Morgunblaðið - 05.11.2003, Blaðsíða 45

FÓLK Í FRÉTTUM
MORGUNBLAÐIÐ MIÐVIKUDAGUR 5. NÓVEMBER 2003 45
Hátíðin formlega sett
Borgarstjórinn setur hátíðina og Edvard, Ómar, Kristjana,
Andrés þór og félagar þeirra gefa sýnishorn af því sem er í
vændum í vikunni.
Ráðhús Reykjavíkur kl. 17:00. - Aðgangur ókeypis
Ísland-Færeyjar / ISFO Tríó
Færeyski bassaleik-
arinn Edvard Nyholm
Debess, Sigurður
Flosason saxófón og
Kjartan Valdemarsson
á píanó. NASA kl. 20:30. - kr. 1.500
Tríó Thomasar Clausen
Daninn Thomas Clausen
hefur um árabil verið í
hópi bestu píanista í
Evrópu. Með honum leika
einn fremsti jazzbassa-
leikari heims, Jesper Lundgaard og sænski trommarinn Peter
Danemo. NASA kl. 22:00 - kr. 1.800.
4. - 9. nóvember 2003
Í dag
Forsala aðgöngumiða í JAPIS Laugavegi og Uppplýsingmiðstöð
Ferðamanna, Aðalstræti 2. www.ReykjavikJazz.com/
FYRIR tæpum þremur ára-tugum kom út hljómplat-an Einu sinni var, semgjarnan var kölluð vísna-
plata. Á henni voru gamlar þjóð-
vísur og húsgangar rokkaðir upp og
sungir af popplandsliðinu. Platan sú
seldist mestölu og gat af sér fram-
haldsplötuna Út um græna grundu,
en óneitanlega eru þær orðnar
nokkuð við aldur hvað varðar hljóm
og frágang.
Fyrir stuttu kom út ný plata með
þjóðvísum og -lögum í nýjum út-
setningum. Sú heitir einfaldlega
Vísnaplatan og Jón Ólafsson hljóm-
borðsleikari stýrði vinnslunni á
henni en Steinsnar, ný útgáfa, gefur
út.
Jón segir að í upphafi hafi menn
horft til Einu sinni var, en ákváðu
síðan að vinna verkið á eigin for-
sendum. Hann settist síðan yfir
mikið lagasafn með Steinari Berg
og Jónatani Garðarssyni, en Jón og
Steinar áttu lokaorðið.
„Steinar var með ákveðna hljóð-
mynd í hausnum sem ég nálgaðist á
minn hátt,“ segir Jón og bætir við
að hann hafi alltaf verið áhugasam-
ur um það sem hann kallar tíma-
lausar útsetningar og tímalausan
hljóm.
„Góð lög verða alltof oft fórnar-
lömb tísku og endast þar af leiðandi
álíka vel og ákveðin tegund hár-
greiðslu eða innrétting á íslenskum
skemmtistað. Mínar hljómsveitir
hafa yfirleitt leyft hljóðgervlum,
trommuheilum og yfirþyrmandi
bjöllum og flúri að eiga sig og á
vísnaplötunni er ég áfram trúr þess-
um smekk mínum á tónlist.“
Sagan af Sigga
flutt af Ragnheiði Gröndal
„Steinar Berg rakst á þetta kvæði
og við vorum sammála um að það
væri sniðugt með skemmtilegum
boðskap og tilvalið að gá hvort ekki
mætti setja við það lag. Ég lagði til
atlögu og hugsaði um írska popp-
tónlist þegar ég samdi lagið.“
Nú blánar yfir berjamó/
Á berjamó
flutt af Jóhönnu Guðrúnu
„Frábært lag eftir Gunnar Þórð-
arsson. Það fer vel að heyra ung-
lingsrödd Jóhönnu Guðrúnar syngja
um berjatínslu. Gummi P. með frá-
bæran slide gítar í anda Derek and
the Dominoes.“
Í Hlíðarendakoti
flutt af Þórunni Antoníu
„Steinar Berg vildi meina að
þetta væri tilvalið kántrílag. Ég var
sammála og fékk Dan Cassidy með
fiðluna sína. Ég setti aukaþagnir
inn í laglínuna í erindunum. Glað-
beitt rödd Þórunnar Antoníu og
Ikea-raddirnar eiga vel saman.“
Bokki sat í brunni
flutt af Sverri Bergmann
„Eitt skemmtilegasta lagið af
gömlu vísnaplötunum. Arnar Sigur-
björnsson, á heiðurinn af tónsmíð-
inni. Sverrir Bergmann er með
flotta kántrírödd og samleikur
dobros og fiðlu gefur skemmtilegan
blæ ættaðan úr Vesturheimi. Styðst
að verulegu leyti við upprunalegu
útsetninguna.“
Snati og Óli
flutt af Ragnheiði Gröndal
„Sú frábæra söngkona, Ragnheið-
ur Gröndal, nýtur sín í einfaldri
hljóðmynd. Lag Páls Ísólfssonar
hljómar hér eins og það gæti verið á
Nashville Skyline.“
Gekk ég upp á hólinn
flutt af Jóni Jósep Snæbjörnssyni
„Jón Jósep Snæbjörnsson leysir
úr læðingi einlægni í hæsta gæða-
flokki. Guðmundur Pétursson skilar
indælum slide-gítarleik.“
Kvæðið um litlu-hjónin
flutt af Ragnheiði Gröndal
„Ég ímyndaði mér að KK væri að
flytja lagið og er undirspilið í þeim
anda. Ragnheiður Gröndal sýnir að
hún getur verið rosalega hress þeg-
ar það á við.“
Maístjarnan
flutt af Þórunni Antoníu
„Setti það í 6/8 takt sem ég held
að sé frekar óhefðbundið þegar
„Maístjarnan“ er annars vegar. Síð-
an tekur angurvært dobro völdin á
milli erinda.“
Kvæðið um fuglana
flutt af Jóhönnu Guðrúnu
„Annað margtuggið, margútsett
og margsungið en frábær tónsmíð
og frábær texti engu að síður.“
Smaladrengurinn
flutt af Þórunni Antoníu
„Upprunalega lagið fer vel í írs-
kættaðri hljóðmynd og söngur Þór-
unnar Antoníu alveg yndislegur.“
Stína og brúðan
flutt af Ragnheiði Gröndal
„Þetta lag var í miklu uppáhaldi
hjá mér þegar ég var lítill snáði í og
mér fannst tilvalið að hafa þetta í
einfaldari kantinum. Leyfa sögunni
í kvæðinu að njóta sín án utanað-
komandi hjálpar aukahljóðfæra.“
Ég langömmu á
flutt af Þórunni Antoníu
„Hélt alltaf að þetta væri erlent
lag en svo er aldeilis ekki. Ég
heyrði strax fyrir mér að þetta gæti
verið flott svona fjöldasöngslag eins
og mörg þessara írsku laga eru.
Þórunn Antonía segir söguna vel.“
Á Sprengisandi
flutt af Jóni Jósep Snæbjörnssyni
„Frábært lag sem ég útsetti í
anda The Shadows en þó undir
sterkum áhrifum spaghetti tónlist-
ar. Til eru tvö íslensk lög við kvæðið
og náði ég að nota þau bæði. Það
minna þekkta notaði ég sem gít-
arsóló.“
Aravísur
flutt af Þórunni Antoníu
„Fábrotið undirspil og algjör
naumhyggja réðu ferðinni þarna.
Lagið er einfalt og fallegt og sá ég
ekki ástæðu til að skreyta þetta
mikið.“
Bráðum kemur betri tíð
flutt af Jóhönnu Guðrúnu
„Afslöppuð stemning.“
Þorraþrællinn
flutt af Jóni Jósep Snæbjörnssyni
og Sverri Bergmann
„Hljómar hér eins og írsk
drykkjuvísa og komið í þrískipan
takt. Sumum kann að finnast þetta
helgispjöll en lagið þrælvirkar
svona.“
Kvölda tekur
flutt af Ragnheiði Gröndal
„Þetta var alltaf uppáhaldslagið
mitt á gömlu vísnaplötunum. Alger-
lega frábær tónsmíð Gunnars. Mér
fannst við hæfi að djassrödd Ragn-
heiðar Gröndal kæmi við sögu og
við hljóðfæraleikararnir reyndum
að vera ekki fyrir.“
Vandfundið er það heimili þar sem ekki leynast vísnaplöturnar Einu sinni var eða Út um
græna grundu. Nú er komin út ný plata af sama sauðahúsi sem heitir Vísnaplatan. Árni
Matthíasson fór yfir lögin á plötunni með tónlistarstjóra hennar Jóni Ólafssyni.
Tímalaus
Vísnaplata
Ljósmynd/Jóhann Hjörleifsson
„Góð lög verða alltof oft fórnarlömb tísku og endast þar af leiðandi álíka
vel og ákveðin tegund hárgreiðslu eða innrétting á íslenskum skemmti-
stað. “ Jón Ólafsson um mikilvægi tímalausrar tónlistar.