Morgunblaðið - 05.11.2003, Blaðsíða 19

inn og aðgerðir hans fyrir ráðstefnugestum
og kom m.a. fram í máli hans að konur
hefðu verið 2⁄3 styrkþega sjóðsins á yfir-
standandi ári, enda vandað til umsókna og
áhugaverð verkefni á ferð. Sagði hann þar
mestu skipta að konur væru oft í forsvari
fyrirtækja í ferðaþjónustu sem hefðu verið
að sækja í sig veðrið síðustu ár.
Um næstu helgi verður síðan ráðstefna og
sýning í Borgarnesi, en þar verður viðfangs-
efnið konur í jaðarbyggðum.
Morgunblaðið/Jón H. Sigurmundsson
Forvitnilegt: Hörvinnsla Ingibjargar Styrgerðar
Haraldsdóttur vakti athygli. Hún ræktar hör og
feygir og notar hann síðan til að vefa listaverk.
þjónustu
SUÐURNES
MORGUNBLAÐIÐ MIÐVIKUDAGUR 5. NÓVEMBER 2003 19
Borgarnesi | Tónlistarskóli Borgarfjarðar
hefur eignast húsið við Borgarbraut 23 sem
áður hýsti Borgarnessapótek, en síðasti eig-
andi var Lyfja hf. Skrifað var undir kaup-
samning á húseiginni sl. föstudag og lyklar
afhentir um leið.
Þetta eru merk tímamót í sögu skólans sem
hefur frá upphafi verið á húsnæðishrakhól-
um. Tónlistarskólinn var stofnaður 7. sept-
ember árið 1967 og sveitarfélög að honum
eru Borgarbyggð, Borgarfjarðarsveit, Hvít-
ársíðan og Skorradalshreppur.
Kennsla hefur hingað til farið fram í
grunnskólum sveitarfélaganna og jafnvel
heima hjá kennurum. Alls kenna 10 manns
við skólann og nemendur eru 247. Nú skapast
algjörlega ný aðstaða bæði hvað varðar
kennslu, tónfundi og almennt tónleikahald.
Húsið er um 320 fm á tveimur hæðum og gert
er ráð fyrir tónleikasal á neðri hæðinni. Þar
eru einnig tvö herbergi og á efri hæð verða
fjögur kennsluherbergi. Theódóra Þorsteins-
dóttir skólastjóri fær nú í fyrsta sinn skrif-
stofuaðstöðu.
Ekki er reiknað með að það þurfi að gera
miklar breytingar áður en húsið kemst í
gagnið.
Tónlistarskóli
Borgarfjarðar
loksins á leið í
eigið húsnæði
Morgunblaðið/Guðrún Vala
Öðlast nýtt hlutverk: ,,Gamla apótekið“ við Borgarbraut 23 sem hýsa mun tónlistarskólann.
Skrifað undir kaupsamninginn: Frá vinstri Þórir Páll Guðjónsson, formaður skólanefndar tón-
listarskólans, Ingi Guðjónsson frá Lyfju og Theodóra Þorsteinsdóttir skólastjóri.
Keflavík | „Þetta er ógeðslega gaman, verst að
hafa ekki byrjað fyrr í kór,“ segir Hjalti Stein-
ar Guðmundsson sem syngur í kór Fjölbrauta-
skóla Suðurnesja. Kórinn heldur sína fyrstu
opinberu tónleika á morgun, fimmtudag.
Kór FS var endurvakinn eftir síðustu ára-
mót og var Kjartan Már Kjartansson fenginn
til þess að annast kórstjórn. „Við ætlum að
gefa okkur fimm ár til þess að byggja kórinn
upp,“ segir Kjartan Már. Í vor tóku tólf nem-
endur þátt í kórstarfinu en eru nú orðnir á
milli fjörutíu og fimmtíu. „Þetta eru frábærir
krakkar og starfið með þeim hefur verið ein-
tómt gaman,“ segir Kjartan sem er lærður
tónlistarkennari þótt hann hafi verið við önnur
störf síðustu árin.
Að sögn Kjartans eru kórarnir tveir. Kór 1
er opinn öllum. Í honum eru um 40 nemendur
og tilgangurinn er að gefa öllum sem vilja
tækifæri til að syngja í kór og hafa gaman af
því. Í kór 2 eru um 15 nemendur sem valdir
hafa verið úr hópnum. Gerðar eru meiri kröfur
til þeirra og verkefnin erfiðari.
Fær útrás í söngnum
Ég hef alltaf haft gaman af því að syngja og
var með í fyrravetur,“ segir Bergný Bald-
ursdóttir sem syngur með kór 1. Hún er að
læra píanóleik og söng í tónlistarskóla og hef-
ur sungið í kórum Tónlistarskóla Reykjanes-
bæjar. Hún segist fá mikla útrás í söngnum og
getur ekki hugsað sér að vera án hans.
Hjalti Steinar Guðmundsson segir að hann
og vinir hans hafi ákveðið að sjá hvernig það
væri að vera í kór þegar þeir sáu kórinn aug-
lýstan í haust. Og þeir hafa ekki orðið fyrir
vonbrigðum, skemmta sér konunglega í þess-
um félagsskap. Segir Hjalti verst að hafa ekki
byrjað fyrr. „Það hefur sýnt sig að ekki þurfa
allir kórar að vera eins og kirkjukórar, þeir
geta líka verið skemmtilegir,“ segir Hjalti.
Hann er aftur byrjaður í tónlistarskóla eftir
nokkurt hlé þar sem hann lærir trommuleik og
syngur auk þess og spilar í Gleðisveit Hjalta.
„Við erum nýbyrjaðir og erum líka að fíflast í
þessu,“ segir Hjalti.
Tónleikar Kórs Fjölbrautaskóla Suðurnesja
verða í sýningarsal Listasafns Reykjanes-
bæjar í Duus-húsum í Keflavík annað kvöld,
fimmtudag, klukkan 20.30. Á dagskránni verða
tólf lög, fyrst syngur kór 2 nokkur lög og síðan
allur hópurinn. Kynnir er Jóna Guðný Þór-
hallsdóttir og Sigrún Gróa Magnúsdóttir og
Guðbrandur Einarsson leika undir.
Morgunblaðið/Helgi Bjarnason
Eintóm skemmtun: Kjartan Már Kjartansson stjórnandi og kórfélagar njóta hverrar mínútu á söngæfingunum í Fjölbrautaskólanum.
„Verst að hafa ekki byrjað fyrr í kór“
Keflavík | Foreldrar barna í Holtaskóla eru
uggandi um öryggi barna sinna. Segir í bréfi
foreldraráðs til bæjarráðs Reykjanesbæjar að
nokkrum sinnum hafi legið við stórslysi í haust.
Farið er fram á tafarlausar úrbætur.
Fram kemur að aðstæður við skólann hafi
breyst mjög í haust með starfrækslu líkams-
ræktarstöðvar í sundmiðstöðinni sem er í
næsta nágrenni Holtaskóla. Segja foreldrarnir
að iðkendur í líkamsræktarstöðinni virðist ekki
nýta sér bílastæði neðan sundmiðstöðvarinnar,
eins og ætlast sé til, heldur leggi þeir ökutækj-
um sínum hér og þar í nágrenni inngangs
sundlaugarinnar, meðal annars á gangstéttum,
við strætisvagnastoppistöð og raunar hvar sem
smuga finnist. „Við þessar aðstæður þrengir
mjög að innkeyrslu að skólanum, sem var nógu
þröng fyrir, og skapast mikil hætta þegar for-
eldrar eru að skila af sér börnum sínum, bakk-
andi bílstjórar alls staðar, börn á gangi í
myrkri og rigningu snemma morguns og ef-
laust aðeins tímaspursmál hvenær einhver
slasast,“ segir í bréfinu.
Foreldraráðið leggur til að bílastæði fyrir
framan skólann verði lokað og í stað þess komi
hringtorg þar sem foreldrar geti skilað af sér
börnum sínum. Á móti mætti útbúa bílastæði
fyrir kennara á malarvellinum sem lítið sé not-
aður.
Bæjarráð Reykjanesbæjar hefur óskað eftir
umsögn umhverfis- og skipulagssviðs bæjarins
um erindi foreldraráðsins. Viðar Már Aðal-
steinsson, framkvæmdastjóri sviðsins, tekur
undir með foreldraráðinu og segir að verið sé
að reyna að finna lausn á aðkomu að Holta-
skóla, fyrir gangandi og akandi vegfarendur.
Tekur hann fram að lóðin sé lítil og staðan því
nokkuð þröng.
Viðar Már segir að verið sé að athuga mögu-
leika á að breyta lóðinni og koma upp snún-
ingsmöguleika fyrir bíla. Jafnframt sé litið til
frambúðarlausnar í tengslum við ný bílastæði
fyrir Fjölbrautaskólann og við nýja sundlaug
sem fyrirhugað er að reisa.
Til stendur að stækka Holtaskóla á næsta
ári og lýsir foreldraráðið yfir ánægju með þær
hugmyndir sem kynntar hafa verið um aðkomu
ökutækja í tengslum við þá framkvæmd.
Legið hefur við stórslysum í haust
Reykjanesbæ | Yfir 80% allra tólf ára barna í
Reykjanesbæ stunda íþróttir, samkvæmt
samantekt Íþróttabandalags Reykjanesbæjar
sem birt er á heimasíðu bandalagsins. Er
þetta hærra hlutfall en gengur og gerist í
stærri sveitarfélögum landsins.
Íþróttabandalagið fylgist með íþróttaiðkun
barna og unglinga hjá íþróttafélögunum í
bænum. Við uppgjör síðasta tímabils, sem
nær frá 1. september 2002 til sama tíma 2003
kom í ljós að íþróttaiðkun hefur aukist mjög
frá árinu á undan, yfirleitt um eða yfir 10%
hjá hverjum árgangi. Tekið er fram að skrán-
ing hafi verið að batna og nú sé safnað gögn-
um um fjölmarga vel heppnaða íþróttaskóla
sem haldnir eru fyrir börnin.
Mest er íþróttaþátttakan hjá 12 ára börn-
um. Af 160 börnum í þeim árgangi stunduðu
132 íþróttir, eða 82,5%. Íþróttabandalagið
tekur fram að hugsanlega geti iðkendur úr
öðrum sveitarfélögum skekkt hlutfallstöluna
en telur óhætt að fullyrða að hlutfallið sé um
80%.
  
80% tólf ára barna
stunda íþróttir
Útaf í hálku | Ökumaður bifreiðar var fluttur
á sjúkrahús eftir að bifreið hans hafnaði utan
vegar á Reykjanesbraut til móts við Hvassa-
hraun um hádegisbil í gær.
Talið er að ökumaðurinn hafi misst vald á
bifreiðinni í hálku með þeim afleiðingum að
hún fór að minnsta kosti eina veltu, samkvæmt
upplýsingum lögreglu. Hátt er fram af veg-
kantinum þar sem bíllinn fór útaf. Ökumað-
urinn sem var einn á ferð var með rænu og
steig sjálfur út úr bifreiðinni en hann var flutt-
ur með sjúkrabifreið á Landspítala-Háskóla-
sjúkrahús. Bifreiðin var fjarlægð með krana.
  
Órafmögnuð vegavinna | Hera, Santiago
og Geir Harðar eru að hefja tónleikaferð um
landið. Halda þau tónleika á sex stöðum og þá
fyrstu í Reykjanesbæ
næstkomandi fimmtu-
dagskvöld.
Evrópusamtökin
European Roadworks
Music standa að tón-
leikunum. Þau vinna
að því að efla kynn-
ingu á ungum söngv-
urum og lagahöf-
undum. Hera,
Santiago og Geir
Harðar voru valin úr
hópi umsækjanda á
Íslandi til að taka þátt
í verkefninu og munu
þau ferðast saman um
landið á næstunni en lokatónleikar þeirra
verða í Reykjavík 27. nóvember.
Tónleikarnir í Reykjanesbæ verða á Castró
bar fimmtudaginn 6. nóvember kl. 22. Heima-
hljómsveitin Pogono Trails kemur einnig
fram.