Morgunblaðið - 19.09.2003, Side 10

FRÉTTIR
10 FÖSTUDAGUR 19. SEPTEMBER 2003 MORGUNBLAÐIÐ
STEFÁN Sigurðsson sölumaður hjá
Lax-á, sem er leigutaki Ytri Rangár,
hefur eftir umsjónarmanni árinnar
að nokkrir risahængar, 20–30
punda, hafi stundað það að undan-
förnu að synda upp að klakkistu sem
er við hylinn Djúpós, og berja hana
með sporðunum. Það kemur ekki á
óvart, hrygningarskjálfti gerir nú
vart við sig hjá umræddum hængum
og rjómi kvenþjóðarinnar í Djúpósi
er í kistunni, nokkrar stórar hrygn-
ur eru geymdar þar til kreistinga
síðar í haust.
Djúpós er gríðarstór hylur við ár-
mót Ytri Rangár, Eystri Rangár og
Þverár. Hafa menn séð mjög stóra
fiska kafa þar upp í sumar og ein-
hverjir 19–20 punda fiskar veiddust
þar í júlí. Kistan er á grunnu vatni
nærri bakka hylsins og hafa all-
nokkrir veiðimenn skilað lifandi
hrygnum í hana, einkum stórum
hrygnum, 10 til 13 punda, til kreist-
ingar vegna seiðaeldisins sem við-
heldur göngum í árnar. Eftir því
sem liðið hefur á haustið hafa nokkr-
ir hængar, gríðarstórir fiskar, vanið
komur sínar að kistunni og reiðst er
þeir hafa ekki fengið þar óheftan að-
gang!
Góð útkoma í Flekku
Veiði lauk í Flekkudalsá á Fells-
strönd hinn 10. september. Veiði-
tímabilið er aðeins 70 dagar og er
aðeins fluguveiði á þremur dag-
stöngum. Jón Ingi Ragnarsson, einn
leigutaka árinnar, sagði menn hæst-
ánægða með útkomuna í sumar.
„Við enduðum í 284 löxum, sem er
50 fleiri en í fyrra. Það var nóg af
laxi í ánni í allt sumar og mikill lax
eftir til að hrygna. Áin hefur mikið
og gott aðdráttasvæði og þrátt fyrir
margumtalaða þurrka í sumar og
það skelfingarástand sem víða ríkti
vegna þeirra, ekki síst í Dölunum, þá
varð Flekkan aldrei jafnilla farin og
margar ár í nágrenni við okkur,“
sagði Jón Ingi.
Jón bætti við að þeir leigutakarn-
ir, sem kalla sig Laxmenn, væru
sannfærðir um að í allri umræðunni
um veiða-sleppa, um góðar og slæm-
ar veiðiaðferðir og misjafnt ástand
áa, þá væri þeirra leið allt sem þyrfti
ef menn teldu að ár þyrftu á vernd
að halda. „Flekkudalsá er í góðu
ástandi, en fyrirkomulagið sem við
höfum sýnir sig að vera framúrskar-
andi. Að leyfa aðeins flugu dreifir
veiðinni. Menn veiða vel, en sjaldn-
ast svo mikið að það fari út í ein-
hverja óhæfu. Við höfum ekki kvóta,
það hreinlega þarf ekki. Fluguveiðin
tryggir það,“ sagði Jón Ingi.
Ýmsar tölur
Veiði fer að ljúka í Soginu og eru
komnir á fjórða hundrað laxar á
land sem er með betra móti. Í vik-
unni höfðu veiðisvæði SVFR gefið
eftirfarandi: Ásgarður 82, Alviðra
90, Bíldsfell 91 og Syðri Brú 30. Þá
hefur slatti veiðst í Þrastarlundi og
eitthvað til viðbótar á Torfastöðum.
Haustveiðin hefur verið prýðileg í
Stóru Laxá. Þar veiddi t.d. einn
maður 11 laxa á einum degi fyrir
skemmstu. Í vikubyrjun voru komn-
ir 117 laxar af svæðum 1-2, 86 laxar
af svæði 3 og 102 af svæði 4. Þetta er
með besta móti úr ánni.
Risahæng-
ar ráðast á
klakkistur
ERU
ÞEIR AÐ
FÁ’ANN?
Morgunblaðið/Einar Falur
Veitt við Torfunefsfoss í Flekkudalsá á Fellsströnd.
ELÍAS Baldvinsson,
slökkviliðsstjóri Vest-
mannaeyja, lést þriðju-
daginn 16. september,
65 ára að aldri. Elías
fæddist 1. júní 1938 í
Þykkvabænum, sonur
Baldvins Bæringssonar
og Þórunnar Elíasdótt-
ur.
Elías lauk 1. stigi í
Stýrimannaskóla Vest-
mannaeyja og námi í
bifvélavirkjun frá Iðn-
skóla Vestmannaeyja.
Á sínum yngri árum
starfaði Elías við sjó-
mennsku á bátum frá Eyjum. Þá
starfaði hann sem bifreiðaeftirlits-
maður í nokkur ár. Frá árinu 1973 var
Elías forstöðumaður
Áhaldahúss Vest-
mannaeyja. Elías var
slökkviliðsstjóri í Vest-
mannaeyjum um
tveggja áratuga skeið
en hann tók við þeirri
stöðu árið 1984 og
gegndi henni allt til
dánardægurs. Elías var
einn af stofnendum
Kiwanisklúbbsins
Helgafells í Vestmanna-
eyjum árið 1968 og sat
m.a. í stjórn klúbbsins
sem forseti auk annarra
stjórnarstarfa.
Eftirlifandi eiginkona Elíasar er
Halla Guðmundsdóttir, en þau eign-
uðust átta börn.
Andlát
ELÍAS
BALDVINSSON
„STAÐA mála nú er sú að það er
mjög líklegt að það muni takast,“
sagði Alfreð Þorsteinsson, stjórnar-
formaður Orkuveitu Reykjavíkur og
borgarfulltrú R-listans, um mögu-
lega orkuöflun OR og Hitaveitu Suð-
urnesja vegna stækkunar Norður-
áls. Á fundi borgarstjórnar í gær
sagði hann engin sérstök ljón í veg-
inum til að af þessu verði en flýta
þurfi framkvæmdum sem þessi
orkufyrirtæki ráðgerðu að fara í síð-
ar.
Eins og fram hefur komið hætti
Landsvirkjun við gerð Norðlinga-
ölduveitu sem átti að útvega orku
vegna fyrirhugaðrar stækkunar
Norðuráls á Grundartanga. For-
svarsmenn OR og HS könnuðu þá
strax hvort fyrirtækin gætu ekki út-
vegað nauðsynlega orku svo ekki
þyrfti að fresta framkvæmdunum.
Alfreð sagði þetta gríðarlega mikil-
vægt fyrir atvinnulíf á suðvestur
horninu og hagkerfið í heild, að af
þessum framkvæmdum yrði.
Upplýsti hann að einhugur hafi
verið um þetta í stjórn Orkuveitunn-
ar fyrr í vikunni og var forstjóranum
falið að halda áfram samningsvið-
ræðum við Norðurál. „Ég tel ekkert
því til fyrirstöðu að þetta gangi eft-
ir,“ sagði Alfreð.
Guðlaugur Þór Þórðarsson, borg-
arfulltrúi Sjálfstæðisflokksins og
stjórnarmaður í Orkuveitunni, hrós-
aði Alfreð fyrir skjót viðbrögð og
fyrirhyggju í málinu og tók undir að
þetta væri mikilvægt fyrir atvinnu-
lífið. Reyndar kom Guðlaugur sjálf-
um sér á óvart og sagðist aldrei hafa
hrósað borgarfulltrúa R-listans jafn
mikið og Alfreð af þessu tilefni.
Venjulega þegar hann tæki sér nafn
borgarfulltrúans sér í munn sé það
vegna gagnrýni á störf hans. Árni
Þór Sigurðsson, forseti borgar-
stjórnar, sagði það reyndar fara
Guðlaugi síður að hrósa Alfreð og
óskaði Guðlaugur þá eftir ráðlegg-
ingum hvernig hann ætti að hrósa
borgarfulltrúum R-listans.
Stjórnarformaður OR
um stækkun Norðuráls
Orku-
öflun ætti
að takast
SVAVAR Gestsson sendiherra og
Siv Friðleifsdóttir umhverfisráð-
herra verða í dag viðstödd fyrir
hönd íslenskra stjórnvalda minn-
ingarathöfn um Önnu Lindh utan-
ríkisráðherra Svíþjóðar, sem lést
eftir árás í verslunarmiðstöð í
Stokkhólmi í síðustu viku. Halldór
Ásgrímsson utanríkisráðherra
ætlaði að vera viðstaddur athöfn-
ina en hann er veðurtepptur í
Bandaríkjunum. Við athöfnina
verða einnig Össur Skarphéðins-
son formaður Samfylkingarinnar
og Guðmundur Árni Stefánsson
alþingismaður. Þeir eru þar í boði
sænska jafnaðarmannaflokksins,
systurflokks Samfylkingarinnar.
Verða viðstödd minningar-
athöfn um Önnu Lindh
Í ÚTBOÐSGÖGNUM Landsvirkjunar fyrir
stöðvarhús og stíflu Kárahnjúkavirkjunar var tek-
ið fram að verktakar væru skuldbundnir til að efna
gildandi kjarasamninga milli Samtaka atvinnulífs-
ins (SA) og Alþýðusambands Íslands (ASÍ) og
virkjanasamninginn sömuleiðis. Einnig kemur
fram að samningarnir gera ráð fyrir að ekki verði
mismunaði í launagreiðslum eftir þjóðerni.
Impregilo átti sem kunnugt er lægsta tilboð í
útboðinu og í samningi fyrirtækisins við Lands-
virkjun upplýsa Ítalirnir að þeir hafi kynnt sér lög
og reglur á íslenskum vinnumarkaði. Staðfestir
Impregilo í samningnum að lágmarkslaun verka-
fólks við virkjunina verði í samræmi við íslenska
kjarasamninga, að gert sé ráð fyrir skattskyldu í
launum erlendra starfsmanna og upplýst að fyrir-
tækið hafi kynnt sér fyrirkomulag umsókna um
atvinnuleyfi, einkum fyrir starfsmenn utan Evr-
ópu. Þá staðfestir Impregilo þann vilja sinn að
ráða eins og kostur er íslenska verkamenn og und-
irverktaka.
Spurt um kjarasamninga
Í fundargerð, sem er hluti samningsins við
Impregilo, beinir Landsvirkjun m.a. þeirri spurn-
ingu til fyrirtækisins hvort það hafi verið upplýst
um lög og reglur á íslenskum vinnumarkaði. Svar-
ar Impregilo því til að hafa verið í sambandi við ís-
lensk verktakafyrirtæki varðandi kjarasamninga
og aðbúnað starfsfólks. Haft er eftir fulltrúa
Impregilo í fundargerðinni að hæft íslenskt verka-
fólk hafi forgang en áhyggjum lýst af því að ekki
takist að ráða nógu marga starfsmenn hér á landi.
Sagt er að fyrirkomulag vaktavinnu verði ákveðið
á framkvæmdastað og í samræmi við gildandi
kjarasamninga.
Í útboðsgögnum Landsvirkjunar er verktökun-
um ennfremur bent á að öll launakjör verði að vera
í samræmi við gildandi samninga, þ.m.t. virkjana-
samninga, og kveða á um lágmarkslaun og önnur
atriði, óháð kynferði starfsmanna, þjóðerni eða
verktíma við virkjunina. Jafnframt er tekið fram
að verktakar verði annaðhvort að vera innan Sam-
taka atvinnulífsins eða gera þjónustusamning við
þau varðandi vinnu við kjarasamninga eða -deilur.
Útboðsgögn vegna Kárahnjúkavirkjunar og samningurinn við Impregilo
Skuldbundu sig til að mis-
muna ekki eftir þjóðerni
INGIBJÖRG Sólrún Gísladóttir,
fulltrúi Samfylkingarinnar í banka-
ráði Seðlabanka Íslands, hefur sent
Davíð Oddssyni forsætisráðherra
formlegt erindi þar sem hún spyr
forsætisráðherra um skipan Jóns
Sigurðssonar í embætti bankastjóra
Seðlabanka Íslands. Sendi Ingibjörg
erindið fyrir hönd fulltrúa Samfylk-
ingarinnar í bankaráði.
Í fyrsta lagi spyr hún: „Með hvaða
hætti var gengið úr skugga um að sá
sem skipaður var í embættið væri sá
hæfasti sem völ var á?“ Í stuttri
greinargerð með spurningunni er
minnt á að Ingimundur Friðriksson
hafi verið settur í embætti seðla-
bankastjóra hinn 1. október sl. Hann
sé með mastersgráðu í hagfræði og
eigi „farsælan starfsferil í Seðla-
bankanum og á erlendum vettvangi
á sviði efnahagsmála allt frá 1975“,
eins og segir í erindinu. Er því bætt
við að ekki sé annað vitað en að Ingi-
mundur hafi verið tilbúinn til að
gegna stöðu seðlabankastjóra áfram.
Í öðru lagi spyr Ingibjörg: „Með
hvaða hætti er jafnræðisreglunnar,
sem er grundvallarregla í stjórn-
sýslu, gætt við skipan í embætti
seðlabankastjóra nú þegar ekki er
lengur skylt að auglýsa embættið?“ Í
stuttri greinargerð með spurning-
unni er vísað í 11. gr. stjórnsýslu-
laga. „Þar segir [í 11. greininni] að
við úrlausn mála skuli stjórnvöld
gæta samræmis og jafnræðis í laga-
legu tilliti. Er til að mynda óheimilt
að mismuna aðilum við úrlausn mála
á grundvelli sjónarmiða byggðra á
stjórnmálaskoðunum.“
Að lokum spyr Ingibjörg: „Hvaða
hæfniskröfur voru lagðar til grund-
vallar við nýlega ráðningu í embætti
seðlabankastjóra?“ Hún segir að
trúverðugleiki bankans byggist m.a.
á því að þeir sem fari með ákvörð-
unarvald hafi víðtæka þekkingu og/
eða reynslu í hagstjórn, þjóðhag-
fræði og peningamálum.
Fulltrúar í bankaráði Seðlabanka
Spurt út í skipan
seðlabankastjóra
STEFÁN Geir Stefánsson hrein-
dýraveiðieftirlitsmaður var að gera
sig kláran til heimferðar suður í
Hafnarfjörð með þennan myndar-
lega krúnuhrauk á bílþakinu.
Stefán Geir hefur verið í veiði-
eftirliti með Hákoni Aðalsteinssyni
í Fljótsdal á nýlokinni veiðivertíð
og segir hann tarfana snemma hafa
verið komna með einkar glæsileg
horn. „Þeir voru föngulegir ásýnd-
um til hins síðasta,“ segir Stefán
Geir og segist vona að veiðimenn
verði snöggir að sækja sín horn til
hans í Hafnarfjörðinn, þar sem þau
lykti fremur illa.
Morgunblaðið/Steinunn Ásmundsdóttir
Hreindýrskrúnur á bílnum