Morgunblaðið - 19.09.2003, Blaðsíða 56

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 19. SEPTEMBER 2003 VERÐ Í LAUSASÖLU 190 KR. MEÐ VSK.
Næring ekki
refsing
SJÁLFSTÆÐU leikhúsin í landinu standa fyrir að
minnsta kosti 75 leiksýningum í vetur, að sögn Fel-
ix Bergssonar, formanns Bandalags sjálfstæðra
leikhúsa. „Sjálfstæðu
sviðslistirnar eru að
verða æ sterkari í ís-
lensku sviðslistaum-
hverfi. Okkar statistík
sýnir þetta, og ég held að
glæsilegt vetrarpró-
gramm sjálfstæðu leik-
húsanna í vetur staðfesti
það enn frekar,“ segir
Felix, en gróskuna segir
hann meðal annars mega
rekja til þess að mennt-
uðu leikhúsfólki fjölgi
umfram það sem stofn-
analeikhúsin geti tekið
við og þess að átak hafi verið gert í að efla fagleg
vinnubrögð innan sjálfstæðu leikhúsanna og
bandalags þeirra. Af 75 sýningum er 41 ný, og það
vekur líka athygli að á dagskrá sjálfstæðu leikhús-
anna í vetur verða sýnd um 25 ný íslensk verk.
„Ég nefni bara sem dæmi nýtt verk Kristínar
Ómarsdóttur, Vinur minn heimsendir, sem var
frumsýnt hjá Hafnarfjarðarleikhúsinu í gærkvöld;
Ráðalausa menn, eftir Siguringa Sigurjónsson,
sem sýnt er í Tjarnarbíói núna, og nýjan einleik
eftir Þorvald Þorsteinsson sem saminn er fyrir
Arnar Jónsson í tilefni af 40 ára leikafmæli hans.“
Sjálfstæðu leikhúsin eiga í öflugu samstarfi við
Borgarleikhúsið og verða með níu sýningar þar í
vetur.
25 íslensk verk
hjá sjálfstæðu
leikhúsunum
 75 sýningar/25
BANKARÆNINGI vopnaður eggvopni rændi
útibú Íslandsbanka í Lóuhólum í Efra-Breiðholti
um klukkan 15 í gærdag. Komst hann undan á
hlaupum með ránsfenginn, en ekki hefur fengist
upplýst hversu hárri upphæð var rænt.
Ræninginn, sem var enn ófundinn þegar Morg-
unblaðið fór í prentun, stökk yfir gjaldkerastúku
með eggvopn í höndum og hafði á brott með sér
peninga. Starfsfólk bankans veitti honum eftirför,
en missti af honum á hlaupum. Lögregla leitaði
mannsins í gær, m.a. með aðstoð leitarhunda.
Maður á táningsaldri
Vitni að atburðinum sagði að maðurinn hefði
virst vera á táningsaldri, í blárri dúnúlpu, svörtum
buxum og með dökkan trefil um hálsinn. Ekki er
vitað hvort myndir náðust af manninum með ör-
yggismyndavélum bankans, en hann mun hafa hul-
ið andlit sitt með trefli. Lögregla rannsakar nú
upptökurnar.
Starfsfólk bankans fékk áfallahjálp eftir ránið,
en Jón Þórisson, framkvæmdastjóri hjá Íslands-
banka, vildi í gær ekki staðfesta hvort maðurinn
hefði ógnað starfsfólkinu. Maðurinn stökk yfir
gjaldkerastúkuna með vopn í höndum sem líktist
hnífi.Morgunblaðið/Júlíus
Sérfræðingur tæknideildar lögreglunnar í Reykjavík rannsakar brotavettvang í gjald-
kerastúkunni í Íslandsbanka í Lóuhólum í gær. Hann leitar m.a. að fingraförum.
Framdi vopn-
að banka-
rán í Efra-
Breiðholti
 Hljóp út/4
FLUGFÉLAGIÐ Air Atlanta
hefur undirritað saming við
Lufthansa Cargo í Þýskalandi
um þjónustuleigu á þremur
Boeing 747-fraktvélum, sem
verða í Frankfurt, og er andvirði
samningsins um 20 milljarðar
króna.
Vélarnar hefja flug í júní og
júlí á næsta ári. Samningurinn
er til þriggja ára með ákvæðum
um möguleika á framlengingu
allt frá sex mánuðum til tveggja
ára. Air Atlanta mun kaupa vél-
arnar, sem eru nú þegar í rekstri
hjá Lufthansa Cargo, og verður
kaupsamningur undirritaður áð-
ur en þjónustuleigan hefst á
næsta ári, segir Hafþór Haf-
steinsson, forstjóri Atlanta.
„Við erum mjög ánægð með
þennan stærsta samning sem við
höfum gert í sögu félagsins, sem
kemur til með að treysta und-
irstöður rekstrarins verulega til
komandi ára og bjóða viðskipta-
vini okkar, Lufthansa Cargo,
meiri sveigjanleika í þeirra
rekstri,“ segir Hafþór.
Vélarnar munu m.a. fljúga til
Bandaríkjanna, Sameinuðu ar-
abísku furstadæmanna, Sádi-Ar-
abíu, Indlands, Sri Lanka og
Hong Kong. Flugliðar frá Atl-
anta munu manna vélarnar og
tæknimenn Atlanta ásamt öðru
starfsliði sjá um viðhald og af-
greiðslu vélanna. Að þessu verk-
efni munu koma tæplega eitt
hundrað manns.
Þriggja ára samningaferli
„Við höfum unnið að þessum
samningi með Lufthansa Cargo
undanfarin 3 ár með hléum
vegna ástandsins í flugheiminum
og töfum innanhúss hjá Luft-
hansa Cargo, en höfðum sigur
þegar stjórn Lufthansa sam-
þykkti samninginn á miðvikudag
í þessari viku,“ segir Hafþór.
Wolfgang Mayrhuber, for-
stjóri Lufthansa-móðurfélagsins,
sagði við samþykkt samningsins
að samhliða ákvörðun Lufthansa
Cargo um að einbeita sér að
MD11-fraktvélum í eigin flota og
láta Atlanta um að reka Boeing
747-fraktvélarnar, myndi styrkja
Lufthansa Cargo til frambúðar,
draga úr kostnaði og gera rekst-
urinn samkeppnishæfari og
sveigjanlegri.
Air Atlanta leigir flugvélar af
gerðunum Boeing 747, 757 og
767 til flugfélaga vítt og breitt
um heiminn þegar þörf er fyrir
aukna flutningsgetu. Nú eru
tuttugu og sjö flugvélar í rekstri
hjá Atlanta.
Air Atlanta hefur gert 20 milljarða króna samning
um leigu á þremur flugvélum frá Lufthansa Cargo
Stærsti viðskipta-
samningur í sögu
flugfélagsins
Ný Boeing 747-200-flugvél með nýjum merkingum Atlanta.
KRAKKARNIR á leikskólanum Flúðum á Akur-
eyri virtust sáttir við fyrsta snjó haustsins á
Norðurlandi í gær. Þau notuðu tækifærið og
bjuggu til snjókarla og snjókerlingar. Ekki er að
sjá annað en að þau séu ánægð með árangurinn.
Morgunblaðið/Kristján
Ánægja
með snjóinn
ÓSKAR F. Jónsson, höfundur verðlaunahugmynd-
ar samkeppninnar Nýsköpun 2003, segir að hug-
myndina hafi hann fengið út frá harðkornadekkj-
um. Óskar hyggst framleiða margvíslegar
tegundir af skóm og skósólum með harðkornum.
Hann segist hafa verið að þróa hugmyndina í gegn-
um árin en um sé að ræða nauðsynjavöru. „Til að
mynda detta að jafnaði um 25 þúsund manns á
jafnsléttu í Bandaríkjunum á degi hverjum. Grip
skósóla við blautar eða hálar aðstæður er almennt
ekki nægjanlega gott. Skósólar með harðkornum
gefa betra grip og möguleikarnir eru því fjölmarg-
ir,“ sagði Óskar í samtali við Morgunblaðið.
Hann segir að nú taki við að reyna að fá stóra
skóframleiðendur til að taka þátt í verkefninu með
honum.
Harðkorna-
dekkin kveiktu
hugmyndina
 Harðkornaskósólar/12
RÍKISKAUP hafa auglýst eftir
tilboðum í sérfræðiráðgjöf vegna
byggingar tónlistarhúss og ráð-
stefnumiðstöðvar í Reykjavík, en
gert er ráð fyrir að bygging geti
hafist seint á árinu 2006.
Stefán Hermannsson, fram-
kvæmdastjóri Austurhafnar TR
ehf., sem íslenska ríkið og
Reykjavíkurborg stofnuðu til að
annast framkvæmd samkomu-
lags um byggingu tónlistarhúss
og ráðstefnumiðstöðvar við Aust-
urhöfn, segir að gengið sé út frá
því að þessi framkvæmd verði
einkaframkvæmd, þó öðrum leið-
um verði ekki lokað. Hún feli það
í sér að sá sem geri samninginn
og ætli að byggja, fjármagna,
hanna og reka húsið ráði sína
ráðgjafa, „en við viljum sjálfir
ráða okkur sérfræðiráðgjafa,
sem tryggir að hljómburðurinn
verði eins góður og mögulegt er,
að tæknibúnaðurinn sé eins og
starfsemin krefst og að annað
verði eins og best verður á kos-
ið,“ segir Stefán. „Það er þetta
verkefni sem við erum að bjóða
út.“
Á vefsíðu Ríkiskaupa kemur
fram að verkefnið í fyrsta áfanga
nær til „þarfagreiningar og for-
sagnar, áætlunar um rekstur,
forsagnar um stærðir og eigin-
leika, tæknilegra krafna varð-
andi hljómburð, hljóðeinangrun
og tæknibúnað, aðstoðar við for-
val og útboð, auk eftirlits með
endanlegri hönnun“.
Ríkið og borgin ætla að fjár-
magna tónlistarhúsið og ráð-
stefnumiðstöðina en hugmyndin
er að einkaaðilar fjármagni hótel.
Bygging tónlistar- og
ráðstefnuhúss
Auglýst eft-
ir tilboðum
í sérfræði-
ráðgjöf
♦ ♦ ♦