Morgunblaðið - 20.09.2003, Blaðsíða 6
FRÉTTIR
6 LAUGARDAGUR 20. SEPTEMBER 2003 MORGUNBLAÐIÐ
• Baðinnréttingar
• Eldhúsinnréttingar
• Fataskápar
• Innihurðir
I n n r é t t i n g a r
Borgartúni 28 • Sími 562 5000 • www.bjorninn.is
KVENNALANDSLIÐ Íslands í skák og kvenna-
sveit Taflfélagsins Hellis stefna að því að setja
Evrópumet í Ráðhúsi Reykjavíkur í dag kl. 14
með því að halda fjölmennasta kvennafjöltefli í
sögu álfunnar. Yfir 50 þjóðþekktum konum hefur
verið stefnt að skákborðunum í Ráðhúsinu og
fyrsta leikinn leikur Vigdís Finnbogadóttir, fv.
forseti Íslands.
Aðalskipuleggjandi fjölteflisins er Guðfríður
Lilja Grétarsdóttir, nýkrýndur Íslandsmeistari
kvenna árið 2003, og alþjóðlegur meistari í skák,
eina íslenska konan sem náð hefur þeim áfanga.
Hún segir við Morgunblaðið að auk mikillar
vakningar í íslenska skákheiminum almennt sé
kvennaskákin að ryðja sér til rúms á ný. „Margar
konur hafa gaman af að tefla, bæði heima hjá sér
og á mótum,“ segir Guðfríður Lilja, sem er ellefu-
faldur Íslandsmeistari kvenna og var fyrirliði
Ólympíusveitar Íslands árin 2000 og 2002.
Sögulegir viðburðir framundan
Kvennafjölteflið í Ráðhúsinu í dag er haldið sér-
staklega til að fagna tveimur sögulegum viðburð-
um framundan. Í lok mánaðarins fer kvennasveit
Hellis á Evrópumeistaramót taflfélaga á Krít og
er það í fyrsta sinn í íslenskri skáksögu að
kvennasveit fer á slíkt mót. Þá fara Íslandsmeist-
arar stúlkna í skák, þær Hallgerður Helga Þor-
steinsdóttir, 10 ára, og Elsa María Þorfinnsdóttir,
14 ára, báðar félagar í Helli, á heimsmeistaramót
barna í Grikklandi í lok október. Er það í fyrsta
sinn sem íslenskar stúlkur fara á heimsmeistara-
mót í þessum aldursflokki.
Auk Guðfríðar Lilju skipa kvennasveit Hellis
þær Lenka Ptacnikova, stórmeistari og tvöfaldur
Tékklandsmeistari kvenna, sem hyggst gerast ís-
lenskur ríkisborgari, Harpa Ingólfsdóttir, Anna
Björg Þorgrímsdóttir og Áslaug Kristinsdóttir.
Þær þrjár síðastnefndu eru allar fyrrum Íslands-
meistarar kvenna í skák og hafa verið í Ólympíu-
sveitum Íslands. „Við sem erum í kvennalandslið-
inu og taflsveit Hellis höfum verið iðnar við að
þjálfa ungar stúlkur í skák. Nú eru tvær þeirra,
Hallgerður Helga og Elsa María, að fara á heims-
meistaramót barna og hafa alla burði til þess. Með
kvennafjölteflinu erum við að vekja athygli á því
starfi sem hefur verið unnið. Einnig eru eldri
skákkonur og meistarar að koma að taflborðinu á
ný þannig að þetta er orðin góð blanda. Það væri
minn besti dagur, sem ég hef í nokkur ár vonast til
að upplifa, að sjá þessar ungu stelpur taka manni
sjálfum langt fram. Þær hafa fleiri tækifæri nú en
ég hafði á þeirra aldri,“ segir Guðfríður, sem er 31
árs að aldri.
Viljum breikka hópinn
Fimm ára gömul lærði hún að tefla hjá ömmu
sinni og nöfnu, Guðfríði Lilju Benediktsdóttur.
Mikill skákáhugi hefur verið í fjölskyldunni og eru
tveir bræður Guðfríðar einnig þjóðkunnir skák-
menn; þeir Helgi Áss stórmeistari og Andri Áss,
FIDE-meistari. „Góðar skákkonur hafa oft komið
úr skákhneigðum fjölskyldum en við viljum
breikka þennan hóp. Mikilvægt er að fá stúlkur til
að tefla saman þó að skáklistin sé það gjöful að
hún höfðar til beggja kynja. Félagslega séð skipt-
ir það miklu máli að stúlkur fái styrk hver frá ann-
arri og alveg fram yfir unglingsárin. Það er bjart
framundan í kvennaskákinni og taflfélagið Hellir
er orðið helsta skjól margra íslenskra skák-
kvenna. Þó að félagið sé blandað hafa þær línur
verið lagðar að kvennaskák sé forgangsverkefni,“
segir Guðfríður Lilja.
Stefnt að Evrópumeti í fjöltefli kvenna í Ráðhúsi Reykjavíkur í dag
Björt framtíð í kvennaskák
Morgunblaðið/Ásdís
Guðfríður Lilja Grétarsdóttir starfar á alþjóða-
sviði Alþingis og sest þar oft að tafli.
MIÐSTJÓRN Frjálslynda flokksins
hefur tekið til greina afsökunar-
beiðni Gunnars Arnar Örlygssonar
þingmanns, en hann baðst afsökunar
á því að hafa ekki gert grein fyrir
umferðarlagabroti þegar framboðs-
listi flokksins var ákveðinn fyrir al-
þingiskosningar í vor. Guðjón Arnar
Kristjánsson, formaður flokksins,
segir að þar með sé málinu lokið af
hálfu flokksins og að frekari umfjöll-
un muni ekki leiða neitt nýtt í ljós.
„Við tókum afstöðu til afsökunar-
beiðni Gunnars og ræddum þessi
mál hreinskilnislega í miðstjórninni.
Við skiptumst á skoðunum,“ segir
Guðjón Arnar. Hann segir mið-
stjórnina hafa verið sammála um það
að sú afstaða sem tekin var til fram-
boðs Gunnars í vor hafi verið rétt en
þá lá fyrir að hann hafi gerst brotleg-
ur gegn lögum um stjórn fiskveiða.
Frekari umfjöllun bætir engu
við vitneskju sem fyrir liggur
Síðan tók miðstjórnin afstöðu til
þeirrar umræðu sem verið hefur um
umferðarlagabrot hans áður en hann
varð þingmaður.
„Við teljum að frekari umfjöllun
bæti engu við þá vitneskju sem fyrir
liggur.
Miðstjórnin harmar þetta mál og
vonar að refsingar, sárindi og mistök
verði fyrirgefin. Það er okkar nið-
urstaða,“ segir Guðjón Arnar.
Hann segir að á fundinum hafi
ekki komið fram krafa um að Gunnar
Örn segði af sér og mun hann taka
sæti á Alþingi eftir áramót.
Hreinskiptar umræður
og skoðanaskipti
Ályktun miðstjórnar Frjálslynda
flokksins um mál Gunnars Örlygs-
sonar fer hér á eftir:
„Miðstjórn Frjálslynda flokksins
hefur tekið mál Gunnars Örlygsson-
ar alþingismanns fyrir á fundi sínum
18. september 2003 og átt um það
hreinskiptar umræður og skoðana-
skipti.
Miðstjórnin tók afstöðu til skrif-
legrar afsökunarbeiðni Gunnars Ör-
lygssonar. Miðstjórn var ljóst fyrir
alþingiskosningar sl. vor að Gunnar
Örlygsson yrði að afplána þriggja
mánaða refsingu og inna af hendi
sektargreiðslu sem þingmaður ef
hann næði kjöri til Alþingis.
Kemur ekki til starfa á Alþingi
fyrr en mál hans eru uppgerð
Miðstjórn var einnig sammála
þeirri málsmeðferð sem að Frjáls-
lynda flokknum sneri, að Gunnar Ör-
lygsson kæmi ekki til starfa á Al-
þingi fyrr en hans mál væru uppgerð
og refsingu lokið.
Miðstjórn telur að frekari umfjöll-
un en orðið er um umferðalagabrot
Gunnars áður en hann varð þing-
maður og kom til starfa með Frjáls-
lynda flokknum, bæti engu við þá
vitneskju sem þegar liggur fyrir.
Miðstjórn harmar þetta mál, en sár-
indi og mistök ber að fyrirgefa.
Miðstjórn Frjálslynda flokksins
vill að þingmenn flokksins beini
kröftum sínum nú að málefnum þeim
sem til heilla og framfara horfa.“
Frjálslyndir um mál Gunnars Arnar Örlygssonar
Afsökunarbeiðni þing-
mannsins tekin til greina
ÍSLENDINGAR taka að sér rekst-
ur skrifstofu Alþjóðajarðhitasam-
bandsins (International Geothermal
Association, IGA) í fimm ár frá 1.
september 2004.
Guido Cappetti, forseti IGA, og
Friðrik Sophusson, stjórnarformað-
ur Samorku, undirrituðu samning
þess efnis á alþjóðlegu ráðstefnunni
á Hótel Nordica í vikunni. Skrifstofa
IGA var fyrst í Pisa á Ítalíu, síðan í
Berkeley í Bandaríkjunum, svo í
Taupo á Nýja Sjálandi, og hefur ver-
ið í Pisa frá 1998.
Samorka, samtök orkufyrirtækja
á Íslandi, ásamt stjórnvöldum,
stendur að flutningi og rekstri skrif-
stofunnar. Samorka mun annast
daglegan rekstur hennar, en ríkis-
stjórn Íslands hefur samþykkt til-
lögu Valgerðar Sverrisdóttur iðnað-
arráðherra um að styrkja reksturinn
um 4 milljónir króna á ári í fimm ár.
Að öðru leyti er rekstur og flutning-
ur fjármagnaður með framlagi frá ís-
lenskum orkufyrirtækjum og aðild-
argjöldum. Framkvæmdastjóri
verður ráðinn á næstunni og mun
hann hefja störf haustið 2004.
„Það er Íslendingum til mikils
sóma að taka að sér rekstur skrif-
stofunnar,“ segir Ingvar Birgir Frið-
leifsson, formaður Jarðhitafélags Ís-
lands, en tilgangur Alþjóðajarðhita-
sambandsins, IGA, sem er alþjóðleg
samtök meira en 2.000 jarðhita-
félaga og einstaklinga í 65 löndum og
var stofnað 1988, er að efla jarðhita-
þekkingu og stuðla að hagkvæmri
nýtingu jarðhita um allan heim.
Skrifstofa IGA frá
Ítalíu til Íslands
EINAR Skúlason er nýr fram-
kvæmdastjóri Alþjóðahússins og
byrjaði hann í fullu starfi í vikunni.
Alþjóðahús var
stofnað í desem-
ber 2001 af
Reykjavíkurborg,
Kópavogsbæ,
Hafnarfjarðar-
bæ, Seltjarnar-
nesbæ og Reykja-
víkurdeild Rauða
kross Íslands, en
deildin tók yfir
starfsemi og
rekstur 1. febrúar sl. Fyrrnefnd
sveitarfélög standa samt áfram að
baki Alþjóðahúsi samkvæmt þjón-
ustusamningi sem undirritaður var
30. janúar 2003.
50 umsækjendur sóttu um
starf framkvæmdastjóra
Einar var valinn úr hópi um 50
umsækjenda og að sögn Hákons
Gunnarssonar, stjórnarformanns Al-
þjóðahússins, eru ekki stefnubreyt-
ingar á döfinni heldur verði um að
ræða áframhaldandi uppbyggingu á
sviði túlka- og fræðslustarfsemi.
Einnig sé stefnt að aukinni rann-
sóknarstarfsemi í samvinnu við
rannsóknarstofnanir og fleiri um
málefni útlendinga og horft sé til
landsins alls sem vettvang fyrir
starfsemi hússins.
Ókeypis tungumálamiðlun á
evrópskum degi tungumála
Markmið Alþjóðahúss er fyrst og
fremst að vera vettvangur fjölmenn-
ingarlegs samfélags og stuðla að
virkum samskiptum milli fólks af
ólíkum uppruna. Einar segir að
starfsemin sé enn í mótun og mikið
sé að gerast í þessum málaflokki.
Ýmsar hugmyndir séu í gangi og í
því sambandi nefnir hann að í
tengslum við evrópskan dag tungu-
mála föstudaginn 26. september nk.
verði formlega opnuð svonefnd
tungumálaskipti. Um er að ræða
ókeypis tungumálamiðlun þar sem
tengt er saman fólk sem vill æfa sig í
íslensku við Íslendinga sem vilja
læra erlent tungumál.
Einar er með BA-próf í stjórn-
málafræði frá Háskóla Íslands og
var að skila lokaritgerð til háskólans
í Edinborg en hann útskrifast þaðan
með MBA-gráðu í desember.
Einar Skúlason
Ráðinn fram-
kvæmda-
stjóri Alþjóða-
hússins
Einar Skúlason
HAUSTLEGT er um að litast í höf-
uðborginni þessa dagana. Skipst
hafa á skin og skúrir og vindar hafa
blásið annað veifið. Skemmtilegast
af öllu við þessa árstíð er þó haust-
litirnir og lauf trjánna í borginni,
sem eru af ótal tegundum, hefur
tekið á sig fjölbreytilega liti.
Morgunblaðið/Ásdís
Litskrúðugt haust