Morgunblaðið - 05.11.2003, Blaðsíða 8
FRÉTTIR
8 MIÐVIKUDAGUR 5. NÓVEMBER 2003 MORGUNBLAÐIÐ
Teppi á stigaganga
Ármúla 23, sími 533 5060 • www.stepp.is
Skráning skuldabréfa í Kauphöll Íslands
2. flokkur 2003
Nafnverð útgáfu: Heildarnafnverð flokksins er 500.000.000 kr.
Skilmálar: Skuldabréf 2. flokks 2003 eru til 10 ára.
Skuldabréfin eru óverðtryggð og bera 6 mánaða –
sex mánaða Reibor vexti auk 1,20% álags.
Skuldabréf þetta greiðist með 20 jöfnum
afborgunum höfuðstóls auk vaxta tvisvar sinnum á
ári, 1. janúar og 1. júlí ár hvert. Í fyrsta sinn 1.
janúar 2004 og í síðasta sinn 1. júlí 2013.
Auðkenni: Auðkenni í Kauphöll Íslands verður EIMS 03 2
Skráningardagur: Kauphöll Íslands mun taka bréfin að nafnvirði
500.000.000 kr. á skrá 10. nóvember 2003.
Umsjón með sölu skuldabréfanna og skráningu í Kauphöll
Íslands hefur Landsbanki Íslands hf., Laugavegi 77, 155
Reykjavík. Skráningarlýsinguna og gögn sem vitnað er til í
henni er hægt að nálgast hjá Landsbanka Íslands hf.
Það verða viðbrigði að missa karlinn úr brúnni og það í upphafi kafbátahernaðar
smábátasjómanna.
Málstofa Afríku 20–20
Starfsmögu-
leikar í Afríku
MÁLSTOFA verðurhaldin á morgun,fimtudaginn 6.
nóvember, kl. 20 í Alþjóða-
húsinu við Hverfisgötu í
Reykjavík. Yfirskrift
hennar er „Leiðir til Afr-
íku“ og er hún haldin á
vegum Afríka 20–20 – fé-
lags áhugafólks um mál-
efni Afríku sunnan Sahara.
Lilja Dóra Kolbeinsdóttir
situr í málstofunefnd Afr-
íku 20–20 og svaraði hún
nokkrum spurningum
Morgunblaðsins.
Hvað er Afríka 20–20?
„Félagið Afríka 20–20
var stofnað 19. febrúar
2002 og leggur áherslu á
mannréttindi og umburð-
arlyndi í samskiptum og
skoðanaskiptum fólks.
Markmið félagsins eru meðal ann-
ars að vera umræðuvettvangur
um málefni Afríku sunnan Sahara
og vekja áhuga almennings á
þeim. Félagið heldur meðal ann-
ars málstofur og er í samstarfi við
önnur félagasamtök sem styðja
markmið félagsins. Í vetur eru á
dagskrá málstofur sem munu m.a.
fjalla um þróunaraðstoð Íslend-
inga, stjórnmál í Kamerún og
heilsugæslu í Afríku og afríska
skiptinema á Íslandi. Félagið
heldur einnig úti heimasíðunni
www.africa.is þar sem málstof-
urnar eru auglýstar nánar, auk
annars efnis.“
Hvert er umfjöllunarefni þess-
arar málstofu og hvernig verður
hún sett upp?
„Í málstofunni verður fjallað
um möguleika sem fólk 18 ára og
eldra hefur til að fara til starfa í
Afríku. Fyrsti kynnir er Gunnþór
Eyfjörð Gunnþórsson, fulltrúi Al-
þjóðlegra ungnemaskipta AUS,
starfsemi samtakanna hvað varð-
ar möguleika á sjálfboðavinnu í
Afríku. Þá segir Hrafnhildur
Björk Sveinbjörnsdóttir frá starfi
sínu sem sjálfboðaliði fyrir AUS í
Kenía. Þá kynni ég vinnu mína
fyrir ADPP í Angóla, en þar vann
ég sem verkefnisstjóri um árabil.
Loks kynnir Jónína Einarsdóttir,
mannfræðingur og formaður Afr-
íku 20–20 samtök sem ráða fólk til
vinnu í Afríku þar sem krafist er
bæði starfsmenntunar og starfs-
reynslu. Auk þess verða ræddir
möguleikar á nema- og vistaskipt-
um.“
Hvernig stendur á þínum áhuga
á Afríku og þróunarstarfi?
„Áhugi minn á Afríku kviknaði
fyrst 1991 þegar ég fór í stutta
skemmtiferð til Gambíu í Vestur-
Afríku. Þar vöknuðu hugsanir um
það hvernig á því stæði að það
væri svona mikill þróunarmunur á
þessu litla landi og okkar litla
landi. Seinna í kennaranáminu var
ég svo heppin að fá tækifæri til að
fara til Angóla og kenna við kenn-
araskóla sem er þróunarverkefni
á vegum angólska menntamála-
ráðuneytisins og frjálsra félaga-
samtaka að nafni ADPP í Angóla.
Aðalmarkmið verkefnisins er að
mennta grunnskóla-
kennara fyrir lands-
byggðina og með því
stuðla að aukinni
menntun og framþróun
í landinu. Að loknu
kennaranámi fékk ég svo stöðu
sem verkefnisstjóri yfir kennara-
skóla í Huambo-héraði í Angóla til
þriggja ára. Á þessum tíma kynnt-
ist ég bæði landi, sögu og an-
gólsku þjóðinni mjög vel, sem í um
þrjá áratugi bjó við borgarastríð.
Þegar svona sunnarlega var
komið var kjörið að ferðast og
kynnast fleiri löndum álfunnar,
s.s. Namibíu, Suður-Afríku, Mós-
ambík, Simbabve og Sambíu. Frá
þessum kynnum get ég fullyrt það
að Afríka er ekki eingöngu stríð,
fátækt og sjúkdómar, heldur
heimsálfa sem er bæði rík af nátt-
úru, auðlindum og fjölbreyttri
menningu.
Þessi reynsla frá Afríku jók
áhuga minn á þróunarmálum og
sú staðreynd að aukin menntun
tengist minni fátækt, auknum
mannréttindum og aukinni hæfni
til sjálfshjálpar leiddi mig til náms
í menntunar- og þróunarmálum í
Englandi. Námið er ætlað þeim
sem hyggjast vinna á sviði þróun-
ar- og menntamála. Það veitir inn-
sýn í núverandi stöðu menntamála
í þróunarlöndum og leitast við að
svara á hvaða hátt menntun getur
leitt til framþróunar. Nálgunin í
náminu var bæði fræðileg og hag-
nýt og viðfangsefnið skoðað frá
ýmsum sjónarhornum, s.s. hag-
fræðilegu, lýðræðislegu og stjórn-
málalegu.“
Fyrir hverja er þessi málstofa?
„Málstofan á morgun er fyrir
alla þá sem hafa áhuga á að búa og
starfa í Afríku, bæði þeim sem
vilja dvelja til skemmri tíma við
sjálfboðaliðastörf eða í vistaskipt-
um og fólki sem hefur fagmennt-
un og vill öðlast reynslu
og vinna að þróunar-
málum og á þann hátt
kynnast öðrum menn-
ingarheimi og siðum.
Hafa ber í huga að það
að fara til Afríku þýðir ekki að
heiminum verði bjargað heldur
getur það stuðlað að umburðar-
lyndi í samskiptum og skoðana-
skiptum milli ólíkra menningar-
heima. Einnig er hún
skemmtilegur vettvangur fyrir
alla sem hafa áhuga á þróunar-
málum, en áhugi á þeim hefur
aukist mjög á síðustu misserum,
eins og kunnugt er.“
Lilja Dóra Kolbeinsdóttir
Lilja Dóra Kolbeinsdóttir er
fædd 20. júní 1972. Stúdent frá
Kvennaskólanum 1992 og stund-
aði nám í frönsku við Université
Paul Valery í Montpellier 1992-
93. Kennarapróf frá Det Nödven-
dige Seminarium í Danmörku
1998 og MA í menntunar- og þró-
unarfræðum frá University of
East Anglia í september 2003.
Stundaði nám í portúgölsku á
vorönn 2003 við gamla skólann
sinn í East Anglia. Starfaði sem
kennari og verkefnisstjóri við
kennaraskóla og uppbyggingu á
menntamálum og landsbyggð-
arþróun í Huambo í Angóla í suð-
urhluta Afríku, 1996-97 og frá
1998-2001 á vegum frjálsra fé-
lagasamtaka ADPP í Angóla. Sit-
ur nú í málstofunefnd Afríku 20–
20.
Þýðir ekki að
heiminum
verði bjargað