Morgunblaðið - 05.11.2003, Blaðsíða 2

Morgunblaðið/Kristinn
David Attwood segist hrifinn af Íslandi, ekki síst
að vetrarlagi, og ætlar að koma hingað aftur.
„ÉG hlakka til að komast í heitan pott,“ sagði
David Attwood, 38 ára bandarískur göngugarp-
ur, í gærkvöldi eftir tapaða glímu við íslenskan
vetur á Fimmvörðuhálsi, eitt mesta veðravíti
landsins. David hefur oft komið til landsins og
langaði að þessu sinni til að fara í alvöru vetr-
arleiðangur og valdi sér metnaðarfullt verkefni;
fara fótgangandi frá Þórsmörk í Skóga. Við
góðar aðstæður er þetta meðalerfið dagsganga
en getur snúist upp í mikla háskaför ef menn
villast eða lenda í slæmu veðri.
Upphaflega ætlaði David að fara Laugaveg-
inn svokallaða, frá Landmannalaugum til Þórs-
merkur, en fékk ekki far upp í Laugar. Því
varð Fimmvörðuháls fyrir valinu.
Hann var einn síns liðs og lagði upp frá Bás-
um á mánudag og hafði það hálfa leið í Skóga.
Hríðarveður stöðvaði hann þegar hann átti
skammt eftir í skála Útivistar uppi á háheiðinni.
„Mér gekk vel þangað til snjónum fór að kyngja
niður. Það var 30 til 40 cm djúpur snjór sem
huldi slóðann. En ég var með tjald og sló því
upp fyrir nóttina (aðfaranótt þriðjudags) og
morguninn eftir hafði ég samband við björg-
unarsveitir og leitaði ráða hjá þeim. Mér var
ráðlagt að snúa við niður í Þórsmörk. Það var
ekki hætta á ferð, en hefði ég haldið áfram
áleiðis að Skógum hefði ég lent í hættu, enda
var veðrið slæmt. Ég var ágætlega búinn og var
aldrei kalt.“
Liðsmenn Dagrenningar frá Slysavarnafélag-
inu Landsbjörg fóru í gær inn í Bása, sóttu Dav-
id og komu honum í rútu til Reykjavíkur en
hann hugðist fara heim í dag, miðvikudag.
David er frá New York og starfar þar í tölvu-
geiranum. Honum tókst ekki að sannfæra eig-
inkonu sína um að koma með til Íslands þannig
að hann kom hingað einn síns liðs. „Ég hef
komið hingað sex eða sjö sinnum áður og stund-
að gönguferðir og fjallgöngur. Ég er mjög hrif-
inn af landinu, ekki síst að vetrarlagi.“ Hann
hrósar björgunarsveitunum fyrir vel unnin
störf og segir liðsmenn Landsbjargar hafa verið
mjög hjálpsama.
Þótt þessi ferð hafi mistekist stefnir David að
því að koma hingað aftur og klára leiðangurinn
við betra tækifæri.
Bandarískur göngumaður lenti í klóm Vetrar konungs á Fimmvörðuhálsi
„Hlakka til að kom-
ast í heitan pott“
FRÉTTIR
2 MIÐVIKUDAGUR 5. NÓVEMBER 2003 MORGUNBLAÐIÐ
DV GJALDÞROTA
Útgáfufélag DV var úrskurðað
gjaldþrota í gær í Héraðsdómi
Reykjavíkur. Óskaði félagið sjálft
eftir því að vera tekið til gjald-
þrotaskipta. Blaðið mun áfram koma
út á ábyrgð og reikning dótturfélags
Landsbanka Íslands sem er lang-
stærsti kröfuhafinn. Að sögn Þor-
steins Einarssonar skiptastjóra eru
heildarskuldir þrotabúsins taldar
vera rúmlega 1.100 milljónir kr.
Eimskip skipt upp
Ákveðið var á stjórnarfundi Hf.
Eimskipafélags Íslands í gær að
skipta félaginu upp í tvö félög. Mun
annað félagið, Eimskipafélag Ís-
lands, annast alla flutningastarfsemi
eins og verið hefur frá stofnun fé-
lagsins. Hitt félagið, Burðarás, mun
sinna fjárfestingarstarfsemi og taka
yfir hlutabréf í Brimi hf. Ingimund-
ur Sigurpálsson, forstjóri Eimskipa-
félagsins, óskaði eftir lausn frá störf-
um í ljósi þessara breytinga.
Listahátíð árlega frá 2005
Ríkisstjórnin samþykkti í gær að
Listahátíð í Reykjavík verði haldin
árlega frá 2005 og að framlög rík-
isins verði á hverju ári 30 milljónir
kr. Á fundi borgarráðs var þá sam-
þykkt 30 milljóna kr. framlag borg-
arinnar fyrir hátíðina 2005.
Ekki nauðasamningar
Hæstiréttur staðfesti í gær úr-
skurð Héraðsdóms Reykjavíkur frá
17. október þar sem hafnað var
kröfu fuglabúsins Móa hf. um að fé-
laginu yrði veitt heimild til nauða-
samningsumleitana. Fátt virðist nú
geta komið í veg fyrir gjaldþrot Móa
að sögn lögmanns félagsins.
Ólga á Sri Lanka
Forseti Sri Lanka, Chandrika
Kumaratunga, leysti þrjá ráðherra í
ríkisstjórn landsins frá völdum í gær
er forsætisráðherrann, Ranil
Wickremesinghe, var staddur er-
lendis. Forsetinn lét einnig hermenn
taka sér stöðu við mikilvægar bygg-
ingar. Aðgerðirnar eru taldar munu
auka á pólitískan óstöðugleika.
Y f i r l i t
Í dag
Sigmund 8 Þjónusta 29
Viðskipti 12/13 Viðhorf 30
Úr verinu 13 Minningar 30/33
Erlent 14/15 Brids 34
Minn staður 16 Bréf 37
Höfuðborgin 17 Kirkjustarf 37
Akureyri 18/19 Dagbók 38/39
Suðurnes 18/19 Staksteinar 38
Landið 19 Íþróttir 40/43
Daglegt líf 20/21 Fólk 44/49
Listir 22/24 Bíó 46/49
Umræðan 24/25 Ljósvakamiðlar 50
Forystugrein 26 Veður 51
* * *

FJÖR Í DAYTONA

VW CROSSFOX

NÝR TRANSPORTER
BÍLASALAN

BAKSVIÐ ENDURO

AUDI LE MANS

FORD FOCUS C-MAX
FIMM SÆTA MEÐ FJÖLNOTALAGI
FLATAHRAUNI 31 • HAFNARFIRÐI
SÍMI 555 6025 • www.kia.is
KIA ÍSLAND
Bílar sem borga sig!
Láttu flér ekki ver›a kalt!
Fjarstart með eða án þjófavarnar.
Hlýleg tilhugsun.
S u ð u r l a n d s b r a u t 2 2
S í m i 5 4 0 1 5 0 0
w w w. l y s i n g . i s
LÝSING
Alhliða
lausn í
bílafjármögnun
SKYNDILEGA varð allt hvítt og það
var sem fólki væri kippt inn í vet-
urinn á augabragði rétt fyrir hádegi
í gær. Allir sem vettlingi gátu valdið
nutu nýsnævisins, bjuggu til snjóhús
eða fóru í snjókast. Að sjálfsögðu er
það illur leikur að ráðast á aðra með
ofurefli, en hér virðast tveir etja
kappi saman og ólíklegt að stráksi
hafi komist upp með að halda uppi
ítrekuðum snjóboltaárásum á stúlk-
una. Þessi snjór mun þó varla endast
lengi því spáð er talsverðum hlýind-
um allt fram undir helgi.
Morgunblaðið/Þorkell
Skyndi-
lega allt
hvítt
RÍKISSTJÓRN samþykkti í gær að
lagt verði fyrir stjórnarflokkana
frumvarp til laga um uppfinningar
starfsmanna. Á minnisblaði iðnaðar-
ráðherra segir að löggjöf um upp-
finningar starfsmanna hafi verið í
gildi um árabil annars staðar á Norð-
urlöndunum og víðar. Setning slíkra
laga hér á landi er talin geta eytt
nokkurri réttaróvissu um túlkun á
lögum um einkaleyfi og kann hugs-
anlega að leiða til fjölgunar einka-
leyfa.
Markmiðið með frumvarpinu er að
setja réttarreglur um uppfinningar
starfsmanna sem taki bæði tillit til
hagsmuna atvinnurekanda og starfs-
manns.
Taki til starfsmanna almennt
„Þeir þurfa þá ekki að semja sín á
milli um öll atriði, t.d. um rétt starfs-
manns til uppfinningar, sem hann
kemur fram með, og framsalsrétt at-
vinnurekandans til uppfinningarinn-
ar gegn sanngjörnu endurgjaldi en
slíkt endurgjald er talið geta örvað
starfsmenn til að koma fram með
einkaleyfishæfar uppfinningar,“
segir í minnisblaði ráherra.
Þá kemur fram að lögin taki eins
og í Noregi til starfsmanna almennt
og þá einnig starfsmanna er sinna
vísindastörfum við háskóla eða aðra
skóla á háskólastigi, svo og opinber-
ar rannsóknarstofnanir. „Þá tak-
markast lögin við einkaleyfishæfar
uppfinningar og ná því ekki til tölvu-
forrita og viðskiptaaðferða sem
slíkra, hönnunar né hugverka sem
uppfylla ekki skilyrði einkaleyfisum-
sóknar en eru þó hagnýtanleg.“
Lög undirbúin um upp-
finningar starfsmanna
ÚTLIT er nú fyrir að öllu óbreyttu
að eigið fé Fæðingarorlofssjóðs verði
að fullu uppurið um áramótin 2004/
2005, eða nokkru fyrr en áður var
talið. Skv. nýju yfirliti yfir stöðu
Fæðingarorlofssjóðs, sem Árni
Magnússon félagsmálaráðherra
kynnti í ríkisstjórn í gær, var greidd-
ur tæpur 4,1 milljarður kr. úr Fæð-
ingarorlofssjóði á fyrstu níu mánuð-
um ársins. Áætlanir félagsmála-
ráðuneytisins gera nú ráð fyrir að
útgjöld sjóðsins síðustu þrjá mánuði
ársins verði á bilinu 1.350 til 1.400
milljónir kr.
Skv. fjárlögum ársins 2003 er gert
ráð fyrir að útgjöld Fæðingarorlofs-
sjóðs verði 5,3 milljarðar kr. Tekjur
sjóðsins af tryggingagjaldi eru áætl-
aðar um 3,9 milljarðar og ríkisfram-
lagið tæpar 400 millj. kr. Gjöld um-
fram tekjur eru í fjárlögum áætluð 1
milljarður kr. Í árslok 2002 var eigið
fé sjóðsins rúmir 2,5 milljarðar. Var
því gert ráð fyrir að þessi inneign
yrði um 1,5 milljarðar kr. í árslok
2003.
Raunverulegar greiðslur úr sjóðn-
um það sem af er árinu og ný áætlun
um greiðslur síðustu mánuði ársins
benda hins vegar til að útgjöld um-
fram áætlun fjárlaga verði 150–200
milljónir kr. og eigið fé sjóðsins í árs-
lok verði því lægra sem nemur þess-
ari fjárhæð, eða um 1,3–1,4 milljarð-
ar.
Staða Fæðingar-
orlofssjóðs verri
en áætlað var