Morgunblaðið - 19.09.2003, Blaðsíða 46

ÍÞRÓTTIR
46 FÖSTUDAGUR 19. SEPTEMBER 2003 MORGUNBLAÐIÐ
SÆNSKI kylfingurinn Fredrik Jacobson jafnaði í gær
met á evrópsku mótaröðinni í golfi þar sem hann lék
fyrsta hringinn á þýska meistaramótinu á 60 höggum eða
12 höggum undir pari. Það hafa aðeins 12 kylfingar í sögu
evrópsku mótaraðarinnar leikið á 60 höggum og þar að
auki bætti Jacobson ársgamalt vallarmet á Gut Larchen-
hof-vellinum í Köln um 2 högg en það var áður í eigu Paul
Casey frá Englandi.
Jacobson átti möguleika á því að verða fyrsti kylfingur-
inn á evrópsku mótaröðinni til þess að leika 18 holur á 59
höggum en hann náði ekki að setja niður vipp af um 9
metra færi fyrir fugli á lokaholu dagsins. Þrátt fyrir
„draumahringinn“ er Jacobson aðeins þremur höggum
betri en KJ Choi frá S-Kóreu sem lék á 9 undir pari í gær,
eða 63 höggum. Jacobson fékk 10 fugla í gær (-1), einn
örn (-2) og sjö pör.
„Ég hef aldrei verið nálægt því að leika á 60 höggum og
þetta var frábær dagur,“ sagði Jacobson sem endaði í
fimmta sæti á Opna bandaríska meistaramótinu og í því
sjötta á Opna breska.
Draumahringur
Jacobson í Köln
AP
Fredrik Jacobson
ALAN Curbishley, knattspyrnustjóri enska úr-
valsdeildarliðsins Charlton, sagði við enska fjöl-
miðla í gær að íslenski landsliðsmaðurinn Her-
mann Hreiðarsson myndi ekki leika með liðinu
gegn Aston Villa á laugardaginn. Charlton er
sem stendur í 12. sæti deildarinnar.
Hermann meiddist á fyrstu æfingu Charlton
eftir landsleik Íslands og Þýskalands á Laugar-
dalsvelli þann 6. september s.l., en eins og áður
hefur komið fram leikur íslenska landsliðið gegn
Þjóðverjum í Hamborg þann 11. október í úr-
slitaleik um efsta sætið í 5. riðli undankeppni
Evrópumóts landsliða.
„Hermann verður frá vegna meiðsla í rúma
viku til viðbótar og ég býst ekki við honum fyrr
en í leiknum gegn Liverpool,“ segir Curbishley
en Hermann er meiddur á hné og var í fyrstu
gert ráð fyrir því að hann væri frá í 2 vikur.
Charlton tekur á móti Liverpool á heimavelli sín-
um The Walley í Lundúnum þann 28. september.
Hermann enn frá
vegna meiðsla
Fjölmargir handknattleiksmennfrá Íslandi hafa leikið í Þýska-
landi síðan Geir Hallsteinsson reið á
vaðið fyrir 30 árum,
1973. Þá gekk hann
til liðs við Göpp-
ingen, með því hafa
síðan leikið margir
íslenskir landsliðsmenn – nú er HK-
maðurinn Jaliesky Garcia í herbúð-
um liðsins. Áður hafa bræðurnir
Gunnar og Ólafur Einarssynir leikið
með liðinu, Þorbergur Aðalsteins-
son, Ágúst Svavarsson og Rúnar
Sigtryggsson.
Geir lék eitt keppnistímabil með
Göppingen í efstu deild, en þá var
leikið í tveimur riðlum í 1. deild –
norður og suður.
Axel Axelsson og Ólafur H. Jóns-
son léku með Dankersen Minden
þegar liðið fagnaði Þýskalandsmeist-
aratitlinum eftir að hafa staðið uppi
sem sigurvegari í norðurriðli 1977.
Dankersen lék þá til úrslita við
Grosswallstadt og skoraði Axel sig-
urmark Dankersen úr vítakasti þeg-
ar 20 sek. voru til leiksloka, 21:20.
Dankersen varð síðasta liðið til að
fagna meistaratitli áður en Þjóðverj-
ar tóku upp núverandi fyrirkomulag,
að leikið í einni 1. deild og tveimur
deildum í 2. deild, norður og suður.
Fjórir íslenskir landsliðsmenn
voru í sviðsljósinu þegar Þjóðverjar
gerðu breytingarnar keppnistíma-
bilið 1977–1978. Það voru þeir Axel
og Ólafur H., Gunnar Einarsson,
sem lék með Göppingen og Einar
Magnússon, sem lék með Hannover,
eftir að hafa verið í herbúðum
Hamburger SV.
Í kjölfarið komu síðan leikmenn
eins og Björgvin Björgvinsson, TV
Grambke í Bremen, Gunnar Einars-
son lék með honum hjá liðinu, Jón
Pétur Jónsson, Dankersen, Ágúst
Svevarsson, Göppingen, Viggó Sig-
urðsson, Bayer Leverkusen.
Síðan fóru þeir Bjarni Guðmunds-
son og Sigurður Valur Sveinsson í
víking til Þýskalands og léku saman
með Netterstedt, Sigurður fór síðan
til Lemgo, þar sem hann gerði garð-
inn frægan og varð markakóngur
Þýskalands 1985.
Þá hafði ný kynslóð leikmanna frá
Íslandi gert innrás í Þýskaland og
voru það leikmenn eins og Alfreð
Gíslason, Essen, Páll Ólafsson,
Dankersen Minden og Düsseldorf,
Atli Hilmarsson, Bergkamen og
Günzburg, Kristján Arason, Gumm-
ersbach.
Frá Þýskalandi til Spánar
Spánverjar horfðu til Þýskalands
á þessum árum og voru ákveðnir að
tryggja sér Norðurlandabúa sem
léku þar. Kristján Arason, sem var
Þýskalandsmeistari með Gummers-
bach 1988, gekk til liðs við Teka í
Sandander það ár og þá gerðist Atli
leikmaður með Granolles, Alfreð,
sem varð Þýskalandsmeistari með
Essen 1986 og 1987, gerðist liðsmað-
ur með Bitasoa og Sigurður Sveins-
son klæddist búningi Atletico Madr-
id.
Þjóðverjar yngja upp
Maður kemur í manns stað. Þó svo
að þýsk lið hafi horft á eftir íslensk-
um leikmönnum til Spánar, héldu
þeir áfram að sækjast eftir leik-
mönnum frá Íslandi.
Næstir til að fara þangað voru
landsliðsmenn eins og Héðinn Gils-
son, Sigurður Bjarnason, Konráð
Olavson, Júlíus Jónasson, Róbert
Sighvatsson, Ólafur Stefánsson,
Dagur Sigurðsson, Patrekur Jó-
hannesson, Jón Kristjánsson, Guð-
mundur Hrafnkelsson, Geir Sveins-
son, Páll Þórólfsson, Rúnar Sig-
tryggsson, Heiðmar Felixson,
Magnús Sigurðsson, Gústaf Bjarna-
son, Julian Róbert Duranona og
Valdimar Grímsson.
Þess má til gamans geta að Ólafur,
Dagur, Geir og Valdimar léku allir
með Wuppertal undir stjórn Viggó
Sigurðssonar, en Heiðmar lék síðar
með liðinu.
Sagan endurtekur sig
Það má segja að sagan sé nú að
endurtaka sig, því að enn á ný fara
íslenskir landsliðsmenn til Spánar –
Patrekur og Heiðmar leika með
Bidasoa og Ólafur Stefánsson, sem
varð Þýskalandsmeistari og Evrópu-
meistari með Magdeburg, gekk til
liðs við Ciudad Real.
Enn á ný eru undir leikmenn frá
Íslandi byrjaðir að láta að sér kveða í
1. deildar keppninni í Þýskalands,
eins og Snorri Steinn Guðjónsson,
Grosswallstadt, Sigfús Sigurðsson,
Magdeburg, Gylfi Gylfason, Wil-
helmshovener, Einar Örn Jónsson,
Wallau-Massenheim, Gunnar Berg
Viktorsson, Wetzlar og Guðjón Val-
ur Sigurðsson, Essen.
Aðrir leikmenn sem leika með 1.
deildar liðum eru Róbert Sighvats-
ENN einu sinni hafa þýsk hand-
knattleikslið horft á eftir ís-
lenskum landsliðsmönnum
halda til Spánar eða að þeir hafa
ákveðið að snúa heim. Sigurður
Bjarnason, sem hefur leikið Ís-
lendinga mest í 1. deildar
keppninni í Þýskalandi – 222
leiki með Grosswallstadt, Dank-
ersen Minden, Bad Schwartau
og Wetzlar, er orðinn þjálfari og
leikmaður með Stjörnunni og til
liðsins hefur einnig gengið
Gústaf Bjarnason, Willstätt og
Dankersen Minden. Ólafur Stef-
ánsson, Magdeburg, sem var
útnefndur leikmaður ársins tvö
ár í röð, 2001 og 2002, er farinn
til Spánar og einnig Patrekur
Jóhannesson, fyrirliði Essen.
Julian Róbert Duranona, Eis-
enach og Wetzlar, er hættur að
leika. Og enn á ný hefur hópur
ungra landsliðsmanna haldið í
víking og herja í Þýskalandi.
Eftir
Sigmund Ó.
Steinarsson
Patrekur Jóhannesson er
kominn til Bitasoa á Spáni.
Ólafur Stefánsson leikur
með Ciudad Real á Spáni.
Íslendingar herja
í Þýskalandi ALAN Pardew hefur fengið þvíframgengt að samningi hans viðenska 1. deildarliðið í knattspyrnu,Reading verði rift og hefur Pardew
hafið störf sem knattspyrnustjóri
West Ham sem leikur í sömu deild.
Forráðamenn Reading vildu ekki að
Pardew færi frá félaginu þar sem
hann var enn samningsbundinn og
fór málið fyrir dómstóla þar sem
Pardew og West Ham fengu vilja
sínum framgengt.
 PARDEW tekur við starfinu af
Glenn Roeder sem var sagt upp
störfum á dögunum, en Pardew hef-
ur ekki mætt til vinnu hjá Reading
undanfarna daga vegna málsins.
 STUÐNINGSMENN enska liðsins
Manchester United um víða veröld
hafa sett af stað áætlun sem á að
koma í veg fyrir að félagið verði
keypt af fáum fjársterkum aðilum
líkt og gerðist í sumar er Roman
Abramovitsj keypti meirihlutann í
Chelsea.
 MANCHESTER United er hluta-
félag og ætla stuðningsmenn liðsins
að sameinast um að kaupa hlutabréf
í félaginu komi til þess að óþekktir
aðilar sýni áhuga á að ná yfirhönd-
inni í félaginu. „Ef þeir dýfa fæti í
vatnið okkar munum við bíta af þeim
tærnar“ segir talsmaður stuðnings-
manna við enska fjölmiðla í gær en á
níunda áratug síðustu aldar komu
stuðningsmenn liðsins í veg fyrir að
fjölmiðlarisinn Rupert Murdoch
næði að kaupa meirihluta í félaginu.
 ÞAÐ hafa margir áhorfendur
mætt á leiki í norsku úrvalsdeildinni
í knattspyrnu það sem af er keppn-
istímabilinu og er allt útlit fyrir að
nýtt áhorfendamet verði sett í haust
þegar deildarkeppninni lýkur. Aft-
enposten greinir frá því að aukning-
in sé um 500 áhorfendur að meðaltali
á hvern leik og spáir því að heild-
artalan verði um 1,2 millj. áhorfenda.
FÓLK
KÖRFUKNATTLEIKUR
Reykjavíkurmót karla
KR - Fjölnir .........................................101:87
Valur - ÍS................................................65:69
Staðan:
KR 3 3 0 303:197 6
ÍR 2 2 0 201:177 4
Fjölnir 3 1 2 262:290 2
Ármann/Þróttur 2 1 1 169:168 2
ÍS 3 0 3 193:227 2
Valur 4 0 4 211:290 0
KEILA
Íslendingar urðu í 40. sæti af 54 liðum í liða-
keppni í heimsmeistaramótinu í keilu. Svíar
urðu heimsmeistarar, Bandaríkjamenn í
öðru sæti og Sameinuðu arabísku fursta-
dæmin í því þriðja. Í kvennaflokki urðu
konur frá Malasíu heimsmeistarar, Svíar
náðu öðru sæti og Kólumbía því þriðja.
ÚRSLIT
SIGURÐUR Valur Sveinsson
er sá íslenski handknattleiks-
maður sem hefur skorað flest
mörk að meðaltali í leik í 1.
deildar keppninni, eða 5,78
mörk að meðaltali. Ólafur
Stefánsson kemur fast að hæl-
um hans með 5,33 mörk að
meðaltali í leik.
Hér er listinn yfir þá leik-
menn sem hafa skorað mest –
leikir og mörk:
Ólafur Stefánsson ....193 1.040
Sigurður V. Sveinss. .144 832
Patrekur Jóhanness.195 722
Sigurður Bjarnason..222 714
Héðinn Gilsson...........134 640
Julian R. Duranona...136 596
Alfreð Gíslason..........128 574
Róbert Sighvatsson...159 461
Gústaf Bjarnason ......117 405
Axel Axelsson ............ 85 364
Julian R. Duranona... 79 304
Páll Ólafsson.............. 71 257
Bjarni Guðmundsson 76 224
Kristján Arason......... 51 200
Þeir hafa
skorað mest