Morgunblaðið - 19.09.2003, Side 27

UMRÆÐAN
MORGUNBLAÐIÐ FÖSTUDAGUR 19. SEPTEMBER 2003 27
STÓRMEISTARINN Hannes
Hlífar Stefánsson (2.560) gerði
stutt jafntefli við Curt Hansen
(2.618) í lokaumferð Norðurlanda-
mótsins í skák og hafnaði í þriðja
sæti. Stórmeistarinn Helgi Ólafs-
son (2.498) tapaði fyrir norska
stórmeistaranum Einar Gausel
(2.533) og hafnaði í 4.–5. sæti. Þeir
Curt Hansen og sænski stórmeist-
arinn Evgenij Agrest (2.605) urðu
jafnir og efstir á mótinu og teljast
því báðir Norðurlandameistarar.
Úrslit elleftu og síðustu umferð-
ar:
Curt Hansen – Hannes Hlífar Stefánsson
½–½
Einar Gausel – Helgi Ólafsson 1–0
Evgenij Agrest – Flóvin Þór Næs 1–0
Heikki Kallio – Jonny Hector 1–0
Davor Palo – Kjetil A. Lie 0–1
Heikki Lehtinen – Lars Schandorff ½–½
Lokastaðan á mótinu:
1.–2. Curt Hansen, Evgenij Agrest 8 v.
3. Hannes Hlífar Stefánsson 7 v.
4.–5. Helgi Ólafsson, Jonny Hector 6 v.
6.–7. Davor Palo, Einar Gausel 5½ v.
8.–10. Heikki Lehtinen, Lars Schandorff
og Heikki Kallio 5 v.
11. Kjetil A. Lie 4½ v.
12. Flóvin Þór Næs ½ v.
Íslensku stórmeistararnir settu
svo sannarlega svip sinn á mótið og
framan af var allt útlit fyrir að þeir
myndu gera harða atlögu að meist-
aratitlinum. Þannig voru þeir einu
taplausu keppendurnir eftir fimm
umferðir. Hannes tapaði hins veg-
ar í sjöttu umferð og Helgi í þeirri
sjöundu. Hannes náði sér aftur á
strik, án þess þó að komast al-
mennilega í tæri við efsta sætið.
Það sýnir hversu vel Helgi stóð að
vígi eftir fyrri hluta mótsins, að
þótt hann næði aðeins 1½ vinningi
úr síðustu fimm umferðunum
hreppti hann samt 4.–5. sætið og
mun hækka á stigalista FIDE fyrir
frammistöðuna líkt og Hannes.
Rimaskóli hlaut
bronsið á NM í skák
Dagana 12.–14. september var
haldið Norðurlandamót barna-
skólasveita í skák. Mótið fór að
þessu sinni fram í Finnlandi, nánar
tiltekið í hafnarbænum Pori,
75.000 manna bæ á suðvestur-
strönd Finnlands við mynni Kok-
emánjoki. Fyrir Íslands hönd tók
ung og efnileg skáksveit Rima-
skóla í Grafarvogi þátt í Norður-
landamótinu. Alls mættu sex sveit-
ir frá öllum Norðurlöndunum til
keppni, meistarasveitir frænd-
þjóða okkar og tvær sveitir frá
Finnlandi. Mótið var jafnt og
spennandi frá upphafi og náði
spennan hámarki í síðustu umferð
þegar ljóst var að hver vinningur
skipti máli varðandi verðlaunasæti.
Ekki er hægt að segja annað en
frumraun Rimaskóla í þessari
keppni hafi tekist með ágætum því
sveitin hlaut þriðja sætið og náði
þar með bronsverðlaunum.
Sænska sveitin reyndist sterkust,
hlaut 15 vinninga, og sú danska
kom þar á eftir með 13 vinninga.
Sveit Rimaskóla fékk 9½ vinning
sem dugði henni til að ná þriðja
sætinu. Finnsku og norsku sveit-
irnar fengu báðar 9 vinninga svo
naumara gat það ekki verið. Styrk-
leiki Rimaskóla var áberandi á
fyrsta og öðru borði, en þar náðu
þeir Hjörvar Steinn Grétarsson og
Ingvar Ásbjörnsson 7½ vinning af
10, bestum árangri allra keppenda
á þeim borðum. Sveit Rimaskóla
var með yngsta lið keppninnar og
yngsta þátttakandann, Hjörvar
Stein sem tefldi á fyrsta borði.
Hann gerði sér lítið fyrir og vann
sterkasta skákmann mótsins, Sví-
ann Nicolaj Zadruzny. Þetta
reyndist eina tapskák Svíans.
Ferðin til Pori í Finnlandi var mik-
ið ævintýri fyrir strákana í Rima-
skóla. Þeir ferðuðust langa leið í
þremur áföngum áður en komið
var til áfangastaðar. Þjálfari skák-
sveitar Rimaskóla er Vigfús Vig-
fússon og fararstjóri til Finnlands
var skólastjórinn Helgi Árnason.
Einnig fylgdu mæður drengjanna
strákunum sínum á mótsstað og
fylgdust stoltar með vasklegri
framgöngu sveitarinnar.
Ingvar Ásmundsson vann
fyrstu skákina á EM öldunga
Evrópumót öldunga er nú hafið í
Saint-Vincent á Ítalíu. FIDE-
meistarinn Ingvar Ásmundsson
(2.321) teflir fyrir Íslands hönd.
Hann hefur áður teflt á þessum
mótum og náð mjög góðum ár-
angri. Ingvar sigraði þýska skák-
manninn Eugen Schmidt (1.966) í
fyrstu umferð mótsins sem tefld
var á miðvikudag.
SKÁK
Árósar, Danmörk
SKÁKÞING NORÐURLANDA 2003
6.–17.9. 2003
Daði Örn Jónsson
Sterkir strákar í skáklistinni og stoltar mæður. Sveit Rimaskóla fagnar
góðum árangri í Finnlandi. Frá vinstri: Hjörvar Steinn Grétarsson, Egill
Gautur Steingrímsson, Ingvar Ásbjörnsson og Sverrir Ásbjörnsson. Fyr-
ir aftan sveitina standa Hjördís Birgisdóttir, Guðríður Birgisdóttir og
Rósa Ingvarsdóttir, mæður drengjanna.Hannes Hlífar
Stefánsson
Helgi
Ólafsson
dadi@vks.is
Evgenij Agrest og
Curt Hansen Norður-
landameistarar
LÍKT og mörg önnur sveitarfélög glímir nýsam-
einað sveitarfélag Stöðva- og Búðahrepps við erfiða
skuldastöðu. Nú þegar gengið er til kosninga í því í
fyrsta sinn er mikilvægt að hafa í
huga að vel þarf að halda á málum og
sýna festu og ábyrgð í fjármálastjórn-
un sveitarfélagsins, um leið og við
byggjum með markvissum hætti upp
bætta þjónustu og sköpum ný tæki-
færi til atvinnusóknar byggðanna.
Það er grundvallaratriði að fjár-
málum sveitarfélagsins verði stýrt af
ábyrgð, en svigrúm sem skapast með sameiningu
verði jafnframt nýtt til frekari uppbyggingar.
Að stjórna með fólki
S-listinn leggur mikla áherslu á lýðræðisleg vinnu-
brögð og opna stjórnsýslu. Við viljum og ætlum að
stjórna með fólkinu. Ein leið, sem hefur verið reynd
til að láta íbúalýðræðið virka, er að halda íbúaþing.
Til íbúaþings er efnt til að kalla eftir sjónarmiðum
fólks í ýmsum málum sem brenna á íbúunum. Þá eru
íbúaþing ákjósanlegur vettvangur fyrir mál sem ætla
má að ágreiningur sé um. Á íbúaþingum móta menn
tillögur um málin áður en til ákvörðunar kemur í
sveitarstjórn, í stað þess að taka upp baráttu þegar
allt er um garð gengið eins og mörg dæmi eru um.
Samvinna og samábyrgð styrkja og efla þá innviði
sem þroskavænlegt samfélag byggist á.
Undirstaða fjölskylduvæns samfélags
Við stjórn sveitarfélagsins er nauðsynlegt að hafa
opin og lýðræðisleg vinnubrögð að markmiði. Íbú-
arnir eiga að hafa greiðan aðgang að kjörnum
fulltrúum og fá upplýsingar um afgreiðslu mála í
stjórnkerfinu.
Sveitarstjórnarstigið er sá vettvangur sem best er
til þess fallinn að stuðla að jöfnuði og félagslegu
réttlæti í samfélaginu. Breytt og aukið hlutverk
sveitarstjórna kallar á nýjar aðferðir við ákvarðanir
og úrlausn mála. Það er skoðun Samfylkingarinnar
og óháðra að íbúalýðræði sé ein meginundirstaða
fjölskylduvæns samfélags og því viljum við efla það
og nýta markvisst á næstu árum.
Ábyrgð í fjármálum og íbúalýðræði
Eftir Aðalheiði Birgisdóttur
Höfundur skipar 2. sæti á S-lista í Búða- og Stöðvarhreppi.
ÞAÐ VERÐUR lögð áhersla á
að kynna og hvetja til vistvænna
samgangna og hápunkturinn er
bíllausi dagurinn
22.sept. Nú gefst
tækifæri til að
skilja bílinn eftir
heima, ganga, hjóla
eða nota strætó til
daglegra sam-
gangna. Í ágúst
stóð Ísland á iði fyrir átaki sem
nefndist „Hjólað í vinnuna“, það
var keppni milli fyrirtækja og
stofnana og tóku milli 40 og 50
fyrirtæki þátt í verkefninu. Keppt
var í að hjóla sem flesta daga til
vinnu og einnig í fjölda hjólaðra
kílómetra. Alls hjólaði fólkið sem
tók þátt í átakinu um 22.000 km og
voru flestir sammála um að átakið
hefði verið hvetjandi. Þeir sem
hjóluðu stundum til vinnu hjóluðu
alla daga þessa tilteknu viku og
þeir sem höfðu hjólað aðra leið og
höfðu tekið strætó hina hjóluðu nú
báðar leiðir. Skemmtilegast var að
heyra í fólki hvað það var fljótt að
eflast og lét veðrið ekkert á sig fá.
Á flestum vinnustöðum voru ein-
hverjir sem höfðu hjólað til vinnu
að staðaldri og drifu fleiri með sér
þessa viku. Vegalengdirnar voru
misjafnar, sumir komu ofan úr
Mosfellsbæ eða fóru þangað og
aðrir úr eða í Hafnarfjörð. Fullt af
fólki fór einnig tiltölulega stutta
vegalengd en flestir voru sammála
um að bæta þyrfti samgöngur á
milli sveitafélaga. Ekki hentar t.d
öllum að fara sjávarstíginn sem
liggur milli Mosfellsbæjar og
Reykjavíkur og hjóluðu flestir eft-
ir vegaöxlunum sem þurftu að fara
þar á milli. Sama er að segja um
þá sem hjóluðu milli Reykjavíkur
og Hafnarfjarðar. Þeir notuðu
vegina milli sveitarfélaga. Í flest-
um tilfellum en útivistarstígar,
sem búið er að gera, innan hverfa.
Þetta speglar í raun óskir okkar
hjólreiðafólks undanfarin ár þar
sem við höfum óskað eftir sam-
gönguneti.
Vildum við sjá stofnhjólavegi
milli sveitarfélaga en hægt væri að
nota útilvistarstígana sem verið er
að byggja upp milli hverfa. Eins
og staðan er í dag þá er byggð
ekki orðin það þétt að hægt er að
hafa stofnhjólavegi víðast hvar
fjarri umferð þó að sumstaðar yrði
að hafa umferð hjólandi og akandi
samhliða. Hér speglast okkar
helsta baráttumál, nefnilega hvort
kemur á undan hænan eða eggið.
Réttara sagt samgöngunet eða
fólk sem notar það. Við höfum
stundum líkt þessu við sundiðkun
á Íslandi. Við Íslendingar montum
okkur af því hve margir noti sund-
laugarnar en hvað haldið þið að
margir myndu iðka sund ef engar
sundlaugar væru? Jú líklega væru
nokkrir að svamla í sjónum sér til
hressingar og væru taldir sérvitr-
ingar.
Sá hópur sem hjólar til vinnu
fer ört stækkandi og á annatímum
fer fjöldi hjólandi yfir 50 manns á
klukkutíma á gatnamótum Miklu-
brautar og Kringlumýrarbrautar
sem er sú tala sem miðað er við
víða erlendis þegar hjólavegir eru
lagðir. Gott er að hugsa dæmið
þannig að annars væru um 40
fleiri bílar á klukkutímann ef við
reiknum með að einhverjir færu
með strætó en restin á bílum. Að
lokum vil ég hvetja fólk til að hjóla
til vinnu. það er gott fyrir fjárhag-
inn, betra fyrir umhverfið en best
fyrir heilsuna. Það má alltaf fara
hægt af stað, hjóla tvisvar í viku
og taka hjólið heim með strætó og
smá-auka svo við sig. Maður finn-
ur fyrir frábærri frelsistilfinningu
á leið í vinnuna þar sem maður er
knúinn áfram af eigin orku og
maður eflist með hverjum deg-
inum. Maður getur með góðri sam-
visku sleppt leikfiminni því að
maður reynir á líkama og lungun á
leið til vinnu á hjólinu. Og alveg að
lokum hvet ég fyrirtæki til að
bæta aðstöðu hjólafólks fyrir utan
hjá sér, setja grindur sem hægt er
að læsa hjólunum við og mjög
gjarnan þak yfir.
Evrópska samgönguvikan
16.–22. september
Eftir Öldu Jónsdóttur
Höfundur er formaður Íslenska
fjallahjólaklúbbsins.
NÆSTKOMANDI laugardag er í
fyrsta sinn gengið að kjörborði í
nýju og sameinuðu sveitarfélagi
Stöðvar- og Búða-
hrepps. Það er bæði
von mín og vissa að
sameining sveitarfé-
laganna verði til
góðs og sé rétt á
málum haldið opnar
hún fjölda mögu-
leika til markvissrar útrásar í at-
vinnumálum byggðarlaganna. Tími
sóknar á Suðurfjörðum Austurlands
er hafinn og okkar að nýta tækifær-
in sem stórframkvæmdir hér eystra
skapa til að laða að fólk og fyrirtæki.
Fjölgun fólks og fyrirtækja
Í málefnaskrá Samfylkingarinnar
og óháðra eru nefndar ýmsar til-
lögur að markvissri sókn í atvinnu-
málum. Á næstu árum skapast ný
tækifæri sem okkur ber skylda til að
nýta og byggja upp ný fyrirtæki við
hlið þeirra grónu og traustu sem
fyrir eru. Fjölgun íbúa og fyrirtækja
er lykilatriði við uppbyggingu sveit-
arfélagsins en til að hún eigi sér stað
þarf að standa vel að kynningu á
kostum sveitarfélagsins og staðsetn-
ingu þess við hlið Reyðarfjarðar.
Þegar göngin á milli Reyð-
arfjarðar og Fáskrúðsfjarðar verða
komin í gagnið eftir tvö ár blasa við
kostir þess fyrir bæði fólk og þjón-
ustufyrirtæki hvers konar að stað-
setja sig í þessu sveitarfélagi. En
þetta þarf að kynna markvisst og
vera viðbúin hvað varðar skiplag,
mögulegar skatta- og lóðaívilnanir
og fleira. Þar er ekki eftir neinu að
bíða. Hér þarf að hefjast handa
strax.
Frumkvöðlasmiðja og fjöl-
menningarsetur
Margt annað má nefna til mögu-
legrar uppbyggingar á nýjum tæki-
færum í sveitarfélaginu. Ein hug-
myndin sem við kynnum er að setja
á laggirnar frumkvöðlasmiðju. Þar
er ekki um að ræða fjárútlát eða
beina styrki, heldur að skapa að-
stöðu sem hugmyndaríkir ein-
staklingar geta fengið og aðgang að
ráðgjöf á meðan ný atvinnutækifæri
eru að verða að veruleika. Með slíkri
aðstöðu er án vafa hægt að fanga
snjallar og arðvænlegar hugmyndir
um leið og þær sem ekki ná að
skjóta sprota í svörð fara ekki
lengra en í hugmyndavinnu.
Margt má til tína og möguleik-
arnir margir. Ein leið til að skapa ný
störf og bæta þjónustu í fjórð-
ungnum er að beita okkur fyrir því
að ríkisvaldið setji á stofn fjölmenn-
ingarsetur á Austurlandi, líkt og
gert er á Vestfjörðum, og visti það í
okkar sveitarfélagi. Sameinað sveit-
arfélag á að beita sér fyrir stofnun
fjölmenningarseturs á Austurlandi,
sem skapar störf, nauðsynlega
fræðslu og auðveldar aðlögun nýrra
Íslendinga að samfélaginu.
Tækifærin eru næg. Það er okkar
að láta þau verða að veruleika, hafa
hugmyndaflug til að skapa ný og
efla þannig mannlíf og samfélag í
nýja sveitarfélaginu. Samfylkingin
og óháðir eru tilbúin til þeirra starfa
og við leggjum stefnumál okkar
stolt í dóm kjósenda næsta laug-
ardag.
Það er ekki eftir neinu að bíða
Eftir Sólrúnu Friðriksdóttur
Höfundur skipar 4. sæti á S-lista
í Búða- og Stöðvarhreppi.