning í Evrópukeppninni
keppa evrópsk fyrirtæki sem eru talin geta
skilað arðsemi síðar. Dómnefnd valdi verkefnið
Tímaritasjálfsali til að keppa fyrir Íslands hönd
í þessum flokki. Þetta verkefni fjallar um sölu á
tímaritum, greinum og smásögum í gegnum
sjálfsala þar sem greiðsla getur átt sér stað í
gegnum GSM síma eða með debet- og kredit-
korti. Ekki eru veitt peningaverðlaun í þessum
flokki.
Í flokknum Sproti (e. Seed) keppa fyrirtæki á
frumstigi en möguleiki er á að vinna 15.000 evr-
ur í verðlaun í þessum flokki. Dómnefnd valdi
verkefnið Green Diamond, hönnun á nýjum
gerðum af skósólum með harðkornum, sem
hlaut fyrstu verðlaun í Nýsköpun 2003, til að
keppa fyrir Íslands hönd í þessum flokki.
Í flokknum Stofnstig (e. Start-up) keppa fyr-
irtæki sem eru að slíta barnsskónum. Verðlaun
í þessum flokki nema 35.000 evrum. Dómnefnd
valdi verkefnið ToTalk, uppsetningu á VoIP
símasíðum á Netinu, sem hlaut önnur verðlaun
í Nýsköpun 2003.
Í flokknum Vöxtur (e. Expansion) koma fyr-
irtæki sem eru í vexti og eru talin lofa góðu.
Hugsanlegt er að komast í gegnum þennan
flokk í samband við áhættufjárfesta. Verkefni
Vélsmiðju Ísafjarðar, hönnun og framleiðsla á
slöngu- og rörafittings, varð fyrir valinu til að
taka þátt í þessum flokki fyrir Íslands hönd.
Alls bárust rúmlega 60 viðskiptaáætlanir í
hugmyndasamkeppnina Nýsköpun 2003. Til
keppni skráðu sig hins vegar rúmlega helmingi
fleiri en áður hefur gerst, eða um 1.240 manns.
Einnig sóttu fleiri námskeið um land allt en áð-
ur, eða í kringum 500 manns.
Í tilkynningu frá verkefnastjórn Nýsköpun-
ar 2003 segir að hin mikla þátttaka komi nokk-
uð á óvart. Árangurinn nú megi m.a. þakka því
að fjölmörg námskeið hafi verið haldin víða um
land. Einnig sé hópurinn sem að keppninni
stendur heppilega samsettur.
Þá segir í tilkynningunni að fjöldi viðskipta-
áætlana hafi borist frá landsbyggðinni. Þar hafi
verið haldin fjölmörg námskeið í samvinnu við
atvinnuþróunarfélögin og Íslandsbanka og
fleiri aðila á hverjum stað og hafi það samstarf
reynst árangursríkt.
Líkt og í síðustu hugmyndasamkeppni hafa
þátttakendur fengið ítarlega umsögn um verk-
efni sín og verða umsagnir sendar út á næstu
dögum.
Segir í tilkynningunni að árangur sem rekja
megi beint til keppninnar komi víða í ljós. Mest-
ur árangur sé án ef sá, að þekking og hæfni til
að skrifa góða viðskiptaáætlun hafi aukist til
muna frá því hafist var handa árið 1999. Þetta
hafi t.d. sérfræðingar hjá KPMG orðið áþreif-
anlega varir við.
Valið úr 17 hugmyndum
Sérfræðingar frá Nýsköpunarsjóði, Íslands-
banka, Byggðastofnun, KPMG og Háskólanum
í Reykjavík lásu allar viðskiptahugmyndir sem
bárust í samkeppninni og gáfu umsögn. Dóm-
nefnd fékk í hendur þau 17 verkefni sem besta
niðurstöðu fengu hjá sérfræðingunum. Höf-
undar þessara 17 hugmynda fengu tækifæri til
að kynna þær fyrir dómnefnd sem síðan valdi
sigurvegara úr þessum hópi.
Samkeppni um gerð viðskiptaáætlana, Nýsköpun 2003 – sjö verkefni fengu verðlaun
Harðkornaskósólar
fá fyrstu verðlaun
Morgunblaðið/Jim Smart
Óskar F. Jónsson
Samtals bárust rúmlega 60
viðskiptaáætlanir í keppn-
ina og í kringum 500 manns
sóttu námskeið um allt land
í tengslum við hana.
RICHARD Grasso, forstjóri og
stjórnarformaður Kauphallarinnar í
New York hefur sagt af sér. Afsögn-
in kemur í kjölfar þess að upplýst var
um 188 milljóna dollara starfsloka-
greiðslur til forstjórans, 14,2 millj-
arða króna, sem mörgum þóttu óhóf-
legar og ekki sæmandi manni í hans
stöðu. Auk þess kom í ljós nýlega að
Grasso sjálfur hafði áhrif á upphæð
greiðslnanna en þær áttu að koma til
viðbótar öðrum eftirlaunum.
Málið er samkvæmt frétt í Ft.com
það alvarlegasta sem komið hefur
upp í Kauphöllinni í 211 ára sögu
hennar.
36 ára ferill
Ferill Grasso hjá Kauphöllinni í
New York spannar 36 ár en hann hóf
störf árið 1968, þá sem almennur
skrifstofumaður með 80 dollara í
laun á viku. Á síðasta ári námu árs-
laun Grasso 10 milljónum dollara og
var hann einn hæst launaði forstjóri í
Bandaríkjunum.
Þrýstingur á Grasso um að segja
af sér hafði aukist stöðugt undan-
farna daga og á þriðjudaginn sl.
kröfðust yfirmenn þriggja stórra líf-
eyrissjóða afsagnar hans og sögðu að
starfslokagreiðslurnar væru ósam-
rýmanlegar stöðu hans sem reglu-
setningaraðila og talsmanns fjár-
festa.
Afsögnin er talin munu leiða til
víðtækra breytinga í Kauphöllinni.
Nú þegar er allt stjórnskipulag í
endurskoðun en talið er að annmark-
ar á stjórnskipulagi séu ástæðan fyr-
ir því að málið er eins vaxið og raunin
er.
Vann sig hratt upp
Grasso er 57 ára gamall. Faðir
hans fór að heiman þegar Grasso var
ungur drengur og ólst hann upp hjá
móður sinni og frænkum. Eftir
tveggja ára nám í Pace háskólanum
hætti hann þar og skráði sig í herinn.
Þar næst réð hann sig sem skrif-
stofumann hjá Kauphöllinni árið
1968 eins og áður segir. Hann vann
sig fljótt upp innan fyrirtækisins og
árið 1977 var hann orðinn varafor-
stjóri og árið 1988 forstjóri markaðs-
viðskiptadeildar. Árið 1995 tók
Grasso við sem forstjóri og notaði
þekkingu sína á innra starfi kaup-
hallarinnar til að mæta harðri sam-
keppni frá Nasdaq, rafrænu kaup-
höllinni sem blómstraði í netbólunni
svokölluð í lok tíunda áratugar síð-
ustu aldar. Grasso varð opinbert
andlit hlutabréfaæðisins á tíunda
áratugnum og eftir hryðjuverka-
árásina á New York 11. september
2001 varð hann tákngervingur fyrir
uppbygginguna eftir árásirnar.
Orðstír Grassos jókst enn árið
2002 þegar Eliot Spitzer aðalsak-
sóknari hratt af stað herferð sem
beint var gegn fjármálafyrirtækjum
og óeðlilegum starfsháttum þeirra í
tengslum við hlutafjárútboð. Í því til-
viki lék Grasso lykilhlutverk með því
að koma á 1,4 milljarða dala samn-
ingi á milli yfirvalda og leiðandi fjár-
festingabanka.
Árið 2003 fóru nýir straumar á
Wall Street að vinna gegn Grasso.
Ýmis atriði úr samningi um starfs-
lokagreiðslur hans láku í fjölmiðla og
að lokum fór svo að Kauphöllin upp-
lýsti um greiðslurnar og ollu þær
upplýsingar strax titringi. Fyrst var
sagt frá því að Grasso ætti að fá 139,5
milljónir dollara sem þóknun fyrir
farsælt starf í Kauphöllinni og þar að
auki átti hann að fá 48 milljónir til
viðbótar.
Grasso reyndi að lægja öldurnar
með því að bjóðast til að afsala sér
milljónunum 48 en þá var það orðið
of seint.
Grasso farinn
Reuters
Richard Grasso
FJÁRFESTINGARFÉLAGIÐ
Kaldbakur hf. keypti í gær
hlutabréf að nafnverði 115,1
milljón króna
í Trygginga-
miðstöðinni
og jók þar
með eignar-
hlut sinn í
fyrirtækinu
úr 20,41% í
32,8%. Sam-
kvæmt upp-
lýsingum af
vef Kauphall-
ar Íslands
fóru kaupin fram á genginu
13,4–13,5 og er kaupverð hlut-
arins því um 1,5 milljarðar
króna. Kaldbakur er þar með
orðinn stærsti einstaki eigandi
félagsins.
Eiríkur S. Jóhannsson, fram-
kvæmdastjóri Kaldbaks og
stjórnarmaður í Tryggingamið-
stöðinni, sagði að bréf hefðu
boðist á góðu verði og því hefði
verið ákveðið að kaupa. „Þetta
er að okkar mati góður fjárfest-
ingarkostur,“ sagði Eiríkur.
Hann sagði að þrátt fyrir að
vera komnir með stóran hlut í
félaginu, um þriðjungshlut, væri
ekki ætlunin að auka meira við
sig svo neinu næmi, né væri
stefnt að yfirtöku félagsins.
Eiríkur sagði að nýtt landslag
væri að myndast í viðskiptum
þessa dagana og með auknum
hlut í Tryggingamiðstöðinni
væri Kaldbakur að segja að fé-
lagið ætlaði sér ekki að sitja hjá
og láta aðra aðila eina um að
stokka upp markaðinn. „Við ætl-
um okkur að spila á þessum
markaði og með þátttöku okkar
í Tryggingamiðstöðinni erum
við í góðum félagsskap.“
Morgunblaðið náði einnig tali
af Gunnlaugi Sævari Gunnlaugs-
syni, stjórnarformanni Trygg-
ingamiðstöðvarinnar. Sagði
hann að aðkoma Kaldbaks að fé-
laginu væri fagnaðarefni.
Þangað til í apríl sl. átti Kald-
bakur óverulegan hluta í Trygg-
ingamiðstöðinni og hefur því
aukið hratt við sig á skömmum
tíma.
Tryggingamiðstöðin var rekin
með 333 milljóna króna hagnaði
fyrstu sex mánuði þessa árs.
Kaldbakur með
þriðjungshlut í TM
Ætla sér ekki að sitja hjá
Eiríkur S.
Jóhannsson
ÓSKAR F. Jónsson, sem hlaut fyrstu verðlaun
í Nýsköpun 2003 fyrir hugmynd sína um nýja
gerð skósóla með harðkornum, segist vona að
verðlaunin leiði til þess að fjárfestar verði
reiðubúnir til að taka þátt í verkefninu með
honum. Hann þurfi á því að halda til að geta
tekist á við það sem nú taki við. Verðlaunin
séu hvati til að halda áfram.
Að sögn Óskars hefur hann starfað í skóiðn-
aði á hinum ýmsu sviðum í fjölmörg ár. Hann
segist fyrst hafa starfað í skóverslun, í fram-
haldi af því hafi hann starfað hjá skóheildsölu
og síðar við eigið fyrirtæki í Portúgal. Þá hafi
hann og rekið litla skósólaverksmiðju um
tíma.
Hugmyndina að skósólum með harðkornum
segist Óskar hafa fengið út frá harðkorna-
dekkjum. Hann hafi verið að þróa hana í gegn-
um árin en um sé að ræða nauðsynjavöru. Til
að mynda detti að jafnaði um 25 þúsund
manns á jafnsléttu í Bandaríkjunum á degi
hverjum. Grip skósóla við blautar eða hálar
aðstæður sé almennt ekki nægjanlega gott.
Skósólar með harðkornum gefi betra grip og
möguleikarnir séu því fjölmargir. Nú taki því
við að reyna að fá stóra skóframleiðendur til
að taka þátt í verkefninu með honum.
Hvati til að
halda áfram