Morgunblaðið - 20.09.2003, Blaðsíða 53
KNATTSPYRNA
MORGUNBLAÐIÐ LAUGARDAGUR 20. SEPTEMBER 2003 53
BARÁTTAN um gullskóinn er afar spennandi en líkur á
að hann hafni í höndum leikmanns Þróttar verður að telj-
ast nokkuð mikill því Sören Hermansen og Björgólfur
Takefusa, framherjar Þróttar, eru markahæstir fyrir
lokaumferðina. Báðir hafa skorað 10 mörk en á hæla
þeirra kemur Gunnar Heiðar Þorvaldsson úr ÍBV með 9
mörk. Björgólfur hefur skorað mörkin 10 í 16 leikjum en
Hermansen 17. Björgólfur er kominn gagngert frá
Bandaríkjunum til að taka þátt í fallslagnum mikla við
Fram.
Norðmaðurinn Steinar Tenden úr KA kemur næstur
með 8 mörk og þar á eftir Allan Borgvardt, FH, Arnar
Gunnlaugsson, KR, Jóhann Hreiðarsson, Val og Veigar
Páll Gunnarsson, KR sem allir hafa skorað 7 mörk en ljóst
er að mörk Veigars verða ekki fleiri því hann er í leik-
banni í leiknum við FH í dag.
Grétar Ólafur Hjartarson, Grindavík, varð markakóng-
ur í fyrra með 13 mörk en hann gat ekkert leikið í sumar
vegna meiðsla.
Hörð barátta um
gullskóinn
BJARNI Jóhannsson, þjálfari Grindvíkinga, mun að
öllum líkindum tefla fram Þorsteini Bjarnsyni sem
markverði sinna manna í fallslagnum mikla gegn
KA-mönnum í dag og þar með verður Þorsteinn elsti
leikmaðurinn til að spila í efstu deild hér á landi.
Þorsteinn er 46 ára gamall og lék síðast í efstu
deild fyrir 13 árum þegar hann lék fimm leiki með
FH-ingum árið 1990.
Helgi Már Helgson hefur leikið sjö síðustu leiki
Grindvíkinga í deildinni eða frá því Ólafur Gott-
skálksson heltist úr leik vegna meiðsla. Þessi tvítugi
strákur hefur þótt standa fyrir sínu þó að eitt og eitt
mark hafi mátt skrifa á hann. Þorsteinn er gríð-
arlega reyndur markvörður og vel á sig kominn lík-
amlega. Þorsteinn er markvarðarþjálfari Grindvík-
inga en eftir að Ólafur meiddist hefur Þorsteinn
gegnt stöðu varamarkvarðar liðsins en hann var á
árum áður einn besti markvörður landsins og lék 28
leiki fyrir íslenska A-landsliðið á árunum 1978-1986.
Þorsteinn í mark-
inu í Grindavík ?
það er hreint með ólíkindum hvernig
þetta vel mannaða lið hefur hrunið
eins og spilaborg. Fylkir sigraði FH
í Kaplakrika sunnudaginn 10. ágúst,
2:1, og var í efsta sæti eftir 13. um-
ferðina með 26 stig, jafnmörg stig og
KR. Markatala Árbæinga var hins
vegar miklu betri, 21:10, á móti 20:16
hjá KR. Mánudagurinn 18. ágúst, af-
mæli Reykjavíkurborgar, er dagur
sem Fylkismenn hugsa líklega með
hryllingi til. Það kvöld tóku þeir á
móti nýliðum Þróttar og úrslitin í
þeim leik, 5:1, ósigur, var upphafið af
hruni Fylkisliðsins. Í kjölfarið fylgdu
þrír ósigrar, 4:0, fyrir KR, 1:0 gegn
ÍA og 2:1 fyrir KA, samanlagt 12:2 í
fjórum leikjum og í dag sitja Fylk-
ismenn í fjórða sæti með jafnmörg
stig og eftir sigurinn á FH hinn 10.
ágúst. Leikurinn gegn Val í dag er
Fylkismönnum mjög mikilvægur.
Liðið á enn veika von á að ná UEFA-
sæti en að öðrum kosti Inter-toto-
sæti. Til þess þarf þó liðið að ná í
stig, tapi Fylkir á sama tíma og ÍBV
vinni KR í Eyjum standa Árbæingar
eftir slyppir og snauðir og hafna í
fimmta sæti.
Vandamálið andlegs
eðlis hjá Fylkismönnum
Logi Ólafsson er spurður hvað
hafi farið úrskeiðis hjá Fylkismönn-
um?
„Ég sagði fyrir mótið að Fylkis-
menn skorti fleiri sóknarleiðir og úr-
ræði í leik sínum. Þeir væru með gott
varnarlið en vantaði skapandi miðju-
mann. Það kom í ljós að þeir voru
frekar hugmyndasnauðir og sóknar-
leikur þeirra einhæfur og ég held að
þetta hafi komið þeim í koll. Fylk-
ismenn hafa aldrei fundið réttu
blönduna. Það hefur verið mikið um
breytingar á liðinu frá einum leik til
annars og þegar menn áttu sér
einskis ills von í Árbænum bilaði
varnarleikurinn. En það þýðingar-
mesta í þessu öllu saman hjá Fylki
held ég að sé andlegs eðlis. Það hlýt-
ur að vera eitthvað andlegt hjá
mönnum þegar liðið tímabil eftir
tímabil springur á limminu.“
Sigurður Jónsson þjálfari Víkinga,
sem fögnuðu úrvalsdeildarsæti um
síðustu helgi, telur Val eiga ágæta
möguleika á að vinna Fylki og halda
þar með sæti sínu.
„Valsmenn hafa getuna en þetta
snýst um dagsformið og hvernig
hugafar þeir mæta með til leiks.
Fylkisliðið hefur leikið mjög illa upp
á síðkastið en það er líka mikið í húfi
fyrir Fylki. Liðið á möguleika á Evr-
ópusæti svo það má fastlega búast
við háspennuleik. Ég eins og fleiri
átti von á betri frammistöðu hjá
Fylki í sumar,“ segir Sigurður.
Upp á líf og dauða í Grindavík
Leikur Grindvíkinga og KA-
manna í Grindavík er líkt og leikur
Fram og Þróttar barátta upp á líf og
dauða. Líklega kemur gengi Grind-
víkinga mörgum á óvart en fyrir leik-
tíðina áttu flestir von á að þeir gætu
blandað sér í toppbaráttuna.
„Ég bjóst fastlega við því að
Grindvíkingar yrðu ofar á töflunni
en raun ber vitni og staðan hjá þeim
er einfaldga sú að þeir geta hæglega
fallið. Það er ekki gott að segja hvað
hafi valdið þessu slæma gengi en það
var mikill hringlandaháttur í kring-
um Lee Sharp sem olli miklum heila-
brotum og vandamálum sem endaði
með því að hann fór. Grindvíkingar
komust á ágætt skrið eftir brott-
hvarf Sharps en svo reið annað áfall
yfir þá þegar í ljós kom að Ólafur
Gottskálksson gæti ekki leikið meira
vegna meiðsla. Það hefur reynst erf-
itt fyrir Bjarna að búa til gott lið og
óheppnin hefur elt þá. Í byrjun trufl-
uðu utanaðkomandi mál, síðan
fylgdu meiðsli Ólafs í kjölfarið og út-
lendingarnir sem Grindvíkingar hafa
fengið í sumar hafa ekki náð að
styrkja liðið,“ segir Logi.
„Grindavík og KA eiga bæði erfitt
þessa stundina. Þau hafa lent í mót-
byr og ég met stöðuna á þann veg að
það lið sem mætir til leiks með meiri
vilja standi uppi sem sigurvegari.
Sjálfsagt situr bikarleikurinn við ÍA
eitthvað í KA-mönnum. Það er búin
að vera törn hjá þeim á meðan
Grindavík hefur haft vikuna til að
undirbúa sig. Það er hins vegar mikil
seigla í norðanmönnunum og hún
gæti fleytt þeim yfir erfiðasta hjall-
ann,“ segir Sigurður.
FH komið á óvart
Ekki er eins mikið í húfi í hinum
tveimur leikjunum, viðureign FH og
KR í Kaplakrika og ÍBV og ÍA í Eyj-
um. ÍA og FH bítast um annað sætið
en tapi þau leikjum sínum og Fylkir
leggi Val að velli verða ÍA og Fylkir
jöfn að stigum og þá sker markatal-
an úr um það hvort liðið nær öðru
sætinu. ÍBV heldur í vonina um að ná
fjórða sætinu sem gefur Inter-toto-
sæti og til þess að ná því verður liðið
að vinna ÍA og stóla á að Valur leggi
Fylki að velli.
Logi og Sigurður, sem reyndar
hafa báðir þjálfað FH-inga, segja að
frammistaða FH hafi komið einna
mest á óvart í sumar. „Miðað við
gengið fyrir mót átti enginn von á
þessu en lykillinn að góðu gengi FH
er að þeir leikmenn sem komu til liðs
við liðið fyrir mót hafa leikið sérlega
vel og þá einkum og sér í lagi Dan-
irnir tveir. Að auki hefur Sverrir
Garðarsson sprungið út og Heimir
Guðjónsson hefur gegnt lykilhlut-
verki. FH skorti aðeins herslumun-
inn til að gera alvarlega atlögu að
titlinum,“ segir Logi.
Sigurður tekur undir með Loga.
„Ég vissi hvað bjó í FH-liðinu eftir
að hafa þjálfað það í fyrra og taldi að
fengi það 3–4 öfluga leikmenn gæti
það gert góða hluti.“
Gamli Skagamaðurinn segir að
ekki hafi blásið byrlega fyrir ÍA til að
byrja með. „Ég vissi að Skagamenn
myndu rétta úr kútnum. Þeir hafa
kannski ekki spilað fallega knatt-
spyrnu en hún hefur verið árangurs-
rík og bæði hefur viljinn og hefðin
fleytt þeim á þann stað sem þeir eru
á.“
Fótboltinn valdið vonbrigðum
Sigurður er annars ekki sérlega
ánægður með spilamennskuna í
deildinni í sumar.
„Ef ég á að segja eins og er þá hef-
ur hún valdið mér vonbrigðum. Ég
er búinn að sjá marga mjög slaka
leiki en frammistaða KR í leiknum
við Fylki er það sem stendur upp úr.
Í þeim leik sýndu KR-ingar af-
bragðsleik og það er frammistaða
sem ég hefði kosið að sjá oftar í sum-
ar. Það hefur verið jó-jó bragur á
flestum liðum og fótboltinn í slakara
lagi miðað við væntingarnar fyrir
mót. Deildabikarkeppnin lofaði góðu
en einhvern veginn náðu liðin ekki að
halda dampi. Það eru ekki nógu
margir leikmenn sem skemmtilegt
er að horfa á. Tvíburarnir Arnar og
Bjarki hafa sýnt takta þegar þeir
hafa verið heilir heilsu, Veigar Páll
er skemmtilegur spilari sem gaman
er að sjá til og það hefur verið þess
virði að fara á leiki FH-liðsins til að
sjá Danann Allan Borvardt. Það hef-
ur verið lögð of mikil áhersla á varn-
arleikinn og þéttleikann og fyrir vik-
ið hefur skemmtanagildi margra
leikja ekki verið mikið. Fólk mætir á
völlinn til að skemmta sér og það vill
sjá skemmtileg tilþrif,“ segir Sigurð-
ur.
Logi og Sigurður eru sammála um
að KR-ingar verðskuldi Íslands-
meistaratitilinn en slök frammistaða
meistaranna í síðustu leikjum sæmir
varla meisturum eða hvað?
„Ég hef oft verið í þessari stöðu
hjá ÍA eins og KR-ingar eru í. Búnir
að vinna mótið og nokkrir leikir eftir.
Við lögðum samt mikla áherslu á að
klára mótið með sæmd og sýna fram
á að við værum verðugir meistarar.
Síðustu leikirnir hjá KR hafa ekki
verið skemmtilegir fyrir þá og það er
ekki gott að segja hvað veldur. Það
er þjálfarans að finna út úr því. Það
er alltaf erfitt að enda tímabil illa þó
svo að meistaratitillinn sé í höfn og
KR-ingar hafa því tækifæri í leikn-
um við FH til að sýna og sanna að
þeir eru með besta liðið,“ segir Sig-
urður.
Hvað sem öllum vangaveltum líð-
ur ráðast úrslitin á knattspyrnuvöll-
unum í Grindavík, Hafnarfirði, Vest-
mannaeyjum og Reykjavík í dag.
Spennufíklar ættu alla vega að fá
eitthvað við sitt hæfi og ef að líkum
lætur mun blóð, sviti og tár renna
niður um vanga leikmanna og stuðn-
ingsmanna þeirra og stór skammtur
af dramatík einkenna lokamínútur
leikjanna.
Morgunblaðið/Golli
Gömlu austurbæjarveldin í Reykjavík, Fram og Valur, eru í fall-
hættu og væri það saga til næsta bæjar ef þau féllu bæði. Hér
má sjá tvo af ungum leikmönnum liðanna í baráttu – Andra
Fannar Ottósson, Fram, og Jóhann Hreiðarsson, Val.
’ Það ræðst ekkifyrr en á síðustu
sekúndu hvaða lið
fara niður. Svona
leikir taka mjög á
taugarnar og ég held
að þjálfarar liðanna
sem eru í þessum
slag leggi mesta
áherslu á að hug-
arfar og dagsform
leikmanna sinna
verði í lagi þegar út í
baráttuna kemur. ‘
KR 17 10 3 4 28:20 33
ÍA 17 8 5 4 26:20 29
FH 17 8 3 6 29:24 27
Fylkir 17 8 2 7 23:22 26
ÍBV 17 7 2 8 24:24 23
Þróttur 17 7 1 9 27:28 22
Grindavík 17 7 1 9 23:30 22
KA 17 6 3 8 28:26 21
Valur 17 6 2 9 22:27 20
Fram 17 6 2 9 21:30 20
STAÐAN
HARALDUR Ingólfsson og Knatt-
spyrnufélag Akraness, ÍA, hafa
komist að munnlegu samkomulagi
þess efnis að Haraldur leiki með lið-
inu á næstu leiktíð og er gert ráð
fyrir því að samið verði til eins árs.
Undanfarin þrjú ár hefur Haraldur
leikið með Raufoss í norsku 1.
deildinni en áður lék hann um
þriggja ára skeið með Elfsborg í
Svíþjóð en hann var einnig um tíma
á mála hjá Aberdeen í Skotlandi ár-
ið 1996.
„Mér líst vel á að leika með ÍA og
þar á bæ vilja menn ná árangri. Lið-
ið er vel mannað og ég hlakka til að
takast á við þetta verkefni,“ sagði
Haraldur í gær en hann kemur til
landsins frá Noregi í byrjun nóvem-
ber.
Haraldur er 33 ára að aldri og er
ekki ókunnugur í herbúðum ÍA þar
sem hann lék með liðinu fyrst í
efstu deild árið 1987, þar sem hann
lék 8 leiki og skoraði 2 mörk. Hann
var lykilmaður í liði ÍA á árunum
1992-1996 er sigurganga liðsins var
sem mest. Haraldur hefur leikið
173 leiki með ÍA og er hann áttundi
leikjahæsti leikmaður liðsins frá
upphafi og sá þriðji í röðinni yfir
flest mörk skoruð í A-deild, eða 55
mörk. Að auki hefur Haraldur leik-
ið 20 A-landsleiki og skorað 2
mörk.
Pressens Bild
Haraldur Ingólfsson í leik
með Elfsborg í Svíþjóð.
Haraldur og
ÍA komust
að sam-
komulagi