Morgunblaðið - 20.09.2003, Blaðsíða 48
48 LAUGARDAGUR 20. SEPTEMBER 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
MENN hafa verið að velta því fyrir
sér hvað vaki fyrir Ingibjörgu Sól-
rúnu nú þegar hún hefur tekið af
skarið að hún muni ekki sækjast eftir
formannssæti Samfylkingarinnar.
Hún hefur sinn metnað og hann er-
hennar framtíðarsýn sem hún er að
vinna að fyrir Samfylkinguna ásamt
fleirum.
Hún sér sér hag í því að mennta sig
til náinnar skilnings á Evrópubanda-
laginu og því sem þar er að gerast.
Ég álít að með þeim skrefum sem
hún hefur stigið undanfarið misseri
séu merki um sterkan karakter sem
hefur hag þjóðar sinnar að leiðar-
ljósi. Ég styð hana því heilshugar í
því sem hún er að taka sér fyrir hend-
ur.
Einnig vil ég benda á þá staðreynd
að Össur Skarphéðinsson er rétt-
kjörinn formaður Samfylkingarinnar
og sómir sér þar vel, skrefin sem
hann hefur tekið t.d. með því að fá
Ingibjörgu Sólrúnu til liðs við Sam-
fylkinguna er skref sem hann hefur
tekið af heilindum fyrir þjóð og land.
Því sýnist mér þessi þróun sem hefur
verið tekin af Samfylkingunni vera í
þjóðarhag hvernig sem litið er á það.
Ég vil því hvetja þau til áframhald-
andi styrkrar stjórnar eins og hingað
til. Ég bíð spenntur næstu ár að sjá
árangur þess sem þau taka sér fyrir
hendur í þágu þjóðarinnar sem mér
sýnist vera þeirra aðaláhugamál að
vinna þjóðinni til hagsbóta og heilla.
Nei, það er ekki efi hjá mér að
Ingibjörg er að hugsa hlýtt til þjóð-
arinnar þegar hún tekur sínar
ákvarðanir í ljósi kringumstæðna, ég
óska henni og Samfylkingunni alls
þess besta í framtíðinni eins og þau
eiga skilið.
Ingibjörg er nú að fara í skóla sem
gerir henni kleift að skilja Evrópu-
bandalagið betur og hugsunargang
og hugmyndafræði sem það er byggt
á, það mun koma henni að miklum
notum í framtíðarsýn Samfylkingar-
innar.
Hún hefur gott af því að horfa á ís-
lenska pólitík úr fjarlægð, það mun
skerpa skilning hennar á þeim gríð-
arlegu hagsmunum sem íslenska
þjóðin á í því að ganga í Evrópu-
bandalagið og það mun styrkja hana í
að halda stýri og sigla réttan kompás.
BJARNI ÞÓR ÞORVALDSSON,
listamaður B.Thor og öryrki,
Asparfelli 12, 111 Reykjavík.
Ingibjörg í tengslum
við Evrópubandalagið
Frá Bjarna Þór Þorvaldssyni:
ÉG VIL þakka Matthíasi Johann-
essen fyrir bréf hans til blaðsins, 6.
september síðastliðinn, sömuleiðis
Þorbjörgu Sigurðardóttur frá Sel-
fossi, hennar skrif í dag, 17. sept-
ember. Það voru orð í tíma töluð.
Þessir ruglþættir til „Elsku dúll-
unnar“ eru bara bull og eiga ekki
neitt erindi í útvarp, nema síður sé.
Engum til uppbyggingar eða fróð-
legs og þetta vesæla fólk, sem
hringir stöðugt til hennar, ja svei
og svei.
ELSA ÞÓRARINSDÓTTIR,
Engjahjalla 9, 200 Kópavogi.
Mín skoðun
Frá Elsu Þórarinsdóttur:
EVRÓPSK samgönguvika er mjög
þarft framtak. Umferðarmál á höfuð-
borgarsvæðinu verða tekin til um-
hugsunar og veitir ekki af.
Hinn 17. september var hjólreiða-
dagur og voru allir hvattir til að nota
reiðhjól sem samgöngutæki, ekki síst
skólabörn.
Ef þú lesandi ert foreldri sem ætlar
að láta barnið þitt hjóla í skólann eru
hér nokkrar spurningar til þín:
1. Þekkir barnið þitt bestu og
hættuminnstu leiðina í skólann?
Kannski væri æskilegt að þú fylgdir
barninu í nokkur skipti í skólann til að
þjálfa það og benda á mögulegar
hættur á leiðinni.
2. Er hjól barnsins í góðu lagi, t.d.
bremsurnar, ljósin o.fl.?
3. Stjórnar barnið hjólinu sínu nógu
vel? Litli strákurinn sem var um dag-
inn á vegi mínum og bremsaði með
fótunum niður á malbikið var heppinn
að komast niður brekkuna slysalaust.
Annaðhvort kunni hann ekki nógu vel
að hjóla eða bremsurnar voru bilaðar.
4. Kann barnið þitt eitthvað af aðal-
umferðarreglunum, t.d. að það er
hægri umferð á Íslandi? Það gildir
auðvitað líka á hjólreiðastígum. Ég
hef núna í sumar tvisvar orðið fyrir
meiðslum sökum þess að barn kom á
móti mér á röngum vegarhelmingi og
hjólaði á mig. Börnum þessum datt
ekki til hugar að það gæti komið ein-
hver á móti. Smá fræðsla gæti gert
kraftaverk.
5. Er í þínu bæjarfélagi nógu vel
gengið frá stígakerfinu þannig að það
leynist ekki óþarfar hættur á leiðinni í
skólann? Ef ekki, láttu í þér heyra. Af
öllum milljörðum sem fara í gatna-
framkvæmdir hljóta einhverjir smá-
peningar að vera afgangs fyrir vist-
vænni samgöngur.
6. Er í skóla barnsins þíns hugað að
góðri reiðhjólageymslu? Þar á ég við
geymslu þar sem hjólin standa á
þurrum og vöktuðum stað. Ekki er
spennandi að hjóla í skólann þegar
reiðhjólin liggja undir skemmdum í
veðri og vindum. Láttu í þér heyra hjá
skólayfirvöldum í þeim málum.
7. Reiðhjólahjálmurinn er alveg
sjálfsagður hlutur en hann einn dugar
skammt. Enn eru margir góðir dagar
framundan í haust þar sem við getum
notað hjólið, komast milli staða á vist-
vænan hátt og fáum alveg ókeypis
holla og góða hreyfingu.
Gott hjólreiðarhaust!
ÚRSÚLA JÜNEMANN,
kennari.
Hjólreiðar í skólann
Frá Úrsúlu Jüneman: