Morgunblaðið - 05.11.2003, Side 43

MORGUNBLAÐIÐ MIÐVIKUDAGUR 5. NÓVEMBER 2003 43
ISABELL Herlovsen, samherji
Katrínar Jónsdóttur hjá norska
knattspyrnuliðinu Kolbotn, fær
ekki að leika bikarúrslitaleikinn
gegn Medkila um næstu helgi.
Ástæðan; Herlovsen er of ung – er
15 ára og í hópi efnilegustu knatt-
spyrnukvenna Noregs. Samkvæmt
reglum norska knattspyrnu-
sambandsins er hún of ung til að
spila bikarúrslitaleikinn. Kolbotn
sótti sérstaklega um leyfi fyrir Isa-
bell til að spila úrslitaleikinn en var
synjað af ofangreindum ástæðum.
„Þetta eru fáránlegar reglur. Isa-
bell er nógu góð til að spila leik sem
þennan,“ segir Hans Knudsen, að-
stoðarþjálfari Kolbotn.
Forkólfar sambandsins segja að
til að spila með atvinnumannaliði
verði leikmaður að hafa náð 16 ára
aldri. Þjálfari kvennalandsliðs Nor-
egs, Åge Steensom, segir að sam-
bandið verði að endurskoða reglur
sínar. „Ef maður er nógu góður til
að spila þá er maður nógu gamall.“
Isabell er að vonum súr með nið-
urstöðuna. „Ég veit ekki hvort ég
hefði fengið að byrja inná en það
hefði verið skemmtilegt að vera
þátttakandi, hvort sem ég hefði
verið í liðinu eða á bekknum. Ef ég
hefði fengið að spila er ég viss um
að ég hefði klárað mig á því,“ segir
Isabell, sem er dóttir Kail Eriks
Herlovsen, fyrrum landsliðsmanns.
Of ung til að spila bikar-
úrslitaleikinn í Noregi

BOGI Ragnarsson, knattspyrnu-
maður úr Aftureldingu, er genginn
til liðs við 1. deildarlið Hauka. Bogi
hefur spilað með Mosfellingum í 1.
deildinni undanfarin tvö ár.

PIA Sundhage, fyrrum landsliðs-
kona Svía í knattspyrnu, hefur verið
ráðin þjálfari Kolbotn í Noregi, sem
Katrín Jónsdóttir leikur með. Sund-
hage var valin þjálfari ársins í
bandarísku atvinnudeildinni í ár en
Boston Breakers varð deildarmeist-
ari undir hennar stjórn. Hún missti
vinnuna eins og margir fleiri þegar
deildin var lögð niður í haust.

MALCOLM Christie, sóknarmað-
ur hjá enska knattspyrnufélaginu
Middlesbrough, fótbrotnaði á æf-
ingu í gær. Hann verður frá keppni í
nokkurn tíma en ekki liggur fyrir
hvort hann þurfi að fara í aðgerð.

BRYNJAR Björn Gunnarsson sat
á varamannabekknum hjá Notting-
ham Forest allan tímann þegar lið
hans tapaði fyrir Walsall, 4:1, í ensku
1. deildinni í knattspyrnu í gærkvöld.

CHELSEA tefldi fram þremur
fyrrverandi leikmönnum Lazio þeg-
ar félögin mættust í Meistaradeild
Evrópu í knattspyrnu í gærkvöld.
Það voru þeir Carlo Cudicini, Juan
Sebastian Veron og Hernan Crespo.
Ítölsku áhorfendurnir púuðu á
Crespo þegar hann fór af velli fyrir
Eið Smára Guðjohnsen um miðjan
síðari hálfleik.

GREGG Popovich, þjálfari San
Antonio Spurs, var í dæmdur í eins
leiks bann af forystu NBA deildar-
innar. Popovich „rakst“ utan í einn
dómara leiks Spurs og Memphis og
var rekinn af hliðarlínunni fyrir vik-
ið. Banninu fylgir sjálfkrafa þúsund
dollara sekt.

KEVIN Garnett, leikmaður
Minnesota, var í gær sektaður af fé-
laginu um 5.000 dollara, sem eru
nærri 400.000 krónur, fyrir að kasta
bolta upp í áhorfendapalla í leik við
Utah Jazz. Garnett missti stjórn á
skapi sínu eftir að dómarinn gaf hon-
um tæknivillu og í kjölfarið fylgdi
önnur, við mikinn fögnuð áhorfenda.
FÓLK
Hernan Crespo skoraði fyrstamarkið á 14. mínútu þegar
Matteo Sereni, markvörður Lazio,
sló boltann til hans eftir fyrirgjöf frá
Juan Sebastian Veron. Serbinn
reyndi Sinisa Mihajlovic var rekinn
af velli í byrjun síðari hálfleiks og tíu
leikmenn Lazio áttu sér ekki við-
reisnar von. Eiður Smári kom inn á
fyrir Crespo og aðeins þremur mín-
útum síðar fékk hann boltann eftir
að Sereni varði skot frá Frank
Lampard og skoraði af stuttu færi,
2:0. Reyndar var rangstöðulykt af
markinu og áhöld um hvort Eiður
hafi verið samsíða varnarmönnum
Lazio eða aðeins fyrir innan þá þeg-
ar Lampard lét skotið ríða af.
Damien Duff skoraði þriðja mark-
ið eftir glæsilegan einleik og loks
höfðu þeir Eiður og Lampard hlut-
verkaskipti. Nú var það Eiður sem
skaut að marki, Sereni varði en
Lampard fylgdi á eftir og skoraði,
4:0.
Glen Johnson, varnarmaður
Chelsea, var rekinn af velli fyrir
kjánalegt atvik á síðustu mínútunni
og fékk orð í eyra frá Claudio Ran-
ieri, knattspyrnustjóra Chelsea,
þegar hann gekk af velli.
Chelsea er þar með fimm stigum á
undan Sparta Prag og Lazio sem eru
í þriðja og fjórða sætinu og staða
liðsins er afar vænleg. Besiktas
komst í annað sætið, þremur stigum
á eftir Chelsea, með því að vinna
Sparta Prag, 1:0, í Istanbúl í gær-
kvöld.
Sætur sigur fyrir Ranieri
gegn erkifjendunum
Sigurinn var sérlega sætur fyrir
Claudio Ranieri, sem er ítalskur og
stuðningsmaður Roma, erkifjenda
Lazio, frá barnæsku. „Ég hef stjórn-
að Cagliari, Napoli og Fiorentina á
þessum velli en eftir sjö ára dvöl er-
lendis var það tilfinningaþrungin
stund fyrir mig að stíga aftur inn á
Ólympíuleikvanginn,“ sagði Ranieri.
Hann taldi að ástæða þess að leik-
urinn reyndist Chelsea auðveldari
en heimaleikurinn gegn Lazio, sem
endaði 2:1, væri sú að í þetta skiptið
var ítalska liðið sókndjarfara. „Á
Stamford Bridge lá Lazio í vörn og
reyndi að beita skyndisóknum. Að
þessu sinni þurfti liðið að taka frum-
kvæðið og leikmenn þess voru mjög
óstyrkir, sem leiddi til þess að þeir
áttu fjölmargar misheppnaðar send-
ingar. Það vakti furðu mína, en ég
viðurkenni að um 80 prósent af því
sem við reyndum í leiknum gekk
upp.“
Það hefur komið mörgum á óvart
hve hratt Ranieri hefur náð að
byggja upp sterka liðsheild eftir að
hafa fengið til sín leikmenn úr ýms-
um áttum. „Það er hugarfar leik-
mannanna sem gerir útslagið og ég
hef reynt að berja inn í þá sigurvilj-
ann. Við hefðum hæglega getað kom-
ið til Rómar og stefnt að því að halda
einu stigi, en lið eins og Chelsea mun
ávallt leika til sigurs. Ég veit ekki
hve langt við getum náð, það er ekki
mjög mikil reynsla í okkar liði, eink-
um í vörninni þar sem við erum með
unga stráka, en við munum læra
mikið á þessu tímabili. Ég myndi
vilja vinna enska meistaratitilinn áð-
ur en við förum að hugsa lengra,“
sagði Ranieri.
Mihajlovic á refsingu
yfir höfði sér
Roberto Mancini, þjálfari Lazio,
var ekki sáttur við framgöngu Mih-
ajlovics í leiknum. Serbinn slapp vel í
fyrri hálfleiknum þegar hann hrækti
á Adrian Mutu, sóknarmann
Chelsea, en var svo rekinn af velli
fyrir tvö gul spjöld í byrjun þess síð-
ari.
„Ég sá ekki hvað gerðist en ef það
er rétt að hann hafi hrækt á Mutu
voru það hrikaleg mistök af hans
hálfu og fyrir það mun hann þurfa að
gjalda. Leikurinn var góður þar til
rauða spjaldið fór á loft, þá áttum við
reyndar ágætan sprett, en eftir það
var engin leið að halda aftur af
Chelsea. Flest mörkin komu eftir
slæm mistök af okkar hálfu og leikur
okkar einfaldlega hrundi,“ sagði
Mancini.
AC Milan knúði fram
sigur í Brugge
Evrópumeistarar AC Milan náðu
forystunni í H-riðli keppninnar í
gærkvöld þegar þeir sigruðu Club
Brugge í Belgíu, 1:0. Brasilíumaður-
inn Kaka skoraði sigurmarkið aðeins
fimm mínútum fyrir leikslok og Ítal-
irnir náðu því að hefna fyrir hinn
óvænta ósigur á heimavelli gegn
Belgunum á dögunum. AC Milan var
þó lengi með aðeins 10 menn eftir að
Alessandro Nesta fékk að líta rauða
spjaldið.
Riðillinn er geysispennandi því
Celta Vigo vann Ajax, 3:2, en Ajax
var efst fyrir leiki gærkvöldsins.
Mikið gekk á og einn leikmaður úr
hvoru liði var rekinn af velli. Öll fjög-
ur liðin eiga því ágæta möguleika á
að ná öðru tveggja efstu sætanna og
komst í 16-liða úrslitin.
„Sigurinn gefur okkur nýja von
um að komast áfram og um leið eyk-
ur hann sjálfstraust okkar,“ sagði
Miguel Angel Lotina, þjálfari Celta
Vigo.
Reuters
Eiður Smári Guðjohnsen sendir boltann í markið hjá Lazio án þess að varnarmenn ítalska liðsins
geti gert nokkuð annað en beðið um rangstöðu, án árangurs. Á innfelldu myndinni fagnar Frank
Lampard Eiði eftir markið og til vinstri er Eiður einbeittur á svip.
Eiður nýtti tæki-
færið í Rómaborg
EIÐUR Smári Guðjohnsen nýtti tækifærið vel þegar hann kom inn á
sem varamaður hjá Chelsea gegn Lazio í Meistaradeild Evrópu í
gærkvöld en liðin mættust í Rómarborg. Eiður kom til leiks á 67.
mínútu og hann skoraði eitt mark og átti stóran þátt í öðru en
Chelsea vann sannfærandi stórsigur, 4:0. Með þessum úrslitum er
Lundúnaliðið komið með mjög góða stöðu á toppi G-riðils deildar-
innar, hefur unnið þrjá af fjórum leikjum sínum, og þarf aðeins tvö
stig úr tveimur síðustu leikjunum, gegn Sparta Prag á heimavelli og
Besiktas á útivelli, til að komast í 16-liða úrslit keppninnar.
Fimm mörk
frá Gylfa
GYLFI Gylfason, landsliðs-
maður í handknattleik,
skoraði 5 mörk í gærkvöld
þegar lið hans. Wilhelms-
havener, sigraði Stralsund-
er á útivelli, 21:20, í þýsku
bikarkeppninni. Stralsund-
er komst í 15:8 í síðari
hálfleik en skoraði ekki
mark síðustu 10 mínútur
leiksins og Gylfi og félagar
nýttu sér það til hins
ítrasta.
Alfreð Gíslason stýrði
Magdeburg til ótrúlega
auðvelds útisigurs gegn
Grosswallstadt, 30:23, í
bikarkeppninni. Staðan var
15:7 í hálfleik og Alfreð
leyfði ungu strákunum í
liðinu að spreyta sig mikið
í síðari hálfleiknum.
ÍÞRÓTTIR
HANDKNATTLEIKUR
Bikarkeppni karla, SS-bikarinn, 16-liða
úrslit:
Austurberg: ÍR - Fram.........................19.15
Víkin: Víkingur - Breiðablik .................19.15
Hlíðarendi: Valur 2 - ÍBV .....................19.15
Ásvellir: Haukar - KA................................20
1. deild kvenna, RE/MAX-deildin:
Fylkishöll: Fylkir/ÍR - Valur................19.15
Kaplakriki: FH - Víkingur....................19.15
KA-heimilið: KA/Þór - Haukar ............19.15
Seltjarnarnes: Grótta/KR - Fram........19.15
KÖRFUKNATTLEIKUR
Evrópukeppni
Keflavík: Keflavík - Ovarense ..............19.15
Fyrirtækjakeppni KKÍ, Hópbílabikar
kvenna:
DHL-höllin: KR - Haukar ....................19.15
Í KVÖLD