Morgunblaðið - 05.11.2003, Blaðsíða 9
FRÉTTIR
MORGUNBLAÐIÐ MIÐVIKUDAGUR 5. NÓVEMBER 2003 9
30% afsláttur
af yfirhöfnum
Eddufelli 2 Bæjarlind 6
s. 557 1730 s. 554 7030
Opið mán.—fös. frá kl. 10—18
lau. kl. 10—16
Teinóttar ullardragtir
Glæsilegar sparidragtir
og dress
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—16.00.
Opið mánudaga-föstudaga
frá kl. 12-18 og
laugardaga frá kl. 12-15
Skólavörðustíg 2 – sími 544 8880.
NÝ SENDING
af glæsilegum minnkapelsum
Laugavegi 84, sími 551 0756
Úrval af peysum og buxum
Tækifærisdagar
Gréta Boða verður alla vikuna með
kynningu.
Líttu við og nýttu þér frábær tilboð
í öllum merkjum.
Sími 568 5170
Franska
matarstellið
sími 544 2140
w
w
w
.li
fo
gl
is
t.
is
KYNJAKVÓTAR, stytting framhaldsskóla-
náms, forsetakosningarnar næsta vor og skóla-
gjöld við háskóla var meðal þess sem nemendur
Kennaraháskóla Íslands vildu fá skoðun Ólafs
Ragnar Grímssonar, forseta Íslands, á en hann
var í heimsókn í skólanum í gær.
Ólafur Ragnar sagði í inngangsorðum sínum
á umræðufundi með nemendum og starfsfólki
skólans að nauðsynlegt væri að háskólarnir í
landinu væru virkir í skapandi og gagnrýnni
umræðu um íslenskt þjóðfélag. Hann sagðist
hafa fundið fyrir því í heimsókn sinni að innan
Kennaraháskólans færi fram öflug umræða sem
þyrfti að skila út í samfélagið. Hann minntist á
brottfall úr námi, sem hann sagði sóun á orku
og sköpunargleði. Það væri ekki aðeins félags-
legt vandamál heldur einnig efnahagslegt.
Forsetinn var fyrst spurður að því hvort hann
ætlaði að gefa kost á sér til endurkjörs í emb-
ætti forseta Íslands næsta vor. Hann sagði
ákvörðunina ekki einfalda, í henni fælist skuld-
binding til fjögurra ára. Hann sagði að fyrir síð-
ustu kosningar hefði hann beðið með að gefa
svar fram í febrúar eða mars en að hann bygg-
ist við að hafa gert upp hug sinn fyrr að þessu
sinni.
Næst var forsetinn spurður um skoðun sína á
styttingu framhaldsskólanáms. Hann sagði að
aðalatriðið væri ekki að stytta námið heldur
hvert innihald námsins og skólaverunnar yrði.
Hann sagðist ekki finna fyrir því að Ísland hefði
liðið fyrir það að fólk komi eldra út á vinnu-
markaðinn hér en erlendis.
Forsetinn sagðist ekki styðja kynjakvóta í há-
skóla sem almenna reglu. Hann sagði þó hugs-
anlegt að slíkur kvóti ætti við á ákveðnum svið-
um og tímaskeiðum.
Forsetinn sagði það uppgjöf ef skólagjöld
ættu að vera svar við vanda háskólastigsins.
Hann sagðist vilja sjá víðtæka umræðu um mál-
ið og benti á að margt annað í skólakerfinu
þyrfti að bæta.
Ólafur Ragnar Grímsson á fundi með nemendum í Kennaraháskólanum
Morgunblaðið/Árni Sæberg
Uppgjöf ef skólagjöld eiga að vera
svar við vanda háskólastigsins
HÉRAÐSDÓMUR Reykjavíkur
hefur dæmt í gær karlmann á fimm-
tugsaldri í 4 mánaða fangelsi fyrir að
svíkja út vörur að andvirði rúmlega
514 þúsund krónur út úr tveimur
fyrirtækjum með því að nota falsað-
ar úttektarbeiðnir á stolnum eyðu-
blöðum sem hann komst yfir frá
Vegagerðinni.
Ákærði neitaði sök en dómurinn
taldi það hafið yfir allan skynsam-
legan vafa að hann hefði gerst sekur
um brotin. Maðurinn hefur nær
óslitinn sakaferil frá árinu 1980 og
hefur hlotið yfir nítján dóma auk
sátta. Flestir dómanna eru vegna
umferðarlagabrota en fimm dóma
hefur hann hlotið fyrir auðgunar-
brot.
Valtýr Sigurðsson héraðsdómari
dæmdi málið.Verjandi ákærða var
Kristján Stefánsson hrl. Málið sótti
Guðjón Magnússon fulltrúi lögreglu-
stórans í Reykjavík.
Dæmdur í fjögurra mán-
aða fangelsi fyrir fjársvik
BORGARRÁÐ samþykkti í gær
bókun vegna undirskriftar viljayfir-
lýsingar Orkuveitu Reykjavíkur,
Hitaveitu Suðurnesja og Norðuráls
um orkukaup vegna stækkunar ál-
vers á Grundartanga. Í bókuninni er
sérstök athygli vakin á því að þetta
er í fyrsta skipti sem reiknað er með
að orku til stóriðjuverkefnis sé alfar-
ið aflað með jarðgufuvirkjunum.
Viljayfirlýsing Orkuveitu Reykja-
víkur (OR), Hitaveitu Suðurnesja og
Norðuráls um orkukaupin markar
tímamót í tvennum skilningi, segir
Alfreð Þorsteinsson, formaður borg-
arráðs og formaður stjórnar OR.
„Þetta er í fyrsta sinn sem ein-
göngu er notaður jarðvarmi í jafn
stóru verkefni í stóriðju. Hingað til
hafa menn leyst orkuþörfina með
samningum við Landsvirkjun og að
langmestu leyti með vatnsfallsvirkj-
unum,“ segir Alfreð.
Þetta eru einnig tímamót í þeim
skilningi að þetta er í fyrsta skipti
sem önnur orkufyrirtæki en Lands-
virkjun semja um alla orkuveitu til
stóriðju, en það hefur ekki gerst frá
upphafi, að sögn Alfreðs. „Menn
telja sig hafa góða reynslu af gufu-
aflsvirkjununum og mér þykir ekk-
ert ólíklegt að framtíðin beri það
með sér að gufuafl verði notað í
auknum mæli í raforkuframleiðslu
hér á landi,“ segir Alfreð.
Tvöföld
tímamót í
orkumálum
STARFSMENN Fornleifaverndar
ríkisins fóru á mánudag ásamt Páli
Pálssyni frá Aðalbóli í Hrafnkelsdal
og Huldu Þráinsdóttur, minjaverði
á Austurlandi, að skoða rústir við
Sauðá, skammt frá vinnusvæði
Kárahnjúkavirkjunar, sem Páll
fann nýverið.
„Í sjálfu sér vitum við ekki enn þá
nákvæmlega hvað þetta er, hvers
konar rústir þetta eru,“ segir Krist-
ín Huld Sigurðardóttir, forstöðu-
maður Fornleifaverndar. „Þetta lít-
ur út fyrir að vera mjög gamlar
rústir, á svæðinu er þónokkuð af
rústum. En á þessu stigi málsins er
í raun lítið við þetta að bæta.“
Kristín segir að í vor þegar snjóa
leysi verði rústirnar kannaðar nán-
ar og þá reynt að aldursgreina þær.
Hún segir ýmsar aðferðir notaðar
til aldursgreiningar á Íslandi. T.d.
sé stuðst við þekkt öskulög. Hún
segir ekki tímabært að segja til um
aldur rústanna að svo stöddu. Krist-
ín bendir á að með kolefnarann-
sóknum sé hægt að aldursgreina
fornleifar með 50–100 ára skekkju-
mörkum.
Fornleifar
kannaðar
frekar í vor
♦ ♦ ♦