Morgunblaðið - 05.11.2003, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 5. NÓVEMBER 2003 VERÐ Í LAUSASÖLU 190 KR. MEÐ VSK.
RÚMLEGA 300 Kópavogsbúar mættu á íbúa-
fund um skipulag Lundarhverfisins í Snæ-
landsskóla í gær og mótmæltu fyrirhuguðum
áformum bæjaryfirvalda. Fundarmenn sögð-
ust margir hverjir hissa á því að bæj-
arfulltrúar meirihlutans, að einum varafulltrúa
undanskildum, mættu ekki á fundinn.
Á fundinum ræddu bæði lærðir og leikmenn
málefni svæðisins, en þar er samkvæmt skipu-
lagi áformað að reisa 8 íbúðarturna, þann
hæsta 14 hæðir. Arkitektar, landslagsarkitekt
og skipulagsfræðingur ræddu m.a. um aðra
möguleika á svæðinu, hvernig lágreist byggð
gæti borið svipaðan fjölda íbúa. Einnig var
skuggamyndun af turnunum sýnd á mismun-
andi árstímum, auk þess sem farið var í áhrif
vinds á háreistar byggingar.
Gera fyrirvara um skaðabætur
„Fólki er gróflega misboðið og því finnst yfir
það valtað,“ sagði Hannes Þorsteinsson, einn
talsmanna íbúa. Á fundinum voru íbúar hvattir
til að mótmæla bréflega áður en frestur til
þess rennur út næstkomandi mánudag. Enn
fremur var vakin athygli á því að bærinn sé
hugsanlega að baka sér háa skaðabótaábyrgð
gagnvart íbúum nærliggjandi húsa ef verðmæti
þeirra rýrni í kjölfar bygginganna.
Fundurinn skoraði á bæjaryfirvöld í Kópa-
vogi að falla frá fyrirliggjandi skipulagstillögu í
landi Lundar. „Þær tillögur sem fyrir liggja
eru í engu samræmi við þá byggð sem fyrir er
og í andstöðu við samþykktir bæjarins í að-
alskipulagi og staðardagskrá 21. Fundurinn
skorar á bæjaryfirvöld í Kópavogi að taka
frumkvæðið í skipulagi hverfisins og skipu-
leggja þar hverfi með lágreistri byggð sem fell-
ur sem best að því skipulagi sem fyrir er í
Fossvogsdalnum.“ Þessi ályktun fundarins var
samþykkt með dynjandi lófataki fundarmanna.
Lundarhverfi verði skipulagt
með lágreistri byggð
Ljósmynd/tölvugrafík/ONNO ehf.
Horft frá Bústaðavegi í átt að hinum fyrirhuguðu byggingum á Lundarsvæðinu.
Morgunblaðið/Þorkell
Kurr var í fundarmönnum vegna fyrirhugaðrar byggingar átta háhýsa á Lundarsvæðinu.
RÍKISSTJÓRNIN samþykkti í gær að Listahá-
tíð í Reykjavík verði haldin árlega frá 2005. Þá
var samþykkt að framlög ríkisins verði á hverju
ári 30 milljónir króna. Tómas Ingi Olrich
menntamálaráðherra segir að sú breyting að
halda listahátíðina á hverju ári eigi eftir að
styrkja hana.
Á fundi borgarráðs í gær var þá samþykkt 30
milljóna króna framlag Reykjavíkurborgar fyrir
hátíðina 2005. Á grundvelli erindis frá stjórn
Listahátíðar kom Þórólfur Árnason borgarstjóri
fram með tillögu að fyrirkomulagi og forsendum
árlegrar Listahátíðar. Jafnframt var samþykkt
sú ósk stjórnar Listahátíðar að henni verði falið
að móta tillögur að framtíðarformi og skipulagi
hátíðarinnar.
Hátíðin 2005 verður með sérstakri áherslu á
samtímamyndlist og bendir allt til þess að Jess-
ica Morgan, sýningastjóri á Tate Modern-lista-
safninu í London, verði sýningastjóri á Listahá-
tíð í Reykjavík 2005. Hún hefur unnið hjá helstu
listasöfnum heims, m.a. sem yfirsýningastjóri á
samtímalistasafninu í Boston.
Með hefðbundnum hætti á næsta ári
Listahátíð í Reykjavík, sem haldin hefur verið
annað hvert ár frá 1970, verður haldin með hefð-
bundnum hætti á næsta ári, en breytingin tekur
gildi ári síðar. Ríkið hefur hingað til styrkt hátíð-
ina um 14 milljónir þegar hún fer ekki fram, en
fjárhæðin er nýtt til undirbúnings næstu hátíð-
ar. Eftir breytingu verður árlegt framlag rík-
isins 30 milljónir króna.
„Það er margt sem bendir til þess að það sé
góður jarðvegur fyrir árlega listahátíð. Með
þessum breytingum verður hægt að skipuleggja
hátíðina betur fram í tímann og eflaust hægt að
nýta betur samstarf við erlendar listahátíðir,“
sagði ráðherra. Hann sagði að þessi breyting
hefði einnig þýðingu fyrir ferðaþjónustufyrir-
tæki, sem kynna það sem er í boði hér á landi og
þurfa að vita slíkt með nokkrum fyrirvara.
„Það verður auðveldara fyrir ferðaþjónustuna
að kynna árlegan viðburð heldur en viðburð sem
er haldinn annað hvert ár,“ segir Tómas Ingi við
Morgunblaðið. „Það má einnig gera því skóna að
árleg listahátíð gæti styrkt menningartengda
ferðaþjónustu. Þá er einnig gert ráð fyrir að
þessi breyting geti auðveldað samninga við
styrktaraðila, svo sem í tengslum við samninga
sem eru gerðir til nokkurra ára.“
Tómas Ingi segir að aðrar tekjur en framlög
ríkisins til listahátíðarinnar hefðu vaxið býsna
mikið. „Þessar tekjur voru í fyrsta skipti hærri
heldur en opinber framlög árið 2002. Reksturinn
hefur einnig styrkst og er orðinn í föstum far-
vegi.“
Samþykkt að Listahátíð í Reykjavík verður árlegur viðburður
Sérstök áhersla á samtíma-
myndlist á hátíðinni 2005
IMPREGILO er nú að vinna að því að setja upp
lendingarsvæði fyrir þyrlu á fjórum stöðum á
vinnusvæðinu við Kárahnjúka. Forsvarsmenn
Impregilo segja líklegt að pallurinn í aðalvinnu-
búðunum verði upplýstur.
Lendingarsvæðunum er einkum ætlað að
taka á móti þyrlu Landhelgisgæslunnar ef stór
slys eða óhöpp verða við vinnu á svæðinu, þótt
þau verði eflaust notuð í annað ef þörf krefur.
Þyrluáhöfn Landhelgisgæslunnar kom ný-
lega við á Kárahnjúkum og gaf góð ráð um hvar
og hvernig væri best að setja upp aðstöðu fyrir
þyrluna, segir Leó Sigurðsson, heilsu-, öryggis-
og umhverfisstjóri Impregilo á Kárahnjúkum.
Hann segir ljóst að þyrlan sé yfirleitt a.m.k.
tvo tíma á leiðinni sé hún kölluð út á annað borð,
og því muni alltaf gefast tími til að lýsa upp pall-
ana með bílljósum eða öðru þótt þeir séu ekki
upplýstir alla jafna.
Pallarnir fjórir verða á þremur helstu vinnu-
svæðunum, auk aðalpallsins við stærstu búðirn-
ar. Leó segir að uppsetning pallanna sé hluti af
öryggiskröfum sem Impregilo geri, og hafi slíkt
tíðkast á virkjunarsvæðum hér á landi.
Þyrlupallar
settir upp við
Kárahnjúka
REYNIR Lyngdal kvikmyndagerðarmaður
mun vinna tveggja mínútna stuttmynd sem
sýnd verður á evrópsku kvikmyndahátíðinni
í Berlín 6. desember nk.
Hann vinnur verkið undir handleiðslu
hins virta kvikmyndaleikstjóra Wim Wend-
ers sem á að baki myndir á borð við Him-
ininn yfir Berlín og Buena Vista Social Club.
Reynir var ásamt ásamt ungum kvik-
myndaleikstjórum frá Bretlandi, Frakk-
landi, Spáni, Ungverjalandi og Þýskalandi
beðinn um að taka þátt í verkefninu en
mynd Reynis verður sýnd áður en áhorf-
endaverðlaun hátíðarinnar verða veitt.
Evrópsku kvikmynda-
verðlaunin í Berlín
Reynir
vinnur með
Wenders

Sýnt/48
SALA á fólksbílum jókst um tæplega 41%
fyrstu tíu mánuði ársins miðað við sama tíma
í fyrra. Alls seldust 8.686 bílar, þar af 2.854
jeppar og jepplingar, sem eru 32% af heild-
arsölu fólksbíla á tímabilinu.
Á sama tíma í fyrra var hlutur þessara bíla
26% af heildarsölunni.
Hlutur jeppa og
jepplinga 32%

Íslendingar jeppavæðast/B2
HANNES Hlífar Stefánsson vann stórmeist-
arann Viktor Bologan í 6. umferð Mjólkur-
skákmótsins á Selfossi í gærkvöldi.
Bologan, sem er með rúmlega 100 fleiri Elo-
stig en Hannes, varð að játa sig sigraðan í 17.
leik, eftir að hafa leikið illilega af sér. Predrag
Nicolic leiðir meistaraflokkinn sem fyrr.
Í áskorendaflokki urðu einnig óvænt úrslit
þegar Tómas Björnsson vann stórmeistarann
Jan Votova, en sá síðarnefndi hefur nær 300
stig umfram Tómas á Elo-listanum.
Lagði Bologan
í 17 leikjum

Hannes vann/12
♦ ♦ ♦
♦ ♦ ♦