Morgunblaðið - 20.09.2003, Blaðsíða 8

RÍKISSAKSÓKNARI hefur ákært
24 ára karlmann fyrir tilraun til
manndráps og sérstaklega hættuleg-
ar líkamsárásir fyrr á árinu. Brota-
þolar krefjast um 3 milljóna króna
skaðabóta úr hendi ákærða
Samkvæmt ákæruskjali gerði
ákærði manndrápstilraun með því að
stinga mann með hnífi í kviðinn og
skalla annan mann. Meint brot voru
framin í heimahúsi í Mosfellsbæ í
maí sl. en þar er ákærða einnig gefið
að sök að stinga þrjá aðra menn með
hnífi.
Auk þess að ráðast á umrædda
fimm menn er ákærði sakaður um
sérstaklega hættulega líkamsárás í
mars sl. í Reykjavík. Í ákæru segir
að hann hafi slegið húsráðanda í höf-
uðið svo hann féll í gólfið, sest klof-
vega ofan á hann og slegið hann
margsinnis með báðum hnefum í
höfuðið og síðan með bjórkönnu.
Þá er hann einnig ákærður fyrir
að halda hnífsblaði að hálsi manns og
neyða hann þannig til að opna útidyr
á íbúð sinni í Reykjavík.
Loks er hann ákærður fyrir brot
gegn valdstjórninni með því að bíta
lögreglumann í handlegginn.
Ákærður fyrir tilraun til
manndráps og líkamsárásir
„ÞAR hitti skrattinn
ömmu sína,“ segir
Guðni Th. Jóhannesson
sagnfræðingur um
landhelgisdeilu Breta
og Íslendinga á árun-
um 1948 til 1964. Guðni
hefur lokið við doktors-
ritgerð sína um deiluna
og mun verja ritið fyrir
Queen Mary College
við Lundúnaháskóla
síðar á þessu ári. Hann
heldur fyrirlestur um
efnið hjá Sögufélaginu
í Fischersundi í dag,
laugardag, strax eftir
aðalfund félagsins sem
hefst kl. 14. Nefnist fyrirlesturinn
„Það vinnur aldrei neinn sitt dauða-
stríð“. Fyrirlesturinn fjallar um
baráttu Breta fyrir þröngri land-
helgi þjóða á borð við Norðmenn,
Dani, Sovétmenn og Íslendinga í
Norður-Atlantshafi á umræddu
tímabili.
„Bretar börðust fyrir því að land-
helgi þessara þjóða færi ekki út fyr-
ir 3 mílur, en þeir áttuðu sig
kannski ekki á því að vald þeirra á
úthöfunum og í alþjóðamálun var
miklu minna en verið hafði á blóma-
skeiði þeirra á 19. öld,“ segir Guðni.
„Barátta þeirra snerist ekki aðeins
um að vernda fiskveiðihagsmuni,
heldur voru þeir líka
að berjast fyrir til-
verurétti sínum sem
flotaveldi. Þeir vildu
geta siglt frjálsir um
heimsins höf og halda
siglingaleiðum opnum
til nýlenda sinna um
víða veröld. Í land-
helgisdeilu sinni við
aðrar þjóðir voru
Bretar hins vegar allt
of þröngsýnir og
skammsýnir og voru
alltaf skrefi á eftir
þróuninni. Margir
breskir sérfræðingar
voru þó með nótunum
en helstu ráðamenn voru aldrei til-
búnir að taka af skarið og gefa eftir.
Þeir þrjóskuðust við og þar kom að
þeir lentu í deilum við Íslendinga og
þar hitti skrattinn ömmu sína, því
hér á landi voru ráðamenn líka
þrjóskir og hefðu mátt vera ögn
liprari í samningaviðræðum. En á
Íslandi hefði sá nánast verið stimpl-
aður sem landráðamaður, sem hefði
mælt með eftirgjöf í deilunni. Guð-
mundur Í. Guðmundsson, utanrík-
isráðherra í vinstristjórninni 1956
til 1959, sem var sáttfúsari en t.d.
Hermann Jónasson forsætisráð-
herra og Lúðvík Jósefsson sjávarút-
vegsráðherra, orðaði það svo við
breska embættismenn að það hefði
jafnast á við pólitískt sjálfsmorð að
gefa eftir í deilunni við Breta.“
Guðni telur að Bretar hefðu borið
meira úr býtum með diplómatískari
lipurð, en þess í stað tóku þeir hvað
eftir annað vonlausan slag. „Fyrst
mótmæltu þeir því að Íslendingar
færðu þriggja mílna landhelgina
sína í 4 mílur árið 1952. Þá var öll-
um flóum og fjörðum lokað en Bret-
ar vissu sem aðrir að samkvæmt
þróun hafréttar voru Íslendingar í
fullum rétti, en engu að síður
þráuðust þeir við. Það var vitleysa
og duldist ekki færustu sérfræð-
ingum þeirra. Þegar Íslendingar
færðu landhelgina út í 12 mílur árið
1958 og Bretar sendu sjóher sinn
hingað til lands, þá hefðu þeir mátt
vita að þeir hefðu aldrei unnið deil-
una með flotavaldi. Þetta var póli-
tísk og diplómatísk deila. Um leið
og breski sjóherinn kom á Íslands-
mið voru Bretar búnir að tapa orr-
ustunni þótt þeir gætu þrjóskast við
í nokkur ár. Þarna endurspeglaðist
sá misskilningur þeirra að Bretland
væru enn flotaveldi og þyrfti
þrönga landhelgi, en hagsmunir
þeirra á þessum tíma voru allt aðrir
en á nýlendutímanum. Bretland var
að breytast úr heimsveldi í miðl-
ungs Evrópuríki en það var erfitt
fyrir þá að skilja þá staðreynd.“
Bretar of þröngsýnir
í landhelgisdeilunni
Guðni Th. Jóhannesson
Rannsakar baráttu deyjandi heimsveldis í N-Atlantshafi
FRÉTTIR
8 LAUGARDAGUR 20. SEPTEMBER 2003 MORGUNBLAÐIÐ
Menn bíða nú spenntir eftir að sjá hvort „óskabarn þjóðarinnar“ verður endurskírt.
Ljósheimar eru eins árs
Aldagömul
speki og ný
FYRIRTÆKIÐLjósheimar er einsárs um þessar
mundir. Ljósheimar er
fræðslu- og heilunarmið-
stöð til húsa í Brautarholti
8. Samkvæmt eigendum
Ljósheima er um nýjar og
ferskar áherslur að ræða
sem eiga vaxandi vinsæld-
um og áhuga að fagna nú
um stundir. Morgunblaðið
lagði nokkrar spurningar
fyrir Sólbjörtu Guðmunds-
dóttur, annan eiganda
Ljósheima.
– Hvað eru Ljósheimar,
Sólbjört?
„Ljósheimar eru
fræðslu- og heilunarmið-
stöð sem stofnuð var af
mér og Mörthu Ernstdótt-
ur sjúkraþjálfara á síðasta
ári. Ljósheimar eru opnir öllum
sem vilja þroska sig og bæta líf
sitt og líðan. Þar hefur fólk að-
gang að mörgum leiðum til að
komast í jafnvægi hvort sem er
andlega, líkamlega eða tilfinn-
ingalega. Þar starfa nuddarar,
hómópatar, heilarar og jógakenn-
ari. Auk þess fengum við fjölda er-
lendra kennara í heimsókn á síð-
asta starfsári og von er á enn
fleirum á næsta ári. Í Ljósheimum
eru starfræktir ýmsir hugleiðslu-
og fræðsluhópar sem hittast í viku
hverri. Við höldum reglulega
Ljósheimadag til að kynna starf-
semi okkar og á morgun milli
klukkan 14 og 18 opnum við ein-
mitt dyr okkar fyrir öllum sem
áhuga hafa á. Ljósheimadagurinn
verður að þessu sinni sérlega
ánægjulegur því við höldum upp á
eins árs afmæli okkar.“
– Á þessi tegund þjónustu vax-
andi fylgi að fagna í þjóðfélaginu?
„Sífellt fleiri leita til okkar í
Ljósheimum. Fólk gerir sér betur
og betur grein fyrir því hvað
skiptir miklu máli að horfa inn á
við og finna leiðir til að láta sér
líða betur á líkama og sál. Fólk
spyr sig í auknum mæli hvað það
geti sjálft gert, hvernig það geti
tekið af skarið með eigin ham-
ingju á varanlegan og uppbyggj-
andi hátt. Í Ljósheimum hjálpum
við fólki að hjálpa sér sjálft.“
– Er alger sátt um hana meðal
heilbrigðisstétta?
„Ég hef í auknum mæli fundið
fyrir velvild hinna svokölluðu
hefðbundnu heilbrigðisstétta í
garð minnar vinnu. Þegar fólk
mætir einlægum vilja og fagleg-
um vinnubrögðum sem miða að
því að bæta líf og líðan manneskj-
unnar verður það jákvætt og opið
fyrir nýjum leiðum sem þjóna
manneskjunni. Það er einlægur
vilji okkar Mörthu að vinna í góðu
samstarfi með öðrum heilbrigðis-
stéttum.“
– Þú talaðir um sérstöðu Ljós-
heima, í hverju er hún fólgin?
„Ljósheimar hafa frá upphafi
lagt áherslu á að auka fjölbreytni
og gæði heilsutengdra meðferða
og námskeiða á Íslandi. Mikinn
auð er nú þegar að
finna hér á landi en
með alþjóðasamstarfi
hafa Ljósheimar bætt
þann auð enn frekar.
Reglulega koma hing-
að til lands kennarar og meðferð-
araðilar víðs vegar að frá Banda-
ríkjunum og Þýskalandi auk
Ítalíu. Í Ljósheimum er sérstakt
safn bóka til útláns eða lestrar á
staðnum. Allflestar bækurnar
voru gefnar Ljósheimum. Kunn-
ugir jafnt sem ókunnugir víðs veg-
ar að úr heiminum hafa sent okk-
ur bækur. Bókasafnið vex og
dafnar og eru bækur tengdar
anda, líkama og sál alltaf vel þegn-
ar.“
– Segðu okkur eitthvað frá
þessu fólki sem hefur komið og er
auk þess væntanlegt ...
„Á fyrsta starfsári Ljósheima
fengum við átta heimsóknir er-
lendis frá. Til okkar kom m.a.
hómópatinn Paul Herscu sem er
þekktur um allan heim á sínu
sviði. Selena Diditi kemur reglu-
lega með fjölbreytt námskeið þar
sem m.a. er skyggnst inn á víddir
engla og gyðja. Snemma á næsta
ári er svo von á feng shui-meistara
að nafni Zai Hong Shen sem rekur
feng shui-stofnun í New York. Við
reiknum með að fá að meðaltali
tvær heimsóknir að utan í mánuði
á þessu starfsári.“
– Hvað með fyrirmyndir Ljós-
heima?
„Sérstök tengsl hafa myndast
milli Ljósheima og staðarins
Damanhur sem er við rætur
Ítölsku Alpanna. Kennarar þaðan
koma þrisvar til fjórum sinnum á
ári í Ljósheima og miðla af 30 ára
rannsóknarvinnu á sviði esóter-
ískra fræða. Í Damanhur eru það
verkin sem tala og menn lifa í sátt
við efni og anda. Næsta námskeið
verður helgina 22.–23. nóvember.
Ljósheimar standa reglulega fyrir
námsferðum til Damanhur.“
– Hvað áttu við með esóterísk-
um fræðum?
„Það eru andleg fræði.“
– Þessi starfsemi
hljómar eins og angi af
því sem kallað var ný-
aldarfræði fyrir all-
nokkrum árum. Er það
svo, og hvernig hafa
þau fræði staðist tímans tönn?
„Þeir sem vinna í Ljósheimum
byggja á aldagamalli speki í bland
við það nýjasta sem er að gerast í
þessum fræðum. Sumir segja að
heimurinn fari í hringi, ég vil
meina að hann fari í spíral, að við
það gamla bætist ný þekking
þeirra sem áfram leita. Því má
segja að hin svokallaða nýaldar-
speki blómstri og dafni vel.“
Sólbjört Guðmundsdóttir
 Sólbjört Guðmundsdóttir er
fædd 23. nóvember 1969 í Boston
í Massachusetts í Bandaríkj-
unum. Hún er útskrifuð í klass-
ískum söng frá Tónlistarskól-
anum í Reykjavík árið 1997.
Varð reikimeistari sama ár. Á og
að baki tveggja ára nám frá Et-
hericos School of Energy Medic-
ine, kláraði þar árið 2000. PNLP
2001. Hefur auk þessa sótt fjölda
námskeiða í Bandaríkjunum,
Bretlandi, Skandinavíu og á Ítal-
íu í tengdum fræðum. Maki er
Pálmi Símonarson rafmagns-
verkfræðingur, starfandi hjá
Flugkerfum. Auk þess er á heim-
ilinu kötturinn Skarphéðinn.
Þegar fólk
mætir einlæg-
um vilja …